Morgunblaðið - 13.11.2001, Síða 20

SUÐURNES
20 ÞRIÐJUDAGUR 13. NÓVEMBER 2001 MORGUNBLAÐIÐ
HAFRANNSÓKNASTOFNUN
hélt opna fundi á Akranesi og í Vest-
mannaeyjum í síðustu viku. Stofnun-
in hefur að undanförnu efnt til funda
víða um land og rætt um þessi mál-
efni, enda er óhætt að segja að um-
ræðuefnið hafi verið fjölbreytt og líf-
legar umræður spunnist í kjölfarið.
Jóhann Sigurjónsson forstjóri
Hafrannsóknastofnunar fór í upphafi
fundarins á Akranesi yfir hlutverk
stofnunarinnar, uppbyggingu henn-
ar og helstu verkefni. Hann fór yfir
atriði sem skýrt geta þá staðreynd að
minna hefur veiðst af bolfiski á síðari
árum en gerðist á árum áður.
Í fyrsta lagi taldi hann að lofts-
lagsbreytingar segðu þar sína sögu
og misjöfn skilyrði í hafinu síðustu
áratugina hefðu mikil áhrif á Græn-
landsgöngur sem dregið hefði stór-
lega úr og það hefði mikil áhrif á
stærð þorskstofnsins. Önnur mikil-
væg atriði nefndi Jóhann svo sem að
leyfður afli (kvóti) hefði verið umtals-
vert umfram ráðgjöf til fjölda ára,
burðarþol svæða væri breytt, of mik-
il sókn og að mikið skark kynni að
hafa sitt að segja sem og brottkast
afla sem þó væri óþekkt stærð.
Hann gerði að umtalsefni þá miklu
verðmætasóun sem fylgdi því að
veiða mikið af smáfiski, farsælast
væri að geyma hann í sjó á mesta
vaxtarskeiði hans, og veiða hann síð-
an stærri og verðmætari og máli sínu
til stuðnings benti hann á árganginn
frá 1922 sem gott dæmi um að þorsk-
ur geymist afar vel í sjó, hann hefði
verið feikna stór og hefði verið burð-
arás í veiði í mjög mörg ár.
Sigfús Schopka fiskifræðingur, og
sérfræðingur í þorskrannsóknum
ræddi óvissu í stofnmati og hvers
vegna væru skekkjur í því og hvernig
stofnunin gæti gert betur. Síðustu
áratugina hefði skipst á of- eða van-
mat á stofnstærðinni, en síðustu árin
hefði eingöngu verið um ofmat að
ræða. Að baki liggja ýmsar skýring-
ar, sagði Sigfús, og vonir stæðu til að
betur mætti gera en til þess að svo
yrði nefndi hann nokkur atriði; auka
þyrfti samstarf við sjómenn, meta
brottkast, efla haust- og netarall,
merkingar yrðu auknar og tekið upp
grunnslóðarrall og að síðustu þyrfti
að fara yfir aðferðafræðina.
Veiðar í Faxaflóa áhyggjuefni
Fundarmenn voru fjölbreyttur
hópur skipstjórnarmanna, fisk-
vinnslufólks og útgerðarmanna auk
annarra áhugamanna um sjávarút-
veg, alls 30–40 manns, og sýndist sitt
hverjum um málefni fundarins.
Fram komu fyrirspurnir um ástand-
ið á Íslandsmiðum á þriðja áratug
síðustu aldar og efasemdir um vís-
indi þess tíma og rannsóknir sem þá
voru unnar við erfiðar aðstæður.
Einnig var spurt um togararallið og
árangur þess. Þá spurði Skarphéð-
inn Árnason trillusjómaður forstjór-
ann hvort hann væri ánægður með
þann árangur sem fengist hefði eftir
18 ára friðun þorsks við landið og
hvað liði rannsóknum á áhrifum
veiða í dragnót í Faxaflóa.
Í svari Jóhanns Sigurjónssonar
kom fram að hann væri alls ekki
ánægður með ástand þorskstofnsins,
ekki hefði tekist að stjórna veiðunum
nægilega vel. Varðandi Faxaflóann
sagði hann að hann hefði miklar
áhyggjur af þeim veiðum og benti
líka á að bæði skip og veiðarfæri
hefðu breyst mikið á undanförnum
árum og það hefði áhrif.
Getum ekki gert ráð fyrir
mjög stórum þorskstofni
Bjarni Sveinsson fyrrverandi skip-
stjóri velti fyrir sér hvernig stæði á
því að við vissum svo mikið um
þorskárganginn frá 1922 en á þeim
tíma störfuðu tveir menn að fiski-
rannsóknum og ekkert hafrannsókn-
arskip hefði verið til. Nú störfuðu
160 manns hjá Hafró og við værum
að vandræðast með að meta árganga.
Einnig nefndi hann eitt atriði til við-
bótar við þau sem kynnu að hafa árif
á stofnstærð, en það væri náttúru-
legur dánarstuðull þorsksins. Hann
spurði hvort þessi stuðull væri hugs-
anlega orðinn hærri en menn gerðu
ráð fyrir. Bjarni spurði einnig hvort
notkun togveiðarfæra dagsins í dag,
sem sannarlega væru miklu þyngri
en áður, gæti verið hér áhrifavaldur.
Jóhann Sigurjónsson kvaðst vera
sammála Bjarna varðandi veiðar-
færabúnaðinn og það væri mikið um-
hugsunarefni. Varðandi náttúrulegu
dánartíðnina sagði hann að það væri
sérstakt fyrirbrigði en ekki stórt
áhyggjuefni. Varðandi stofninn frá
1922 sagði Jóhann að vissulega hefðu
ekki verið til öflug rannsóknarskip á
þeim tíma, en framúrskarandi vís-
indamenn hefðu starfað á þeim ár-
um. „Það er til gott mat á aldurs-
greiningu afla frá þessum tíma þar
sem fram kemur að fiskurinn var
mjög stór og líka mjög gamall og á
því byggði ég mína umræðu,“ sagði
hann. „Auk þess nýttu þessir menn
sér þekkingu gamalla sjósóknara
mikið. Kjarni málsins er,“ sagði Jó-
hann, „að við getum ekki gert ráð
fyrir mjög stórum þorskstofni eins
og áður. Það kunna að koma toppar,
en 300–350 þúsund tonna ársafli er
það sem við getum gert okkur vonir
um.“
Veiðar á smá-
fiski sóun á
verðmætum
Fundaröð á vegum Hafrannsóknastofnunar
um land allt lauk í síðustu viku með fundi í
Vestmannaeyjum. Fundirnir voru samtals
átján og fylgdust Jón Gunnlaugsson á
Akranesi og Ásmundur Friðriksson í
Eyjum með orðaskiptum sérfræðinga og
heimamanna á stöðunum.
Akranes
FRAMKVÆMDIR eru hafnar við
varanlega vegagerð á Gaulverjabæj-
arvegi í Árnessýslu. Vegagerðin
samdi við vörubílstjórafélagið Mjölni
á Selfossi sem bauð um 40 milljónir
króna í verkið.
Að sögn Steingríms Ingvarssonar
hjá Vegagerðinni á Selfossi er heild-
arkostnaður áætlaður kringum 75
milljónir. Um er að ræða 6,8 km
kafla að félagsheimilinu Félagslundi
og verður þá komin klæðning þenn-
an kafla að Selfossi alls 13 km leið.
Heildarverki á að ljúka 1. septem-
Mjölnir
sér um
vegagerð
Gaulverjabær
LANDIÐ
HÚSFYLLIR var á foreldraráð-
stefnunni Hönd í hönd sem Fjöl-
skyldu- og félagsmálaþjónusta
Reykjanesbæjar efndi til síðastlið-
inn laugardag. Starfsmenn eru
ánægðir með hvernig til tókst.
Ráðstefnan var haldin í Kirkju-
lundi, safnaðarheimili Keflavík-
urkirkju. Kolbrún Leifsdóttir fé-
lagsráðgjafi sem var annar
ráðstefnustjóri telur að um 260–270
foreldrar hafi verið í salnum og
með þeim 50–60 börn sem gætt var
á meðan á ráðstefnunni stóð. „Ráð-
stefnan tókst óskaplega vel,“ segir
Kristbjörg. „Það segir okkur að
fólk hefur áhuga á málefninu og á
þjónustu Fjölskyldu- og fé-
lagsþjónustunnar,“ segir hún.
Í fjórum erindum foreldra og fag-
fólks komu fram margvíslegar leið-
beiningar fyrir foreldra og umræð-
ur spunnust eftir nokkur þeirra.
Morgunblaðið/Helgi Bjarnason
Hvert sæti var skipað í Kirkjulundi, þar sem foreldraráðstefnan fór fram.
Vel sótt
foreldra-
ráðstefna
Reykjanesbær
Guðbjörg Ósk, fjögurra ára dóttir Ellerts Eiríkssonar bæjarstjóra, fékk
að sitja við háborðið hjá pabba sínum.
UM 180 athugasemdir bárust við
deiliskipulag Borgarhverfis í Kefla-
vík, iðnaðarsvæði sem fyrirhugað er
við Rósaselsvötn, skammt ofan við
Vallahverfi. Íbúar hverfisins eru af-
ar óánægðir með áform um að
byggja þarna iðnaðarhverfi. Ljóst er
að auglýsa þarf tillöguna að nýju
með breytingum vegna athuga-
semda skipulagsnefndar varnar-
svæða.
Umræddur reitur er í núgildandi
aðalskipulagi skilgreindur sem opið
svæði sem frestað var að skipu-
leggja. Bæjaryfirvöld vilja koma
þarna upp iðnaðar- og þjónustu-
svæði sem einkum er hugsað fyrir
flugsækna starfsemi. Svæðið er ekki
langt frá Flugstöð Leifs Eiríkssonar.
Breyta þarf tillögunni
Bæjaryfirvöld auglýstu í haust til-
lögur Vinnustofunnar Þverár að
skipulagi svæðisins. Frestur til að
gera athugasemdir rann út 9. þessa
mánaðar. Viðar Már Aðalsteinsson,
forstöðumaður umhverfis- og tækni-
sviðs Reykjanesbæjar, sagði í gær
að 180 athugasemdir hefðu borist.
Ásgeir Eiríksson, einn af íbúum
Vallahverfis, telur að vel á þriðja
hundrað kosningabærra íbúa hafi
skrifað undir athugasemdir sem skil-
að hafi verið á bæjarskrifstofurnar.
Hluti fyrirhugaðs byggingarsvæð-
is er á varnarsvæði. Viðar Már segir
að vegna athugasemda skipulags-
nefndar varnarsvæða þurfi að gera
smávægilegar breytingar á skipu-
lagstillögunni og auglýsa hana aftur.
Eftir sé að leggja málið fyrir skipu-
lags- og byggingarnefnd Reykjanes-
bæjar og bæjarstjórn á nýjan leik.
Verði áfram útivistarsvæði
Í mótmælum íbúa hverfisins kem-
ur fram að þeir óska eftir því að
skipulaginu verði breytt þannig að
svæðið verði opið og það gert að-
gengilegt fyrir almenning. Ásgeir
vekur athygli á því að Keflvíkingar
hafi notað svæðið til útivistar í lang-
an tíma, meðal annars leiki börn sér
mikið við Rósaselsvötn. Óeðlilegt sé
að setja enn eitt iðnaðarhverfið ofan í
íbúðabyggð auk þess sem vegur að
hverfinu muni koma rétt ofan við
íbúðarhúsin. Hann segir að iðnaðar-
hverfi bæjarins séu ósnyrtileg og
ekkert sem bendi til að þetta hverfi
verði öðruvísi. Þá vekur Ásgeir at-
hygli á því að verið sé að skipuleggja
önnur svæði fyrir flugsækna starf-
semi, meðal annars á þjónustusvæði
Flugstöðvar Leifs Eiríkssonar, og
ekki sé sennilegt að fyrirtækin flytji
sig í þetta fyrirhugaða hverfi.
Vonast Ásgeir til þess að bærinn
dragi áform sín til baka eða breyti
skipulaginu verulega.
Viðar Már segir ljóst að þegar
svona eindregin andstaða komi fram
við skipulagshugmyndir verði farið
yfir málið að nýju og athugasemd-
irnar skoðaðar vel. Málið verði lagt
fyrir skipulags- og byggingarnefnd
og síðar bæjarstjórn.
180 athugasemdir við
skipulag Borgarhverfis
Reykjanesbær
SKÓLASTJÓRI og aðstoðaskóla-
stjóri Gerðaskóla í Garði hafa sagt
upp störfum vegna þess að þeir telja
sig fara illa út úr samningi launa-
nefndar sveitarfélaga við kennara-
samtökin og hafa ekki fengið það
lagfært hjá yfirvöldum hreppsins.
Sigurður Jónsson sveitarstjóri
staðfestir uppsögn skólastjóranna.
Einar Valgeir Arason skólastjóri
sagðist í gær ekki tjá sig opinberlega
um uppsögnina fyrr en skólanefnd
og hreppsnefnd hefðu fjallað um
málið. Sigurður Jónsson sagði að
skólastjórarnir telur sig fara illa út
úr kjarasamningi sem kennarasam-
tökin gerðu fyrr á þessu ári við
Launanefnd sveitarfélaga. Telur
Sigurður að það kunni að vera rétt
en segir að eftir sé að fara yfir málið.
Sveitarstjórinn segir að erfið
staða sé komin upp í Gerðaskóla,
ekki sé gott að þurfa að skipta um
stjórnendur á miðju skólaári. Hins
vegar sé erfitt fyrir Gerðahrepp að
bregðast við vegna þess að hann hafi
afhent samningsumboð sitt til
Launanefndar sveitarfélaga og sé
bundinn af þeim kjarasamningum
sem hún geri.
Uppsögn skólastjórans tekur að
óbreyttu gildi um áramót en aðstoð-
arskólastjórinn hættir í lok febrúar.
Uppsögn skólastjórnendanna
verður rædd í skólanefnd í dag og í
sveitarstjórn á miðvikudag.
Skólastjórarnir
segja upp störfum
Garður