Morgunblaðið - 22.01.2002, Síða 14

HÖFUÐBORGARSVÆÐIÐ
14 ÞRIÐJUDAGUR 22. JANÚAR 2002 MORGUNBLAÐIÐ
STÚDENTARÁÐ Háskóla
Íslands hefur óskað eftir form-
legum viðræðum við Hafnar-
fjarðarbæ um uppbyggingu
stúdentagarða í bæjarfélag-
inu. Hefur skipulags- og um-
ferðarnefnd bæjarins lýst sig
fúsa til viðræðna um málið.
Í bréfi sem formaður stúd-
entaráðs, Þorvarður Tjörvi
Ólafsson, ritar til bæjarráðs
segir að vegna mikillar eftir-
spurnar eftir leiguhúsnæði á
stúdentagörðum eigi nemend-
ur úr nágrannasveitarfélögum
Reykjavíkur nær enga mögu-
leika á að komast á stúdenta-
garða Félagsstofnunar Stúd-
enta. Námsmenn úr
Hafnarfirði þurfi því að leigja
sér dýrt húsnæði á almennum
markaði í Reykjavík eða Hafn-
arfirði. „Þótt leiga sé hærri í
Reykjavík en í Hafnarfirði er
minni kostnaður við samgöng-
ur og meira úrval af leiguhús-
næði. Fjöldi hafnfirskra há-
skólastúdenta velur því að
leigja í Reykjavík,“ segir í
bréfinu.
Nauðsynlegt að huga að
dagvistarmálum
Er bent á að háskólanemar
séu hátekjufólk framtíðar og
því sé það hagur sveitarfélaga
að laða þá til sín. Bestu leið-
irnar til þess séu uppbygging
stúdentagarða og aukinn for-
gangur fyrir börn stúdenta á
leikskólaplássum. Nauðsyn-
legt sé að huga að dagvistun-
armálum í tengslum við upp-
byggingu stúdentagarða og er
bent á þrjár leiðir til að gera
dagvistunarkerfið í Hafnar-
firði stúdentavænna.
Í fyrsta lagi þurfi að gera
sérstakar ráðstafanir fyrir
börn stúdenta á aldrinum sex
mánaða til tveggja ára þar sem
stúdentar séu oft með börn á
þeim aldri. Til dæmis gæti
bærinn stefnt að rekstri sér-
staks leikskóla fyrir börn stúd-
enta á þessum aldri eða skil-
greina forgangsrými fyrir þau.
Þá þurfi að auka niður-
greiðslur með börnum stúd-
enta sem fara á einkarekna
leikskóla. Loks er lagt til að
börn stúdenta njóti forgangs
þó að einungis annað foreldr-
anna sé í námi en í dag njóta
börn hafnfirskra stúdenta ein-
ungis forgangs séu báðir for-
eldrar í námi.
Í bréfinu kemur fram að for-
maður Stúdentaráðs hafi átt
viðræður við bæjarstjóra og er
í framhaldinu óskað eftir form-
legum viðræðum um samstarf
í þessum efnum.
Íbúðasvæðið á
Völlum hentugt
Bæjarráð Hafnarfjarðar
vísaði erindi Stúdentaráðs til
skipulags- og umferðarnefnd-
ar sem í síðustu viku fagnaði
ósk um samstarf varðandi
uppbyggingu stúdentagarða. Í
bréfi nefndarinnar til bæjar-
ráðs kemur fram að nefndin
telji íbúðasvæðið á Völlum vel
til þess fallið að taka á móti
uppbyggingu stúdentagarða.
„Svæðið verður með hærri
nýtingu en áður hefur tíðkast á
nýbyggingarsvæðum í bænum
og því stutt í almenna þjónustu
og strætisvagna [...] auk þess
sem þétt stígakerfi ætti að
höfða til ungs fólks með börn.“
Lýsir nefndin sig fúsa til
viðræðna um með hvaða hætti
hún geti komið að slíku sam-
starfi.
Tilbúnir til viðræðna
um stúdentagarða
Hafnarfjörður
AÐSÓKN í sundlaugar
Hafnarfjarðar hefur aldrei
verið meiri en í fyrra en þá
komu 351.808 gestir í sund-
laugarnar. Þar af komu
281.173 í Suðurbæjarlaug
og 70.635 í Sundhöllina.
Til samanburðar má geta
þess að árið 1998 var að-
sóknin í sundlaugarnar tvær
275.155 manns, árið 1999
komu 299.952 og á síðasta
ári komu 318.827. Aukn-
ingin árið 2001 var því 9,4%
frá fyrra ári og samsvarar
aðsóknin í fyrra því að hver
Hafnfirðingur hafi komið 17
sinnum í sund á árinu.
Morgunblaðið/Golli
Sundlaugarnar hafa aldrei verið jafn vinsælar og í fyrra en
þá fór hver Hafnfirðingur 17 sinnum í sund að meðaltali.
Sundið vinsælt
Hafnarfjörður
SLÖKKVILIÐ höfuðborgar-
svæðisins stefnir að því að
opna nýja og fullkomna
slökkvistöð í Skútahrauni í
Hafnarfirði í apríl næstkom-
andi. Um er að ræða stærsta
og fullkomnasta bílasal sem
slökkviliðið mun hafa yfir að
ráða.
Að sögn Jóns Viðars Matth-
íassonar aðstoðarslökkviliðs-
stjóra er nýja slökkvistöðin
um 1.640 fermetrar að stærð.
„Þetta er bygging sem við
keyptum sem búið var að
steypa upp en var ekki einu
sinni fokheld. Svo buðum við
út allar breytingarnar og inn-
réttingarnar og verktakafyr-
irtækið Feðgar úr Hafnarfirði
var þar ódýrast og fékk verk-
ið.“ Hann segir framkvæmd-
um miða vel áfram og hafa
staðist áætlun en gert er ráð
fyrir að kostnaður við nýju
slökkvistöðina verði alls um
200 milljónir.
Jón Viðar segir stöðina
bjóða upp á gífurlega mögu-
leika sem ekki verði fullnýttir
í upphafi. „Þetta verður svona
framtíðarstöð. Þarna getur
verið fjöldi bíla og í framtíð-
inni sjáum við fram á að
byggja upp búnað varðandi
almannavarnir og annað slíkt.
Slökkvistöðin í Skógarhlíð er
stærri í fermetrum talið en
þar er lagt meira upp úr skrif-
stofum, þar er eldvarnareftir-
litið, neyðarlínan og margt
annað. En nýja stöðin er
stærst hvað varðar bílasalinn
sjálfan og lóðina í kring og að
því leytinu til afburðastöð.“
Til að byrja með verður
nýja stöðin mönnuð með
starfsfólki úr gömlu stöðinni í
Hafnarfirði, sem verður lokað
þegar nýja stöðin verður tek-
in í notkun. Segir Jón Viðar að
um leið og stöðin verði opnuð
fái slökkviliðið nýjan bíl sem
verður hafður á nýju stöðinni
auk þess sem þar skapast
pláss fyrir varabíla sem hing-
að til hefur þurft að leigja
húsnæði undir.
Morgunblaðið/Júlíus
Við nýju slökkvistöðina í Skútahrauni fyrr í vetur en hún verður opnuð í apríl næstkomandi.
Ný og fullkomin
slökkvistöð brátt opnuð
Hafnarfjörður
ÍBÚASAMTÖK vesturbæjar
Kópavogs árétta í nýlegri
ályktun þá skoðun sína að
starfsemi við Kópavogshöfn
verði með þeim hætti að sem
minnstir þungaflutningar
verði eftir götum vesturbæj-
ar. Segir í ályktuninni að
þetta sé sérlega mikilvægt í
ljósi fyrirhugaðrar aukinnar
íbúðarbyggðar í bænum með
tilkomu bryggjuhverfis.
Pétur Eysteinsson, formað-
ur íbúasamtakanna, segir
flutningana ekki vera mikið
vandamál eins og sakir standa
en kveikjan að ályktuninni
hafi verið fréttir af áhuga Atl-
antsskipa á að nota höfnina til
flutninga til Evrópu. „Ef það
verður farið að nota höfnina
sem uppskipunar- og útflutn-
ingshöfn þá óttumst við
þungaflutninga hérna um göt-
urnar. Og þegar bryggju-
hverfið verður komið þarna
inn, eykst umferð enn frekar,
sérstaklega eftir Kársnes-
brautinni,“ segir Pétur.
Sigurður Geirdal, bæjar-
stjóri Kópavogs, segir álykt-
un íbúasamtakanna ekki
koma sér á óvart. Þetta séu
lifandi íbúasamtök sem fylgist
vel með því sem er á döfinni í
hverfinu. Hann segir bæjaryf-
irvöld jákvæð gagnvart því að
Atlantsskip nýti höfnina. „Við
erum búin að byggja höfn og
þá þarf að nota hana til þess
að ná inn tekjum. Málið snýst
um hvaða aðstöðu þeir þurfa
þarna og við erum að láta bæj-
arskipulagið skoða hvernig er
hægt að koma þessu fyrir.“
Sigurður telur ekki ástæðu
til að óttast mikla þungaflutn-
inga samfara þessu. „Þetta
verðurekki slík umferð þótt
það komi eitt, tvö skip í mán-
uði. Þetta er sú tegund skipa-
flutninga sem við höfum verið
að leita að og því má segja að
þetta sé í jákvæðri athugun.“
Varðandi bryggjuhverfið
segir Sigurður ekki útlit fyrir
þungaflutninga í tengslum við
gerð landfyllingar undir
hverfið þar sem efni til fyll-
ingarinnar verði tekið úr sjó.
Ályktun íbúasamtaka vesturbæjar
Óttast þungaflutn-
inga við höfnina
Kópavogur
Bæjarverkfræðingur Kópa-
vogs hefur sent Vegagerð-
inni bréf þar sem óskað er
eftir úrbótum til að auka um-
ferðaröryggi á Vatnsenda-
vegi. Er óskað eftir því að
lýsing verði bætt auk að-
gerða til að draga úr umferð-
arhraða.
Morgunblaðið greindi frá
því í haust að hverfissam-
tökin „Sveit í borg“ hefðu
sent áskorun til bæjarstjórn-
ar, Lögreglunnar í Kópa-
vogi, Umferðarráði og Vega-
gerð ríkisins um að bæta
umferðaröryggi á veginum.
Að sögn Þórarins Hjaltason-
ar, bæjarverkfræðings
Kópavogs, hefur hann nú
sent Vegagerðinni bréf þar
sem óskað er eftir slíkum úr-
bótum.
„Þetta er þjóðvegur og
þar með er Vegagerðin við-
haldari. Í erindi mínu til
vegamálastjóra koma fram
tillögur frá umferðarnefnd
Kópavogs um bætta lýsingu
á kaflanum frá brúnni og að
afleggjaranum að Elliða-
hvammi. Auk þess er óskað
eftir því að settar verði tvær
hraðahindranir sem væru
mjókkun niður í eina akrein
á tveimur stöðum. Staðsetn-
inging þrenginganna yrði
ákveðin endanlega í samráði
við tæknideild Kópavogsbæj-
ar,“ segir Þórarinn.
Hann segir aðgerðirnar
miða að því að draga úr um-
ferðarhraða og auka öryggi
gangandi vegfaranda og vís-
ar í erindi íbúasamtakanna í
því sambandi. „Það hefur áð-
ur komið erindi frá íbúum
varðandi lýsinguna og bæj-
aryfirvöld hafa áður óskað
eftir því við Vegagerðina að
lýsingin verði bætt. Það var
síðan gert á litlum kafla frá
Breiðholtsbraut og að brúnni
við Elliðaár. Varðandi veg-
kaflann sem hér um ræðir þá
er einn og einn staur á hon-
um en það er rétt að bæta
þessa lýsingu að mínu mati.“
Erindi bæjaryfirvalda til Vegagerðarinnar um úrbætur til að auka öryggi á Vatnsendavegi
Morgunblaðið/Árni Sæberg
Íbúar segja vöntun á lýsingu á Vatnsendavegi ógna öryggi
gangandi vegfarenda. Hér eru það bílljós sem lýsa upp bið-
skýlið þar sem fólk bíður strætisvagnsins í myrkrinu.
Lýsing verði bætt og
þrengingar settar upp
Vatnsendi
SKIPULAGS- og bygginga-
nefnd Reykjavíkur hefur
samþykkt að auglýsa tillögu
að deiliskipulagi Skugga-
hverfis sem afmarkast af
Skúlagötu, Klapparstíg, Lind-
argötu og Frakkastíg.
Eins og Morgunblaðið
greindi frá í haust gengur til-
lagan mun skemur í að fjar-
lægja hús sem fyrir eru á
svæðinu en fyrri tillögur.
Tillagan verður auglýst um
næstu helgi. Þá tekur við fjög-
urra vikna auglýsingatími auk
tveggja vikna athugasemda-
frests þar sem íbúum gefst
kostur á að koma með form-
legar athugasemdir. Þær
verðu svo yfirfarnar áður en
skipulagið kemur til endan-
legarar samþykktar.
Deiliskipulags-
tillaga auglýst
Skuggahverfi