Frjáls verslun - 01.06.1954, Blaðsíða 8

myndaður, prýddur blómsveigum og íslenzkum
skjaldarmerkjum. Báðum megin við þetta aðal-
tjald voru reistar upp 2 tjaldbúðir, er voru áfast-
ar við það; þar út frá voru reist nokkur stór
tjöld í röð, stærst þeirra var tjald Reykvíkinga,
þá tjald stúdenta, þá tjald iðnaðarmanna o. fl.
Fyrir aftan þessi tjöld var ætlað svið öðrum
tjöldum handa landsmönnum, er þeir kæmu til
hátíðarinnar. Ræðustóll var reistur úr tré á hól
einum skammt frá aðaltjaldinu, var hann prýdd-
ur veifum og lyngfléttingum, en þar út frá til
beggja handa voru sett á háum stöngum merki
ýmsra þjóða.
Bændur fagna konungi.
Þá er hér var komið ræðum manna koniu þau
tíðindi, að konungur væri þegar kominn í nánd,
hættu menn þá um hríð ræðunum og tóku að
búa sig undir að fagna honum. Fundarmenn
vissu áður hvað ferðum konungs leið, og
að hans væri von að Þingvöllum um kvöldið,
höfðu þeir sent á móti honum 12 gilda og röskva
bændur til að flytja honum kveðju fundarins og
bjóða honum til hátíðarinnar. Bændur þessir
hittu konung og föruneyti hans nálægt Skógar-
koti, skammt fyrir vestan Hrafnagjá, Kvöddu
þeir konung virðulega og báru honum erindi
fundarins, en Tryggvi alþingismaður Gunnars-
son hafði orð fyrri bændum. Konungur tók vel
kveðju þeirra og lcvaðst þakksamlega mundu
þiggja boðið. Sneru þá bændur við og riðu und-
an til Þingvalla, en konungur og sveit hans á
eftir. Það var nær miðaftni, að konungur kom
á Þingvöll. Allir karlmenn höfðu fylkt sér í tvær
raðir langar, báðurn megin vegarins, en kvenna-
fylking stóð sér þeim megin, er vissi að Al-
mannagjá. Sendiboðar fundarins stigu nú af baki
hestum sínum, og héldu hestunum í röð til hlið-
ar, þar sem mannþröngin byrjaði. Reið nú kon-
ungur fram og menn hans eftir. Þá gekk fundar-
stjórinn, Halldór Friðriksson, fram úr mann-
fjöldanum, og ávarpaði konung með nokkrmn
orðum, flutti hann konungi fagnaðarkveðju frá
öllum þingheimi og bað hann velkominn til
landsins og sérstaklega. til þessa staðar, hins
forna aðseturs frelsis og drengskapar.
Ávarj) Gríms Tliomsen.
Daginn eftir, hinn 7, ágúst, skyldi hæst standa
hátíðin. Voru flestir snemma á fótum, og tóku
menn nú að' búa sig til að fagna konungi. Klukk-
an 10 kom konungur á hátíðarstaðinn með sveit
sinni, og var allur mannfjöldinn þar fyrir, fremst-
ir stóðu menn þeir, er færa skyldu konungi ávarp
fundarins, þeir doktor Grímur Thomsen frá
Bessastöðum, síra Stefán Thorarensen frá Kálf'a-
tjörn, og bændurnir Tryggvi Gunnarsson, Jón
Sigurðsson og Torfi Einarsson. Gengu þeir fyrir
konung, og las Grímur honum ávarpið í heyr-
anda hljóði. I ávarpi þessu buðu fundannenn í
nafni allrar þjóðarinnar konung velkominn á
þenna fræga, fornhelga stað, á þessari þúsund
ára afmælishátíð hennar, hinn fyrsta konung, er
heimsótt hefði Island þau þúsund ár, er landið'
hefði verið byggt. Þá var nokkuð minnzt á
þrautir þær, er þjóðin hefði orðið að ])ola á liðn-
um öldum, en jafnframt lýst yfir því, að nú
renndu landsmenn vonaraugum fram á skeið
ókominn tíma og biðu þess að geta notið frels-
is síns, er konungur þetta ár hefði veitt þeim
með því að veita alþingi löggjafarvald og að
miklu leyti fjárforráð, var þar enn farið nokkr-
um orðum um stjórnarskrána, og þess getið, að
hún hefði í sér geymdan góðan vísi til eflingar
framfara landi og lýð, og þó að' landsmenn ósk-
uðu bóta og breytinga í nokkrum greinum henn-
ar, þá bæru þeir það fullt traust til konungs,
að hann mundi láta þá verða aðnjótandi þeirra
gæða, er tími og reynsla sýndi að væri þeim til
hags og heilla. Konungur svaraði ávarpinu með
nokkrum mildilegum orðum, en þingheimur
heilsaði honum með fagnaðarópum. . . .
Þannig leið hin eftirminnilega þjóðhátíð og
skildi eftir sólskin og glaðar minningar í hugum
þeirra, sem tóku þátt í henni. Þá hófst einnig
nýtt tímabil í íslenzkri sögu, tímabil, sem orðið
hefur þjóðinni til hagsældar og hamingju.
---- iw-é.i --------
Sinn er siður í landi hverju.
í Nýja. Sjálandi er verzlunum lokað ld. 17,30
frá mánudegi til fimmtudags og kl. 21 á föstudög-
um, en á laugardögum er lokað allan daginn.
Verzlunarfólk þar í landi fær því tvo frídaga í
viku. Almenningur, sem notfærir sér föstudags-
kvöldin til innkaupa í ríkum mæli, er sagður
vera, ánægður með þetta fyrirkomulag.
60
FRJÁLS VERZLUN