Ársrit Ræktunarfélags Norðurlands - 01.01.1984, Side 73

fóðureiningar af hektara, en hún sprettur vel upp og síðla
sumars má slá hana aftur og fá samanlagt fleiri fóðureiningar
en ef einslegið er og afbragðs fóður. Efnota á hey afsnarrót handa
geldneytum eða fé á viðhaldsfóðri má láta snarrótina standa lengur og
einslá þegar hún er blómguð.
2) Við að slá snarrótina snemma og endurslá fæst hámark
af meltanlegu hrápróteini.
Fjölrit BRT Nr. 2, 1976
ÞÓRARINN LÁRUSSON
OG
GUÐMUNDUR STEINDÓRSSON:
RANNSÓKN Á HEILSUFARI
OG FÓÐRUN MJÓLKURKUA í EYJAFIRÐI
OG LEIÐIR TIL ÚRBÓTA
Á tímabilinu frá 1. febrúar 1972 til 31. janúar 1976 var gerð
rannsókn á heilbrigði kúa á 23 bæjum í Eyjafirði. Höfuðtil-
gangurinn var að leita að orsökum þess hve illa sæðingar
ganga á sumum bæjum í Eyjafirði auk þess sem súrdoði og
fleiri kvillar komu inn í myndina.
Helstu niðurstöður urðu sem hér segir:
1. Afgerandi var hversu árangur sæðinga (sæðingar á kelfda
kú) reyndist betri á smáum búum (14.8 árskýr) en stórum
(27.7 árskýr).
2. Sæðingar á kelfda kú voru flestar mánuðina febrúar-maí,
en fæstar í júní-september. Einnig kom fram mikill munur
á árangri sæðinga milli ára.
3. Yfirleitt beiddu kýr illa sem illa héldu.
4. Súrdoði var algengari og alvarlegri eftir því sem heygæði
fóru versnandi.
5. Votheysverkun eins og hún er stunduð í Eyjafirði virðist
bjóða súrdoða heim.
75