Frjáls verslun - 01.10.1958, Side 28

Leikkona, sem var að máta hatt í frægri tízku-
verzlun, spurði hvað hatturinn kostaði. Þegar hún
heyrði verðið, varð henni að orði: „Þetta er nú
bara hlægilegt“. „Já, en það er nú hatturinn líka“,
svaraði afgreiðslustúlkan.
★ ★
Fyrir nokkru var 85 ára gamall maður handtek-
inn í New York. JFyrir réttinum sagði hann, að
þetta erfiða líf væri sér algjörlega ofviða, og að
hann þyldi það ekki lengur. Því hefði hann fram-
færi sitt af því að leigja út innbrotsverkfærin sín.
★ ★
Afgrciðslustúlka í hattaverzlun fullyrti við við-
skiptavininn, að hatturinn væri alveg yndislegur
og bætti síðan við: „Með hattinum yngizt þér um
10 ár“.
„Þá ætla ég ekki að fá hann, því ég má ekki við
því að sýnast 10 árum eldri í hvert skipti, sem ég
tek hattinn ofan“, svaraði viðskiptavinurinn.
★ ★
Amazon
Amazon-fljóiið er vatnsmesta fljót í heimi og
jajnframt það nœstlengsta. Vatnasvœði þess nœr
-yfir tœpan helming S.-Ameríku.
Ármynnið er 80 km. breitt og frá því og um
65 km. á haf út er saltlaust vatn á yfirborði sjáv-
arins. Mikið er siglt á Amazon, en þó er það víða
erfitt vegna flóða og straumhörku.
Ekki er fullvíst, af hverju nafn fljótsins er dregið.
Sumir telja það komið úr lndíánamáli, „Amossona",
sem þýðir: „sá sem eyðileggur báta“. En aðrir segja
að það sé kennt við ,„4mazons“, skjaldmeyjar, er
voru herskáar konur, sem segir frá í grískum
sögum. Þegar hvítir menn sigldu fyrst upp stór-
fljótið, urðu þeir fyrir árásum síðhœrðra bogmanna
er þeir héldu vœru konur. Mundu þeir þá eftir
gríslcu sögunum og lcenndu fljótið við hinar suð-
rœnu valkyrjur. Siðar komust menn að raun um,
að Indíánarnir létu sér vaxa sítt hár, jafnt karlar
sem lconur.
Kona nokkur er fyrir rétti ásamt manni sínum
og segir: „Þetta er nú mín skoðun á málinu, herra
dómari, og nú skal ég segja yður álit mannsins
míns“.
★ ★
Heimsborgir koma sér upp einteinungum
Eftir margra ára yfirvegun virðast skipuleggjendur
í ýmsum stórborgum ætla að „leita upp í loftið“ til
að leysa umferðarvandamálin. í athugun er að
koma upp einteinungum á súlum í London, Cara-
cas, Los Angeles og San Francisco. Einteinungar
(Monorail) eru eins konar járnbrautarvagnar, sem
ganga á einum teini, er þeir grípa utan um. Mun
uppsetning þeirra ekki kosta nema lítið brot af því,
sem það kostar að gera neðanjarðarbrautir. Einnig
geta einteinungsvagnarnir tekið krappari beygjur,
en venjulegir járnbrautarvagnar, og hávaðinn af
þeim er mun minni.
Ymsir liafa verið vantrúaðir á þessa nýjung, en
sú vantrú er nú að hverfa, því að fyrir nokkrum
árum var slík braut sett upp milli tveggja borga
í Ituhrhéraðinu í Þýzkalandi (Barmen og Elber-
feld, en milli þeirra eru 12 km) og hefur hún flutt
17 milljónir farþega á ári, án þess að nokkurt
óhapp hafi komið fyrir.
Einteinungslest
28
FRJALS VERZLUN