Morgunblaðið - 24.04.2001, Blaðsíða 4

FRÉTTIR
4 ÞRIÐJUDAGUR 24. APRÍL 2001 MORGUNBLAÐIÐ
VW Passat 1800 Turbo, nýskráð-
ur 07.01.2000, 4 dyra, leðurinn-
rétting, sóllúga, 18 tommu felgur,
spoiler, þjófavörn, samlitur. Ásett
verð 2.520.000. Ath. skipti á
ódýrari.
GUÐJÓN Valur Sigurðsson var
hetja KA-manna í handbolta á
laugardag þegar hann tryggði
liðinu sæti í úrslitum um Íslands-
meistaratitilinn með vítakasti í
bráðabana gegn Aftureldingu eft-
ir tvíframlengdan leik. Áður
hafði hann tryggt KA fyrri fram-
lenginguna með ótrúlegu jöfn-
unarmarki beint úr aukakasti.
Guðjón Valur skoraði alls 13 af
29 mörkum KA og mun sennilega
seint gleyma þessum leik, hvað
þá aukakastinu.
Þegar Morgunblaðið ræddi við
Guðjón Val í gær var hann heima
í rólegheitum í faðmi fjölskyld-
unnar á Akureyri. Hann er að
leika sitt þriðja tímabil með KA
en haustið 1998 fluttist hann
norður ásamt unnustu sinni, Guð-
björgu Þóru Þorsteinsdóttur, og
á Akureyri eignuðust þau barn
sitt, hana Dagbjörtu Ínu sem ný-
lega varð tveggja ára. Guðjón
Valur og Guðbjörg Þóra kynntust
í handboltanum hjá Gróttu svo
hann segir að unnustan sýni góð-
an skilning á handboltaiðkuninni
í dag – og hann fái einnig harða
gagnrýni þegar við á.
Guðjón Valur fæddist í Reykja-
vík 8. ágúst 1979 og er því á 22.
aldursári. Hann ólst upp á Sel-
tjarnarnesi frá tveggja ára aldri
en það var samt hjá KR sem hann
kynntist handbolta fyrst eða níu
ára gamall. Þremur árum síðar
skipti hann yfir í Gróttu og lék
með félaginu upp í meistaraflokk.
Fyrsti meistaraflokksleikur
hans með Gróttu hefur skemmti-
lega þýðingu í dag en hann var
16 ára þegar leikið var gegn KA
á Akureyri. Búningar Gróttu
gleymdust fyrir sunnan svo Guð-
jón Valur og félagar urðu að fá
varabúninga KA lánaða. Eftir að
Guðjón Valur hafði leikið einn
vetur með Gróttu/KR í 2. deild
höfðu KA-menn samband við
hann og fengu hann norður.
„Ég sé ekki eftir því í dag að
hafa flutt norður og skipt yfir í
KA. Okkur hefur verið vel tekið
og við lifum hérna þægilegu fjöl-
skyldulífi. Hér er mjög gott að
vera. Liðið hefur líka verið jafnt
og þétt á uppleið. Fyrsta tímabil
mitt með KA komumst við í 8 liða
úrslit, annað tímabilið í undan-
úrslit og núna erum við komnir í
úrslitin. Næsta verkefni er bara
að vinna titilinn. Eini titillinn sem
ég hef unnið í handbolta var með
Gróttu í 4. flokki þegar við urð-
um bikarmeistarar."
Hann sagði leikinn gegn Aftur-
eldingu á laugardag líklega þann
æsilegasta sem hann hefur spilað,
þótt KA hefði tvisvar áður farið í
bráðabana – og reyndar tapað í
bæði skiptin. Nú var kærkomin
tilbreyting að sigra í bráðabana
og aukakastinu sagðist Guðjón
Valur ekki gleyma svo létt í bráð.
„Ég reyndi að horfa yfir varn-
arvegginn en sá ekki markið.
Þetta var í rauninni hið eina sem
kom til greina, að stíga til hliðar
og skjóta hægra megin framhjá
veggnum, og sem betur fór tókst
það svona vel með léttum snún-
ingi. Eftir leikinn sögðu sumir
mér að þetta hefði verið ólöglegt
mark en dómararnir dæmdu
markið gilt og ég læt mér það
nægja.“
Gleymir auka-
kastinu ekki í bráð
Morgunblaðið/Rúnar Þór
Guðjón Valur Sigurðsson ásamt unnustu sinni, Guðbjörgu Þóru Þor-
steinsdóttur, og tveggja ára dóttur þeirra, Dagbjörtu Ínu. Sú litla er
þegar farin að handleika knöttinn sem fer svo vel í hendi foreldranna en
þau kynntust á sínum tíma í handboltanum hjá Gróttu á Seltjarnarnesi.
MORGUNBLAÐIÐ er lesið eitt-
hvað í viku hverri af 80,3% lands-
manna samkvæmt nýrri fjölmiðla-
könnun Gallup sem unnin var í
mars fyrir samstarf Sambands ís-
lenskra auglýsingastofa og helstu
fjölmiðla landsins. Í síðustu könn-
un í október var þetta hlutfall
81,65%. Meðallestur á hvert tölu-
blað Morgunblaðsins er 60,3% en
var í október 61,5%.
Könnunin fór fram 16. til 22.
mars meðal 1.500 manna úrtaks.
Raunúrtak var 1.347 manns, fjöldi
svara 790 og svarhlutfall 59%.
Voru gögn send í pósti og hringt í
stóran hluta úrtaksins á fyrsta
degi til að hvetja fólk til að svara.
Meðallestur
á DV 35,1%
Alls lesa 63,51% DV eitthvað í
viku hverri en meðallestur á tölu-
blað er 35,1%, sem er það lægsta
sem mælst hefur. Meðallesturinn
var 40,3% í október og þá lásu
64,9% DV eitthvað í viku hverri.
Mest er Morgunblaðið lesið á
föstudögum en þá lásu 66,2% svar-
enda blaðið. Í öðru sæti er lestur á
sunnudögum eða 64,7% og laug-
ardagsblaðið lesa 61,6%. Minnst er
blaðið lesið á miðvikudögum eða af
55,4% svarenda. Minnsti lestur á
DV er einnig á miðvikudögum eða
31,1% en flestir svarenda lesa það
á laugardögum, 43,5%. Á mánu-
dögum lesa 35,6% svarenda DV.
Sé litið á áskrifendur kemur í
ljós að 61,5% eru áskrifendur að
Morgunblaðinu og 21,8% að DV.
Hlutfall áskrifenda Mbl. er 71,3% í
Reykjavík og á Reykjanesi en
40,8% á landsbyggðinni.
Þeir sem svöruðu heimsækja
netmiðil Morgunblaðsins, mbl.is,
að meðaltali 2,3 sinnum í viku
hverri en heimsóknir voru 2,0
sinnum í síðustu könnun og visir.is
er heimsóttur 2,0 sinnum að með-
altali og fjölgaði heimsóknum úr
1,7 í síðustu könnun. Þá er leit.is
heimsóttur 1,6 sinnum, strik.is 0,7
sinnum, torg.is 0,4 sinnum og ruv.-
is 0,1 sinni.
Spurt var einnig hversu vel net-
miðlarnir höfða til fólks og kom
leit.is þar best út með einkunnina
4,1. Næstur var mbl.is með 4,0 og
síðan visir.is með 3,9.
Fókus hefur vinninginn í lestri
fjögurra vikublaða með 38,3%
hlutfall, Viðskiptablaðið er lesið af
8,9% og Fiskifréttir lesa 7,8%.
Skjár 1 sækir í sig veðrið
Í könnuninni kemur einnig fram
meðaltalshlutfall þeirra sem horfa
á sjónvarp. Þannig horfa 60% á
Ríkissjónvarpið en hlutfallið var
63% í október, 52% á Stöð 2, sem
er það sama og í október, en Skjár
1 sækir í sig veðrið með aukningu
úr 26% í 32%. Meðaláhorf á fréttir
Ríkissjónvarpsins var 37,2%
mánudaginn 19. mars og 27,5% á
fréttir Stöðvar 2. Þá horfðu 10,9%
á fréttir á Skjá einum og 23,8% á
tíufréttir Ríkissjónvarpsins. Með-
aláhorf á þátt Stöðvar 2, Í býtið,
var 7,4% þann dag.
Í tímaritaflokki var hlutfall
þeirra sem lásu eða litu í síðasta
tölublað hæst hjá Dagskrá vikunn-
ar eða 46,6% og 44% hjá Sjón-
varpshandbókinni. Sem dæmi um
önnur tímarit má nefna að Séð og
heyrt lásu 31,9%, Lifandi vísindi
lásu 25,3%, Hús og hýbýli 23,3%,
Nýtt líf 21,2% og Vikuna lásu
13,2%.
Meðalhlustun á Rás 1 virka
daga var 29,5%, 35,9% hlusta á
Rás 2 og á Bylgjuna hlusta 24,8%.
Morgunblaðið mest lesið á föstudögum samkvæmt fjölmiðlakönnun Gallup









    
    










  



  



   
  
 !
 "# 
 $%

    

 
 


 


    80,3% lesa Morgunblaðið
eitthvað í viku hverri
MAÐURINN sem lést í
vélsleðaslysi á Öxarfjarðar-
heiði á laugardag hét Þorlák-
ur Sigtryggsson, til heimilis
að Svalbarði í Þistilfirði.
Hann var 45 ára gamall,
fæddur 18. júní 1955. Þorlák-
ur lætur eftir sig eiginkonu
og sex börn.
Slysið varð skömmu fyrir
hádegi. Samkvæmt upplýs-
ingum frá lögreglunni á Þór-
höfn var Þorlákur þá ásamt
öðrum á leið á björgunar-
sveitaræfingu. Við Múlakvísl
ók hann sleðanum ofan í
þröngt gil þar sem hann kast-
aðist af sleðanum og er talinn
hafa látist samstundis.
Lögreglan kallaði út þyrlu
Landhelgisgæslunnar en eftir
að læknir frá heilsugæslu-
stöðinni á Þórshöfn hafði úr-
skurðað hann látinn var þyrl-
unni snúið við.
Samkvæmt upplýsingum
frá lögreglunni var lágskýjað
og slæmt skyggni á Öxar-
fjarðarheiði þegar slysið varð.
Lést
í vél-
sleða-
slysi
Hetja KA-manna gegn Aftureldingu