Morgunblaðið - 29.01.2002, Síða 6

FRÉTTIR
6 ÞRIÐJUDAGUR 29. JANÚAR 2002 MORGUNBLAÐIÐ
NÁTTÚRUVERNDARSAMTÖK
Íslands hafa sent félagsmönnum
sínum tölvupóst þar sem hvatt er
til þess að viðtakendur sendi al-
þingismönnum póstkort þar sem
fyrirhugaðri Kárahjúkavirkjun
verði mótmælt. Í tölvupóstinum
segir m.a.: „Kauptu póstkort, eitt
eða fleiri .... Sendu kortin alþing-
ismönnum, t.d. Össuri Skarphéð-
inssyni, Ólafi Erni Haraldssyni,
Svanfríði Jónasdóttur eða öðrum
sem þér finnst að þau eigi erindi
til.“ Þá er í tölvupóstinum lagt til
að skrifað verði á póstkortið einn
af eftirfarandi textum: „Ætlar þú
að greiða íslenskri náttúru at-
kvæði þitt? – Ég vil þjóðgarð, ekki
Kárahnjúka.“ Önnur tillaga hljóð-
ar svo: „Á íslensk náttúra stuðning
þinn vísan? – Ég vil þjóðgarð, ekki
Kárahnjúkavirkjun.“ Þriðja tillag-
an er: „Ert þú með hálendinu og
gegn náttúruspjöllum? – Ég vil
þjóðgarð ekki Kárahnjúkavirkj-
un.“
Í lokin er viðtakandi hvattur til
að hringja í vini, vandamenn og
kunningja og fá þá til að senda
sams konar kort. „Og ekki gleyma
að skrifa nafn þitt undir,“ segir að
síðustu.
Árni Finnsson, formaður Nátt-
úruverndarsamtaka Íslands, segir
að þessi hugmynd hafi komið upp
á félagsfundi samtakanna í síðustu
viku. Nokkrir félagsmenn hafi ver-
ið fengnir til að skrifa tillögu að
texta á póstkortin og síðan hafi
umræddur tölvupóstur verið send-
ur þeim félagsmönnum sem hafi
aðgang að Netinu, en um 700
manns eru að sögn Árna aðilar að
samtökunum. „Við viljum með
þessu koma því á framfæri við
þingmenn að það er mikill fjöldi
manna andvígur Kárahnjúkavirkj-
un,“ segir Árni. „Þetta er bara ein
leið til þess að láta alþingismenn
vita hvað fólk er að hugsa,“ bætir
hann við. „Mörg félagasamtök hafa
notast við þessa aðferð til að koma
boðskap sínum áleiðis.“ Inntur eft-
ir því hvers vegna þrír tilteknir
þingmenn hafi verið nefndir á nafn
í bréfinu segir Árni að mótmælin
eigi í sjálfu sér erindi til allra
þingmanna en nöfn þessara
þriggja hafi eingöngu verið nefnd
sem dæmi.
Á heimasíðu samstarfsnefndar
um staðarvalsathuganir iðnaðar-
svæða á Reyðarfirði, star.is, er
þessi hugmynd Náttúruverndar-
samtakanna gagnrýnd undir fyr-
irsögninni: „Árni Finnsson skipu-
leggur póstkortahernað gegn
þingmönnum.“ Er síðan greint frá
því að Árni hafi ekki setið með
hendur í skauti heldur „dundað
sér við að undirbúa sviðsetningu á
andófi gegn virkjun eystra í gam-
alkunnum stíl,“ eins og það er orð-
að. Segir síðan: „Það er þannig
deginum ljósara að einhverjir fjöl-
miðlar mega eiga von á upphring-
ingu frá nefndum leiðtoga Nátt-
úruverndarsamtakanna einhvern
næstu daga, þar sem hann vill
benda viðkomandi á að tékka að
gamni á hvort rétt sé að Íslands-
póstur sé önnum kafinn við að
bera póstkort í hús hjá Össuri,
Svanfríður og Ólafi Erni.“
Svanfríður Jónasdóttir, þing-
maður Samfylkingarinnar, segist í
samtali við Morgunblaðið telja
þessa aðferð Náttúrverndarsam-
taka Íslands óviðfelldna, vegna
þess að í henni séu þrír þingmenn
nafngreindir, en því eru Össur
Skarphéðinsson, formaður Sam-
fylkingarinnar, og Ólafur Örn
Haraldsson, þingmaður Fram-
sóknarflokksins ekki sammála.
Svanfríður segist í samtali við
Morgunblaðið ósátt við að fyrir-
huguðum póstkortasendingum sé
beint að tilteknum þingmönnum.
„Það er ekkert óeðlilegt við það að
áhugafélög eða stofnanir beini bar-
áttu sinni að tilteknum hópum en
þegar farið er að nafngreina ein-
staklinga finnst mér ástæða til að
staldra við,“ segir Svanfríður og
bætir því við að sér finnist það
óviðfelldið að beina sendingunum
að einstökum þingmönnum. „Ég er
þeirrar skoðunar að fólki sé fullvel
treystandi að hafa skoðanir og
koma þeim á framfæri án þess að
því sé stýrt frá ákveðnum skrif-
stofum eða stofnunum.“ Síðan seg-
ir Svanfríður: „Ég hef á tilfinning-
unni að verið sé að setja af stað
eitthvert leikrit með þessum póst-
kortasendingum og ef það er rétt
vil ég að það sé borið undir mig
hvort ég sé tilbúinn að taka að
mér hlutverk í því leikriti. Það hef-
ur á hinn bóginn ekki verið gert.“
Össur Skarphéðinsson, formaður
Samfylkingarinnar, er hins vegar á
öndverðum meiði. „Ég geri engar
athugasemdir við það að menn séu
hvattir til að senda mér póstkort,“
segir hann.
Ólafur Örn Haraldssson, þing-
maður Framsóknarflokksins, gerir
heldur engar athugasemdir. „Mér
finnst það sjálfsagt að menn nýti
sér ákveðnir leiðir til að koma
skilaboðum sínum á framfæri við
þingmenn svo framarlega sem það
er gert innan löglegra og siðlegra
marka,“ segir hann.
Misjafnar undirtektir við
fyrirhugaðar póstkorta-
sendingar til þingmanna
VIÐ FYRSTU sýn mætti halda að
börnin á myndinni væru í búri eða
fangelsi, tilbúin með kaðal til að
framkvæma úthugsaðar flótta-
tilraunir. En raunin er allt önnur.
Börnin leika sér frjáls og hlæjandi
á skólalóð Landakotsskóla í öruggu
umhverfi, fjarri hörmungum hins
stóra heims. Eins og máltækið seg-
ir: Þetta er ungt og leikur sér.
Morgunblaðið/Ásdís
Flóttatilraunir skipulagðar
prófkjöri og koma sér þannig á
framfæri. Það getur t.d. verið um
það að ræða að viðkomandi hafi
ekki fjárhagsstöðu eða tíma til að
taka þátt í prófkjörsbaráttu eða
gegni ábyrgðarstarfi, sem gerir
erfitt um vik að leggja út í próf-
kjör.
Ég er ekki í nokkrum vafa um
að á meðal 15 þúsund flokksbund-
inna sjálfstæðismanna í Reykjavík
leynast hundruð óuppgötvaðra
manna og kvenna sem myndu
gagnast borgarsamfélaginu afar
vel til góðra verka,“ sagði Mar-
geir.
Eins og fram kom í Morgun-
blaðinu sl. sunnudag lýsti Björn
Bjarnason menntamálaráðherra
því yfir í ræðu á kjördæmisþinginu
að hann gæfi kost á sér til að leiða
lista sjálfstæðismanna í borgar-
stjórnarkosningunum í vor. Fjöl-
mennt var á þinginu, sem haldið
var á Hótel Sögu. Fluttar voru
framsöguræður um borgarmálin
og lauk kjördæmisþinginu síðdegis
með pallborðsumræðum.
ÁKVEÐIÐ var á aðalfundi Varðar,
fulltrúaráðs sjálfstæðisfélaganna í
Reykjavík, sem haldinn var á kjör-
dæmisþingi á laugardag, að stillt
verði upp í öll sæti á framboðslista
Sjálfstæðisflokksins fyrir borgar-
stjórnarkosningarnar í vor.
Margeir Pétursson, formaður
fulltrúaráðsins, greindi frá því við
upphaf opins fundar á kjördæm-
isþinginu, sem haldinn var að lokn-
um aðalfundi Varðar, að þar sem
ekki hefði komið fram tillaga um
að efna til prófkjörs hefði niður-
staðan orðið sú að kjörnefnd muni
raða í öll sæti framboðslistans.
Fulltrúaráðsmenn tilnefni
nýtt og ferskt fólk á listann
„Þetta hefur hins vegar engin
áhrif á það að fulltrúaráðsmenn,
um það bil 1.400 að tölu, hafa verið
beðnir að senda inn til kjörnefndar
tilnefningar um nýtt og ferskt fólk
á listann. Ég vil enn á ný ítreka að
nú er tækifærið til að stinga upp á
fólki, sem er t.d. ekki í neinni að-
stöðu til að taka þátt í hefðbundnu
Fallið frá hugmyndum
um leiðtogaprófkjör
Morgunblaðið/Árni Sæberg
Sjálfstæðismenn funda á Hótel Sögu. Björn Bjarnason tilkynnir um
framboð sitt til borgarstjórnarkosninga 2002.
STARFSMANNAVELTA Land-
spítala – háskólasjúkrahúss var
24,9% á síðasta ári og hefur heldur
aukist frá árunum 2000 og 1999.
Aðspurður segir Magnús Péturs-
son, forstjóri Landspítala – háskóla-
sjúkrahúss, að þessi mikla starfs-
mannavelta hafi ekki bein áhrif á
fyrirhugaðar uppsagnir starfsfólks
á spítalanum en létti þó líklega
verkið því ekki þurfi að segja þeim
upp sem hætta sjálfir.
Hartnær 30 starfsmönnum á spít-
alanum var sagt upp um áramót og
eru enn fleiri uppsagnir fyrirhug-
aðar. Ekki hefur þó verið tekin
ákvörðun um hverjum eða hversu
mörgum verður sagt upp en Magn-
ús segir að sú ákvörðun verði tekin
fljótlega. Það sé hvorki gott fyrir
stjórnendur né starfsfólk að hafa
slíkt hangandi yfir sér.
Mest er starfsmannaveltan meðal
félagsmanna í Eflingu, 43,5%, og hjá
sjúkraliðum, 42,8%, sem tengist
væntanlega uppsögnum þeirra á
árinu í tengslum við kjaradeilu. Þá
er mikil starfsmannavelta meðal fé-
lagsmanna í Starfsmannafélagi rík-
isstofnana eða 39,3%.
Hjá öðrum starfsstéttum er
hreyfingin minni, þannig er starfs-
mannavelta meðal ljósmæðra,
sjúkraþjálfara, meinatækna, sál-
fræðinga, iðnaðarmanna og fé-
lagsmanna í Starfsmannafélagi
Reykjavíkurborgar innan við 10%.
Magnús bendir á að tilfærslur
milli deilda og á milli spítalanna í
Fossvogi og við Hringbraut komi
fram í starfsmannaveltu. Ekki hafi
allir þeir sem hafa skipt um starfs-
vettvang hætt að vinna fyrir spít-
alann. Verið sé að kanna hversu
margir hafi í raun og veru hafið
störf hjá öðrum atvinnurekendum.
„Það sem þetta segir er að það er
heilmikil hreyfing á starfsfólki,“
segir Magnús.
Margar skýringar geti verið á
þessari miklu starfsmannaveltu, s.s.
ástand á vinnumarkaði en þá sé yf-
irleitt mikil hreyfing á fólki í lág-
launastörfum, s.s. við ræstingar. Þá
hafi fjölmargir sjúkraliðar sagt upp
störfum á síðasta ári en margir
þeirra hafi endurráðið sig til spít-
alans. Þetta komi allt fram í aukinni
starfsmannaveltu.
Sjúklingum fjölgar
og legutími styttist
Samkvæmt bráðabirgðauppgjöri
spítalans fyrir árið 2001 fór rekst-
urinn 407 milljónir umfram fjár-
heimildir sem er um 1,9% frávik.
Þessi niðurstaða er nánast sú sama
og spáð var síðastliðið haust, að
teknu tilliti til 200 milljóna króna
viðbótarframlags á fjáraukalögum.
Magnús bendir á að sé miðað við
fast verðlag hafi rekstur spítalans
kostað nánast það sama árið 2000 og
árið 2001. Það hljóti að teljast góður
árangur því á sama tíma sé unnið að
ýmsum umbótum á spítalanum en
auk þess hafi starfsemi hans aukist
á mörgum sviðum. Þannig hafi inn-
lögnum sjúklinga fjölgað um 3,5%
en legudögum á hinn bóginn fækkað
um 6,3%. Á sama tíma hefur með-
allegutími sjúklinga styst úr 8,9
dögum í 8,1.
Um 70% af heildarútgjöldum spít-
alans falla til vegna launa og fór sá
liður um 1% fram úr áætlun.
Rekstrargjöld eru 27% af heildar-
útgjöldum og hækkaði sá kostnaðar-
liður um 9,8% umfram áætlun.
Magnús segir að gengislækkanir og
hækkandi verðlag hafi komið
rekstri spítalans illa enda kaupir
hann inn mikið af vörum og lyfjum.
Einungis verðlagshækkanirnar hafi
kostað spítalann um 300 milljónir í
fyrra.
Aukin starfsmannavelta hjá Landspítalanum
Ekki bein áhrif á fyr-
irhugaðar uppsagnir
Aðalfundur Varðar ákvað tilhögun framboðsmála sjálfstæðismanna