Frjáls verslun - 01.04.1991, Page 81

í Smárahvammi á Hagvirki lóðir fyrir 35 þúsund fermetra húsnæði.
ins og óx upphaflega upp úr fyrirtæk-
inu Hraunvirki sem fékkst við virkj-
anagerð á hálendinu. Með minni um-
svifum á því sviði haslaði Hagvirki sér
völl á byggingarmarkaðnum og hefur
verið afar stórtækt á því sviði síðan.
„Við erum með mörg jám í eldinum
núna og má t.d. nefna byggingu SEM
hússins í Reykjavík og verndaðra
þjónustuíbúða fyrir Sunnuhlíðarsam-
tökin við Fannborg 8 í Kópavogi. Þá
erum við með 28 íbúðir í byggingu á
Hvaleyrarholti í Hafnarfirði og erum
að hefla byggingu bílageymsluhúss
við Hverfisgötu í Reykjavík. Loks má
nefna byggingu íþróttahúss fyrir Vík-
ing í Fossvogsdal en það verður
byggt og fullklárað á aðeins 8 mánuð-
um. Þá erum við að byggja 2500 fer-
metra hús fyrir Húsasmiðjuna í Hafn-
arfirði auk þess sem við eigum land-
svæði fyrir um 35.000 fermetra
atvinnuhúsnæði í Smárahvammi í
Kópavogi en þar mun rísa á næstu
árum eitt glæsilegasta athafnahverfi
höfuðborgarsvæðisins. “
Nú hefur verið mikið offramboð af
atvinnuhúsnæði á höfuðborgarsvæð-
inu. Er einhver von til þess að hægt
verði að byggja allt þetta rými í
Smárahvammslandi á næstunni?
„Auðvitað ræður markaðurinn
uppbyggingunni í Smárahvammslandi
eins og raunar annars staðar. Vissu-
lega er mikið til af óseldu atvinnu-
húsnæði en ég er sannfærður um að
markaðurinn fari að glæðast og þá
snýst offramboðið fljótlega í vöntun.
Skipulagið í Smárahvammi gerir ráð
fyrir mjög glæsilegri byggð verslun-
ar- og þjónustuhúsa og ég minni á
mikla uppbyggingu austan við Skeif-
una í Reykjavík á tiltölulega skömm-
um tíma. Hins vegar skiptir hugsan-
legt álver sköpum í þessu sambandi
eins og raunar fyrir alla atvinnuupp-
byggingu á suðvesturhorni landsins á
næstu árum,“ sagði Jóhann ennfrem-
ur.
Eins og fram hefur komið í fréttum
var rekstur Hagvirkis nýlega endur-
skipulagður og sænska verktakasam-
steypan NCC International gerðist
hluthafi. Búið er að brjóta Hagvirki
upp í sjálfstæð fyrirtæki og verður
sænska fyrirtækið beinn hluthafi.
Helstu breytingar eru þær að bygg-
ingardeild Hagvirkis hf. var gerð að
sjálfstæðu hlutafélagi undir sama
nafni en jarðvinnslu-, virkjana- og
véladeild fyrirtækisins sameinuð
Hagtölu eða gamla Hraunvirki hf. og
Vélsmiðjunni Kletti og er það nú rekið
sem sjálfstætt hlutafélag undir nafn-
inu Hagvirki-Klettur hf.
„Hagvirki hefur alltaf verið á opn-
um útboðsmarkaði og verður það
áfram. Þessi skipting í byggingarfyr-
irtæki og jarðvinnslu- og vélafyrir-
tæki breytir engu þar um. Við buðum
í Vestfjarðagöngin og erum að undir-
búa tilboð í Fljótsdalsvirkjun og Búr-
fellsvirkjun, svo dæmi séu nefnd.“
81