Morgunblaðið - 28.04.2002, Page 6

FRÉTTIR
6 SUNNUDAGUR 28. APRÍL 2002 MORGUNBLAÐIÐ
VIKAN 21/4 –27/4
ERLENT
INNLENT

TVEIMUR Vestmanna-
eyingum var bjargað úr
sjónum við Elliðaey á mið-
vikudag eftir að gúmbát
þeirra hvolfdi. Tveir aðrir
voru í bátnum en þeir kom-
ust af sjálfsdáðum í land.

ERLENDAR dans-
meyjar, sem starfa á nekt-
ardansstöðum í Reykjavík,
óska í auknum mæli eftir
fóstureyðingum. Þetta
kom fram á ráðstefnu Evr-
ópskra borga gegn eit-
urlyfjum á fimmtudag.
Dansararnir virðast ekki
hafa eðlilegan aðgang að
heilsugæslu á fyrri stigum,
t.d. í þeim tilgangi að út-
vega sér getnaðarvarnir.

Knattspyrnuhöllin í
Grafarvogi var tekin í
notkun á sumardaginn
fyrsta. Hefur húsið hlotið
nafnið Egilshöll sem er til
komið vegna samnings
rekstrarfélaga hússins og
Ölgerðar Egils Skalla-
grímssonar.

ÞESS var minnst víða
um land að Halldór Lax-
ness hefði orðið 100 ára í
vikunni. Á þessum tíma-
mótum var gengið frá
samningi um kaup íslenska
ríkisins á Gljúfrasteini í
Mosfellsdal, heimili Lax-
nesshjónanna og vinnustað
nóbelsskáldsins.

Í FRAMAHALDI af upp-
sögn átta starfsmanna-
Landssímans á Akureyri
hefur bæjarstjóri sagt að
til greina komi að segja
upp viðskiptum bæjarins
við Landssímann. Forstjóri
Símans og bæjarstjóri
ræddu á föstudag þá gagn-
rýni sem Síminn hefur sætt
vegna uppsagnanna.
Alcoa lýkur hag-
kvæmniáætlun í maí
AÐGERÐAÁÆTLUN milli Fjárfest-
ingarstofunnar og Alcoa, stærsta ál-
fyrirtækis heims, var undirrituð 19.
apríl síðastliðinn, þar sem Alcoa heitir
því að hafa lokið fyrstu hagkvæmni-
áætlun, vegna byggingar álvers á
Reyðarfirði, ekki síðar en 24. maí.
Verði niðurstaðan jákvæð mun vilja-
yfirlýsing verða undirrituð um frekari
viðræður milli Alcoa, íslenskra stjórn-
valda og Landsvirkjunar.
Í aðgerðaráætluninni kemur m.a.
fram að Alcoa hafi áhuga á að auka
möguleika sína á frumvinnslu áls, auk
þess sem fyrirtækið hafi trú á að sam-
bland vantsorkuvers á borð við Kára-
hnjúkavirkjun og álvers eins og fyr-
irhugað sé á Reyðarfirði gæti verið
áhugavert.
Kemur fram í áætluninni að verði
viljayfirlýsing undirrituð í framhaldi
af hagkvæmniathugun verði gildistími
hennar sjö vikur.
Miðstöð fyrir neyt-
endur morfínskyldra
lyfja verði komið á
STJÓRN Læknafélags Íslands hefur
lagt til í bréfi til heilbrigðisráðherra að
komið verði á fót miðstöð fyrir neyt-
endur svokallaðra ópíata en það eru
morfínskyld lyf. Í miðstöðinni fengju
neytendurnir skyld lyf eða önnur til að
mæta fíkninni og venjast af henni.
Í bréfinu segir að stjórn Lækna-
félagsins telji að talsverður hópur
fólks sé orðinn háður þessum lyfjum
og að hann fari stækkandi með hverju
ári. „Stjórnin telur að læknar kunni að
sjá þessum fíklum fyrir lyfjum að
verulegu leyti. Hún vill leggja sitt af
mörkum til að við því verði spornað,“
segir í bréfinu.
Jón Kristjánsson heilbrigðisráð-
herra sagðist fagna tillögum stjórnar
Læknafélagsins.
Mótmæli gegn Le Pen
„NEI“, „Reiðarslag“, „Jarðskjálfti“.
Þannig voru upphrópanirnar í frönsku
blöðunum á mánudaginn þegar það lá
fyrir, að hægriöfgamaðurinn Jean-
Marie Le Pen yrði andstæðingur Jacq-
ues Chirac forseta í síðari umferð for-
setakosninganna 5. maí. Var víða efnt
til mótmæla gegn Le Pen á götum úti
en leiðtogar flestra flokka, jafnt til
vinstri sem hægri, skoruðu á kjósendur
að styðja Chirac í seinni umferðinni.
Víða erlendis voru úrslitin kölluð „áfall
fyrir lýðræðið“ og „tímabær viðvörun“.
„Le Pen er ógnun við lýðveldið. Þeg-
ar ekki verður um annað að ræða en
hann eða Chirac, munum við kjósa
Chirac,“ sagði Francois Hollande, for-
maður Sósíalistaflokksins, og leiðtogar
flestra annarra stjórnmálaflokka tóku í
sama streng, líka kommúnistaflokks-
ins. Eru úrslitin mikið áfall fyrir stóru,
hefðbundnu flokkana í Frakklandi og
ekki síst fyrir Sósíalistaflokkinn. Lenti
leiðtogi hans, Lionel Jospin forsætis-
ráðherra, í þriðja sæti og á eftir Chirac
og Le Pen. Hann sagði á mánudaginn,
að hann myndi hætta afskiptum af
stjórnmálum að lokinni síðari umferð
forsetakosninganna.
Efnt var mótmæla víða um Frakk-
land gegn Le Pen og Þjóðarfylkingu
hans og eru slíkir fundir fyrirhugaðir
allt fram að seinni umferð kosninganna.
Enn setið um
Fæðingarkirkjuna
NÍU Palestínumenn yfirgáfu Fæðing-
arkirkjuna í Betlehem á fimmtudaginn
og höfðu þeir með sér lík tveggja
manna sem fallið höfðu í skotbardaga
við ísraelska hermenn. Ísraelsher hefur
setið um kirkjuna í þrjár vikur en inn-
andyra eru um 200 Palestínumenn.
Ekki hafði tekist að ná samkomulagi
um að binda enda á umsátrið á föstu-
dag, en Ísraelar segja 30 hryðjuverka-
menn meðal þeirra sem hafast við í
kirkjunni.

DRAGOLJUB Ojdanic,
fyrrverandi yfirmaður
júgóslavneska heraflans,
gaf sig fram við fulltrúa
Alþjóðastríðsglæpadóm-
stólsins í Haag í Hollandi á
fimmtudag. Ojdanic er
hæst setti embættismað-
urinn sem fulltrúar dóm-
stólsins hafa komið hönd-
um yfir frá því að
Slobodan Milosevic, fyrr-
verandi forseti Júgóslavíu,
var framseldur í fyrra.

RÍFLEGA þrjátíu
manns urðu fyrir
meiðslum, þar af tíu alvar-
legum, þegar sprenging
skók tvær byggingar á
Manhattan-eyju í New
York á fimmtudaginn.
Mikill fjöldi slökkviliðs-
manna og hjálparstarfs-
fólks þusti þegar á vett-
vang en í upphafi óttuðust
margir að um hryðjuverk
hefði verið að ræða. Svo
var þó ekki og töldu borg-
aryfirvöld líklegast að
sprenging hefði orðið í
hitakatli í kjallara hússins
með fyrrgreindum afleið-
ingum.

FINNSKIR hægriöfga-
menn tilkynntu á miðviku-
daginn að þeir hygðust
stofna flokk sem myndi
reyna að koma manni á
þing í næstu kosningum,
er verða á næsta ári.
Hefði góður árangur
Jean-Marie Le Pens í fyrri
umferð forsetakosning-
anna í Frakklandi um síð-
ustu helgi orðið þeim
hvatning til að láta til
skarar skríða. Í Finnlandi
hefur ekki verið nein
stjórnmálahreyfing á borð
við flokk Le Pens.
FRAKTFLUGFÉLAGIÐ Bláfugl
bætir nýrri vél í flugflota sinn í haust.
Verða þá tvær B737-300-fraktþotur í
þjónustu fyrirtækisins, önnur í ferð-
um milli Íslands og Evrópu og sú sem
bætist við í haust sinnir fraktflugi
milli Frakklands og Þýskalands. Þór-
arinn Kjartansson, framkvæmda-
stjóri Bláfugls, segir fraktflutninga
með flugi hafa aukist milli Íslands og
Evrópu síðustu árin og segir rektr-
argrundvöll Bláfugls góðan, ekki síst
með samningum við hraðflutninga-
fyrirtækið UPS.
Tvö önnur fyrirtæki í flugstarfsemi
tengjast Bláfugli. Annars vegar eru
það Flugflutningar sem er umboðs-
fyrirtæki í flugfrakt og var stofnað
árið 1994. Sér fyrirtækið um sölu á
fraktrými í vél Bláfugls auk þess sem
það hefur umboð fyrir UPS Air
Cargo og Cargolux. Hins vegar er
það flugafgreiðslufyrirtækið Vallar-
vinir sem sér um afgreiðslu og þjón-
ustu við flugvélar en fyrirtækið var
stofnað árið 1997. Þórarinn sér einnig
um daglegan rekstur Vallarvina sem
eru í eigu hans og Skúla Skúlasonar,
framkvæmdastjóra Flugflutninga.
Eru Vallarvinir og Bláfugl til húsa í
þjónustubyggingu rétt við Flugstöð
Leifs Eiríkssonar.
Starfsemi hófst fyrir rúmu ári
Bláfugl hóf fraktflug í mars í fyrra.
Flýgur félagið virka daga síðdegis frá
Keflavík um Edinborg til Kölnar og
tilbaka til Keflavíkur um East Mid-
land í Englandi. Er hún þá komin til
Íslands aftur um kl. 6 að morgni
næsta dags. Ferðin út á föstudegi
endar í Köln og á laugardegi er þot-
unni flogið til Lúxemborgar. Á
sunnudögum er síðan flogin ein ferð
frá Lúxemborg til Íslands og til baka
og hringurinn hefst á ný í Köln að
kvöldi sunnudags.
Þórarinn segir að nýlega hafi tekist
samningar milli UPS og Bláfugls um
frekara flug og í framhaldi af því voru
afráðin kaup á annarri þotu sömu
gerðar, þ.e. B737-300. Er hún keypt
gegnum bankann PK Air Finance,
sem sérhæfir sig í fjármögnun flug-
véla. Eins og fyrri þota Bláfugls er
hún farþegaþota sem breytt verður í
fraktflugvél. Flugið fyrir UPS hefst
30. september og verður flogið frá
Bordeaux í Frakklandi til Kölnar með
viðkomu í annarri borg í Frakklandi á
báðum leiðum. „Þotan sinnir þessu
flugi virka daga og stendur síðan í
Köln um helgar. Með þessu flugi er
rekstrargrundvöllurinn tryggður og
það kemur síðan í ljós hvort unnt
verður að nýta vélina eitthvað um
helgar líka.“
Ástæðan fyrir því að Bláfuglsmenn
velja farþegaþotu til að breyta í frakt-
vél segir Þórarinn að sé m.a. að þá sé
hægt að setja á hana nýjustu gerð af
stórri frakthurð. Þoturnar bera um
18 tonn af frakt. Þær eru framleiddar
1987 og 1989 og er verðmæti þeirra
alls um 3,7 milljarðar króna. Starfs-
menn Bláfugls eru tuttugu, þar af tíu
flugmenn eða fimm áhafnir. Þarf að
bæta við þremur áhöfnum þegar nýja
þotan kemst í gagnið og segir Þór-
arinn rekstur tveggja flugvéla þýða
að betri nýting verði bæði á flug-
mönnum og öðrum starfsmönnum
fyrirtækisins.
Aukin verkefni hjá Vallarvinum
Vallarvinir hafa verið að færa út
kvíarnar síðustu árin á sviði þjónustu
við flugvélar sem fara um Keflavík-
urflugvöll. Í fyrstunni snerust verk-
efnin einkum um að sinna fraktvélum
en í sumar sér fyrirtækið um af-
greiðslu á farþegaþotum þýska leigu-
flugfélagsins LTU. Hefst það í júní og
verða farnar fimm ferðir í viku. Einu
sinni í viku verður komið við á Egils-
stöðum og sjá Vallarvinir einnig um
afgreiðslu þar, sem Þórarinn segir að
sé ekki enn fullfrágengið hvernig
háttað verður.
En hvernig kom stofnun Vallarvina
til?
„Okkur var eiginlega ýtt út í stofn-
un Vallarvina á þeim árum sem
Cargolux stundaði hingað reglubund-
ið áætlunarflug,“ segir Þórarinn en
Flugflutningar hafa umboð fyrir
Cargolux. „Flugleiðir önnuðust af-
greiðslu vélanna og þar kom að
Cargolux fannst þjónustan of dýr og
afgreiðslan taka of langan tíma. Þetta
ásamt öðru leiddi til þess að við
ákváðum að stofna afgreiðslufyrir-
tæki til að freista þess að halda áfram
að sinna þeirri fraktþjónustu sem við
vorum búnir að byggja upp með
Cargolux og Flugflutningum. Um
það leyti hóf Íslandsflug líka að
stunda fraktflug og sáu Vallarvinir
um að þjóna því til að byrja með.“
Hjá Vallarvinum eru tíu manns í
föstu starfi en tíu til fimmtán til við-
bótar í hlutastörfum. Þá verður fjölg-
að enn í sumar með tilkomu þjónust-
unnar við LTU. Fyrirtækið hefur
allan nauðsynlegan búnað til að sinna
afgreiðslu flugvéla af stærstu gerð og
lætur nærri að verðmæti tækjanna sé
kringum 100 milljónir króna.
Vallarvinir hafa fengið úthlutað
fimm innritunarborðum í Flugstöð
Leifs Eiríkssonar en þeim hefur verið
fjölgað. Þórarinn segir að þrátt fyrir
að þeim finnst sú aðstaða ekki nægi-
lega góð muni þeir una við hana í
sumar. Nýju innritunarborðin eru í
öðrum enda brottfararsalarins og
segir hann þar verða þröng á þingi
þegar skrá þarf farþega í flug í 200 til
280 manna þotur. Í ráði er að Flug-
stöðin setji upp eigin búnað á öllum
borðunum á næsta ári. Segir Þórar-
inn að það muni auðvelda alla af-
greiðslu og þá verði hægt að nota þau
innritunarborð í salnum sem henti
best afgreiðslu hverju sinni.
Mikil samkeppni í fraktflugi
Flugflutningar annast eins og fyrr
segir sölu á hluta fraktrýmis í þotu
Bláfugls. Hraðflutningafyrirtækið
UPS nýtir hluta þotunnar og Flug-
flutningar eru ábyrgir fyrir hinum
hlutanum. Skúli Skúlason segir nýt-
inguna þokkalega en samkeppni sé
mikil í flugfraktinni hér. Hann segir
aukningu hafa verið í flugfrakt allt frá
árinu 1994, bæði til landsins og frá.
„Fyrirtækin nýta sér í auknum mæli
kosti fraktflugs,“ segir Skúli, „með
því að taka vörur hingað jafnt og þétt
í stað þess að liggja með miklar birgð-
ir, sem er dýrt,“ og nefnir hann t.d.
bílaumboðin í þessu sambandi.
Bláfugl og Vallarvin-
ir færa út kvíarnar
Morgunblaðið/jt
Þórarinn Kjartansson (t.h.) og Skúli Skúlason við þotu Bláfugls sem er í reglulegum fraktflutningum.