Frjáls verslun - 01.04.1991, Blaðsíða 26

HEIMSÓKN
Framkvæmdastjóri heimilisins — Inga Dís Ingólfsdóttir, rekur fimm manna heimili. „Ef við hefðum 100.000
krónur í viðbót gætum við lifað nokkuð áhyggjulausu Iífi.“
má nánar á meðfylgjandi yfirliti. Þá
voru eftir af launatekjum til ráðstöf-
unar kr. 191.292.
Inga Dís kveðst hafa hætt að vinna
vegna skattanna. „Það borgaði sig
ekki lengur fyrir mig að vinna. Það
kom alls ekki nógu vel út fyrir okkur
að ég nýtti mér allan persónuafslátt-
innminn. Það, semégfékkútborgað,
var dregið af honum í skatta. Mér
finnst mjög hastarlegt að maður hafi
ekki full yfirráð yfir persónuafslættin-
um sem manni er úthlutað. Ef makinn
nýtir sér persónuafsláttinn manns
fellur hann niður um 20%. Þetta ætti
að vera löngu búið að laga því auðvit-
að er þetta rakið óréttlæti. Mér finnst
mjög skrítið að makinn megi ekki nýta
allan persónuafsláttinn," segir Inga
Dís og bætir því við að það geti verið
óhagkvæmt fyrir konur með lítil börn
að vinna úti. „Konan þarf þá að setja
börnin í pössun og ef hún hefur lág
laun þá verður ekkert eftir þegar búið
er að greiða fyrir pössunina. Það er
líka miklu betra fyrir börnin að vera
heima með móður sinni.“
Húsnæðið, sem þau hjón keyptu,
er rúmgott og þægilegt. „Við gætum
alveg búið í minna húsnæði en það er
gott að hafa rúmt um sig. Það fer vel
um okkur héma þótt við höfum ekki
nema þrjú svefnherbergi.“ Afborgan-
ir af húsinu eru að meðaltali rúmlega
15.000 krónur á mánuði og er það all
stór útgjaldaliður hjá þessari fjöl-
skyldu.
Þú ert fjármála- og framkvæmda-
stjóri heimilisins þar sem maðurinn
þinn er yfirleitt á sjónum?
,Já, það má eiginlega segja það.
Við reynum að fara yfir hlutina saman
þegar hann er í landi en það fer alveg
eftir því hversu langar landlegurnar
eru.“
Og hvernig gengur þér að láta enda
ná saman?
„Það gengur en er oft erfitt. Við
leyfum okkur kannski ekki það sem
okkur myndi langa til að gera. Utan-
ferðir eru til dæmis alveg út úr mynd-
inni hjá okkur. Við höfum aldrei farið
til útlanda alla okkar búskapartíð. En
þegar fólk stendur í húsakaupum þá
veit það nú yfirleitt að hverju það
gengur. Þá er margt sem situr á hak-
anum. Mánuðurnir eru samt misjafn-
lega erfiðir. Afborganir af lánum til
Húsnæðisstofnunar eru til dæmis
þrisvar sinnum á ári.“
Stærsti útgjaldaliðurinn hjá fjöl-
skyldunni eru matarinnkaupin. í
marsmánuði keypti Inga Dís mat fyrir
60.197 krónur. Finnst henni matur
vera dýr?
,Já. Ég spái töluvert í verð á mat-
vöru. Það skiptir miklu máli hvar
maður verslar en náttúrlega skiptir
mestu hvað maður kaupir. Ég kaupi
oft ekki kjöt vegna þess hversu dýrt
það er og svo verð ég líka að velja á
milli tegunda af kjöti. Það er ekki svo
mikill munur á matvöruverði hér og í
Reykjavík en ég veit samt til þess að
fólk hér á Skaganum fari til Reykjavík-
ur til þess að versla í Bónus. Og það
munar töluverðu í matarinnkaupum
að geta verslað í stórmörkuðum."
Hún segir ennfremur að það fari að
minnsta kosti 60.000 krónur í mat á
mánuði hjá fjölskyldu sinni.
Heimilisbókhald Ingu Dísar fyrir
marsmánuð sýnir 19.260 krónur í
veitinga- og skemmtanakostnað.
26