Frjáls verslun


Frjáls verslun - 01.02.1952, Blaðsíða 17

Frjáls verslun - 01.02.1952, Blaðsíða 17
Brautryðjendur Stóriðjunnar: Dr. Anton F. Philips Um svipaS leyti og Verzlunarmannafélag Reykja- víkur hélt hátíSlegt 60 ára afmæli sitt á s.l. ári var hafinn í borginni Eindhoven í Hollandi mikill undir- búningur í tilefni annars merkis afmælis. Þar hafði verið sett á stofn verksmiðja árið 1891, sem framleiða skyldi glóðarlampa, og nú 60 árum síðar átti að minn- ast þessara tímamóta á tilhlýðilegan liétt. Segja má, að ástæða hafi verið til fagnaðar við þetta tækifæri og líta um öxl og gleðjast yfir unnum sigrum og stór- stígum framförum. Þetta hollenzka fyrirtæki, sem vax- ið hafði svo ört upp úr öllum fötum, að slík voru fá dæmi, var nú þekkt um allan hinn siðmenntaða heim. Philips verksmiðjurnar áttu óvenju glæsilegan starfs- feril að baki sér á þessum tímamótum. Ungur verzlunarmaSur. Rafmagn til lýsingar var lítið þekkt fyrirbrigði á síðasta tugi 19. aldarinnar og af fleslum álitið hið mesta undur. Það hefur því þurft djarfhuga menn til að byggja upp iðnað, sem svo nátengdur var rafmagn- inu. Gerard Philips var verkfræðingur að menntun. Árið 1891 hafði hann byrjað framleiðslu glóðarlampa í Einhoven með nokkru lánsfé frá föður sínum. Enda þótt framleiðslan gengi sæmilega til að byrja með, þá var það eitt út af fyrir sig ekki nóg. Lampana varð að selja til að halda fyrirtækinu gangandi, en stofnféð var á þrotum. Þá var það sem Anton Frede- rik, bróðir Gerards kom inn í spilið. Hann var aðeins tvítugur að aldri, hafði gengið á verzlunarskóla í Hollandi og þegar fengið orð á sig fyrir að vera slung- inn fjármálamaður. Þótt ungur væri, hafði hann unnið við verSbréfaverzlun, bæði í Amsterdam og London. Nú ákvað faðir þeirra bræðranna, að Anton skyldi koma heim frá Englandi og snúa sér að verzlunarhlið glóSarlampaverksmiSjunnar í Eindhoven. Ekki líkaði Antoni þessi ráðagerð. Ákvað hann, að starfa aSeins til bráðabirgða við verksmiðjuna og snúa við svo búiS aftur til London og halda áfram viS það starf, sem hann skildi við. Samkeppni í fullu bróðerni. í ársbyrjun 1894 tók Anton Philips við hinu nýja starfi í Eindhoven. Þrátt fyrir mikla byrjunarörðug- leika virtist fyrirtækiS taka skjótum stakkarskiptum til hins betra eftir að starfskraftar hans fóru að njóta sín. Þrautseigja, dugnaSur, ástundun og miklir söluhæfi- leikar ollu því, aS framleiSslan seldist ótrúlega ört. Anton sannfærSi viðskiptavinina um það, að notagildi þaS, er gasið hafði haft til lýsingar, færi minnkandi og rafmagnið myndi ryðja sér til rúms sem staðgengill þess og auka þægindi almennings. Gerard gat nú líka helgað starfskrafta sína því, sem honum var kærast: tilraunum til endurbóta og nýjungar á sviði framleiðsl- unnar. Þetta jók á samkeppni milli bræðranna, sem átti eftir að skapa þann grundvöll, sem Philips verk- smiSjurnar eru byggSar á í dag. Gerard reyndi aS fram- leiSa meira en Anton bróSir hans gat selt; Anton reyndi á hinn bóginn aS selja meira en Gerard gat mögulega framleitt. jFramleiðslan jókst stöðugt og salan fylgdi á eftir. I árslok 1895, eða fimm árum eftir að verksmiðjan tók til starfa, sýndi hún í fyrsta skipti ofurlítinn ágóða. Þegar faðir þeirra bræSra lézt áriS 1899, var hann búinn aS fá endurgreiddan hvern einasta eyri, sem hann hafSi lánaS fyrirtækinu í byrjun. Þá hafði framleiðslan á glóðarlömpum numið um 50 þúsund stykkjum árið 1894, en þremur árum seinna var hún komin upp í 630 þúsund. Sölumaður leggur Iand undir fót. Heimamarkaðurinn fyrir sölu á framleiðslu Philips verksmiSjunnar var nú brátt of þröngur. Holland er FRJÁLS VERZLUN 17

x

Frjáls verslun

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Frjáls verslun
https://timarit.is/publication/282

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.