Frjáls verslun - 01.11.2000, Qupperneq 63

áramóf?
Frosti Bergsson, stjórnarformaður Oþinna kerfa hf:
Margar nýjar
viðskiptahugmyndir
Mikil spenna skapaðist um síðustu áramót varðandi það
hvernig til tækist vegna svokallaðs „2000 vanda“ og sér-
staklega var mikið álag hjá Reiknistofu bankanna og Skýrr en
undirbúningur var góður og engin meiriháttar vandamál
komu upp,“ segir Frosti Bergsson, stjórnarformaður Opinna
kerfa hf.
„Mörg ný iýrirtæki voru stofnuð á fyrri hluta ársins í kring-
um nýjar viðskiptahugmyndir, svo sem tölvuhýsingu (ASP),
viðskipti á Internetinu (B2B) auk ýmiss konar hugbúnaðar-
lausna sem flestar tengjast Internetinu á einn eða annan hátt.
Varðandi Opin kerfi samstæðuna var áfram mikill vöxtur í
veltu, eða 46%, og hagnaður óx milli ára um 86% (9 mán. upp-
gjör).“
- Hvernig metur þú horfurnar á árinu 2001?
„Almennt tel ég horfurnar góðar, áframhaldandi vöxt og að ís-
lensk upplýsingatæknifyrirtæki muni í auknum mæli hasla sér
völl erlendis. Uklegt er að mörg af þeim fyrirtækjum sem
stofnuð voru á sl. ári muni sameinast eða verða keypt upp. Erf-
iðara verður að fá íslenskt ijármagn í áhættusöm verkefiii á
sviði upplýsingatækni en verið hefur undanfarin ár.
Stefna Opinna kerfa samstæðunnar er áframhaldandi vöxt-
ur, aukinn hagnaður og aukin áhersla á fjárfestingar erlendis.
Tengja vel saman þá þekkingu sem er til staðar hjá þeim fyrir-
tækjum sem mynda samstæðuna í dag við þau fyrirtæki sem
ijárfest er í.“ 33
Olafur B. Thors, forstjóri Sjóvár-Almennra:
Hörð samkeppni leiddi
til lægri iðgjalda
r
Arið 2000 einkenndist öðru fremur af mikilli þenslu í ís-
lensku efnahags - og atvinnulífi. Eins og svo oft vill verða við
slíkar aðstæður var árið einnig mikið tjónaár. Þess gætti veru-
lega í afkomu íslensku vátryggingafélaganna. A árinu komu
fram í auknum mæli áhrif nýrra skaðabótalaga sem hækkuðu
verulega tjónabætur vegna slysa. Þessi áhrif voru sýnilegust í
bifreiðatryggingum en þeirra gætti einnig í öðrum greinum vá-
trygginga. Iðgjaldabreytingar, sem ákveðnar voru á árinu
1999, nægðu ekki til þess að standa undir auknum tjónakostn-
aði og hækkanir ársins 2000 komu aðeins að hluta til fram-
kvæmda á árinu. Afkoma vátryggingastarfseminnar var því al-
mennt léleg. Mikil og hörð samkeppni leiddi og til lækkandi ið-
gjalda í ýmsum greinum. Fjármunatekjur vátryggingafélag-
anna stóðu hins vegar undir tapi af vátryggingarekstri en heild-
arafkoman var á engan hátt viðunandi," segir Ólafur B. Thors,
forstjóri Sjóvár-Almennra.
- Hvernig metur þú horfiirnar á árinu 2001?
„Vonir eru bundnar við að árið 2001 verði betra ár fyrir íslensk
vátryggingafélög. Ýmislegt bendir til þess að heldur muni
hægja á í efnahagslífinu og ætti það að draga eitthvað úr tíðni
tjóna. Jafnframt ættu iðgjaldahækkanir ársins 2000 að skila fé-
lögunum tekjum sem betur nægja til þess að mæta tjónakostn-
aði. Þeir aðilar sem einkum hafa stundað óraunsæja verðlagn-
ingu á þessum markaði hafa nú hætt hér starfsemi og hefur nú
enn sannast að iðgjöld á Islandi verða að miðast við íslenskan
veruleika en ekki útlenda tjónareynslu. Ytri skilyrði efnahags-
lífsins hafa auðvitað mikil áhrif á rekstur vátryggingafélaga
eins og annarra fyrirtækja. Miklu varðar því að stjórn efna-
hagsmála verði styrk og friður haldist á vinnumarkaði með
raunsæjum kjarabótum til þeirra sem í samningum standa.
Vonandi er einnig að skilningur manna sé heldur að aukast á
þvt að umferðarslysin kosta þjóðina mikla fjármuni, til viðbótar
öllu því tjóni sem ekki verður bætt með fé, og að einskis má
láta ófreistað tíl þess að draga úr þeirri sóun. Allt sem vinnst á
því sviði hefði jákvæð áhrif á efnahag alls almennings og vá-
tryggingareksturinn líka.“[E
63