Morgunblaðið - 13.11.2001, Blaðsíða 12

FRÉTTIR
12 ÞRIÐJUDAGUR 13. NÓVEMBER 2001 MORGUNBLAÐIÐ
GEORG Þór Kristjáns-
son, fyrrverandi forseti
bæjarstjórnar Vest-
mannaeyja, andaðist
síðastliðinn sunnudag á
heimili sínu í Vest-
mannaeyjum, 51 árs að
aldri.
Georg Þór fæddist í
Vestmannaeyjum 25.
mars árið 1950 sonur
hjónanna Kristjáns
Georgssonar og Helgu
Björnsdóttur.
Georg Þór vann mik-
ið að félagsmálum í
Vestmannaeyjum.
Hann var formaður handknattleiks-
og knattspyrnudeildar íþróttafélags-
ins Þórs og í stjórn knattspyrnudeild-
ar ÍBV 1976–1978. Hann tók mikinn
þátt í félagsstarfi í gagnfræðaskóla,
var formaður skólafélagsins 1965 til
1966. Starfaði í skátafélaginu Faxa
1962 til 1969 og var varaformaður
Eyverja, félags ungra sjálfstæðis-
manna, 1980 til 1985.
Georg Þór var fyrst kjörinn í bæj-
arstjórn Vestmannaeyja árið 1978.
Hann sat alls fjögur kjörtímabil í
bæjarstjórn, þrjú fyrir Sjálfstæðis-
flokkinn en kjörtímabilið 1994 til 1998
sat hann fyrir H-listann
sem hann stofnaði
ásamt stuðningsmönn-
um sínum. Georg Þór
starfaði sem forseti
bæjarstjórnar frá des-
ember 1983 til júní
1984. Þá sat Georg Þór í
fjölda nefnda á vegum
Vestmannaeyjabæjar.
Georg Þór gekk í
Kiwanisklúbbinn
Helgafell árið 1978,
hann gegndi stöðu rit-
ara í þrígang og var síð-
ast kjörinn ritari við
stjórnarkjör í haust.
Georg Þór var forseti Helgafells árið
1988 til 1989. Svæðisstjóri Sögusvæð-
is 1994 til 1995 og varð síðan æðsti
maður Kiwanishreyfingarinn á Ís-
landi er hann gegndi stöðu umdæm-
isstjóra Íslands og Færeyja 1998 til
1999.
Georg Þór var kvæntur Kristrúnu
Hörpu Rútsdóttur og áttu þau saman
þrjú börn en fyrir átti Georg Þór eina
dóttur.
Útför Georgs Þórs fer fram frá
Landakirkju í Vestmannaeyjum
laugardaginn 17. nóvember nk.
klukkan 11.
Andlát
GEORG ÞÓR
KRISTJÁNSSON
MINNINGARATHAFNIR um hermenn frá Bretlandi
og bresku samveldislöndunum og um þýska hermenn
sem féllu í heimsstyrjöldunum tveimur voru haldnar á
sunnudaginn. Séra Arngrímur Jónsson stjórnaði báð-
um athöfnunum sem fóru fram í hermannagrafreitnum
í Fossvogskirkjugarði.
Morgunblaðið/Golli
Minnast fallinna hermanna
FASTEIGNAKAUPENDUM get-
ur reynst erfitt að sannreyna hvort
íbúðir sem þeir hyggjast festa kaup
á séu samþykktar eða ekki. Þetta
segir Magnús Ingi Erlingsson lög-
fræðingur en hann hefur verið að
vinna í tveimur málum þar sem fólk
keypti íbúðir sem það vissi ekki að
væru ósamþykktar.
Magnús segir hvergi hægt að fá
vottað hvort íbúð sé samþykkt. „Það
er mikið af ósamþykktum íbúðum
sem hafa gengið kaupum og sölum
og hvort sem það er vitandi vits eða
ekki þá þekki ég tvö dæmi þess að
ósamþykkt íbúð var seld sem sam-
þykkt.“
Hann segir að eina leið íbúða-
kaupenda sé að skoða teikningar af
eigninni hjá byggingafulltrúa. Ef
fyrirliggjandi séu samþykktar
teikningar þá bendi það til þess að
íbúðin sé samþykkt. Það sé þó ekki
alltaf öruggt. „Í öðru tilvikinu var
það alger tilviljun að þetta uppgötv-
aðist því það voru til samþykktar
teikningar. Það dugði þó ekki til því
byggingarleyfi lá til grundvallar
teikningunum. Ef það hefði verið
farið í framkvæmdirnar sem bygg-
ingarleyfið var fyrir þá hefði íbúðin
verið samþykkt en það var aldrei
farið í framkvæmdirnar. Þannig að
það er mjög erfitt fyrir alla aðila
sem koma að þessum málum að átta
sig á því hvenær íbúð er samþykkt
eða ekki.“
Íbúðir oft skráðar
hjá Fasteignamati
Hann segir að svo virðist sem við
lánveitingar fari Íbúðalánasjóður
eingöngu eftir skráningu íbúðarinn-
ar hjá Fasteignamati ríkisins. „Þar
er eignin kannski metin sem íbúð
vegna þess að það hefur verið búið í
henni. Í báðum þessum tilvikum var
Íbúðalánasjóður búinn að lána út á
eignirnar þannig að þær voru alls
staðar meðhöndlaðar sem sam-
þykktar eignir þrátt fyrir að þær
væru það ekki.“
Að sögn Magnúsar hefur þetta
fyrst og fremst áhrif á réttarstöðu
seljenda og kaupenda. „Þetta hefur
verið að koma svolítið upp í
tengslum við eignaskiptasamninga
því þá er farið í teikningarnar og
kannað hvort íbúðir séu samþykktar
eða ekki. Þá kemur þetta gat í kerf-
inu í ljós. Þetta verður þess
valdandi að kaupandinn verður
ósáttur við að vera með ósamþykkta
eign í höndunum því markaðsverðið
er sitthvort eftir því hvort íbúðin
flokkast sem samþykkt eða ekki.“
Hann segir að opinber aðili þurfi
að koma til, sem staðfesti þetta líkt
og gert er með veðbandayfirlit.
„Það ætti að vera hægt að fá ein-
hvers staðar útprentað vottorð um
það að íbúðin sé samþykkt eða
ósamþykkt því það myndi auka
mjög öryggið í þessum viðskiptum
og ég teldi eðlilegt að bygginga-
fulltrúi gæfi út slík vottorð,“ segir
Magnús.
Ekki hægt að fá vottorð um hvort eignir séu samþykktar eða ekki
Ósamþykktar íbúðir
seldar sem samþykktar
ÞEGAR Einar Gunnar Guðmunds-
son keypti íbúð í júlí 1997 fylgdu
henni pappírar frá Fasteignamati
ríkisins, þinglýstur eignaskipta-
samningur og fasteignalýsing þar
sem kom fram að hún væri 86
fermetrar, auk þess sem Einar yf-
irtók áhvílandi húsbréf.
„Síðan gerðist það, þegar við
vorum að selja íbúðina í lok síð-
asta árs og vorum komin með
munnlegt tilboð sem allt stefndi í
að yrði skriflegt, að væntanlegur
kaupandi fór til byggingarfull-
trúa og þá kom í ljós að íbúðin
var ekki samþykkt,“ segir Einar.
„Við skildum bara ekki hvernig á
þessu stóð því við töldum okkur
vera með samþykktar teikningar
að þessari íbúð.“
Hann segir að í ljós hafi komið
að um var að ræða nýja íbúð í
gömlu húsi en þar sem end-
urgerðin hafi ekki verið í sam-
ræmi við þær teikningar sem búið
var að samþykkja af henni hafi
byggingarfulltrúi ekki getað litið
svo á að hún væri samþykkt.
Að sögn Einars tók hann til við
að fá íbúðina samþykkta þegar
hér var komið sögu. „Við fórum í
gegnum fimm mánaða ferli með
tilheyrandi kostnaði og fengum
hana loksins samþykkta en hún
endaði á að vera 13 fermetrum
minni en þegar við keyptum
hana.“
Var búinn að festa
kaup á nýrri íbúð
Þessi töf á sölunni olli Einari
verulegum óþægindum. „Sjálf
vorum við búin að skrifa undir
samning í byrjun desember á
íbúðinni sem við búum núna í og
það þýddi að ég varð að standa
sjálfur straum af allri fjármögnun
á henni. Ég var ekki búinn að fá
neitt fyrir mína íbúð þannig að
fyrstu útborgun varð ég að reiða
fram úr mínum eigin sjóðum.“
Auk þessa féll töluverður
kostnaður á Einar vegna þess
ferlis sem hann þurfti að fara í
gegnum til að fá íbúðina sam-
þykkta. „Við þurftum að láta
arkitekt teikna þetta upp á nýtt
og borga skoðunarmann auk allra
ferðanna, vinnutapsins, ljósrita og
fleira. Við teljum að tap okkar
vegna þessa sé um 1,9 milljónir
en þá tökum við inn í milljón sem
við töldum okkur hafa ofgreitt
fyrir íbúðina vegna þess að hún
var minni en við héldum. Beinn
útlagður kostnaður er svona 8–
900 þúsund,“ segir hann og bætir
því við að hann hafi höfðað mál
til að sækja rétt sinn fyrir dóm-
stólum.
Hann segist afar ósáttur við
það hvernig kerfið virkar í þess-
um efnum. „Það er fyrst og
fremst ósamræmið í þessu milli
byggingarfulltrúa og Fast-
eignamatsins og eftirlitskerfisins
hjá byggingarfulltrúa. Það sem
gerðist var að þegar bygging-
arleyfi fékkst voru teikningarnar
samþykktar en ekkert eftirlit haft
og engin úttekt gerð á verkinu.“
Telur tap sitt nema um
1,9 milljónum króna
BORUNUM er lokið í bili á Heng-
ilssvæðinu á vegum Orkuveitu
Reykjavíkur, sem áformar 120
megavatta gufuaflsvirkjun á þessum
slóðum. Jarðboranir hf. boruðu tvær
holur í sumar, aðra á ská undir
Skarðsmýrarfjall og hina við norð-
urhlíðar Stóra-Reykjafells. Hvor
hola um sig er um tveggja kílómetra
djúp. Að auki hafa farið fram í haust
umfangsminni rannsóknaboranir á
Hellisheiði og við Svínahraun til að
kanna stöðu og streymi grunnvatns.
Starfsmenn Orkustofnunar hafa
einnig unnið að rannsóknum á þess-
um slóðum.
Einar Gunnlaugsson hjá OR sagði
að stóru borholurnar tvær væru nú
lokaðar. Köldu vatni var dælt niður í
þær í sumar og er beðið eftir því að
vatnið hitni í jarðlögunum. Hann
sagði að holurnar yrðu væntanlega
látnar blása upp úr áramótum og þá
væri hægt að mæla hversu mikið
gufuafl þær gæfu. Einar sagði bor-
anir halda áfram næsta sumar í
Sleggjubeinsskarði og víðar.
Orkuveitan hefur uppfyllt skilyrði
fyrir rannsóknarleyfi frá iðnaðar-
ráðuneytinu á þessum slóðum og
vinnur þar eftir skilyrðum um sem
minnst jarðrask. Skipulagsstofnun
tók málið fyrir og taldi ekki ástæðu
til umhverfismatsvegna þeirra jarð-
borana sem fram fóru sl. sumar.
„Við reynum að valda sem
minnstu raski og nýtum alla þá veg-
arslóða sem fyrir eru á staðnum.
Engir nýir slóðar hafa verið gerðir
vegna þessara jarðborana. Við erum
frekar að ganga betur um og lagfæra
þær malarnámur sem hafa staðið
þarna síðustu áratugi,“ sagði Einar.
Orkuveita Reykjavíkur er þessa
dagana að ganga frá samningum við
arkitekta og verkfræðinga um hönn-
un á fyrirhugaðri virkjun og stað-
setningu hennar. Áform veitunnar
standa til þess að geta tekið virkj-
unina í notkun árið 2005.
Jarðboranir á Hengilssvæðinu
Beðið eftir að
holur hitni
Drengur hljóp
í veg fyrir bíl
DRENGUR varð fyrir bíl í Hamra-
hlíð við Hlíðaskóla í Reykjavík á ní-
unda tímanum í gærmorgun.
Samkvæmt upplýsingum frá lög-
reglunni í Reykjavík hljóp drengur-
inn á milli tveggja kyrrstæðra bif-
reiða og út á götu. Hann var fluttur á
slysadeild en meiðsli hans voru talin
minniháttar.
Drengur sem var að klifra yfir girð-
ingu á Hringbraut skarst illa á læri og
var fluttur á slysadeild með sjúkra-
bifreið.
Talsvert var um árekstra í Reykja-
vík í gærmorgun og hafði lögregla á
orði að margir bílar væru vanbúnir til
vetraraksturs. Víða var hálka á göt-
um og gekk umferð hægt fram eftir
morgni.
Þrír bílar rákust saman á gatna-
mótum Hringbrautar og Bústaðaveg-
ar um níuleytið. Ökumaður eins bíls-
ins kvartaði undan meiðslum í hálsi
og hugðist sjálfur fara á slysadeild.