Morgunblaðið - 22.01.2002, Síða 16

AKUREYRI
16 ÞRIÐJUDAGUR 22. JANÚAR 2002 MORGUNBLAÐIÐ
Vinnustofa SÍBS • Hátúni 10c • Sími: 562 8500 • Beinn sími sölumanna 562 8501 • Fax: 552 8819 • Heimasíða www.mulalundur.is
TILBOÐ Á EGLA BRÉFABINDUM - VERÐ 274 KR / STK. Tilboðið gildir til 31. janúar 2002
BIC Atlantis penni
Verð 91 kr/stk
POST-IT minnismiðar í
flestum stærðum. Stærð 76*76
mm 106 kr/blokkin og 12
blokkir saman í pakka
Ljósritunarglærur. 100 stk í
pakka. Verð 1.867kr/pk
TRICOM reiknivél með
strimli
Verð 7.900 kr/stk
NOVUS MASTER
gatar 25 blöð.
Verð 382 kr
Ljósritunarpappír 400 kr/pakkningin
NOVUS HEFTARI
heftar 30 blöð.
Verð 674 kr Skilblöð númeruð, lituð,
stafróf eða eftir
mánuðum.Fuji geisladiskar þar sem gæðin skara framúr
3 dagar
í Slava!
Miðasala opin alla virka
daga kl 13-17 og fram
að sýningu sýningardaga.
Sími 4621400. www.leikfélag.is
TÓNLISTARHÚSIÐ Laugarborg
var formlega tekið í notkun á laug-
ardagskvöld að viðstöddu miklu
fjölmenni. Björn Bjarnason
menntamálaráðherra ávarpaði
samkomuna og lýsti yfir ánægju
sinni með tónlistarhúsið.
Laugarborg var félagsheimili
fyrir Hrafnagilshrepp allt frá
árinu 1959, en síðasta vetur var sú
ákvörðun tekin í sveitarstjórn
Eyjafjarðarsveitar og hjá hús-
stjórn Laugarborgar að ráðast í
viðamiklar breytingar á húsinu
með það að markmiði að bæta að-
stöðu til tónlistarflutnings þar.
Flygillinn í húsinu næstu 5 ár
Helsti hvati að breytingunum
var ósk frá Tónlistarfélagi Akur-
eyrar um að flygli í eigu minning-
arsjóðs um tónlistarmanninn Ingi-
mar Eydal yrði komið fyrir í
húsinu þannig að tónlistarmenn og
tónlistaraðdáendur fengju notið
þessa vandaða hljóðfæris í góðu
húsi. Við athöfnina skrifuðu þeir
Bjarni Kristjánsson, sveitarstjóri í
Eyjafjarðarsveit, og Þórarinn
Stefánsson, formaður Tónlistar-
félags Akureyrar, undir samning
þar sem gert er ráð fyrir að flygill-
inn verði í húsinu næstu fimm ár.
Ráðgert er að tónleikahald á veg-
um félagsins sem og Tónlistar-
skóla Akureyrar verði að mestu
leyti í Laugarborg.
Húsið var nánast endurbyggt
frá grunni og klætt var upp í loft í
sal samkvæmt tillögum sérfræð-
inga á sviði hljómburðar. Einnig
voru gerðar lagfæringar á for-
stofu, veggklæðningum í sal og
ýmislegt fleira en um kostnaðar-
samar breytingar var að ræða.
Þeir tónlistarmenn, sem þegar
hafa komið fram á tónleikum í hús-
inu, lofa mjög þær breytingar sem
þar hafa verið gerðar og segja
húsið í hópi þeirra bestu á þessu
sviði í landinu.
Við athöfn í tilefni þess að húsið
var tekið í notkun fluttu ávörp auk
menntamálaráðherra, þeir Bjarni
Kristjánsson og Eiríkur Hreiðars-
son sem greindi frá sögu Laug-
arborgar.
Hannes Þ. Guðrúnarson lék ein-
leik á gítar og Þuríður Baldurs-
dóttir söng einsöng, þá lék Daníel
Þorsteinsson einleik á flygilinn.
Karlakór Eyjafjarðar söng nokkur
lög undir stjórn Björns Leifssonar
og djsshljómsveitin Hrafnaspark
spilaði einnig. Loks léku félagar úr
Hjómsveit Ingimars Eydal frá
árinu 1993, en Ingimar lést það ár,
fyrir troðfullu húsinu við góðar
undirtektir.
Tónlistarhúsið Laugarborg formlega tekið í notkun
Flygillinn varð kveikjan að
viðamiklum breytingum
Morgunblaðið/Benjamín
Hljómsveit Ingimars Eydal frá árinu 1993, Gunnar Gunnarsson, Grímur Sigurðsson, Þorleifur Jóhannsson,
Inga Eydal og Snorri Guðvarðarson, flutti nokkur lög við vígslu tónleikahússins í Laugarborg.
Björn Bjarnason ræddi meðal annars um
þá miklu grósku sem væri í menningarlífi
landsbyggðarinnar í ávarpi sínu.
Morgunblaðið/Rúnar Þór
Bjarni Kristjánsson, sveitarstjóri í Eyjafjarðarsveit, og Þórar-
inn Stefánsson, formaður Tónlistarfélags Akureyrar, undirrit-
uðu samning um að flygillinn verði í Laugarborg næstu 5 árin.
ENN ER óljóst hvort Akureyrar-
bær mun sinna þeim verkefnum sem
hann hafði með höndum fyrir ríkið
sem reynslusveitarfélag, en verkefn-
inu lauk formlega um síðustu ára-
mót.
Akureyrarbær hefur rekið Heilsu-
gæslustöðina, séð um alla þjónustu
við fatlaða og verið með samninga á
sviði öldrunarmála. Kristján Þór
Júlíusson bæjarstjóri gat þess í
ræðu sinni við fyrri umræðu um fjár-
hagsáætlun að reksturinn hefði
gengið vel og úttektir sýndu að þjón-
ustan hefði verið rekin á hagkvæman
hátt. Bæjarstjórn Akureyrar hefur
lýst yfir vilja til að sinna þessum
verkefnum áfram og ganga til samn-
inga um þau á þeim grunni að allur
kostnaður vegna þeirra verði viður-
kenndur.
Bæjarstjóri sagði ekki réttlætan-
legt að greiða halla vegna þeirra úr
bæjarsjóði, það væri engan veginn
réttlætanlegt að taka til þess fjár-
muni frá lögboðnum verkefnum
sveitarfélagsins.
Kristján Þór sagði þau tilboð sem
fram hefðu komið frá viðkomandi
ráðuneytum ekki hafa uppfyllt þessi
skilyrði, en allt að 35 milljónum
króna munar á þeim áætlunum sem
félagssvið Akureyrarbæjar hefði
gert og þeim fjárhæðum sem ráðu-
neytin hafa boðið fram fyrir umsýslu
bæjarins með þessum verkefnum.
Áætlað er fyrir þessum verkefn-
um í fjárhagsáætlun Akureyrarbæj-
ar fyrir árið 2002 en gert ráð fyrir að
kostnaður vegna þeirra verði greidd-
ur af ríkinu. Heildarsamningsfjár-
hæð vegna þjónustu við fatlaða og
aldraða nemur um 1.100 milljónum
króna.
Tilboðin
óviðun-
andi
SIGURRÓS Kristins-
dóttir, fyrrum húsfreyja
á Hálsi í Öxnadal, er 101
árs í dag, þriðjudaginn
22. janúar. Sigurrós
fæddist á Gili í Öxnadal
22. janúar 1901, dóttir
hjónanna Guðrúnar
Maríu Sigurðardóttur
og Kristins Magnússon-
ar.
Sigurrós býr hjá syni
sínum Sigurði Ásgríms-
syni á Akureyri. Hún er
við ágæta heilsu en sjón
og heyrn eru farin mjög
að daprast. Sigurrós
flutti 5 ára gömul að
Geirhildargörðum í Öxnadal og dvaldi
þar til 17 ára aldurs. Þá fór hún að
Ytri-Kotum í Skagafirði og dvaldi þar
í 3 ár en þá flutti hún í Bakkasel í
Öxnadal og var þar í vinnu til 24 ára
aldurs. Þar hitti hún mann sinn Ás-
grím Halldórsson og eignuðust þau
sex börn.
Sigurrós og Ásgrímur keyptu jörð-
ina Háls í Öxnadal árið 1925, byggðu
hana upp og bjuggu þar til ársins
1963, fluttu þá til Akureyrar og
bjuggu þar í þrjú ár. Þá fóru þau aftur
heim á Háls og bjuggu þar til ársins
1973, er þau fluttu aftur
til Akureyrar. Ásgrím-
ur lést í janúar árið
1980.
Elsti íbúi
Akureyrar 106 ára
Elsti núlifandi Akur-
eyringurinn, sam-
kvæmt upplýsingum
frá íbúaskrá Akureyr-
ar, er Elín Magnúsdótt-
ir, sem búsett er á Dval-
arheimilinu Hlíð en hún
varð 106 ára 4. nóvem-
ber sl. Næstelst er Jó-
hanna Jónsdóttir, fædd
12. febrúar árið 1900,
en Sigurrós Kristinsdóttir er þriðji
elsti íbúi bæjarins. Kristín Ólafsdóttir
er fjórði elsti íbúinn, fædd 6. júlí 1901
en hún og Jóhanna Jónsdóttir búa
saman á Aðalstræti 32.
Tveir karlar eru komnir yfir 100 ár-
in, Brynjólfur Jónsson varð 100 ára
18. nóvember og Steinn Guðni Hólm
varð 100 ára 1. desember sl. Brynj-
ólfur dvelur á Kristnesi og Steinn
Guðni á Hlíð. Árný Stígsdóttir, sem
varð 100 ára 1. janúar sl., lést á Dval-
arheimilinu Hlíð sl. sunnudag, 20. jan-
úar.
Sigurrós Kristins-
dóttir 101 árs
Sigurrós
Kristinsdóttir
SKÍÐASVÆÐIÐ í Hlíðarfjalli við
Akureyri verður opnað á morgun,
miðvikudag, í fyrsta sinn á þessum
vetri. Nýja fjögurra sæta stólalyftan
verður í gangi frá kl. 12–16.30 en
lyfturnar í Strýtu, Hóla- og Hjalla-
braut verða lokaðar.
Guðmundur Karl Jónsson, for-
stöðumaður Skíðastaða, sagði að enn
vantaði meiri snjó í fjallið en að hann
myndi falla til jarðar næstu daga.
„Færið er hins vegar gott þar sem
snjór er.“ Guðmundur sagði stefnt
að því að hafa skíðasvæðið opið
næstu daga og um helgina.
Akureyringar hafa beðið óþreyju-
fullir eftir því að skíðasvæðið í Hlíð-
arfjalli yrði opnað á þessum vetri en
á sama tíma í fyrra hafði svæðið ver-
ið opið í um 30 daga. Guðmundur
sagði að mikið hefði verið um fyr-
irspurnir og að þá hefði verið stans-
laus umferð bíla upp í Hlíðarfjall um
helgina, þar sem fólk var að kynna
sér aðstæður af eigin raun.
Æfðu björgun úr
nýju stólalyftunni
Um helgina voru félagar í Björg-
unarsveitinni Súlum að æfa björgun
úr nýju stólalyftunni. Töluverð hæð
er upp stólinn þar sem hæst er, eða
um 10 metrar miðað við auða jörð.
Guðmundur Karl sagði að ef svo ólík-
lega vildi til að lyftan stöðvaðist, en
til þess þyrfti röð óhappa, gæti fólk
setið fast í lyftunni. Hann sagði þó
ákaflega litlar líkur á að slíkt gerðist.
Skíðasvæðið í Hlíðarfjalli opnað á morgun
Færið gott þar
sem snjór er