Morgunblaðið - 24.04.2001, Page 21

Laxamýri - Nám-
skeið í reykbind-
indi verður hald-
ið á vegum Heil-
brigðisstofnunar
Þingeyinga dag-
ana 30. apríl-5.
maí nk. á Hótel
Reynihlíð.
Áhersla verður
lögð á hreyfingu
og heilbrigðan
lífsstíl í fallegu
og rólegu um-
hverfi Mývatns-
sveitar, en sér-
þjálfaðir hjúkr-
unarfræðingar
og sjúkraþjálf-
arar munu
stjórna meðferð-
inni.
Þá munu lækn-
ir, næringarfræð-
ingur og leiðbein-
andi í slökun
einnig taka þátt í
því að hjálpa reyk-
ingafólki og fyr-
irlestrar verða alla dagana.
Þátttakendur munu nýta sér
góða líkamsræktaraðstöðu, sund-
laug, fjölbreyttar gönguleiðir,
náttúrulegt gufubað og ýmislegt
fleira sem sveitarfélagið hefur
upp á að bjóða. Námskeið þetta
byggist á góðum undirbúningi og
Reykbindindi
í Mývatnssveit
hefst um leið og
skráning fer
fram. Hjúkr-
unarfræðingarnir
munu hjálpa þátt-
takendum sím-
leiðis við und-
irbúning með-
ferðarinnar og
sjá um stuðnings-
meðferð að nám-
skeiðinu loknu.
Að sögn Dag-
bjartar Bjarna-
dóttur verkefn-
isstjóra er
ætlunin ef vel
gengur að halda
fleiri reykleys-
isnámskeið í Mý-
vatnssveit, en
þetta námskeið
er tilraunaverk-
efni og er það
von þeirra sem að
þessu standa að vel
takist til.
Fyrir rúmu ári
tók til starfa ráð-
gjafarlína í reykbindindi á Heil-
brigðisstofnun Þingeyinga í sam-
vinnu við Landlæknisembættið,
Tóbaksvarnanefnd og heilbrigðis-
og tryggingamálaráðuneytið og
hefur verið mikið gera, en fólk
frá öllu landinu hringir í ráðgjaf-
arlínuna.
Dagbjört Bjarnadóttir
verkefnisstjóri ásamt Jó-
hönnu Kristjánsdóttur
hjúkrunarfræðingi.
LANDIÐ
MORGUNBLAÐIÐ ÞRIÐJUDAGUR 24. APRÍL 2001 21
Fagradal - Einmuna veð-
urblíða hefur verið á Suður-
landi og þá er gott að nota
tímann til ýmissa verka sem
hafa setið á hakanum. Að
klippa runna telst til hefð-
bundinna vorverka. Helga
Mjöll Stefánsdóttir nýtti
góða veðrið og brá sér út í
garð til að snyrta runna.
Í Mýrdalnum hefur hitinn
farið yfir 10 gráður á daginn
og eru tún byrjuð að taka á
sig grænan lit. Mikið var um
innlenda og erlenda ferða-
menn í Vík í Mýrdal yfir
páskana og því er mikið að
gerast í Vík og nágrenni.
Morgunblaðið/Jónas Erlendsson
Helga Mjöll Stefánsdóttir klippir runna.
Tún að
byrja að
grænka
Holti - Aðalfundur Ferðamálasam-
taka Suðurlands var haldinn á
Kirkjubæjarklaustri nýlega og var
þar kosin ný stjórn samtakanna:
Eyja Þóra Einarsdóttir Moldnúpi,
formaður, og meðstjórnendur: Erla
Ívarsdóttir, Geirlandi, Hrafnhildur
Guðmundsdóttir, Skeiðum, Eymund-
ur Gunnarsson, Selfossi og Sigmar
Georgsson, Vestmannaeyjum.
Fráfarandi formaður Jóhanna B.
Magnúsdóttir sagði frá þróttmiklu
starfi þessara frjálsu félagssamtaka
ferðaþjónustufólks á Suðurlandi,
þeim áfanga að komið var upp Upp-
lýsingamiðstöð Suðurlands, sem var
rekin af Hveragerðisbæ allt árið með
góðum árangri og til góðs fyrir ferða-
þjónustuna. Unnið væri að því að
koma upp Markaðsstofu Suðurlands
og síðan sagði hún frá þátttöku í sýn-
ingum og útgáfu þjónustubæklings-
ins „Sumar á Suðurlandi“ ásamt öðru
sem samtökin hefðu unnið að.
Nýkjörinn formaður, Eyja Þóra
Einarsdóttir, sagði að samtökin
myndu vinna áfram að sömu við-
fangsefnum.
Markaðsskrifstofa sett á stofn
Framtíðarverkefni sem samtökin
vildu vinna að, væri að koma upp
Markaðsstofu Suðurlands, þar sem
ferðamálafulltrúar Suðurlands
myndu sameina krafta sína gagnvart
markaðssetningu á öllu svæðinu, því
ferðaþjónustan væri mjög stækkandi
atvinnugrein, sem þyrfti að halda ut-
an um til að tryggja gæði þjónust-
unnar og eftirspurn þar af leiðandi.
Þá yrði haldið áfram að taka þátt í
ferðakaupstefnunni Vest-Norden og
nýjum aðilum hjálpað í kynningar-
starfi þar, svo og gefinn út dreifing-
arbæklingur á ensku þar sem þjón-
ustuaðilar gætu skráð sig gegn vægu
gjaldi. Stefnt væri að því að gefa út
vandað kynningarrit um Suðurland
og þá kosti sem það hefur upp á að
bjóða við móttöku ferðamanna. Það
væru mörg viðfangsefni fyrir þjón-
ustuaðilana að vinna að á Suðurlandi
ef spár um eina milljón ferðamanna
árið 2016 myndu rætast. Fyrir Sunn-
lendinga væri suðurstrandarvegur
um Krísuvík frá Keflavíkurflugvelli
bein áskorun um meira starf og
markvissara, ásamt því að sveitar-
félögin á Suðurlandi tækju þessi mál
upp með ákveðnari hætti, þannig að
fleiri ferðamálafulltrúar yrðu ráðnir
til starfa og Markaðsskrifstofa Suð-
urlands fengi fjármuni til að geta
starfað.
Morgunblaðið/Halldór Gunnarsson
Eyja Þóra Einarsdóttir
Mörg verkefni bíða ferða-
þjónustunnar á Suðurlandi
Vestmannaeyjum - Kvenfélagið
Líkn í Vestmannaeyjum gaf á dög-
unum sónartæki til Heilbrigðisstofn-
unar Vestmannaeyja. Tækið heitir
„Ultrasound Center“ og leysir það af
hólmi um 20 ára gamalt tæki sem var
úr sér gengið. Nýja tækið er mun
fullkomnara en það eldra og auð-
veldar mjög alla skoðun, sérstaklega
á fóstrum vanfærra kvenna.
Þess má geta að kvenfélagið gaf
einnig gamla tækið fyrir 20 árum.
Andvirði tækisins er um 3 milljónir
króna.
Morgunblaðið/Sigurgeir Jónasson
Gáfu sónartæki
Hellnum - Nýlega var opnuð ný
gámastöð í Snæfellsbæ og er hún
staðsett á Rifi. Er hún liður í fram-
kvæmdaáætlun Snæfellsbæjar í
starfi að Staðardagskrá 21. Gáma-
stöðin hefur fengið ágætar viðtökur
og fer notkun hennar rólega af stað. Í
viðtali við Morgunblaðið segja Krist-
inn Jónasson bæjarstjóri og Ásbjörn
Óttarsson forseti bæjarstjórnar
Snæfellsbæjar að mikilvægt sé að
taka eitt skref í einu við uppbyggingu
gámastöðvarinnar, kanna hver sam-
setning sorpsins verður og aðlaga
starfsemina þörfum bæjarfélagsins.
„Opnun gámastöðvarinnar markar
auðvitað tímamót í sorphirðu í Snæ-
fellsbæ,“ segir Kristinn Jónasson
bæjarstjóri. „Við gerðum samstarfs-
samning við önnur bæjarfélög á Vest-
urlandi um urðun við Fíflholt og með
opnun gámastöðvarinnar lokum við
nú öllum sorphaugum í Snæfellsbæ.
Umsýsla með gámum svæðisins og
gámalosun er í höndum Tómasar Sig-
urðssonar verktaka en Öryggisþjón-
usta Snæfellsbæjar sér um vöktun
gámastöðvarinnar. Héðan í frá verð-
ur sorp annaðhvort sent í urðun í
Fíflholt eða því skilað til gámastöðv-
arinnar sem flokkar mismunandi
spilliefni og skilar til réttra förgunar-
aðila. Með þessum beytingum á sorp-
málum Snæfellsbæjar verður strang-
lega bannað að losa sorp á öðrum
stöðum en í gámastöðinni.“
„Viðhorf fólksins til þessarar ný-
skipunar á sorpmálum bæjarfélags-
ins skiptir auðvitað meginmáli,“ segir
Ásbjörn Óttarsson forseti bæjar-
stjórnar. „Aðlögun að nýjum aðstæð-
um og kröfum um frágang sorps
verður ekki unnin nema með sam-
vinnu allra bæjarbúa. Við væntum
þess að bæjarbúar fylgi þessari ný-
skipan vel eftir og að þeir verði t.d.
duglegir við það í sumar að skila
garðaúrgangi í gámastöðina, því
meiningin er að nota hann við upp-
græðslu á gömlu sorphaugunum.
Stefnt er að því að þeirri uppgræðslu
ljúki sem fyrst og munum við m.a.
nota jarðveg sem til fellur við fram-
kvæmdir bæjarins í hana. Fólk má
einnig koma með annan lífrænan úr-
gang í gámastöðina og honum verður
ekki blandað við úrgang sem fer til
urðunar í Fíflholti,“ bætir Ásbjörn
við og segir að mikilvægt sé að fólk
geti treyst flokkun stöðvarinnar.
„Sem stendur getum við ekki boðið
upp á sérstaka gáma fyrir dagblöð,
mjólkurfernur o.fl.,“ segir Ásbjörn.
„Við verðum að bíða nýrra lausna
með pappírsmálin. Þau skapa vanda
víða um heim þar sem endurvinnslu
pappírs hefur verið hætt og í Þýska-
landi er dagblöðum nú safnað saman í
himinháar stæður í þeirri von að ein-
hver aðferð til arðbærrar endur-
vinnslu finnist.“
Spilliefni í læstum gámum
„Enn sem komið er er spilliefna-
móttaka okkar í áhaldahúsi Snæfells-
bæjar, sem er í Ólafsvík,“ segir Krist-
inn, „en fljótlega fáum við læsta
gáma sem settir verða upp á gáma-
vellinum og mun þá starfsmaður þar
taka á móti spilliefnum eins og raf-
geymum, rafhlöðum, sprautum, lyfj-
um og málningarefnum. Allt járna-
rusl sem kemur í gámastöðina er
strax sent í endurvinnslu og hið sama
á við um bílhræ. Eigendur verða þó
að tappa allri olíu af bílunum, tæma
vatnskassa og taka rafgeyma úr
þeim, þannig að hægt sé að pressa
bílhræin saman og senda með gáma-
flutningabifreiðum í endurvinnslu.
Ekki er enn búið að taka endanlega
ákvörðun um hvað gert verður í þeim
fortíðarvanda sem bæjarfélagið á við
að etja í málmúrgangi en leitað er
leiða til að losna við hann á sem hag-
kvæmastan hátt, sem fyrst.“
Safnkassar fyrir íbúana
„Bæjarstjórn samþykkti á síðasta
ári að leggja ákveðna fjárhæð í að
kaupa safnkassa fyrir lífrænan úr-
gang fyrir íbúana,“ segir Ásbjörn.
„Nú erum við að leita tilboða í góða
safnkassa og síðan auglýsum við og
bjóðum íbúum bæjarfélagsins afnot
af þeim. Safnkassarnir verða niður-
greiddir til bæjarbúa þannig að þeir
eiga að fá þá á sanngjörnu verði.
Reiknað er með því að gera ákveðinn
samning við hvern og einn íbúa og
getur hann fengið að skila safnkass-
anum ef hann vill ekki nota hann
lengur, en gert er ráð fyrir því að þeir
sem ekki noti safnkassa geti komið
með sinn lífræna úrgang í gámastöð-
ina. Við væntum þess svo að við get-
um á einhvern hátt verðlaunað þá
bæjarbúa sem nota safnkassa, því
með því eru þeir að draga úr umfangi
þess sorps sem þeir skila frá sér og
þarf í dag að fara í urðun.“
Báðir eru Ásbjörn og Kristinn
ánægðir með þær framfarir sem þeir
telja að fylgi breytingum sem verða á
sorpmálum Snæfellsbæjar með opn-
un gámastöðvarinnar. Telja þeir að
starf bæjarfélagsins að Staðardag-
skrá 21 og sú framkvæmdaáætlun
sem henni fylgir, hafi verið hvati að
þessari nýju lausn í sorpmálum og
segja að bæjarstjórnin vinni stöðugt
að fleiri úrbótum í samræmi við hana.
Ný gámastöð í Snæfellsbæ staðsett á Rifi
Viðhorf fólksins
skiptir mestu