Morgunblaðið - 26.01.2002, Side 16

NÝTT skip hefur bætzt í flota
Reykvíkinga. Það er Helga RE 49,
sem kom í vikunni til landsins eftir
langa siglingu frá Kína. Helga er
28,9 metra langur togbátur, hann-
aður með tilliti til þess að hafa afl-
vísi lægri en 1.600. Skipið er búið
til botntrollsveiða. Vinnslukerfi
skipsins miðast við að gera að,
flokka og geyma ferskan fisk. Að-
gerðarkerfi er smíðað af Micro hf. í
Kópavpgi og hannað í samstarfi
eiganda skipsins, Skipasýnar og
Micro. Verður kerfið sett niður á
næstu dögum. Skipið er hannað af
Sævari Birgissyni, skipaverkfræð-
ingi hjá Skipasýn.Skipstjóri á
Helgu er Geir Garðarsson.
Úr rækju í bolfiskinn
Fyrir nokkrum árum ákvað Ár-
mann Ármannsson, útgerðarmaður
og eigandi Ingimundar hf., að
hætta veiðum og vinnslu á rækju
og færa sig yfir í bolfiskinn. Hann
seldi þrjú rækjuskip og rækju-
vinnslu á Siglufirði og samdi í
framhaldi þess um smíði á nýjum
ísfisktogara frá Kína. Nýja skipið,
Helga RE 49, er nú komið heim, en
það er fjórða skipið sem ber nafnið
Helga RE 49 og er í eigu Ingimund-
ar hf., en Ármann Friðriksson, fað-
ir Ármanns, og fjölskylda átti fyr-
irtækið áður.
Seldi fyrir hrunið í rækjunni
„Ég seldi síðustu Helguna til
Grænlands 1998, rétt fyrir hrunið í
rækjunni,“ segir Ármann. „Fiski-
fræðingar höfðu þá varað við því
að rækjustofninn stæði illa og ég
ákvað því að draga mig út úr veið-
um og vinnslu á rækju og færa mig
yfir í bolfiskinn. Ég seldi því skipin
og vinnsluna og keypti þá togarann
Sléttanes frá Básafelli. Rækjuveiði-
heimildir okkar hér heima fóru þá
þangað í skiptum fyrir bolfisk, en
Þormóður rammi keypti heimild-
irnar á Flæmska hattinum. Slétta-
nesið seldi ég síðan til Þorbjarnar í
Grindavík og fékk í staðinn Skúm
GK. Hann var gerður út á bolfisk í
átta mánuði, en síðan seldur til
Suður-Afríku.
Við skrifuðum síðan undir samn-
ing um smíði nýs skips í Kína 11.
nóvember 1999 og átti skipið að
vera tilbúið 20. nóvember árið
2000. Smíðin dróst heldur betur á
langinn, því ríflega eitt ár bættist
við smíðatímann. Það hafði vissu-
lega nokkra annmarka í för með
sér. Ég þurfti til dæmis að kaupa
lítinn bát til að vista veiðiheimild-
irnar á, Helgu RE 47, og var hún
Get ekki annað en
verið bjartsýnn
Ármann Ármannsson útgerðarmaður
tekur á móti Helgu RE 49 frá Kína
Morgunblaðið/Þorkell
Ármann Ármannsson útgerðarmaður við nýja skipið, Helgu RE 49.
gerð út á net á vertíð. Umsamið
kaupverð á nýja skipinu var 2,5
milljónir dollara, um 250 milljónir á
gengi í dag, og töfin á smíði skips-
ins og hækkun á gengi dollarsins
kom sér auðvitað illa. Á móti komu
svo dagsektir að nokkru leyti.
Mjög ánægður með skipið
Ég er mjög ánægður með skipið
og það reyndist mjög vel á 42 daga
siglingu á leiðinni heim. Skipið er
vel smíðað enda var gott eftirlit
með smíðinni allan tímann og það
er í raun ekkert kínverskt í því
nema stálið. Þetta skip stenzt fylli-
lega samanburð við skip, sem smíð-
uð eru annars staðar, til dæmis í
Noregi.
Þetta er fremur lítill en öflugur
ísfisktogari, en hann er hannaður
miðað við aflvísi undir 1.600 og get-
ur því verið að veiðum nær landi en
skip með stærri aflvísi. Aflaheim-
ildir eru um 1.600 þorskígildistonn
og það dugir ágætlega fyrir skip af
þessari stærð.
Þegar litið er á fjárfestinguna,
um 250 milljónir króna, og mögu-
legt aflaverðmæti 400 milljónir
króna eða meira, er ljóst að arð-
semi fjárfestingarinnar hlýtur að
vera góð og útgerðin á að geta
gengið vel upp. Sem dæmi um ann-
að má nefna að nýjasta Helgan
kostaði 1.200 milljónir og skilaði
um 400 til 500 milljóna króna afla-
verðmæti á ári. Nýtt skip af því
tagi myndi svo kosta um 1,5 millj-
arða í dag. Þetta eru gjörólík
dæmi.
Við munum selja aflann á fisk-
mörkuðum heima eða erlendis eftir
því hvað hentar hverju sinni. Verð
á fiski er hátt um þessar mundir og
flest bendir til að svo verði áfram.
Svo er bara að vona að þorskstofn-
inn stækki og meira verði til skipt-
anna. Ég get því ekki verið annað
en bjartsýnn á framhaldið,“ segir
Ármann.
VIÐSKIPTI/ATHAFNALÍF
16 LAUGARDAGUR 26. JANÚAR 2002 MORGUNBLAÐIÐ
EFNAHAGS- og viðskiptanefnd hef-
ur ekki tekið afstöðu til ályktunar um
samkeppnislög sem framkvæmda-
stjórn Samtaka atvinnulífsins vísaði
til nefndarinnar.
Vilhjálmur Egilsson, formaður
nefndarinnar, segir ályktunina hafa
verið rædda í nefndinni. Ekkert hafi
hins vegar verið ákveðið og engin af-
staða tekin til þess hvort þingnefndin
ætti að standa að rannsókn málsins.
„Ég bað ritara nefndarinnar að
taka saman gögn um feril málsins,
sem sneri að sektarákvæðunum, í
gegnum þingið. Hvernig hafi verið
staðið að þessu á sínum tíma, frá því
að frumvarpið var lagt fram. Hvort og
hvernig þetta var rætt í þinginu og
hvort gerðar hafi verið athugasemd-
ir“, segir Vilhjálmur.
Í ályktun framkvæmdastjórnar SA
segir að íslensk samkeppnislög víki
verulega frá reglum EES og annarra
Evrópulanda. Gagnrýni SA beinist
m.a. að framkvæmd vettvangsrann-
sókna samkeppnisyfirvalda og sekt-
arheimildum. Fara samtökin fram á
hlutlausa skoðun af hálfu efnahags-
og viðskiptanefndar á reglum sam-
keppnislaga í samanburði við EES-
reglur og löggjöf innan Evrópska
efnahagssvæðisins.
Engin
ákvörðun
verið tekin
Ályktun SA um
samkeppnislög
Kaupir hlut
Jóhanns Óla í
Delta
KAUPTHING Bank Luxembourg
S.A. keypt í gær allan eignarhlut Jó-
hanns Óla Guðmundssonar í Delta
hf., sem er að nafnverði tæpar 18,2
milljónir króna eða 8,34% hlutafjár.
Fyrir átti Kaupthing Bank Lux-
embourg tæpar 788 þúsund krónur
að nafnverði, eða 0,36% af hlutafé
Delta. Eftir kaupin á Kaupthing
8,70% af hlutafé Delta eða tæpar 19
milljónir króna að nafnvirði.
Jóhann Óli hefur í ótiltekinn tíma
atkvæðarétt og kauprétt á hlutafénu
sem hann seldi á ákveðnu samnings-
bundnu verði. Skráð lokagengi Delta
var í gær 46,50 krónur. Sé miðað við
það nemur markaðsverð hlutarins
846 milljónum króna.
GERT er ráð fyrir að hönnunarsam-
keppni vegna húsnæðis fyrir þrjú
ráðuneyti, á svonefndum stjórnar-
ráðsreit á Sölvhólsgötu 9–11 í
Reykjavík, verði auglýst í febrúar
næstkomandi. Þetta kom fram í er-
indi Óskars Valdimarssonar, for-
stjóra Framkvæmdasýslu ríkisins, á
Útboðsþingi Samtaka iðnaðarins og
Félags vinnuvélaeigenda í gær.
Um er að ræða 4.700 fermetra hús-
næði á fjórum hæðum ásamt 4.400
fermetra bílakjallara á tveimur hæð-
um. Áætlað umfang þessa verkefnis
er um 1.600 milljónir króna en stefnt
er að því að verkið verði tilbúið til út-
boðs í desember á þessu ári.
Ráðuneytin sem hér um ræðir eru
heilbrigðis- og tryggingamálaráðu-
neytið, umhverfisráðuneytið og
dóms- og kirkjumálaráðuneytið.
Sveinn Hannesson, framkvæmda-
stjóri Samtaka iðnaðarins og fundar-
stjóri á Útboðsþinginu, sagði að þing-
ið hefði verið haldið á hverju ári frá
1997. Tilgangur þess væri að fá yfirlit
yfir helstu útboð á árinu. Gallinn væri
þó sá að sveitarfélög, önnur en
Reykjavíkurborg, væru alla jafna
ekki tilbúin að greina frá væntanleg-
um útboðum á þessum tíma. Þá sagði
hann að Samtök iðnaðarins og Félag
vinnuvélaeigenda hefðu gefist upp á
að reyna að fá einkaaðila til að greina
frá því sem þeir hefðu í huga í þessum
efnum. Útboðsþingið væri því kynn-
ing á því helsta sem á döfinni væri í
opinberum framkvæmdum á árinu.
Svipað umfang
framkvæmda og í fyrra
Óskar Valdimarsson sagði að um-
fang framkvæmda á vegum Fram-
kvæmdasýslu ríkisins á þessu ári yrði
samtals um 3,4 milljarðar króna, sem
væri svipað og verið hefði á síðasta
ári. Sú tala gæti þó hækkað um rúm-
an hálfan milljarð króna ef ráðist yrði
í útboð á lokafrágangi Náttúrufræði-
húss Háskóla Íslands.
Ingibjörg Sólrún Gísladóttir borg-
arstjóri greindi einnig frá því að gert
væri ráð fyrir að umfang fram-
kvæmda á vegum Reykjavíkurborg-
ar yrði svipað og verið hefur undan-
farin ár, eða tæpir 12 milljarðar
króna. Stærsti einstaki liðurinn þar í
væru framkvæmdir á vegum Orku-
veitunnar fyrir tæpa 5 milljarða.
Á Útboðsþinginu var, auk þess að
gera grein fyrir framkvæmdum
Framkvæmdasýslunnar og Reykja-
víkurborgar, gerð grein fyrir fyrir-
huguðum framkvæmdum á vegum
Siglingastofnunar, Landsvirkjunar
og Vegagerðarinnar.
Opinberar framkvæmdir kynntar á Útboðsþingi 2002
Hönnunarsamkeppni
ráðuneyta í febrúar
Morgunblaðið/Þorkell
Frá útboðsþingi Samtaka iðnaðarins og Félags vinnuvélaeigenda.
KAUPÞING og eigendur finnska
verðbréfafyrirtækisins Pankkiriliike
Sofi Oyj (Sofi) hafa endanlega stað-
fest kaupsamning þess fyrrnefnda á
öllum hlutabréfum í Sofi, með skipt-
um á hlutabréfum í félögunum.
Í tilkynningu til Verðbréfaþings í
gær kemur fram að kaupverð Sofi er
164.286.431 hlutir í Kaupþingi, en
gengi bréfa Kaupþings var í gær 12,7
og kaupverðið samkvæmt því tæpur
2,1 milljarður króna. Alls var
84.286.431 hlutur, eða tæpur 1,1
milljarður króna á markaðsverði
gærdagsins, greiddur með þegar út-
gefnum hlutum í eigu Kaupþings og
80.000.000 hlutir greiddir með nýút-
gefnum hlutum. Viðskipti með hluta-
bréf í Kaupþingi á VÞÍ í gær námu
tæpum 1,1 milljarði króna og var þar
um að ræða hluta greiðslunnar til
Sofi, samkvæmt upplýsingum frá
Kaupþingi.
Hluti kaupverðsins, eða 78.070.000
hlutir í Kaupþingi, er bundinn sölu-
hömlum (lock up). Um það bil 70% af
þeim hlutum fara til stjórnenda og
lykileigenda Sofi og eru þeir bundnir
til þriggja ára, en u.þ.b. 30% hlut-
anna, þ.e. þeir hlutir sem fara til al-
mennra starfsmanna og annarra
hluthafa í Sofi, eru bundnir til
tveggja ára. Við þessa tölu geta bæst
afkomutengdar greiðslur, að því er
fram kemur í tilkynningunni til
Verðbréfaþings. Þessar afkomu-
tengdu greiðslur geta á þriggja ára
tímabili numið allt að 60.050.000
hlutum í Kaupþingi.
Sofi sérhæfir sig í eignastýringu
og verðbréfamiðlun fyrir fyrirtæki,
fagfjárfesta og efnameiri einstak-
linga og hjá félaginu starfa alls 35
manns. Sofi er einn af eigendum
kauphallarinnar í Helsinki. Markmið
Kaupþings með kaupum á Sofi er að
hasla sér völl í Finnlandi og er það
liður í uppbyggingu Kaupþings sem
norræns fjárfestingarbanka.
Sofi er nú rekið sem dótturfélag að
fullu í eigu Kaupþings.
Kaup Kaupþings á Sofi staðfest
Nýherji vill
skaðabætur
NÝHERJI hf. sendi í gær skaða-
bótakröfu til Ríkiskaupa vegna út-
boðs fyrir ný fjárhagskerfi fyrir Rík-
issjóð og stofnanir hans, sem fram
fór fyrri hluta ársins 2001. Kæru-
nefnd útboðsmála úrskurðaði þann
17. desember sl. að Ríkiskaup væru
skaðabótaskyld þar sem ákvörðun
þeirra í framangreindu útboði bryti í
bága við lög um opinber innkaup.
Samkvæmt upplýsingum frá Ný-
herja hefur KPMG Endurskoðun hf.
tekið saman yfirlit um raunkostnað
Nýherja hf. vegna tilboðsgerðar og
vegna fyrri hluta matsferlis útboðs-
ins og nemur hann tæplega 30 millj-
ónum króna. Jafnframt gerir Ný-
herji hf. kröfu til Ríkisbókhalds um
greiðslu reiknings að upphæð kr.
30.383.509 auk virðisaukaskatts
vegna vinnu við síðari hluta í mats-
ferli útboðsins. Krafa Nýherja nem-
ur því samtals 60.349.499 krónum, en
með virðisaukaskatti og kostnaði er
heildarkrafan 68.593.459 krónur.
ÓÞOLINMÆÐI er farin að gera
vart við sig í hluthafahópi Arcadia
Group vegna óvissu um yfirtökutil-
boð Baugs, að því er fram kemur í
breskum fjölmiðlum.
Stjórnarformaður Arcadia Group,
Adam Broadbent, sagðist á aðal-
fundi félagsins sl. fimmtudag hafa
fullan skilning á því að hluthafa fé-
lagsins væri farið að lengja eftir nið-
urstöðu úr viðræðunum. Ekkert til-
boð lægi enn fyrir og óvíst hvort af
því yrði.
Independent efast enn sem fyrr
um að Baugur hafi fjárhagslegt bol-
magn til yfirtöku á Arcadia. Þrír
mánuðir séu nú liðnir án nokkurra
frétta og líkurnar á að fjármögnun
takist virðist minnka með hverri vik-
unni sem líður.
Bent er á að breska yfirtöku-
nefndin geti, samkvæmt reglum um
yfirtökuferli fyrirtækja, sett Baugi
þá afarkosti að leggja strax fram til-
boð en draga sig að öðrum kosti í hlé.
Sá hængur er hins vegar sagður á
þeim aðgerðum að Arcadia þyrfti að
leggja fram formlega kvörtun til
nefndarinnar áður en hún getur að-
hafst nokkuð. Segir blaðið hluthafar
því gert lítið annað en að bíða.
Hluthafar í
Arcadia að
ókyrrast
♦ ♦ ♦
♦ ♦ ♦