Frjáls verslun


Frjáls verslun - 01.02.1952, Blaðsíða 22

Frjáls verslun - 01.02.1952, Blaðsíða 22
 Blaðið hefur komið að máli við nokkra vefnaðar- vórukaupmenn þessa bæjar og spurt þá m.a. um við- horf þeirra til hins frjálsa verðlags, svo og skoðun þeirra á útsölum þeim, sem haldnar hafa verið hér í bæ fyrstu tvo mánuði ársins. Hér á eftir verður í stuttu máli skýrt frá niðurstöðum þeim, sem draga hefur mátt af viðræðum þessum. Verður aðeins stiklað á því helzta rúmsins vegna: Frjáls verzlun og samkeppni skapar m.a. þau skil- yrði, að öll verzlunarþjónusta verður meira lifandi og viðskiptavinurinn öðlast þau mikilvægu hlunnindi að geta valið og hafnað, allt eflir eigin geðþótta. Aukið vöruframboð þýðir betri þjónustu til handa viðskipla- vininum, og eftir því sem allt er frjálsara, því meira verður vöruúrvalið, og fólkið á að fá betri vörur fyrir hagkvæmara verð, en það ella hefði fengið. Fólk leitar fyrir sér um verðlag hinna ýmsu vara og kaupir, þar sem því finnst hagkvæmast og ódýrast. Aður en fólk fer að dæma um verð vörunnar, á það að kynna sér gæði og ásigkomulag hennar, t. d. ef um metravöru er að ræða, þá breidd efnisins, svo að eitt- hvað sé nefnt. Utsölur eru ek'kert óeðlilegt fyrirbrigði, þótt ókunn- ugir gætu freistast til að halda að svo væri. í frjálsri samkeppni vilja safnast fyrir ýmsar vörur, bæði árs- tíðarvörur og aðrar vörur, sem of mikið er af og fólk fær leið á, vegna þess að framboðið hefur verið of mikið. Þetta eru í raun og veru ágætis vörur, og þeir, sem hagnýta sér þessi kostakjör, gela drjúgum drýgt laun sín, og fólk, sem hefur litla peninga handa á milli, gerir góð kaup á útsölum þessum. Skulu hér nefnd nokkur dæmi af handahófi á verði nokkurra vara á útsölu einnar stærstu vefnaðarvöru- verzlunar bæjarins. Herrafrakkar lækkuðu úr kr. 650.00 niður í kr. 400,00, lopapeysur úr kr. 75,00 í kr. 35,00, kvenbolir úr kr. 19,90 í kr. 10,00, kvenkápur, sem áður kostuðu kr. 890,00, kostuðu á útsölunni kr. 400,00, og jafnvel allt niður í kr. 250,00, ullarkven- kjólar voru seldir á hálfvirði eða kr. 200,00, svo að nokkuð sé nefnt. Hjárómaraddir vinstri blaðanna, Alþýðublaðsins og Þjóðviljans, sem aldrei hafa þreytzt á að básúna út til almennings alls konar brigslyrðum um verzlunar- stéttina og reynl að sverta hana á allan hátt, hljóðn- uðu svo að segja með öllu þann tíma, sem útsólurnar stóðu yfir. Það var hyggilegt af þeim að gera svo. Al- menningur lætur ekki glepjast til langframa af gífur- yrðum þessara blaða, þegar hann hefur staðreyndirnar fyrir augunum. Megi lokaorð 'þessa greinastúfs vera orð stærstu fataverzlunar bæjarins, en þau eru svo: Nú vita allir, að þeir, sem gera bezt innkaupin og selja ódýrast, fá mest viðskiptin og afla verzlunum sínum mestra vinsælda. Frjáls verzlun leiðir því til betri innkaupa og lækkaðs vöruverðs. Þeir sem ekki fylgja þessari reglu dragast aftur úr og missa af við- skiptunum. Fólk leitar nú fyrir sér og kaupir þar, sem hag- stæðast er að verzla. Á haftaárunum var mikil vöru- ekla, og fólk neyddist til að kaupa það litla, sem á boðstólum var, þótt því líkaði alls ekki varan. Neyt- endurnir annast miklu betur verðgæzluna, heldur en Iaunaðír embaHtismenn, ef frjáls innflutníngur er fyr- ir hendi. Hreinlæti og umgengni öll hefur stórfleygt fram hjá velflestum verzlunarfyrirlækjum bæjarins hin síðustu ár. Sóðaleg og óhrein verzlun fælir frá kaupendur, það vita kaupmenn manna bezt. En til þess að halda vel í horfinu, þurfa kaupmenn sífellt að vera á varðbergi fyrir öllu því sem aflaga fer. Nokkur misbrestur hefur viljað vera á því. Það er ekki nóg að koma verzluninni í nýtízku horf, en láta svo síðan allt reka á reiðann með eðlilegt viðhald og útlit. í þessu sambandi er ekki hægt annað en að benda kaupmönnum bæjarins á nafnaskilti verzlanna. Þau eru flestum kaupmönnum til háborinnar skammar. Mjög víða má sjá brotin, óhrein eða máð nafnaskilti í gluggum verzlananna, og fá eru þau ljósaskilti á fram- hliðum verzlunarhúsa sem eru heil. Að maður tali nú ekki um nafnagift sumra verzlana, en það er nú önnur saga. Hér þarf stefnubreyting nauðsynlega að koma til. Þennan trassaskap verða kaupmenn að uppræta. Ger- ið nú hreint fyrir ykkar dyrum. Látið mála nafnaskiltin í gluggunum eða á framhlið verzlunarinnar, ef þau eru orðin máð, og umfram allt hafið ljósaskiltin í lagi. Þau eru öllum til leiðinda, ef aðeins logar á öðr- um helminginum, og eigendunum til lílils sóma. Blað Sambands smásöluverzlana, Verzlunartíðind- in, fyrir marz-mánuð er nýkomið út. Er blaðið allt hið Framhald á bls. 24. 22 FRJÁLS VERZLUN

x

Frjáls verslun

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Frjáls verslun
https://timarit.is/publication/282

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.