Helgarpósturinn - 09.03.1995, Blaðsíða 29

PÓSTUBIHN/JIM SMART
FIMMTUDAGUR 9. MARS 1995
MORGUNPÓSTURINN LÍFIÐ EFTIR VINNU
29
Sungið með Merði m Þessi maður getur komið Þ ér undir græna torfu
Nú eru aö koma í búðir lítil og
snotur sönghefti, fjögur talsins,
sem Mál & menning gefur út:
Tökum lagið á þorranum, Tök-
um lagið stúdentar, Tökum
lagið í ferðalaginu og Tökum
lagið með börnunum. Þessi út-
gáfa færir heim sanninn á því
hvers vegna Mörður Árnason
fær að vera svona áberandi hjá
Þjóðvaka, en hann situr sem kunn
ugt er í 3. sætinu í Reykjavík
og þvælist með Jóku um allt
land. Ástæðan er auðvitað
sú að hann héldur uppi ríf-
andi stemmningu hvar sem
hann fer, varla hefði forlagið
annars fengið hann til að
velja gleðisöngvana í þessi
hefti. Merði til aðstoðar var mýksti
maður íslands, Sigurður Svav-
ARSSON.
Það er sama í hvaða þjónustu-
grein er drepið niður fæti, það
þurfa allir að auglýsa. Þetta veit
Rúnar Geirmundsson, útfarar-
stjóri hjá Útfararþjónustunni, og
hefur því látið prenta veglegan
bækling þar sem þjónusta fyrir-
tækisins er útlistuð. Rúnar hefur
einnig látið útbúa fyrir sig nafn-
spjöld, sem liggja væntanlega
frammi á sjúkrahúsum og elliheimil-
Rúnar Gcirmuncísson
úljararstjóri
lltfararþjonustan
rjardanúi 2 5 • Simar 679110 - 672754
um landsins. Nafnspjald Rúnars er,
eins og sést, laust við íburð og
hógvært að öllu leyti. A því koma
einungis fram grundvallarupplýs-
ingar: nafn Rúnars og fyrirtækis-
ins, heimilisfang og símanúmer.
Það gefur síðan spjaldinu óneitan-
lega aukna vigt að á því er Ijós-
mynd af Rúnari, en hún beinlínis
geislar af sér að hann er maður
sem þú getur treyst til að koma
þér, eða þínum, skjótt og örugg-
lega undir græna torfu.
I dag mun ný ásjóna teiknimyndahetjunnar góð-
kunnu, Silfurskottumannsins, verða afhjúpuð á
óvenjulegum stað, eðaá ljósaskiltinu sem er á þaki
Tunglsins við Lækjargötu 2. Steingrímur Eyfjörð,
skapari Silfurskottumannsins, segir að erfitt sé að
henda reiður á hamskipti teiknimyndahetjunnar, sem
hingað til hefur eingöngu verið þekkt af stakri ljúf-
mennsku. „Það má segja að Silfurskottumaðurinn hafi
með þessu eignast annað sjálf, sem er í algerri mótsögn
við hans gamla sjálf, en þegar hið nýja sjálf nær yfir-
höndinni breytist ytri ásjóna hans og hann verður rak-
ið illmenni. Þetta eru í raun og veru sambærilegar
breytingar og Dr. Jekyll gengur í gegnum þegar Mr.
Hyde tekur yfir.“ Steingrímur segir að það sé ekki al-
veg ljóst hvað það er sem veldur því að illþyrmið brýst
fram í Silfurskottumanninum en bendir á að í hverjum
manni leynist taug ofbeldis eins og franski heimspek-
ingurinn George Bataille hefur til dæmis útlistað í
ritum sínum. Tvær ásjónur Silfurskottumannsins
verða til sýnis á framangreindu ljósaskilti við Lækjar-
götu, en hugmyndir eru uppi um að fá einn listamann
hvern mánuð til að útfæra verk og sýna á skiltinu í
bland við aulýsingarnar, sem skreyta skiltið alla jafna,
og kalla tiltækið Gallerí Pera. jk
Ásgrímur Sverrisson kvikmyndagerð-
armaður um myndina af sjálfum sér
Þessi maður er að fara í krossför. Hann ætlar
ekki að frelsa heiminn, hann er ekki svo einfald-
ur, en hann ætlar að frelsa Jerúsalem — í yfir-
færðri merkingu auðvitað. Hann er búinn að und-
irbúa þessa krossför í langan tíma, búinn að vera
í sálrænum
þjálfunar-
búðum, lík-
lega í Kaldárseli, þar sem hann hefur verið að
safna orku og kjarki til að takast á við það sem
verða kann á vegi hans í förinni. Hann er búinn
að telja í sig nægan kjark og berja sér nægan
baráttuanda í brjóst til að takast á við óvissa
framtíð í hörðum heimi, og raksturinn er fyrsti
áfanginn að settu marki. Honum leiðist greinilega
að raka sig, en hann er bæði ákveðinn og óþolin-
móður og þetta er eitthvað sem hann hefur
ákveðið að gera, eitthvað sem hann verður að
gera áður en hann getur tekið næsta skref. Það
skref verður hins vegar hvergi stigið annars stað-
ar en í hausnum á honum sjálfum og þar fer
reyndar öll krossförin fram því þessi maður lifir í
sínum eigin uppdiktaða heimi. í þunglyndislegu
augnaráðinu býr nefnilega ákveðið kæruleysi,
sem segir mér að honum standi nokkurn veginn
á sama um það sem ekki rúmast í kollinum á
honum.
Fimmtudacur
Blues Express leikur á Kringlukránni.
Stíllinn er frá gömlum blúslögum til nú-
tímalegri útsetninga.
Tríó Egils B. Hreinssonar á Jazz-
barnum.
Kombóið leikur á Kaffi Reykjavík en
það skipa Eðvarð Lárusson, Birgir
Baldursson, Þórður Högnason og Ellen
Kristjánsdóttir.
Dead Sea Apple er með tónleika á
Tveimur vinum. Þetta er eins og hálfs
árs gömul hljómsveit úr Kópavoginum.
Bubbi Morthens með tónleika á Hótel
Mælifelli.
Fóstudagur
Hljómsveitin Bergan frá Egilsstöðum
leikur fyrir dansi í Bláu nótunni á Grens-
ásvegi. Undirfatasýning frá Ég og þú
og dansatriði frá Dansskóla Heiðars
Ástvaldssonar.
Sólon Kompaniið leikur á Sólon Is-
landus.
Laddi og Fánar verða á Feita dvergn-
um.
Raggi Bjarna og Stefán Jökulsson
sjá um að halda uppi stemmningu eins
og hún gerist best á Mímisbar.
Langbrók innheldur meðal annarra
hinn barða Ofur-Baldur. Þeir leika á
Gauki á Stöng.
Papar frá Vestmannaeyjum á Tveimur
vinum.
Hunang leikur fyrir dansi og þá sem
ekki vilja dansa á Ömmu Lú.
Tríó Þóris Baldurssonar, auk Ósk-
ars Guðjónssonar og Einars Sche-
vings á Jazzbarnum.
Bubbi Morthen verður þá kominn í
Sæluhúsið á Dalvík.
Laugardagur
Fánar á Feita dvergnum, nú án Ladda.
Hljómsveitin Stykk frá Stykkishólmi
treður upp í Bláu nótunni. Hefur ekki
spilað í höfuðborginni svo árum skiptir.
Undirfatasýning frá Ég og þú og dans-
atriði frá dansskóla Heiðars Ástvalds-
sonar.
Vaxtabroddur í Fellahelli árleg tónlist-
arhátíð hefst kl. 14. Kolrassa krókríð-
andi og Maus mæta.
Pláhnetan í Inghól á Selfossi með Ap-
pelkiner-sound.
Bubbi Morthens leikur á Siskó-bar á
Ólafsfirði.
Ríósaga, Helgi Pé., Ágúst A. og Ólafur
Þ. rifja upp ferilinn eftir samtals 30 ára
samfellda baráttu. Þeim til aðstoðar
verður Ólafía Hrönn Jónsdóttir sú frá-
bæra gamanleikkona.
Raggi Bjarna og Stefán Jökuls eru
hinn valkosturinn á Sögu þetta kvöid.
Þeir verða á Mímisbar eins og venju-
lega.
Stjórnin leikur á Hótel (slandi.
Langbrók teygir lopann á Gauki á
Stöng.
Papar frá Vestmannaeyjum á Tveimur
vinum.
Hunang verður aðalhljómsveitin á
Ömmu Lú.
Bo Halldórs, enn með sitt sjó „Þótt líði
ár og öld“, er nú komin í samkeppni við
Ríó trióið á Hótel Sögu. Eftir sjóið leikur
Stjórnin fyrir dansi ásamt þeim Bo og
Bjarna Ara.
D.J. Ralf, ítalski plötusnúðurinn verður
á Villta tryllta Villa.
Trió Þóris Baldurssonar á Jazzbam-
um-
SUNNUDAGUR
Dansáhugamenn, danshljómsveitin
góðkunna leikur fyrir gömlu dönsunum
og samkvæmisdönsum í Bláu nótunni.
Daniel Cassidy leikur á fiðlu ásamt
Kristjáni Guðmundssyni píanóleikara.
Karma er spurning um orsök og af-
leiðingu, eða er öllu heldur hljómsveit
sem leikur á Gauki á Stöng.