Ársrit Kaupfjelags Þingeyinga - 01.01.1919, Blaðsíða 36

38
Athugasemdir.
Skýrsla þessi sýnir tölu og tegundir sláturfjárins i K. Þ,
haustið 1917, afurðir þess (í 3. dálki) og verðið sem kaup-
félagsmenn fengu fyrir hverja tegund afurðanna, en það var
samtals kr. 239189,66, eins og skýrslan sýnir.
I aftari verðdálkunum er sýnt verðlag kaupmanna hér í
Húsavík á sama tíma, eða það verð, sem kaupfélagsmenn
hefðu fengið fyrir þessar sömu sláturfjárafurðir, ef þeir hefðu
selt kaupmönnum þær allar, en það hefði orðið, eins og
skýrsian sýnir, kr. 181793,01. Mismunurinn á verðinu í K. Þ.
og hjá kaupmönnum er svo dreginn út í aftasta dálki, og er
kr. 57396,65, en það er sama sem laklega 32% af verði allra
afurðanna samtals, með verði kaupmanna.
Við þetta er þó það að athuga, að vegna þess, að sölu-
reikninga vantaði, og söluverðið var ekki inn komið til K.
Þ., gátu félagsmenn ekki fengið verð sláturfjárins í reikninga
sína fyrri en eftir reikningslokin, eða á árinu 1918. (sbr. árs-
rit K. Þ. í fyrra) og voru þá auðvitað fallnir vextir á verðið,
sem voru Iátnir koma fram í verðlaginu, en ekki reiknings-
færðir sérstaklega. En þótt þessir vextir séu dregnir frá verð-
inu í K. Þ., þá eru samt eftir nær því 50 þús. kr. og þeirri
upphæð hefðu kaupfélagsmenn stungið í vasa kaupmanna,
ef þeir hefðu selt þeim alt sláturfé sitt, og sjálfsagt miklu
meiru, ef ekkert kaupfélag hefði verið til, né opinbert eftirlit
með versluninni.
Hversu þessi mismunur er mikill í raun og veru, verður
ljósara þegar þess er gætt, að hann ér nál. 4 kr. á hverja
kind, sem slátrað var í K. Þ. En hverja efnahagsþýðingu
hann hefur í heildinni, sést best af því, að hann er nál. 12
kr. á hvert mannsbarn í Suður-Þingeyarsýslu, því sláturfé K.
Þ. var nálægt þrefalt fleira en fólkið alt í sýslunni.