Morgunblaðið - 26.01.2002, Blaðsíða 42

42 LAUGARDAGUR 26. JANÚAR 2002 MORGUNBLAÐIÐ






 



 

    

  
   
!
     

BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
SJÁLFSTÆÐISMENN velta því
mjög fyrir sér, hvaða brögðum þeir
eigi að beita til að fella núverandi
borgarstjóra. Í þá glímu hafa ýmsir
boðið fram krafta sína, en flokksfor-
ustan ekki talið að þeir kandídatar
væru færir í þau fangbrögð og kallað
til Björn Bjarnason menntamálaráð-
herra. Menn hafa svo verið að velta
því fyrir sér, ef Björn tekur þessari
áskorun, hvort hann muni beita
mjaðmahnykk eða klofbragði.
Annars sé ég ekki annað en Ingi-
björg Sólrún sitji hægramegin við
Davíð og beiti sömu stjórnsýsluhátt-
um og hann. Þess vegna sé ég ekki
að neitt myndi breytast stefnulega
séð, hvort heldur Björn eða Ingi-
björg væru við stjórnvölinn í borg-
inni. Hér sé því fyrst og fremst um
valdaklíkubaráttu að ræða.
Ég hef verið þeirrar skoðunar að
það sé óæskilegt að í borgarstjórn
sitji makar alþingismanna, því borg-
arstjórn þarf stundum að taka
ákvarðanir sem snerta hagsmuni
ríkisvaldsins, þá gætu fjölskyldu-
tengsl við ríkisvald, haft truflandi
áhrif. Með því að setja ráðherra í
borgarstjórastólinn væri verið að
beintengja borgarstjórann við ríkis-
stjórnina. Ef Björn yrði svo áfram
ráðherra eftir að hann væri orðinn
borgarstjóri, væri það óviðunandi út-
koma. Það væri svo sem gaman að
sjá Björn í beinni útsendingu,
stökkva yfir borðið, sitt á hvað, í deil-
um milli ríkis og borgar.
Þótt Björn fái góða kosningu hjá
sjálfstæðismönnum, tryggir það
honum ekki meirihluta í borgar-
stjórn, til þess þarf hann að vinna
fylgi af R-listanum. Rétt er að hafa í
huga að meirihlutafylgi sjálfstæðis-
flokksins í Reykjavík byggðist á því
að vinstri flokkarnir byðu fram tvo-
þrjá lista sem orsakaði það að fylgi
þeirra nýttist ekki til fulls. Þess
vegna verður hinn nýi kandídat sjálf-
stæðisflokksins að vinna fylgi af R-
listanum. Óvíst er hvort Birni takist
það. Þar að auki er ríkisstjórnin
þekktust fyrir að auka á misrétti í
þjóðfélaginu og sýna þeim sem
minna mega sín fálæti. Slíkt er ekki
gott veganesti inn í borgarstjórn. Ég
tel það líka andstætt Birni, að hann
lýsti því yfir í fyrra að ef hann yrði
borgarstjóri, þá myndi hann horfa
sterkt til einkavæðingar skóla. Það
er ólíklegt að slík markaðssetning á
börnum sé borgarbúum hugleikin.
Það hlýtur að vera hægt að finna
gott starf fyrir Björn, annaðhvort í
utanríkisþjónustunni eða banka, svo
hann verði ekki fyrir ef forsætisráð-
herrastóllinn skyldi losna. Ég vona
svo að á þessu forustuvandamáli
finnist viðunandi lausn, sem maður
fellir sig við að eyða atkvæði sínu á,
því aldrei dytti mér í hug að kjósa
Ingibjörgu.
GUÐVARÐUR JÓNSSON,
Hamrabergi 5, Reykjavík.
Það vantar botn í
borgarstjórastólinn
Frá Guðvarði Jónssyni:
NÚTÍMAFÓLK sést stundum ekki
fyrir og færist meira í fang en það
ræður við. Það er margt sem veldur
og oft er erfitt að standa undir þeim
kröfum sem það og aðrir gera til
sjálfs sín. Í íslensku þjóðfélagi verða
álags- og streitueinkenni æ meira
áberandi með alls kyns líkamlegum,
andlegum og félagslegum afleiðing-
um en langvarandi álag kemur fram í
ýmsum myndum, svo sem þreytu,
svefnleysi, einbeitingarskorti og
kvíða sem getur leitt til þess að fólk
missir tökin á því sem það er að fást
við, auk þess sem ýmsir líkamlegir
kvillar gera vart við sig eins og
vöðvabólga, gigtsjúkdómar, melting-
artruflanir, blóðþrýstingsbreytingar
o.fl.
Hvað er streita?
Um 1960 var orðið stress eða
streita fyrst notað, en ástandið hefur
örugglega verið til um aldir þótt það
hafi orðið mun meira áberandi í
seinni tíð með tækninýjungum og
meðfylgjandi hraða og álagi í lífinu,
almennt betri efnahag og fleiri tæki-
færum.
Álag veldur ekki alltaf streitu en
nauðsynlegt er að þekkja einkenni
hennar og taka þá í taumana.
Til að koma í veg fyrir að verra
hljótist af er rétt fyrir fólk að staldra
við og athuga sinn gang og reyna að
sporna gegn því að streitan taki
völdin með ófyrirsjánlegum og oft al-
varlegum heilsufarslegum afleiðing-
um.
Í starfi Heilsustofnunar NLFÍ er
lögð áhersla á að bæta jafnt líkam-
legt sem andlegt ástand til þess að
dvalargestir nái sem bestri heilsu
bæði á líkama og sál.
Nokkur vikunámskeið, svonefndir
Heilsudagar, hafa verið haldin þar
sem áhersla er lögð á að draga úr
einkennum álags og streitu og er
markmiðið að:
– læra að takast á við streitu
– losa um streitu í líkamanum
– breyta um lífsstíl.
Námskeiðin eru mjög fjölbreytt.
Þátttakendur mæta á sunnudagseft-
irmiðdegi, dagskráin hefst á fullu
strax á mánudagsmorgni og lýkur
næsta sunnudagsmorgun. Þátttak-
endur á námskeiðunum hafa verið
mjög ánægðir og er hér vitnað í skrif
systranna Kristínar og Sigríðar
Baldursdætra í Morgunblaðinu í
júlímánuði 2001, en þær sóttu
Heilsudaga í fyrra: „Heilsustofnun
er fimm stjörnu hótel sem alltof fáir
vita af. Starfsmenn eru afbragðs-
menn hver á sínu sviði, en þeir eru
meira en það, því velvild og elskuleg-
heit í viðmóti við dvalargesti var
nokkuð sem við fundum glögglega.“
Stefnt er að því að halda næsta nám-
skeið 17.–24. mars nk. Tilvísun frá
lækni þarf ekki á þessi námskeið.
ANNA PÁLSDÓTTIR,
upplýsingafulltrúi HNLF.
Staldraðu við!
Frá Önnu Pálsdóttur: