Helgarpósturinn - 21.12.1995, Qupperneq 32

HELGARPÓSTURINN
Framagosinn söðlaði
um og gerðist málari
Nýverið var
o p n u ð
myndlistar-
sýning í Abney
Gallery í Soho,
New York, sem
ber yfirskriftina
Spirit, Libido and
Love (Losti, ást og
andinn). Það væri
í sjálfu sér ekki í
frásögur færandi
nema vegna þess
að tólf verk hanga
þar uppi eftir ungan Islending, Amór Bieltvedt. Fjöldi
listunnenda var viðstaddur opnun sýningarinnar og þar á
meðal þónokkrir íslenskir sem gagngert lögðu lykkju á
leið sína til að berja verk landans augum. Verk Arnórs á
sýningunni eru aðallega olíu- og/eða akrílmálverk sem
hann málaði sérstaklega með ofangreint þema í huga.
Listamaðurinn er rúmlega þrítugur að aldri og hefur ver-
ið búsettur þarna vestra um nokkurt skeið. Eftir að hafa
lokið stúdentsprófi frá Verslunarskóla íslands hélt Arnór
til Þýskalands og seinna til Bandaríkjanna til að nema
hagfræði og viðskiptafræði. Og sýndist á harla dæmi-
gerðri framaleið „uppanna“ svokölluðu. Það var hinsveg-
ar ekki fyrren hann hafði meistaragráðu uppá vasann, að
hann áttaði sig á að hann væri á rangri hillu og sneri sér
að myndlist. Eftir nokkurt nám úrskrifaðist hann árið
1994 með meistaragráðu frá myndlistarskóla í St. Louis.
Arnór býr enn í borginni sem Mark Twain gerði fræga,
því að skömmu eftir útskrift fékk hann starf sem mynd-
Íistarkennari við menntaskóla þar. í skólanum fæst hann
aðallega við unglinga sem lent hafa uppá kant við lífið og
þurfa sérstakrar aðstoðar við. Og kennslan skilar árangri
því í nóvember síðastliðnum var vígt veggmálverk í borg-
inni sem nemendur hans unnu fyrir Hjálpræðisherinn.
Arnór hafði yfirumsjón með verkinu, sem vakti mikla at-
hygli fjölmiðla. Þeir íslendingar sem áhuga hafa á að
kynna sér verk Arnórs hér á landi geta litið inn í Gallerí
List í Skipholti þarsem forstöðumenn hafa tekið verk
hans til sýningar og sölu.
Greiddu atkvæði!
904 1516
39,90 kr. mínútan
Úrslit síðustu spurningar:
Síðast var spurt:
Eiga alþingismenn
skilið lengra
jólaleyfi en aðrir
launþegar?
I hverju tölublaði leggur Morgunpósturinn spurningu fyrir lesendur,
sem þeir geta kosið um í síma 904 1516.
Nú er spurt:
Er rtotalegra að fá skjólgóða flík í
jólagjöf en sæmilega íslenska bók?
1. Já
2. Nei
LAUGAVEGI 24
OG
SUÐURVERI
Gleðileg jól
Fréttaskotið
552-1900