Morgunblaðið - 10.04.2002, Side 4

FRÉTTIR
4 MIÐVIKUDAGUR 10. APRÍL 2002 MORGUNBLAÐIÐ
HÉRAÐSDÓMUR Reykjavíkur sýknaði í gær
mann af ákæru um að hafa í vörslu sinni amfetamín
þar sem varsla þess hefði ekki verið bönnuð hér á
landi þegar hann var handtekinn með tæplega 20
grömm af efninu í fórum sínum hinn 12. október sl.
Í lögum um ávana- og fíkniefni er ekki getið um
amfetamín en ráðherra veitt heimild til að banna
með reglugerð vörslu og meðferð annarra efna sem
hættuleg teljast. Þegar heilbrigðisráðuneytið
breytti reglugerðinni hinn 14. júní í fyrra var í fylgi-
skjali ekki merkt við að varsla amfetamíns væri
óheimil hér á landi. Um handvömm var að ræða og
voru mistökin leiðrétt fyrir um tveimur vikum.
Í dómi héraðsdóms er vísað til þess að í stjórn-
arskránni sé kveðið á um að lög skuli birta og að
engum verði gert að sæta refsingu nema hann hafi
framið brot sem hafi verið refsivert á þeim tíma sem
það er framið. Sambærilegt ákvæði sé einnig að
finna í Mannréttindasáttmála Evrópu. Bann við
vörslu amfetamíns hafi fallið niður og ekki verið við
lýði þegar maðurinn var handtekinn. Því yrði að
sýkna hann af ákærunni. Ekki kæmi til álita hvort
önnur meðferð efnisins en varsla hafi verið heimil.
Maðurinn var þó dæmdur til að greiða 85.000 krón-
ur í sekt þar sem hann var líka með lítilræði af kók-
aíni og hassi á sér.
Pétur Guðgeirsson héraðsdómari kvað upp dóm-
inn. Sigurður Gísli Gíslason sótti málið fyrir hönd
lögreglustjórans í Reykjavík en Karl Georg Sig-
urbjörnsson hdl. var til varnar.
Í Morgunblaðinu í gær var greint frá því að Hér-
aðsdómur Reykjavíkur hafnaði kröfu um áfram-
haldandi gæsluvarðhald yfir manni sem grunaður
er um aðild að smygli á amfetamíni þar sem ekki
var í gildi refsiheimild fyrir vörslu amfetamíns.
Þennan úrskurð kvað Jón Finnbjörnsson héraðs-
dómari upp en Karl Georg Sigurbjörnsson hdl., sem
fyrr var nefndur, var til varnar.
Tímafrek rannsókn
og umfangsmikið mál
Rannsókn fíkniefnadeildar lögreglunnar í
Reykjavík á málinu tók nokkrar vikur og komu all-
margir rannsóknarlögreglumenn að málinu. Eins
og greint var frá í Morgunblaðinu í gær er um að
ræða eitt umfangsmesta amfetamínsmygl sem
komist hefur upp hér á landi. Þó svo kílóin hafi að-
eins verið fimm var styrkleiki efnanna slíkur (97–
99%) að hægt hefði verið að drýgja amfetamínið
með öðrum efnum og selja 15–20 kíló á götunni.
Gera hefði mátt ráð fyrir því að maðurinn sem
leystur var úr haldi á laugardag hefði hlotið þungan
dóm fyrir sinn hlut í málinu en lögreglu segir að
hlutverk hans hafi verið að taka á móti amfetamín-
inu frá Þýskalandi og koma því í verð hér á landi
ásamt nokkru magni af kókaíni. Hefur hann játað
að hafa áður tekið við fíkniefnasendingum, um 1
kílói af amfetamíni, 300 grömmum af kókaíni og
ótilteknum fjölda e-taflna. Efnin hafi hann selt eða
afhent öðrum.
Morgunblaðið leitaði álits Ásgeirs Karlssonar,
yfirmanns fíkniefnadeildarinnar, á þeim mistökum
sem gerð voru þegar reglugerðinni var breytt.
Hann sagðist ekki vilja tjá sig um málið. Staðfesti
Hæstiréttur þann skilning héraðsdómaranna að
refsiheimildir hafi skort er víst að tugir dómsátta og
margir dómar séu í uppnámi. Egill Stephensen,
saksóknari lögreglustjórans í Reykjavík, sagði að
ekki lægju fyrir á þessari stundu hversu mörgum
amfetamínmálum embættið hefði komið að frá því
14. júní í fyrra og þar til reglugerðinni var breytt á
ný fyrir skemmstu.
Sýknaður af ákæru
um vörslu amfetamíns
Á DÖGUNUM sást mjallhegri á Suð-
austurlandi, en þetta er í annað
skipti sem þessi stóri hvíti hegri sést
hér á landi. Sá fyrsti fannst vorið
2000 á Snæfellsnesi. Mjallhegri er
um 100 cm að lengd eða álíka stór
og gráhegri sem er algengur vetr-
argestur hér á landi. Aðalheimkynni
mjallhegra eru Suðaustur-Evrópa
og Asía en þó hefur fuglinum fjölg-
að til vesturs og er hann nú byrjaður
að verpa í Frakklandi og á Spáni.
Þrjár aðrar tegundir hvítra hegra
hafa sést hér á landi, bjarthegri sem
kemur frá Evrópu, ljómahegri frá
Ameríku og kúhegri sem getur
komið bæði frá Evrópu og Ameríku.
Mjallhegrar geta komið hingað til
lands bæði frá Evrópu og Ameríku,
þessi fugl er af evrópskum uppruna
og er það meðal annars greint á
fóta-og neflit. Þeir amerísku eru
með svarta fætur.
Mjallhegrinn hefur vakið mikla
athygli meðal fuglaáhugamanna og
hafa nú þegar nokkrir komið af suð-
vesturhorni landsins til að skoða
fuglinn.
Ljósmynd/Brynjúlfur Brynjólfsson
Þessari mynd af mjallhegranum
náði Brynjúlfur Brynjólfsson
fuglaáhugamaður á Höfn á
myndbandstökuvél með sjón-
auka, á um 200 m færi.
Mjallhegri
sést í annað
skipti á Íslandi
VEITINGASTAÐURINN Bláa lón-
ið við Svartsengi er í nýjasta tölu-
blaði breska tímaritsins Restaur-
ant sett á lista yfir 50 bestu
veitingastaði í heimi. Er veitinga-
staðurinn settur í 44. sæti listans.
Greinarhöfundurinn, Geoffrey
Moore, segir í umsögn sinni um
veitingastaðinn að ekki sé hægt
að hugsa sér betri leið til að slaka
á eftir bað í Bláa lóninu en að
gæða sér á þeim réttum sem boðið
er upp á. Notað sé hráefni frá
„fiskiþorpinu“ Grindavík til að
búa til rétti á borð við fiskisúpu
frá Miðjarðarhafinu og gufusoð-
inn lax með sítrónusósu. Útsýnið
yfir lónið sjálft og fallega innrétt-
aður staðurinn fá ennfremur góða
umsögn og segir höfundur að
þessir samverkandi þættir geri
staðinn að eftirlætisveitingastað
bæði gesta og heimamanna.
Veitingastaðurinn
Bláa lónið meðal
50 bestu í heimi
eftir því að losna undan kaupskyldu-
ákvæðum um leið og frumvarpið
verði að lögum. Vilhjálmur tekur um
leið fram að réttarstöðu þeirra, sem
vilja að sveitarfélagið leysi til sín
kaupskylduíbúð, verði ekki raskað
þannig að hagur eigenda félagslegra
íbúða sé tryggður í frumvarpinu. Þá
sé og verið að leysa margar fjöl-
skyldur úr hálfgerðum átthagafjötr-
um, einkum á höfuðborgarsvæðinu
þar sem markaðsverð er miklu
hærra en innlausnarverð, með af-
námi kaupskyldu sveitarfélaganna.
„Ég hef lengi verið þeirra skoðunar
að eigendum félagslegra íbúða, sem
það kjósa, verði heimilað að selja
íbúðir sínar á frjálsum markaði og
fagna því nú að málið sé að komast í
höfn.“
Sjóðurinn hefði þurft meira fé
Halldór Halldórsson, bæjarstjóri
á Ísafirði, sem sæti átti nefndinni,
segir að nefndin hafi átt að finna leið-
ir til þess að létta undir með sveit-
arfélögunum og skoða hvort ekki
ALLS munu ríki og sveitarfélög
leggja 1,1 milljarð króna í Varasjóð
húsnæðismála ef frumvarp, sem fé-
lagsmálaráðherra hefur lagt fram,
verður að lögum en því er ætlað að
taka á á vandamálum sveitarfélaga
vegna félagslegra íbúða.
Vilhjálmur Þ. Vihjálmsson, for-
maður Sambands íslenskra sveitar-
félaga, segist ánægður með þessa
niðurstöðu og segir hana vera fyrsta
raunhæfa skrefið til þess að draga úr
vanda sveitarfélaga vegna félagslega
íbúðarkerfisins. Hann bendir á að
það hafi lengi verið baráttumál sitt
og Sjálfstæðisflokksins í Reykjavík
að gera eigendum félagslegra íbúða
með kaupskylduákvæði að selja þær
á frjálsum markaði; borgarfulltrúar
flokksins hafi lagt fram tillögu í
borgarstjórn í febrúar þar sem lög-
gjafinn hafi verið hvattur til að
breyta lögum á þann veg að eigendur
félagslegra íbúða gætu selt þær á
frjálsum markaði. Tillagan hafi verið
samþykkt samhljóða í borgarstjórn
og því muni Reykjavíkurborg óska
mætti finna leiðir til þess að mark-
aðsvæða félagslega kerfið. „Niður-
staðan varð sú að halda áfram að
markaðsvæða og gefa mönnum kost
á að afnema kaupskylduna þar sem
markaðsverð er hærra en innlausn-
arverðið eins og á höfuðborgarsvæð-
inu. En í staðinn kemur inn fjármagn
með öðrum hætti til þess að hægt sé
að markaðsvæða á hinum svæðunum
líka þar sem innlausnarverðið er
hærra en markaðsverð. Ég lagði
raunar til að lagðar yrðu fram hærri
upphæðir og gerði fyrirvara um fjár-
hæðirnar sem nú hafa verið kynntar.
Þetta var hins vegar einfaldlega nið-
urstaðan og menn verða að sætta sig
við hana. Og við getum sagt sem
svo,“ segir Halldór, „að þetta sé
miklu betra en sú staða sem blasir
við núna. Það er líka mikilvægt að
ríkið kemur inn með rekstraframlag
þar sem rekstrarkostnaður fé-
lagslegra leiguíbúða er mikill og eins
að Íbúðalánsjóður megi afskrifa lán
á íbúðum eða húsum sem talin eru
ónýt.“
Lagafrumvarp um breytingar á félagslega íbúðakerfinu
Kaupskylda verður strax
afnumin í Reykjavík
JÓN Kristjánsson heilbrigðisráð-
herra segir reglur um bílastyrki til
fatlaðra til endurskoðunar í ráðu-
neytinu. Segir hann eitt atriði sem
til endurskoðunar komi vera hvort
og hvernig hátta skuli tekjuteng-
ingu styrkjanna eins og verið hefur
að undanförnu.
Fram kom í blaðinu á sunnudag
gagnrýni Jóns H. Sigurðssonar,
fyrrverandi kennara í Verslunar-
skóla Íslands, á tekjutengingu á
styrkjum til fatlaðra vegna bíla-
kaupa sem hann sagði komið á árið
1999. Sagði hann styrkinn falla nið-
ur væru tekjur yfir 2,3 milljónir
króna. Hann hefði því sagt upp
störfum til að geta fremur fengið
styrk þar sem hann þyrfti á stórum
bíl að halda þar sem hann gæti ekki
fjármagnað slík kaup með atvinnu-
tekjum sínum.
Heilbrigðisráðherra kvaðst ekki
vilja segja hvort tekjutenging yrði
afnumin, það væri eitt margra at-
riða sem til endurskoðunar kæmi
varðandi þennan málaflokk. Sagði
Jón Kristjánsson hafa verið unnið
að málinu í ráðuneytinu að und-
anförnu, sú vinna hefði verið byrjuð
áður en ábending Jóns H. Sigurðs-
sonar kom til, og vonaðist hann til
að þeirri vinnu lyki bráðlega.
Reglur um
bílastyrki
til endur-
skoðunar
SÝSLUMAÐURINN í Kópavogi
hyggst fara fram á að framlengt
verði gæsluvarðhald yfir manni og
konu sem grunuð eru um að hafa ráð-
ist á mann í íbúð í Hamraborg að
kvöldi 9. mars sl.
Fólkið hringdi eftir sjúkrabíl eftir
miðnætti en maðurinn var þá látinn.
Fólkinu var sleppt eftir yfirheyrslur
en það handtekið á ný þar sem krufn-
ing leiddi í ljós að maðurinn hafði lát-
ist af völdum innvortis áverka.
Friðrik Björgvinsson, yfirlög-
regluþjónn í Kópavogi, segir að enn
sé margt óljóst um atvik í íbúðinni
umrætt kvöld. Fólkið beri við slæmu
minni en þau voru talsvert ölvuð þeg-
ar þau voru handtekin. Tæknideild
lögreglu hefur ekki lokið rannsókn.
Sýni voru send utan til DNA-rann-
sóknar en vonast er til að niðurstöð-
urnar varpi ljósi á atburðarásina.
Óskað eftir framlengingu
á gæsluvarðhaldi