Morgunblaðið - 01.02.2002, Blaðsíða 23

ERLENT
MORGUNBLAÐIÐ FÖSTUDAGUR 1. FEBRÚAR 2002 23
Opnum nýja verslun að
Skútuvogi 6 í byrjun mars.
Flísar frá kr. 990 m2
Plastparket fr
á kr. 1.090 m
2
Eikarparket 14 mm frá kr. 2.990 m2
Stofuteppi frá kr. 750 m
2
Handlaug
frá kr. 2.5
00
Knarrarvogi 4 s: 568 6755 www.alfaborg.is• •
Vegna flutninga!
RÝMINGARSALA Salerni m/ setukr. 12.900
HÓPUR nígerískra hermanna
skeytti skapi sínu á Atiku Abubakar,
varaforseta Nígeríu, í gær þegar
hann heimsótti vettvang harmleiks-
ins sem varð síðastliðinn sunnudag,
en þá fórust a.m.k. 700 manns eftir
að mikil sprenging varð í vopna-
geymslu nígeríska hersins í Lagos.
Köstuðu hermennirnir vatnsflöskum
í bifreið varaforsetans en þeir telja
ekki að stjórnvöld hafi veitt þeim
sem eiga um sárt að binda nægilega
aðstoð í kjölfar slyssins.
Stjórnvöld í Nígeríu tilkynntu að
þau hygðust láta fara fram ítarlega
rannsókn á þeim skaða, sem orðið
hefur á Ikeja-borgarhverfinu vegna
slyssins, í því skyni að finna úrræði
til að koma í veg fyrir að atburðurinn
endurtaki sig.
Börn voru í miklum meirihluta
þeirra sem létust í harmleiknum og
drukknuðu flest þeirra eftir að hafa
fallið ofan í síki í því öngþveiti sem
greip um sig eftir sprenginguna.
Sprengingin varð þegar eldur barst í
vopnageymslu hersins.
„Nígeríumenn hafa staðið
saman í þessari raun“
Kristín Ólafsdóttir, sem starfar
fyrir Alþjóða Rauða krossinn í Lag-
os, sagði í samtali við Morgunblaðið
að nígeríski Rauði krossinn væri bú-
inn að setja upp tjaldbúðir fyrir þá
sem misstu heimili sitt en margir
tækju hins vegar þann kost að dvelja
hjá ættingjum og vinum.
Sagði hún Rauða krossinn enn-
fremur hafa skráð þá sem urðu við-
skila við fjölskyldur sínar í því skyni
að sameina fólk á nýjan leik. Einnig
hefði mat verið dreift og ýmsum
hjálpargögnum, teppum, eldhús-
áhöldum og lyfjum.
„Rauði kross Nígeríu brást mjög
hratt við en raunar hafa allir Níger-
íumenn staðið saman í þessari raun
og fyrirtæki og einstaklingar hafa
lagst á eitt um að aðstoða þá sem
eiga um sárt að binda vegna þessa
slyss,“ sagði Kristín. Sagði hún að
þessi atburður hefði skekið mjög
fólk í Lagos. „Fólkið sem ég vinn
með hér á skrifstofu Alþjóða Rauða
krossins hefur verið mjög þungbúið
vegna þessa atburðar.“
Reuters
Hjálparstarfsmaður dreifir fötum til fórnarlamba slyssins í Lagos.
„Fólk er mjög þungbúið
vegna þessa atburðar“
Kristín Ólafs-
dóttir í Lagos
segir íbúa Níger-
íu sýna mikla
samstöðu
Lagos. AFP.
22.000 innflytjendur í Noregi hófu
nám í norsku árið 2000 en aðeins
10% þeirra tóku lokaprófið. Af
þeim sem luku náminu stóðust að-
eins sex af hverjum tíu prófið.
Þetta kemur fram á fréttavef
Aftenposten, sem segir að norska
stjórnin veiti 600 milljónir norskra
króna, andvirði 6,7 milljarða ís-
lenskra, í námskeið í norsku og
samfélagsfræði fyrir innflytjendur
á árinu.
Aftenposten fékk tölurnar frá
norska menntamálaráðuneytinu og
segir að svipaða sögu sé að segja
um árangurinn af slíkum nám-
skeiðum í Noregi á síðustu árum.
Minnihluti þeirra sem hefja námið
lýkur því og að minnsta kosti
helmingurinn nær ekki lokapróf-
inu.
Norskir stjórnmálamenn hafa
fært rök fyrir því að norskukun-
nátta sé ein af mikilvægustu for-
sendum þess að innflytjendur geti
samlagast norska samfélaginu.
Þeir hafa því aukið framlögin til
norskukennslu á síðustu árum.
Að sögn Aftenposten er helsta
ástæðan fyrir þessum litla árangri
sú að margir innflytjendanna eru
nánast ólæsir. Þegar námskeiðin
hófust árið 1998 var þátttakend-
unum skipt í tvo hópa, A og B, og í
síðari hópnum voru þeir sem höfðu
litla eða enga lestrarkunnáttu. 35%
þátttakendanna voru í B-hópnum
árið 1999 og 43% árið 2000.
Innflytjendur í Noregi
Aðeins 10%
ljúka norsku-
náminu
BRESKIR fjölmiðlar sögðu í gær að
ekki væri hægt að túlka misheppnaða
tilraun Jacks Straw, utanríkisráð-
herra Bretlands, til að fá Zimbabwe
vikið úr breska samveldinu sem ann-
að en pólitískan ósigur fyrir Breta og
móralskan sigur fyrir Robert Mu-
gabe, forseta Zimbabwe. Sjálfur við-
urkenndi Straw að hann hefði orðið
fyrir vonbrigðum með niðurstöðuna.
Breski utanríkisráðherrann hafði á
fundi ríkja breska samveldisins á mið-
vikudag lagt fram tillögu þess efnis að
Zimbabwe yrði vikið úr samveldinu
vegna gerræðislegra stjórnarhátta
Mugabes. Honum mistókst hins veg-
ar að tryggja stuðning við hugmynd-
ina en einhugur þarf að ríkja á fund-
um aðildarlandanna um ákvörðun
sem þessa. Kanada, Ástralía og
Barbados studdu tillögu Breta en
Botswana, Nígería, Bangladesh og
Malasía voru henni mótfallin.
Móralskur
sigur fyrir
Mugabe
London. AFP.
♦ ♦ ♦
HERMENN Padsha Khans, afg-
ansks stríðsherra sem nýtur stuðn-
ings bráðabirgðastjórnarinnar í
Kabúl, lögðu í gær á flótta undan
hermönnum annars stríðsherra í
Paktía-héraði í austurhluta Afgan-
istans eftir harða bardaga í tvo
daga. Óttast er að átök milli stríðs-
herra geti leitt til glundroða í Afgan-
istan og grafið undan bráðabirgða-
stjórninni sem mynduð var í
desember.
Hermenn Khans hörfuðu frá
fjallshlíðum umhverfis bæinn Gard-
ez, höfuðstað Paktía, eftir harða bar-
daga við liðsmenn Pastúnahöfðingj-
ans Saifs Ullah, sem náði héraðinu á
sitt vald þegar talibanar flúðu þaðan
í fyrra.
Bráðabirgðastjórnin skipaði Khan
héraðsstjóra Paktía í vikunni sem
leið þrátt fyrir harða andstöðu ann-
arra stríðsherra og höfðingja í hér-
aðinu. Khan hafði reynt að ná lög-
reglustöð og virki í Gardez á sitt
vald en hermenn hans sögðu að það
hefði ekki tekist. „Við getum ekki
barist við þá með Kalashníkov-riffl-
unum okkar,“ sagði einn þeirra.
Foringi hermannanna sakaði Khan
um að hafa svikið loforð um að sjá
þeim fyrir vistum og skotfærum.
„Við ætlum að fara heim til að borða
og hlýja okkur.“
Khan sagði að ef hermennirnir
vildu ekki berjast ættu þeir að
„snauta heim“.
Nokkrir hermanna Khans voru
enn í Gardez. Foringi herliðsins,
sem lagði á flótta, sagði að hundruð
hermanna hans kynnu að liggja í
valnum eftir bardagana í bænum.
„Þetta eru miklar hrakfarir.“
Bróðir Khans sagði að meira en
40 hermenn hans hefðu fallið og 300
hefðu verið teknir til fanga. Hann
sakaði andstæðingana um að hafa
tekið marga fangana af lífi. Frétta-
menn gátu ekki staðfest þetta.
Khan er stuðningsmaður Zahirs
Shah, fyrrverandi konungs Afgan-
istans, en andstæðingur hans, Saif
Ullah, styður Burhanuddin Rabb-
ani, fyrrverandi forseta, sem talib-
anar steyptu af stóli 1996. Rabbani
hefur lítið látið að sér kveða síðan
bráðabirgðastjórnin var mynduð, en
hann vék þá fyrir yngri mönnum í
Norðurbandalaginu sem barðist
gegn talibönum.
Hamid Karzai, leiðtogi bráða-
birgðastjórnarinnar, styður kon-
ungssinnana. Bróðir Khans sagði að
hann myndi ekki biðja Karzai um að
senda liðsauka til Paktía. „Við höf-
um ekki þörf fyrir hermenn Karzai.
Hann er mjög veikur leiðtogi, getur
ekkert gert fyrir okkur. Hann er
jafnvel valdalítill í Kabúl.“
Karzai hvatti til þess í fyrradag er
hann var í heimsókn í Bandaríkj-
unum að fleiri friðargæsluliðar yrðu
sendir til Afganistans. Ræddi hann
það mál nánar við Tony Blair, for-
sætisráðherra Bretlands, í gær.
Getur torveldað leitina
að liðsmönnum al-Qaeda
Átökin blossuðu upp á miðviku-
dag þegar hermenn Khans komu til
Gardez og drógu fána afgönsku
bráðabirgðastjórnarinnar að hún við
bústað héraðsstjórans. Khan hafði
sagt að hermenn sínir hefðu náð
mestum hluta héraðsins á sitt vald.
Bandarískar flugvélar flugu yfir
vígvöllinn en komu ekki hermönnum
Khans til hjálpar. Um 30 bandarísk-
ir sérsveitarmenn voru í gömlu virki
nálægt Gardez en skiptu sér ekki af
átökunum.
Sérsveitarmennirnir taka þátt í
leit að liðsmönnum al-Qaeda, sam-
tökum Osama bin Ladens, sem tald-
ir eru leynast í fjöllum vestan við
Gardez. Haldi átökin áfram gætu
þau torveldað leitina.
Khan sakar höfðingjaráð Gardez,
svokallað shúra, um að styðja talib-
ana og al-Qaeda, en ráðið neitar því.
Leiðtogi ráðsins, Haji Saifullah, sak-
aði Khan um að hafa fengið Banda-
ríkjaher til að gera loftárás í desem-
ber á bílalest meðlima í
höfðingjaráðinu og logið því að þeir
væru félagar í al-Qaeda og taliban-
ar. Tólf menn í bílalestinni biðu bana
í loftárásinni 21. desember þegar
þeir voru á leiðinni til Kabúl. Þeir
ætluðu að vera viðstaddir formlega
valdatöku bráðabirgðastjórnarinnar
daginn eftir.
Afganskir stríðsherrar berjast
Gardez. AFP, AP.