Morgunblaðið - 26.01.2002, Blaðsíða 12

HÖFUÐBORGARSVÆÐIÐ
12 LAUGARDAGUR 26. JANÚAR 2002 MORGUNBLAÐIÐ
AKUREYRI
ÞAÐ VAR YS og þys í skólastofu 4-D
í Mýrarhúsaskóla þegar blaðamann
bar þar að garði í gærdag. Börnin
eru í óða önn að pakka notuðum leik-
föngum, skóm, skólatöskum og öðru
skóladóti ofan í pappakassa. Dótið
hafa þau komið með að heiman frá
sér og ætlunin er að senda það til
Afríkuríkisins Malaví þar sem skóla-
börn á þeirra reki fá það í hendur.
Þetta er í annað sinn sem nemendur
Mýrarhúsaskólans senda Namazizi-
skólanum, sem er í þorpinu Chir-
ombo í Malaví, skóladót. Sterk vin-
áttutengsl hafa myndast milli skól-
anna tveggja úr þessum ólíku menn-
ingarheimum og guldu Namazizi-
nemendur þeim íslensku greiðann
með góðum gjöfum. Verkefnið er
unnið í samvinnu við Þróunarsam-
vinnustofnun Íslands (ICEIDA) sem
hefur um árabil aðstoðað Malavíbúa
á sviði fiskveiða.
Að sögn Regínu Höskuldsdóttur,
skólastýru Mýrarhúsaskóla, er eitt
markmið verkefnisins að börnin læri
um kjör og ólíkar aðstæður jafn-
aldra sinna, annars staðar í heim-
inum.
Fótbolti gerður úr
hrúgu af fötum
Birgitta Rún Sveinbjörnsdóttir og
Finnur Helgason eru nemendur í 4-D
og segja mjög gaman að safna dóti.
„Það er alls konar dót sem við höfum
safnað, t.d. skólatöskur, reiðhjól og
fullt af skóladóti,“ segir Finnur og
Birgitta bætir við að einnig hafi safn-
ast leikföng; púsluspil og sippubönd
svo eitthvað sé nefnt. „Ég kom með
alls konar liti og tvær skólatöskur
sem bróðir minn notaði,“ segir Finn-
ur en segir engan tilgang í því að
senda gamlar skólatöskur sem hann
sjálfur hafi átt, þær séu alveg ónýtar.
„Þau verða örugglega glöð að fá
leikföngin frá okkur og í staðinn
hafa þau sent okkur fullt af dóti, t.d.
blöð í mörgum litum sem þau fara
rosalega vel með,“ útskýrir Birgitta.
Finnur og Birgitta vita sitt lítið af
hverju um Malaví og finnst skólinn
þar merkilegt fyrirbæri. „Hann er
bara fullt af litlum húsum!“ segir
Birgitta. „Þau eru mjög fátæk og
nota hrúgu af fötum fyrir fótbolta.“
Sökum þessarar vitneskju söfnuðu
krakkarnir líka fullt af boltum sem
verða bráðlega notaðir í leiki í
Malaví.
„Í skólanum eru líka allir saman í
bekk, sama hvað þeir eru gamlir. En
það er kannski bara skemmtilegt,“
segir Finnur.
Þau eru ekki viss um að krakk-
arnir í Namazizi-skólanum viti mikið
um Ísland en þau hafa fengið sendar
litskrúðugar myndir frá þeim sem
lýsa þorpinu þeirra og villtum dýr-
um sem lifa þar í grennd. „Þau halda
kannski bara að við búum í snjó-
húsum, alveg eins og við höldum
kannski ýmislegt um þau sem er
ekki alveg rétt,“ segir Birgitta.
Finnur og Birgitta eru sammála
um að það sé gaman að geta hjálpað
þeim sem á því þurfi að halda. „Þau
eiga eiginlega ekki neitt og þurfa að
rækta allt sjálf,“ segir Birgitta.
Þau segja að einn strákurinn í
Namazizi-skólanum hafi fengið
bleika „stelputösku“ með blómum
frá Íslandi en hafi verið ofsalega
glaður með það! „Ég er ekki viss um
að ég yrði svona ánægður með að fá
bleika tösku!“ játar Finnur hlæjandi.
„En kannski ef ég ætti heima í
Malaví, þá myndi ég örugglega
þiggja hana.“
Þau efast um að börn í Malaví leiki
sér í nákvæmlega sömu leikjum og
börn á Íslandi þó að fótbolti sé vin-
sæll þar eins og hér. En skyldu þá
sippubönd vera notuð á sama hátt í
Chirombo-þorpinu og á Seltjarn-
arnesi? „Það er aldrei að vita,
kannski nota þau það bara til að fara
í reiptog!“ segir Finnur.
En það er þó a.m.k. eitt sem finna
má í Malaví sem þessi íslensku börn
vildu gjarnan hafa hér á landi. „Það
væri ekkert leiðinlegt að hafa svona
gott veður hérna eins og er hjá
þeim,“ segir Finnur. „Þá gæti maður
mætt í stuttbuxum í skólann!“ Birg-
itta samsinnir því. „Krakkarnir eru
örugglega ekkert óhamingjusamir,
það er örugglega mjög gaman að
búa í Malaví.“
Nemendur Mýrarhúsaskóla safna handa börnum í Malaví
„Örugglega gaman
að búa í Malaví“
Morgunblaðið/Sverrir
Nemendur í 4-D pakka niður dóti handa börnum á Malaví.
Seltjarnarnes
FJÖGUR erlend skemmtiferðaskip,
sem eiga það sameiginlegt að flytja
bandaríska farþega, hafa hætt við
komu sína til Reykavíkurhafnar í
sumar vegna atburðanna 11. sept-
ember í Bandaríkjunum. Þetta er þó
lítið miðað við afföll hafna í Evrópu
sem allajafna taka við mörgum
bandarískum skemmtiferðaskipum á
sumrin.
Ágúst Ágústsson, markaðsstjóri
hjá Reykjavíkurhöfn, segir þetta
harla óvenjulega ástæðu fyrir afbók-
unum.
Hann segir nýja hugmyndafræði
vera að ryðja sér rúms í Bandaríkj-
unum varðandi skemmtisiglingar
sem markist af atburðunum í haust.
„Þeir kalla það „Homeland cruising“
sem felst í auknu framboði siglinga
við Ameríku þar sem fólk getur
keyrt til skipsins í stað þess að fljúga
að brottfararstað þess.“
Tekjumissir fyrir
ferðaþjónustuna
Engu að síður verður fjöldi skipa í
Reykjavíkurhöfn svipaður í sumar og
undanfarin ár en búið er að bóka 48
skipakomur. „Blessunarlega er þetta
mjög gott hjá okkur miðað við tölur
yfir afföllin í Evrópu. Það eru til
dæmis bókaðar 25 færri komur til
Stokkhólms í sumar en í fyrra, til
Kaupmannahafnar eru bókaðar 55
færri ferðir og ferðum til Bergen
fækkar um 12 samkvæmt áætlun. Í
Dover á Bretlandi fækkar komum
um 22.“ Ágúst segir aðalástæðuna
fyrir þessum miklu afföllum vera þá
að í þessum höfnum hafi allajafna
verið töluvert um farþegaskip með
amerískum ferðalöngum um borð.
Aðspurður segir hann komur
skemmtiferðaskipanna ekki endilega
hafa mikið að segja fyrir tekjur hafn-
anna sjálfra.
„En fyrir bæjarfélögin og landið í
heild sinni eru þetta töluverðar
tekjur af farþegum eins og hverjum
öðrum ferðalöngum.Hér á Íslandi
eru skip oft að koma til Vestmanna-
eyja og Reykjavíkur og í flestum til-
fellum til Akureyrar líka. Stundum
fara þau á Snæfellsnes og Ísafjörð í
leiðinni, þannig að það eru þrjár til
fjórar rútuferðir frá hverju skipi þótt
það séu ekki nema dagsferðir.“
Skip með íbúðir
til sölu um borð
Ágúst segir von á nokkuð sérstöku
skipi til Reykjavíkurhafnar í sumar
sem byggist á alveg nýrri hugmynda-
fræði. „Það heitir World of Residen-
sea og stoppar hér í tvo, þrjá daga.
Þetta er mjög íburðarmikið skip þar
sem íbúðirnar eru hreinlega seldar til
einstaklinga, rétt eins og þegar fólk
kaupir sér sumarhús á Spáni. Þú get-
ur keypt þér þarna íbúð og farið með
skipinu þegar þú vilt en svo leigir
skipafélagið íbúðina út fyrir þig á
milli. Þetta er gríðarlega flott skip og
í fyrsta sinn í sögunni sem þetta er
gert.“
Von er á tæplega 50 skemmtiferðaskipum í sumar
Bandaríkjamenn afboða sig
Reykjavíkurhöfn

    
    

    
     







 
    


 
  
 
 

 

 

    

 
FERJAN Sæfari lagðist að bryggj-
unni í Grímsey í snjómuggu á dög-
unum og hafði innborðs góða send-
ingu í okkar litla samfélag,
nefnilega nýja slökkvibifreið.
Sigurður Ingi Bjarnason er
slökkviliðsstjóri í Grímsey og hefur
hann með dyggum stuðningi frá dr.
Birni Karlssyni brunamálastjóra
og hans mönnum haft veg og vanda
af þessum bifreiðakaupum.
Slökkvibíllinn er af Range Rover
gerð og keyptur notaður frá Bret-
landi ásamt öllum fylgihlutum. Bif-
reiðin er útbúin með 1000 lítra
vatnstanki og öflugum dælubúnaði.
Sömuleiðis hefur verið keyptur 40
feta gámur sem sérstaklega hefur
verið innréttaður með rafmagni og
hita fyrir slökkviliðið, bíl og búnað.
Í slökkviliðinu með Sigurði Inga
eru Garðar Ólason og Brynjólfur
Árnason auk 10 annarra áhuga-
samra manna. Sigurður slökkvi-
liðsstjóri greindi frá því, að
slökkviliðsmennirnir hefðu sótt
námskeið og æfingar á Dalvík í
haust. Eins hafi menn komið frá
Brunamálastofnun til Grímseyjar
og haldið æfingu með liðinu. Sem
sagt, allt er á réttri leið í bruna-
vörnum Grímseyinga og bjart yfir
íbúum með nýju slökkvibifreiðina
og vaska slökkviliðsmenn.
Morgunblaðið/Helga Mattína
Sigurður Ingi Bjarnason slökkviliðsstjóri, Garðar Ólason, Brynjólfur
Árnason og Þorlákur Sigurðsson slökkviliðsstjóri við nýju bifreiðina.
Ný slökkvibifreið
til Grímseyjar
UNGA fólkið lætur ekki deigan síga
þrátt fyrir breytingar í veðrinu og
heldur uppteknum hætti við leik og
störf. Á meðan sumir bregða sér á
skíði eða snjóbretti í Hlíðarfjalli eru
aðrir t.d. við knattspyrnuiðkun, eins
og þessir ungu menn sem ljósmynd-
ari Morgunblaðsins rakst á.
Morgunblaðið/Kristján
Stór snjóbolti
STÚLKURNAR í eldri deild
Grunnskólans í Grímsey sem eru
á aldrinum 9 til 12 ára, stofnuðu í
október sl. kvenfélag. Hugmyndin
kviknaði í handavinnutíma.
Handavinnukennarinn þeirra, Ás-
laug Helga, hvatti þær óspart til
dáða. Ungkvennafélagið hlaut
nafnið Grímseyjargellur. Vinnu-
listi rétt eins og í alvöru kven-
félagi var útbúinn og stjórn-
arstörfum skipt á milli
stúlknanna. Enda fyrirmynd
þeirra góð þar sem í Grímsey er
starfandi hið síunga og öfluga
kvenfélag Baugur. Kvenfélagið
Grímseyjargellur vex og dafnar
við sauma og prjón, gleði og gam-
an. Núverandi formaður félagsins
er Karen Sigurðardóttir í 4. bekk.
Morgunblaðið/Helga Mattína
Grímseyjargellurnar Bergfríður, Karen formaður, Gyða og Sunna.
Yngsta kvenfélag
á Íslandi?