Morgunblaðið - 29.01.2002, Blaðsíða 14

HÖFUÐBORGARSVÆÐIÐ
14 ÞRIÐJUDAGUR 29. JANÚAR 2002 MORGUNBLAÐIÐ
Netsalan ehf.
Garðatorgi 3, Garðabæ,
símar 565 6241 og 893 7333,
fax 544 4211
JEEP GRAND CHEROKEE
árg. 2002
Eigum til afgreiðslu í febrúar örfáa Laredo
og Limited bíla. Tökum einnig sérpantanir.
Eigum einnig til
JEEP LIBERTY
Limited, þann
nýjasta frá
CHRYSLER
KONUNGUR JEPPANNA
Á ÞESSU ári verður unnin úttekt á
sorpmálum veitinga- og kaffihúsa í
miðbæ Reykjavíkur í þeim tilgangi að
bæta umgengni og meðhöndlun
sorps. Var tillaga þess efnis samþykkt
á fundi heilbrigðis- og umhverfis-
nefndar Reykjavíkur í síðustu viku.
Heilbrigðiseftirliti Reykjavíkur
hefur á undanförnum misserum bor-
ist fjölmargar kvartanir vegna ófull-
nægjandi sorpíláta og slæmrar um-
gengni á baklóðum og við sorp-
geymslur veitinga- og kaffihúsa í
borginni. Við reglubundið eftirlit hafa
heilbrigðisfulltrúar einnig veitt því at-
hygli að þessi mál eru víða í ólestri. Í
ljósi þessa var því ákveðið að gera út-
tekt á stöðu þessara mála hjá veit-
ingahúsum, kaffihúsum og krám á
svæðum 101, 105 og 107 í Reykjavík,
með það að markmiði að bæta um-
gengni um sorp og tryggja nægilegan
fjölda sorpíláta við hvert fyrirtæki,
jafnframt því að auka flokkun og skil
úrgangs. Þetta kom fram í kynningu
Helgu Guðrúnar Bjarnadóttur heil-
brigðisfulltrúa er hún kynnti verkefn-
ið á fundi heilbrigðis- og umhverfis-
nefndar.
Í kynningu Helgu kom einnig fram
að í sorpi veitinga- og kaffihúsa er
gjarnan lífrænn úrgangur og því mik-
ilvægt að vel sé gengið frá slíku sorpi
svo að ekki sé hætta á að meindýr
komist í hann. Þá fellur einnig mikið
til af gleri og pappa sem mætti end-
urnýta.
Úttektin fer þannig fram að gögn-
um verður safnað í reglubundnum
eftirlitsferðum matvælasviðs og heil-
brigðissviðs. Meðal þess sem athugað
verður er fjöldi sorpíláta, almennt
ástand umhverfis þau og hvort úr-
gangur sé flokkaður. Við eftirlit verð-
ur afhent leiðbeiningablað um frá-
gang og meðferð úrgangs. Þar sem
sorpaðstöðu og/eða umgengni um
sorp er ábótavant verða gerðar at-
hugasemdir og kröfur um úrbætur.
Fylgst verður með því hvort kröfurn-
ar eru uppfylltar og gripið til aðgerða
ef þörf krefur. Niðurstöðurnar verða
síðan dregnar saman í skýrslu sem
verður kynnt á fundi umhverfis- og
heilbrigðisnefndar Reykjavíkur.
Helga segir að gert sé ráð fyrir því að
niðurstöður úttektarinnar verði
kynntar í haust.
Úttekt á
sorpmál-
um veit-
ingastaða
Miðborg
UMHVERFIS- og heilbrigðisnefnd
Reykjavíkur hefur samþykkt að
kannaðar verði forsendur og mögu-
leikar þess að einstaklingum, félaga-
samtökum eða stofnunum verði falin
frekari umsjón með grænum svæðum
í borgarlandinu. Í tillögu R-listans
sem samþykkt var á fundi nefndar-
innar fyrir helgi segir ennfremur að
athugunin skuli „taka m.a. til reynsl-
unnar af slíku samstarfi, fjárhags-
legra og faglegra þátta auk þess sem
áhugi á slíku samstarfi yrði kannað-
ur.
Niðurstöður verði lagðar fyrir
nefndina ásamt tillögum um hvernig
best verði staðið að uppbyggingu
þess konar samstarfs í umhverfismál-
um milli Umhverfis- og heilbrigðis-
stofu og borgarbúa, reynist það fýsi-
legt.“
Í greinargerð sem lögð var fram
með tillögu R-listans segir að gott
samstarf hafi tekist á milli Reykjavík-
urborgar og Skógræktarfélags
Reykjavíkur um umsjón Heiðmerk-
urinnar. „Með vaxandi umfangi í um-
sjón sífellt víðfeðmari útivistarsvæða
Reykvíkinga og í ljósi aukins áhuga
almennings á útivist og umhverfis-
starfi verður sú spurning áleitin hvort
ekki mætti útvíkka það góða samstarf
sem verið hefur um Heiðmörkina til
fleiri svæða og til fleiri aðila. Í slíku
samstarfi er nauðsynlegt að horfa til
ýmissa þátta, m.a. faglegra og fjár-
hagslegra. Hins vegar ætti virk þátt-
taka borgarsamfélagsins í umsjón og
mótun umhverfisins að vera öllum til
hagsbóta og því er tillaga þessi flutt.“
Félagasamtök og einstaklingar fái
frekari umsjón með grænum svæðum
„Virk þátttaka
borgarsamfélagsins
öllum til hagsbóta“
Reykjavík
INNAN skipulags- og bygginga-
nefndar Mosfellsbæjar hafa tillög-
ur verið til umfjöllunar um breytt
skipulag hesthúsasvæðisins við
Varmá, að frumkvæði Hesta-
mannafélagsins Harðar í Mos-
fellsbæ. Þar er gert ráð fyrir
stækkun svæðisins til vesturs með
fimm nýjum hesthúsalengjum
ásamt nýrri reiðhöll á miðju at-
hafnasvæði Harðar. Stærð hallar-
innar er fyrirhuguð um 2.400 fer-
metrar.
Marteinn Magnússon, fráfarandi
formaður Harðar, er í forsvari fyr-
ir byggingarnefnd félagsins. Hann
sagði við Morgunblaðið að mikil
þörf væri fyrir reiðhöll til kennslu,
æfinga og þjálfunar. Ekki væri
verið að tala um keppnis- eða sýn-
ingarhöll heldur möguleika á sam-
vinnu við grunn- og framhalds-
skóla. Ekki er því gert ráð fyrir
stúku í höllinni heldur miklu frek-
ar stæðum fyrir áhorfendur.
Marteinn sagði þörfina vera
óháða því hvort byggt verði nýtt
hesthúsahverfi eða ekki. Nýtt
svæði kallaði á uppbyggingu nýrr-
ar aðstöðu en mikil eftirspurn væri
einnig eftir nýjum hesthúsalóðum.
Lóðir hefðu ekki verið til í nokkur
ár. Á sjötta hundrað félagsmenn
eru í Herði í dag.
Að sögn Marteins vonast Harð-
armenn til að Mosfellsbær komi að
uppbyggingu reiðhallarinnar en fé-
lagið hyggst þó fjármagna fram-
kvæmdina að mestu leyti og reka
mannvirkin. Áætlaður kostnaður
er á bilinu 60-65 milljónir króna.
„Meginhugmynd að baki stækk-
unar hesthúsabyggðarinnar er sú
að við eigum miklar fjárfestingar á
svæðinu eins og hringvöll, skeið-
braut og félagsheimili og viljum
renna frekari stoðum undir nýt-
ingu á þessu. Við leggjum áherslu
á að reiðhöllin sé íþróttamann-
virki, ekki keppnishöll, þar sem
hinn almenni hestamaður geti
stundað sitt áhugamál árið um
kring og mannvirkið geti einnig
nýst til kennslu í samráði við
skólakerfið. Við finnum fyrir því
að skipulags- og byggingarnefndin
sé jákvæð og vonandi fæst nið-
urstaða samkvæmt því á næstunni.
Við teljum að stærri hesthúsa-
byggð falli vel inn í umhverfið og
sjónræn áhrif frá íbúðarbyggðinni
eru hverfandi að okkar mati,“
sagði Marteinn en lagði jafnframt
áherslu á að ekkert væri búið að
ákveða í þessum efnum. Málið
væri enn til umfjöllunar innan
bæjarkerfisins og hjá Herði.
Fleiri hesthús
og ný reið-
höll á teikni-
borðinu
Mosfellsbær
Tölvumynd af fyrirhugaðri reiðhöll á Varmárbökkum, þar sem Hestamannafélagið Hörður er með aðstöðu.
Hestamannafélagið á frumkvæði að stórframkvæmdum á Varmárbökkum
Á þessari yfirlitsteikningu af athafnasvæði hestamanna í Mosfellsbæ
hafa reiðhöllin og nýju hesthúsalóðirnar verið merkt með rauðu.