Frjáls verslun - 01.04.1970, Blaðsíða 63

FRJÁLS VERZLUrsf
55
Byggingar-
efnasýning,
fræðslu, og
uppiýsinga-
starfsemi
BYGGINGAÞJÓNUSTA Arkitektafélags íslands hóf starfsemi
sína í aprílmánuði 1959. MarkmiS hennar er a'ð auðvelda þeim
aðilum starfið, sem á einn eða annan hátt vinna að byggingar-
málum. I því skyni rekur hún byggingarefnasýningu, og eins
veitir hún upplýsingar og rekur fræðslustarfsemi um byggingar-
efni og byggingarhætti. Aðgangur að sýningum stofnunarinnar
er ókeypis, svo og upplýsingar. Stofnunin er algjörlega hlutlaus
í leiðbeiningum sínum til húsbyggjenda, vísar ekki á ákveðna
tilgreinda aðila, sem starfa í þessari grein, heldur bendir einung-
is á leiðir.
„Um leið og fólk fer að hugleiða með sér að ráðast í byggingu,
getur það snúið sér til stofnunarinnar“, segir Ólafur Jensson hjá
Byggingaþjónustunni. „Við veitum því upplýsingar um það, hvert
beri að leita til að fá lóð og stundum hvaða möguleikar séu á lóð-
um. Eins hvaða möguleikar séu í teikningum, og hvaða þjónustu
sé að fá varðandi undirbúninginn að sjálfum framkvæmdunum.
Þá höfum við ætíð byggingarvísitöluna við hendina, og höfum
reynt að hafa nokkuð raunhæfar tölur um kostnað, vísitalan er
ekki alltaf sem raunhæfastur grundvöllur. Þjónusta stofnunar-
innar hefur verið mikið notuð, — fólk kemur hingað til viðræðu
og eins er mikið um það, að hrin gt sé til okkar, sérstaklega fólk
úti á landi, sem sparar sér með því ferð í bæinn.“
Byggingaþjónusta AÍ er til húsa að Laugavegi 26, og þar er
um 500 ferm. sýningarsalur, þar sem ætíð eru byggingavörur til
sýnis frá allt að 70 fyrirtækjum. Þangað getur fólkið komið og
borið saman ýmisb yggingarefni, og fengið upplýsingar um verð
og gæði. Einn þátturinn í fræðslustarfsemi stofnunarinnar er að
efna til fyrirlestrahalds. Hefur stofnunin fengið sérfræðinga til
að halda fyrirlestra víðs vegar um land, bæði fyrir almenning og
fagmenn. „Á sl. ári var t. d. efnt til ráðstefnu sem kölluð var:
Nútíma byggingahættir í íslenzkri veðráttu,“ segir Ólafur. „Þótti
hún takast mjög vel, og kom þar margt merkt fram — m. a. að
við eigum lítið sameiginlegt með öðrum þjóðum, hvað snertir
byggingarefni — þ. e. þó sannað sé að efni reynist vel erlendis,
þá er ekki þar með sagt að það reynist vel í okkar veðrátt?u.“
Ólafur segir að áframhald verði á þessum þætti í starfseminni,
og á þessu ári verður væntanlega efnt til ráðstefnu, þar sem að
mestu verður fjallað um þök á húsum.
f framhaldi af þessu víkur Ólafur talinu frekar að byggingar-
efnunum, og segir að á því sviði sé þróunin mjög ör og stöðugt
séu að koma fram ný og ný efni, sem kynna þarf hér á landi.
„Byggingaþjónustan hefur reynt að sinna þessum þætti, en ljóst
er að Rannsóknarstofnun byggingariðnaðarins þarf að kanna
þessi efni, sérstaklega með tilliti til veðráttunnar hérlendis.
Það er nauðsynlegt fyrir okkur íslendinga af ýmsum orsökum að
byggja vönduð hús, og því er sérstaklega brýn nauðsyn á því
að Rannsóknarstofnuninni sé sköpuð góð aðstaða til að kynna
sér ný byggingaefni og reyna þau með tilliti til íslenzkra að-
stæðna.“
Talið berst að byggingarkostnaðinum hérlendis, og Ólafur segir,
að geysimargt megi gera til að lækka hann, en nefnir stöðlun sér-
staklega. „Iðnaðarmálastofnunin vinnur nú að því að láta gera
staðla í ýmsum flokkum en það hefur legið lengi niðri, vegna
skorts á sérfræðingum. En nú vonar maður að þetta fari að koma
í byggingariðnaðinum — ég held, að hið eina, sem þar er staðlað,
séu hurðir — og slíkt getur strax lækkað byggingarkostnaðinn.