Frjáls verslun - 01.08.1990, Side 73

lags blikksmiðjueigenda og hann var
fyrst spurður hvort það væri rétt að
flest loftræstikerfi hér á landi væru
því sem næst óvirk?
„Nei, fjarri því en hitt er satt og
rétt að mjög oft kvarta starfsmenn
undan vondri loftræstingu og það hef-
ur sýnt sig að þegar að er gætt, stafar
óvirkni kerfisins oftast af öðru en því
að hönnun þess eða smíði hafi mistek-
ist.
í mörgum fyrirtækjum eru flókin
loftræstikerfi sem ekki er hirt um við-
hald á, jafnvel árum saman. Sannleik-
urinn er auðvitað sá að um þessi kerfi
þarf að hugsa mjög vel, t.d. að
hreinsa síur, yfirfara mótora sem
knýja kerfið og huga að loftinntökum
svo eitthvað sé nefnt. Ég hef komið í
atvinnuhúsnæði úti á landi, þar sem
kvartað var undan lélegri loftræst-
ingu. Við nánari athugun kom í ljós að
mótor uppi í rjáfri gekk eins og til var
ætlast, en reimar sem áttu að knýja
loftblásarana, höfðu eyðst upp og
slitnað fyrir langalöngu! í öðru tilviki
kvörtuðu starfsmenn í matvælafyrir-
tæki undan því að ryk kæmi inn í
vinnslusalinn á þurrviðrisdögum.
Þegar málið var kannað, hafði einhver
framtakssamur maður tekið loftsíur
úr inntakinu og þess vegna sogaði
kerfið allt ryk til sfn utan af götu.“
MISMUNANDI ÞARFIR
„Þarfir manna og aðstæður í stóru
fyrirtæki eru mjög misjafnar. Þannig
getur maður sem situr við skrifborð
úti við glugga, haft ástæðu til að
minnka loftræstinguna, sem aftur
leiðir til þess að starfsfélagi hans,
sem hefur aðstöðu í gluggalausu rými
annars staðar í húsinu, verður fyrir
óþægindum. Það er alþekkt í fyrir-
tækjum að starfsmenn eru að stilla
loftræstinguna eftir mismunandi að-
stæðum og afleiðingin verður sú að
kerfið í heild virkar illa,“ sagði Gylfi
ennfremur.
Hann sagði í samtali við Frjálsa
verslun að nú orðið væri loftræsti-
kerfa krafist í flest fyrirtæki og að
miklar framfarir hefðu orðið í smíði
þeirra á síðustu árum. Ryk væri síað
út 80-90%, raka bætt í inniloftið eftir
aðstæðum o.s.frv. En er þörf á loft-
ræstingu á vinnustöðum þar sem ekki
er unnið með mengandi efni?
HREINT LOFT
Blikksmiðjan Vík
annast smíöi einfaldra jafnt sem
flókinna loftræsti- og lofthitakerfa.
Blikksmiðjan Vík
annast eftirlit og viöhald á
loftræsti- og lofthitakerfum.
Blikksmiðjan Vík
annast alla almenna blikksmíði.
Hjá okkur sjá fagmenn um verkið.
SMIÐJUVEGI 18C KÓPAVOGI - SÍMI 71580