Morgunblaðið - 22.01.2002, Síða 10

FRÉTTIR
10 ÞRIÐJUDAGUR 22. JANÚAR 2002 MORGUNBLAÐIÐ
VILHJÁLMUR Þ. Vilhjálmsson,
formaður Sambands íslenskra
sveitarfélaga, gerir athugasemdir
við að eftirlitsnefnd með fjármál-
um sveitarfélaga skuli endurtaka
aðvaranir um fjárhagsvanda til
nokkurra sveitarfélaga sem áður
hafa fengið slíka aðvörun og eru að
vinna sig út úr erfiðleikunum í
fullu samræmi við áætlanir sem
eftirlitsnefndinni hafi verið gerð
grein fyrir á sínum tíma. Þetta eigi
meðal annars við um Hafnarfjörð
og Reykjanesbæ.
Í þessum tveimur sveitarfélög-
um búa um 30 þúsund manns eða
tæplega helmingur íbúa þeirra
sveitarfélaga sem eftirlitsnefndin
sendi aðvörunarbréf að þessu
sinni. Það einkennir þessi sveit-
arfélög, skv. upplýsingum Vil-
hjálms, að þau hafa staðið í mikl-
um tímabundnum framkvæmdum
vegna skólabygginga, íþróttahúsa
og leikskóla.
Eins og fram kom í Morgun-
blaðinu um helgina hefur eftirlits-
nefnd með fjármálum sveitarfélaga
aðvarað 31 sveitarfélag vegna
slæmrar fjárhagslegrar stöðu.
Vilhjálmur segir nefndina hafa
unnið mjög gott starf og hlutverk
hennar sé gagnlegt. ,,Eftirlits-
nefndin vinnur eftir ákveðnum við-
miðunum og ber að gera viðkom-
andi sveitarfélögum grein fyrir því
ef fjárhagsstaða þeirra er ekki inn-
an settra viðmiðana. En á hinn
bóginn er hægt að taka undir þau
sjónarmið að það sé ekki ástæða til
að endurtaka aðvaranir til þeirra
sveitarfélaga sem gefið hafa við-
unandi skýringar, sem hefur verið
fylgt eftir,“ segir Vilhjálmur.
Sveitarfélög í vanda vegna fé-
lagslega eignaríbúðakerfisins
Að sögn Vilhjálms er það ekkert
nýtt að mörg sveitarfélög eigi í
fjárhagsvanda og vandi margra
lítilla sveitarfélaga sé kannski
mestur. ,,Í raun og veru hefur
vandinn ekkert aukist þegar á
heildina er litið,“ segir hann.
Skv. upplýsingum Vilhjálms
nýta 20 af þessu 31 sveitarfélagi
útsvarsheimildir sem lög kveða á
um að fullu en tíu sveitarfélög gera
það ekki. Fjárhagsvandi þeirra sé
þó ekki endilega úr sögunni þótt
þau hafi nýtt sér þessar heimildir
til fulls, að mati Vilhjálms.
Hann sagði að í mörgum til-
vikum væri um uppsafnaðan vanda
að ræða, m.a. ættu mörg sveit-
arfélög úti á landi, þar sem íbúum
hefur fækkað, í vanda vegna fé-
lagslega eignaríbúðakerfisins.
,,Þetta var t.d. mikill vandi hjá
sveitarfélögum á Vestfjörðum, sem
núna er búið að leysa. Ekkert
sveitarfélag á Vestfjörðum er leng-
ur á þessum lista en það kemur í
kjölfar þess að þau seldu hlut sinn
í Orkubúi Vestfjarða og nýttu þá
fjármuni til að borga niður skuldir
og losa sig við vanskil og erfið
lán,“ sagði Vilhjálmur.
Vilhjálmur Þ. Vilhjálmsson, formað-
ur Sambands íslenskra sveitarfélaga
Gagnrýnir
vinnulag eft-
irlitsnefndar
STOFNAÐUR hefur verið sér-
stakur styrktarsjóður, Þekking í
þágu þjóðar, sem veita mun stúd-
entum við Háskóla Íslands styrki
til þess að vinna að rannsóknum
víðs vegar um landið. Styrkt-
arsjóðnum var komið á fót að
frumkvæði Stúdentaráðs í sam-
vinnu við tíu sveitarfélög sem
leggja fram tvær milljónir króna í
sjóðinn og Byggðastofnun sem
leggur fram þrjár milljónir.
Þorvarður Tjörvi Ólafsson, for-
maður Stúdentaráðs, segir að
stefnt sé að því að veita tíu styrki
að upphæð fimm hundruð þúsund
krónur hvern vegna rannsókna
sem unnar verða á landsbyggð-
inni. „Stofnun sjóðsins kemur í
beinu framhaldi af verkefninu
Þjóðarátak í þágu Háskóla Ís-
lands sem Stúdentráð ýtti úr vör í
fyrrasumar þegar níutíu ár voru
liðin frá stofnun Háskóla Íslands.“
Þorvarður Tjörvi segir að með
átakinu hafi stúdentar viljað sýna
frumkvæði að því að efla Háskóla
Íslands og styrkja hlutverk og
ímynd hans sem þjóðskóla. „Stúd-
entaráð hefur leitað eftir sam-
starfi við fjölmarga aðila, s.s.
sveitarfélög, stjórnvöld, atvinnulíf
og almenning um það að efla Há-
skóla Íslands. Markmiðin með
átakinu má með grófum hætti
greina í þrennt. Í fyrsta lagi að
efla rannsóknir úti á landsbyggð-
inni með því að leita eftir sam-
starfi við sveitarfélög og stofn-
anir um að skapa tækifæri og
raunverulega hvatningu fyrir
stúdenta til þess að vinna að
rannsóknum vítt og breitt um
landið. Í annan stað vildum við
efla samstarf Háskólans við at-
vinnulífið og byggðum þá hugsun
á þeirri trú að góð samvinna fyr-
irtækja og Háskólans væri beggja
hagur. Þriðja meginmarkmiðið
var að skora á almenning að sam-
einast um það verkefni að efla
Háskóla Íslands. Þetta eru háleit
markmið en öll stuðla þau að því
að Háskóli Íslands sinni því með
sóma að vera þjóðskóli okkar Ís-
lendinga. Það er mjög mikilvægt í
okkar augum að þjóðskóli njóti
öflugs stuðnings fólks í landinu
öllu, hann verður að vera í góðum
og nánum tengslum við atvinnu-
lífið og sömuleiðis verður hann að
stuðla að sköpun þekkingar um
allt land.“
Morgunblaðið/Árni Sæberg
Forseti Íslands, Ólafur Ragnar Grímsson, verndari Þjóðarátaksins, Þorvarður Tjörvi Ólafsson formaður og
Dagný Jónsdóttir, framkvæmdastjóri Stúdentaráðs, á blaðamannafundi þar sem sjóðsstofnunin var kynnt.
Stofna sjóð vegna rann-
sókna á landsbyggðinni
„VIÐ höfum alltaf vitað að ekki væri
hægt að nota talstöðvar og farsíma í
göngunum. Hins vegar eru neyðar-
símar þar á 500 metra fresti. Þá þarf
að hafa í huga, að víða er brýnt að
bæta vegakerfið, en við höfum ekki
úr óendanlegum fjármunum að spila
og verðum að forgangsraða,“ segir
Gísli Eiríksson, umdæmisstjóri
Vegagerðarinnar á Vestfjörðum.
Á laugardag héldu slökkviliðs- og
lögreglumenn á Vestfjörðum bruna-
æfingu, ásamt Vegagerðinni, í Vest-
fjarðagöngum. Hvorki talstöðvar né
farsímar virkuðu inni í göngunum.
„Það hefur alla tíð verið ljóst að fjar-
skiptasamband í göngunum er ekki
gott og í viðbragðsáætlun, sem unnin
var í samvinnu við slökkvilið og lög-
reglu, er gert ráð fyrir því,“ segir
Gísli. „Ef ástæða væri til væri hægt
að tala í talstöð frá gangamunna við
þann sem væri í neyðarsíma inni í
göngunum, en neyðarsímarnir eru í
beinu sambandi við lögregluna.“
Gísli sagði að öryggismál í jarð-
göngum væru sífellt til umræðu.
„Ef bruni verður í göngunum er
ljóst að erfitt verður að athafna sig.
Það á ekki aðeins við hér á landi, því
mjög vel búin slökkvilið í Ölpunum
hafa átt í miklum erfiðleikum þegar
eldar loga í jarðgöngum og eru þau
þó miklu betur búin en slökkviliðið á
Ísafirði. Það má alltaf bæta búnað-
inn og það á líka við um fjarskipta-
sambandið. Jarðgöngin eru hins veg-
ar hluti af vegakerfinu og verkefni
við lagfæringar á því eru ærin.“
Vegagerðin og fjarskiptasamband í Vestfjarðagöngum
Þarf að forgangs-
raða í vegakerfinu
SAMKOMULAG hefur tekist í
starfshópi flokkanna sem mynda R-
listann um tillögu um uppstillingu á
listann fyrir borgarstjórnarkosning-
arnar í vor. Guðjón Ólafur Jónsson
lögmaður, sem situr í starfshópnum
fyrir hönd Framsóknarflokksins,
segir stefnt að því að leggja tillög-
una formlega fyrir viðræðunefndir
flokkanna á morgun, miðvikudag.
Guðjón Ólafur segir að tillaga
starfshópsins, sem í situr fulltrúi
frá hverjum þeirra þriggja flokka
sem standa að framboði R-listans,
væri að Framsóknarflokkur, Sam-
fylking og Vinstri hreyfingin –
grænt framboð fengju tvo fulltrúa
hver í fyrstu sex sætum listans.
Sameiginleg uppstillingarnefnd
myndi tilnefna mann í sjöunda sæt-
ið og Ingibjörg Sólrún Gísladóttir
yrði í áttunda sæti.
Guðjón Ólafur sagði að ef tillagan
yrði samþykkt í sameiginlegri við-
ræðunefnd flokkanna á morgun
yrði málið lagt fyrir stofnanir flokk-
anna til formlegrar staðfestingar.
Hann sagði að flokkunum yrði síðan
frjálst að taka ákvörðun um hvern-
ig þeir stæðu að uppstillingu í þau
sæti sem þeir fengju úthlutað.
Guðjón Ólafur sagði að einnig
hefði náðst samkomulag um mál-
efnagrundvöll framboðsins. Stefnt
væri að því að það yrði einnig stað-
fest í viðræðunefndinni á morgun.
Samkomulag hefur náðst um framboð R-listans
Samkomulagið
staðfest á morgun
ALÞINGI kemur saman í dag,
þriðjudaginn 22. janúar, eftir
jólaleyfi, en þingi var frestað
hinn 14. desember sl.
Gert er ráð fyrir nokkrum
önnum á þingi næstu mánuð-
ina, enda ætlunin að ljúka störf-
um í vor talsvert fyrr en venja
er, eða 24. apríl nk. vegna bæj-
ar- og sveitarstjórnarkosninga
í lok maí.
Horfur í efnahags-
málum ræddar utan
dagskrár í dag
Ýmis stór mál bíða afgreiðslu
á vorþingi. Má þar nefna frum-
varp iðnaðarráðherra til nýrra
raforkulaga og um virkjunar-
leyfi vegna Kárahnjúkavirkj-
unar. Á fyrsta fundi þingsins á
nýju ári er efnt til utandag-
skrárumræðu um horfur í efna-
hagsmálum. Málshefjandi er
Össur Skarphéðinsson, formað-
ur Samfylkingarinnar, en Dav-
íð Oddsson forsætisráðherra er
til andsvara. Hefst umræðan
kl. 13.30.
Meðal annarra mála sem eru
á dagskrá þingsins í dag má
nefna frumvarp félagsmálaráð-
herra til nýrra barnaverndar-
laga og frumvörp landbúnaðar-
ráðherra til laga um búfjárhald,
búnað og útflutning hrossa.
Alþingi
kemur
saman
eftir jóla-
leyfi
ÓLAFUR F. Magnússon læknir og
framkvæmdastjórn Frjálslynda
flokksins ákváðu á fundi sínum sl.
föstudag að bjóða fram sameigin-
legan lista við borgarstjórnarkosn-
ingar í vor. Heiti framboðsins verð-
ur F-listi, frjálslyndra og óháðra.
Margrét Sverrisdóttir, fram-
kvæmdastjóri Frjálslynda flokks-
ins, segir að næstu daga og vikna
bíði nú að þróa frekar málefnaskrá
framboðsins og helstu stefnumál,
enda þótt sameiginlegir snertifletir
hafi komið í ljós í könnunarviðræð-
um vegna framboðsins. Þá eigi eft-
ir að ganga frá samkomulagi um
niðurröðun á lista og eins sé þess
að vænta innan skamms að tilkynnt
verði hver muni fara fyrir listanum
í borgarstjórnarkosningunum.
F-listi
frjálslyndra
og óháðra
býður fram
VOPNAÐ rán var framið í sölu-
turni í Hafnarfirði á laugar-
dagskvöldið, þegar grímu-
klæddur maður réðst inn í
söluturninn, ógnaði starfs-
manni með hnífi og hafði á
brott með sér um 30 þúsund
krónur. Ræninginn mun hafa
neytt færis þegar enginn var að
versla í söluturninum og lét þá
til skarar skríða.
Lögreglurannsókn stendur
yfir hjá lögreglunni í Hafnar-
firði og er ræningjans leitað.
Hann var ófundinn í gær.
Vopnað rán
í söluturni