Helgarpósturinn - 13.02.1995, Blaðsíða 27

MÁNUDAGUR 13. FEBRÚAR 1995
MORGUNPÓSTURINN SPORT
27
NBA-pistill
Montnasti maður í heimi
Hefur sofið hjá 20.000konum og er sterkari en Amold Schwarzenegger!
Maður nokkur er nefndur Wil-
ton Norman Chamberlain og er
hann einn besti körfuknattleiks-
maður allra tíma. Flestir eru sam-
mála því. En það er ekki allt, Wilt er
líka frábær elskhugi, einn besti
blakmaður heims, hann hefði getað
sigrað Muhammed Ali í hnefaleik-
um, hann hefði orðið besti tug-
þrautamaður heims og þar að auki
er hann heimspekingur af Guðs
náð.
Wilt þessi er merkur rithöfundur
og skrifaði þjóðfélagslega háðdeilu
með sjálfsævisögulegu ívafi og góð-
um slatta af hetjusögum. Bókin
nefnist því viðeigandi nafni „A
View from Above“, sem útlagst get-
ur á íslensku: „Heimssýn að ofan.“
I byrjun útskýrir Wilt það að hann
hefur vanist því að vera frábær í
öllu því sem hann tekur sér fyrir
hendur, hvort sem það er körfu-
bolti, blak eða ástarleikir. Þess ber
að geta að staðhæfingar hans eru
settar fram af fúlustu alvöru og ber
alls ekki að skilja sem grín. Snilling-
urinn ræðir um það í bókinni
hvernig hann hefur komist yfír
ótrúlega mergð af kvenfólki og vek-
ur strax athygli á því að þessi hópur
kvenna inniheldur ekkert nema úr-
valsdömur. Hann segir að ef hinn
meðalmaður fengi stefnumót með
einhverri af þessum 20.000 konum
myndi hann umsvifalaust falla nið-
ur á hné og biðja um hönd hennar.
En Wilt, sem aldrei hefúr verið gift-
ur eða átt í lengra sambandi en
einnar nætur, lætur sér ekki detta
það í hug. Þó heldur hann því statt
og stöðugt fram að það sé ekkert
kappsmál hjá honum að komast yf-
ir sem flest kvenfólk! Einnig heldur
hann því fram að betra sé að njóta
ásta þúsund sinnum með sömu
konunni en að njóta ásta með þús-
und mismunandi konum. Höfúnd-
ur greinarinnar á þó erfitt með að
skilja hvernig hann hefur komist
hjá því að gera nokkra konu ólétta,
því hann veit með vissu að hann
hefur enga barnað. Sá grunur læð-
ist að manni að litlu landgöngulið-
arnir hans sé ekki eins sprækir og
ætla mætti.
En vindum okkur nú aðeins að
líkamlegum styrk Wilts sem er um-
talsverður. WÚt heldur því fram að
þegar hann lyfti með félaga sínum
Arnold Schwarzenegger þá hafi
vöðvatröllið Arnold verið agndofa
yfir því hve mörgum lóðum Wilt
hlóð á stangirnar. Arnold þorði
ekki einu sinni að reyna við þær
þyngdir sem Wilt lyfti auðveldlega
20-30 sinnum. Annars vill Wilt
ekki vera að nefna of margar tölur
varðandi lóðalyftingar sínar en þó
getur hann þess að hann hafi lyft
240 kg í bekkpressu, sem er nú ekki
slæmt fyrir 215 sm mann með langa
handleggi. Eitt sinn stóð til að
mynda þá félaga, Arnold og Wilt,
fyrir People í tengslum við tökur
myndarinnar Conan, the Barbari-
an. Þá kom babb í bátinn því
myndirnar sýndu vel að upphand-
leggsvöðvar Wilts voru mun stærri
en sterakubbsins, Arnolds, og var
myndin því aldrei birt.
Einu ári eyddi Wilt í Evrópu þar
sem hann kom innfæddum á óvart
með ótrúlegum kúnstum. Hann lék
sér að því á götum úti að hoppa
upp í trjágreinar og furðu lostnir
hvítingjarnir vissu ekki hvaðan á þá
stóð veðrið. Svarti risinn stökk svo
hátt að annað eins hafði ekki áður
sést í heimsálfunni. Enda staðhæfir
Chamberlain að stökkkraftur hans
sé næstum 140 sm (stökkkraftur
Michael Jordan mælist u.þ.b. 125
sm og þykir gott). Einnig lék þessi
fílefldi körfuboltasláni sér oftsinnis
að því að færa fólksbíla upp á gang-
stéttir. Þetta gerði hann með því að
taka fyrst undir bílinn að aftan og
lyfta honum þaðan upp á gang-
stéttina og sami leikurinn var leik-
inn á hinum enda bílsins. Áhorf-
endum til mikillar furðu og aðdá-
unar.
Chamberlain gerði sér á tímabili
þær grillur að hann gæti sigrað Mu-
hammed Ali í hnefaleikum. Til stóð
að koma á bardaga á milli þeirra en
fégræðgi Chamberlains varð til þess
að svo varð ekki. Wilt er sannfærð-
ur um að hann hefði haft vinning-
inn en Ali er ekki svo sannfærður.
Við Kareem Abdul-Jabbar sagði
hann: „Wilt kann ekki að tala, hann
er Ijótur og hann getur ekki hreyft
sig.“
Blak varð ein helsta ástríða
Chamberlains eftir að ferli hans í
körfuknattleiknum lauk. Hann
stundaði svokallaðan strandarbolta
og þótti bara býsna seigur. Reyndar
fannst honum sjálfum að hann
væri bestur í heimi og þarf það
kannski ekki að koma svo mjög á
óvart. Hann telur sig eiga drjúgan
þátt í uppgangi blaks í Bandaríkj-
unum á 9. áratugnum og segir að
það sé að miklu leyti sér að þakka
að Bandaríkjamenn hafa náð af-
bragðsárangri í íþróttinni á al-
þjóðavettvangi.
Að lokum verður hér vikið að
heimspeki Wilts Chamberlain, svo-
kölluðum Wiltisma. Sjálfur telur
Wilt að eftir um þúsund ár verði
Wiltismi kominn á sama stall og
speki Konfúsíusar. Hér eru nokk-
ur dæmi um hina stórfenglegu
speki Wiltismans á frummálinu,
vonandi hjálpar þetta einhverjum
til að skilja alheiminn betur.
★ If you only appreciate the old-
fashioned things and ways, the only
time you will appreciate anything
from today will be tomorrow.
★ Does wisdom come with age or
does age come from the lack of wis-
dom? Example: If you are not
smart enough to take care of your
body you can get old fast.
★ Of all our faculties the most
important one is our ability to im-
agine. Can you imagine how it wo-
uld be not to be able to imagine?
★ Many people say we are what
we eat. But I believe we are shaped
by who we meet.
★ Nike: „Just do it.“ Wilt: „I
didn’t know you needed sneakers
to do it.“
Þar hafið þið það. Fullkomnasti
maður mannkynssögunnar, besti
íþróttamaður allra tíma, einn
fremsti leikari fýrr og síðar og besti
elskhugi í heimi, Wilt Chamberla-
in, er ekki aðeins stór, sterkur, fjall-
myndarlegur, liðugur, gáfaður,
sanngjarn, kynæsandi og þróttmik-
ill heldur er hann líka skáld og
heimspekingur.B
Heimsmeistaramóti yngri
knattspyrnumanna frestað
Um heilsu
oaöryggi
leikmanna
Alþjóða knattpsyrnusambandið,
FIFA, hefúr ákveðið að ffesta heims-
meistarakeppni knattspyrnumanna,
20 ára og yngri, af heilbrigðisástæð-
um. Mótið átti að halda í Nígeríu í
næsta mánuði, en vegna heiftarlegra
smitsjúkdóma, sem þar geisa, var
ákvörðunin tekin. Einnig er talið að
forráðamenn FIFA hafi talið að að-
stæður í Nígeríu væru enn ekki boð-
legar í alþjóðlegri keppni, einn völl-
urinn sé eins og sandkassi og á öðr-
um séu aðeins tveir símar til afnota
fyrir fjölmiðlamenn.
Yfirvöld knattspyrnumála í Níg-
eríu lýstu yfir miklum vonbrigðum
með ákvörðunina og sögðu hana
koma allt of seint, þegar aðeins tæp-
ur mánuður sé til keppni. ■
Evrópukeppni
landsliða árið 2000
Ákvörðun
tekin í næsta
mánuði
Forráðamenn knattspyrnusam-
bands Evrópu, EUFA, tilkynna þann
31. mars næstkomandi hvaða land
mun halda Evrópukeppni landsliða
í knattspyrnu um aldamótin. Mestar
líkur eru á að sameiginlegu tilboði
Hollendinga og Belga verði tekið og
eru þarlend stjórnvöld sögð pressa
mikið á EUFA um að sú verði niður-
staðan. Ekki hefur áður verið leyfi-
legt fyrir lönd að sækja sameiginlega
um keppni sem þessa, en með þeirri
ákvörðun EUFA að fjölga þátttöku-
þjóðum í sextán úr tólf kom þessi
möguleiki til. Englendingar halda
þessa keppni á næsta ári og verður
það þá í fyrsta sinn sem sextán þjóð-
ir leiða saman hesta sína.H
Þýska landsliðið í
knattspyrnu
Klinsmann er
reiðubúinn
Þjóðverjinn Júrgen Klinsmann
er reiðubúinn til að taka við fyrir-
liðastöðunni af félaga sínum Lot-
hari Matthaus, ef marka má fréttir
þýskra fjölmiðla um helgina.
Mattháus er meiddur og verður ffá
keppni í nokkurn tíma. Berti
Vogts, landsliðsþjálfari Þjóðverja,
mun ekki tilkynna um nýja fyrirlið-
ann fyrr en rétt fyrir leik liðsins gegn
Spánverjum í lok mánaðarins. Eini
maðurinn sem talinn er geta keppt
við Klinsmann um heiðurinn er
Júrgen Kohler. Hann er leikmaður
ítalska liðsins Juventus og hefur leik-
ið þremur landsleikjum meira en
Klinsmann, sem leikur í Englandi
með Tottenham. Það er þó ekki talið
nægja, því ffamkoma Klinsmann á
knattspyrnuvellinum hefur alltaf
verið til fyrirmyndar og svo spilla
miklar vinsældir hans ekki fyrir.B
Misræmi á milli íþróttagreina
Það er engu líkt að skora I landsleik og það getur Spánverjinn Luis
Enrique klárlega verið til vitnis um.
Flest allir íþróttamenn hafa lent í
því að hlaupa kapp í kinn í miðjum
átökum; sagt eitthvað, sem betur
hefði mátt sleppa eða stjakað aðeins
við keppinautinum. Líkamleg átök
eru hluti af íþróttum og sömuleiðis
keppnisskap. En þegar íþrótta-
menn eru farnir að ráðast á áhorf-
endur er eitthvað rnikið að. Tvö ný-
leg dæmi sanna það að áhorfendur
mega búast við því versta þegar þeir
skella sér á völlinn. I öðru tilvikinu
átti fótboltamaður hlut að máli en í
hinu körfuboltamaður.
I leik Manchester United og
Crystal Palace í ensku deildar-
keppninni á dögunum gerði Eric
Cantona, framherji Manchester,
sig sekan um að ganga í skrokk á
áhorfanda. Honum hafði verið vís-
að útaf fyrir fautalegt brot og á leið-
inni af vellinum réðst hann skyndi-
lega á aðdáanda Crystal Palace,
Matthew Simmons, sló og spark-
aði í andlit hans. Nokkrum dögum
síðar gerðist sams konar atvik í
bandarísku NBA-deildinni þegar
Houston Rockets og Portland Trail
Blazers áttust við í miklum slags-
málaleik. Vernon Maxwell, skot-
bakvörður Houston Rockets, réðst
á Steve George, aðdáanda Portland,
kýldi hann og hélt um háls hans.
Maxwell, eða „Mad Max“ eins og
hann er oft kallaður, þurfti að
hlaupa upp í 12. sætaröð til að ná til
George og kýla hann.
I báðum tilvikum létu áhorfend-
urnir ókvæðisorð falla að íþrótta-
mönnunum og ef lýsingar Cantona
og Maxwell eru réttar þá voru þeir
ekkert að spara bannorðin. Fúk-
yrðaflaumur áhorfenda er sívax-
andi vandamál í atvinnumanna-
íþróttum bæði austan- og vestan-
hafs. En það réttlætir ekki gjörðir
þessara tveggja leikmanna enda
fengu þeir þunga dóma en mis-
jafna. Cantona var dæmdur af félagi
sínu í leikbann út tímabilið, en þar
með er ekki sagt að máli þessu sé
lokið, því Alþjóða knattspyrnusam-
bandið á eftir að tilkynna dóm sinn.
Auk þess missti hann fýrirliðastöðu
sína hjá franska landsliðinu. Max-
well var dæmdur í tíu leikja keppn-
isbann og 1400 þúsund króna sekt
sem er hæsta sekt sem einstaklingur
hefur fengið í sögu NBA. Aðeins
einu sinni áður hefur leikmaður í
NBA fengið lengra leikbann en það
var árið 1977 þegar Kermit Wash-
ington, leikmaður L.A. Lakers var
dæmdur í leikbann út keppnistíma-
bilið fýrir að drepa næstum Rudy
Tomjanovich, leikmann Houston
Rockets.
Ef þessar refsingar eru bornar
saman er alveg auðsjáanlegt að refs-
ing Cantona er mun þyngri. Breska
pressan heimtaði að Canton yrði
„hengdur" sem og var gert. Dóm-
urinn yfir Maxwell er aftur á móti
er hlægilega vægur með tilliti til
þess sem hann gerði. NBA hefur
reynt með öllum mögulegum ráð-
um að draga úr ofbeldi leikmanna
með háum fjársektum og leikbönn-
um. Þess vegna kemur þessi
ákvörðun yfirmanna NBA eins og
köld vatnsgusa framan í íþróttaað-
dáendur, leikmenn og fleiri sem
vilja fegurð á kostnað fantaskaps.
-eþa