Morgunblaðið - 07.05.2002, Blaðsíða 18

LANDIÐ
18 ÞRIÐJUDAGUR 7. MAÍ 2002 MORGUNBLAÐIÐ
ÞAÐ var mikill hátíðisdagur á
Tálknafirði sl. sunnudag, þegar
biskup Íslands Herra Karl Sig-
urbjörnsson vígði nýja kirkju
þeirra Tálknfirðinga. Fjölmenni
var við vígsluna, en um 300 gestir
voru viðstaddir. Ásamt biskupi
tóku átta prestar þátt í vígslunni.
Þrír þeirra hafa áður þjónað
Stóra-Laugardalssókn, þeir Tóm-
as Guðmundsson, Sigurður Jóns-
son og Karl V. Matthíasson. Þá
voru Bragi Benediktsson prófast-
ur, Leifur Ragnar Jónsson, Flosi
Magnússon, Auður Inga Ein-
arsdóttir og Sveinn Valgeirsson
sem nú þjónar söfnuðinum. Kór
Stóra-Laugardalssóknar ásamt fé-
lögum úr kór Bíldudalssóknar
söng undir stjórn Helgu Þ. Guð-
mundsdóttur, við undirleik Marion
Worthman organista. Athöfnin
hófst með því að sóknarnefnd,
prestar og biskup gengu inn með
kirkjumuni. Þar tók biskup við
mununum og kom þeim fyrir á alt-
arinu. Vígslan fór fram með hefð-
bundnum hætti. Að athöfninni lok-
inni var öllum kirkjugestum boðið
til veislu í íþrótta- og félagsheim-
ilinu. Þar var boðið upp á hveiti-
kökur og flatkökur með reyktum
silungi og hangikjöti, salt-
fiskbollur, gellusultu, grafna
bleikju, steinbít á spjóti og fleira.
Allt fiskmeti í veislunni var unnið
af fyrirtækjum á staðnum og gefið
til veislunnar.
Hönnuð af Vestfirðingi
Formaður sóknarnefndar, Sig-
urður Á. Magnússon flutti ávarp
og rakti í stuttu máli aðdraganda
þess að ráðist var í að byggja nýja
kirkju. Einnig fór hann með
nokkrum orðum yfir bygging-
arsöguna. Einar Kr. Guðfinnsson
fyrsti þingmaður Vestfirðinga
flutti ávarp fyrir hönd þingmanna
kjördæmisins og lýsti ánægju
sinni með þennan merka áfanga
og þá staðreynd að kirkjan er
hönnuð og reist af Vestfirðingum,
en Elísabet Gunnarsdóttir arki-
tekt á Ísafirði teiknaði kirkjuna
og hún var byggð af heimamönn-
um. Fram kom í máli margra
ánægja með hönnun kirkjunnar og
innra skipulag og voru Elísabetu
arkitekt færðar þakkir fyrir.
Margar gjafir bárust
Sveinn Valgeirsson sókn-
arprestur átti lokaorðin og kom
fram í máli hans mikil ánægja með
þessa nýju og stórbættu aðstöðu
fyrir sóknarprest. Þá taldi hann
það vera að bera í bakkafullan
lækinn að byrja að telja upp og
þakka öllum þeim sem komið hafa
að kirkjubyggingunni, þar sem
það er mjög stór hópur fólks, fé-
laga og fyrirtækja. Söfnuðinum
bárust margar góðar gjafir í til-
efni dagsins.
Biskup vígði
að viðstöddu
fjölmenni
Morgunblaðið/Finnur
Margir tóku þátt í vígsluathöfn-
inni. Frá vinstri: Sr. Sigurður
Jónsson, sr. Auður Inga Einars-
dóttir, sr. Flosi Magnússon, Ey-
dís Hulda Jóhannesdóttir, sr.
Karl V. Matthíasson, Karl Sig-
urbjörnsson biskup, sr. Leifur
Ragnar Jónsson, sr. Bragi Bene-
diktsson, Friðrik Kristjánsson,
sr. Tómas Guðmundsson og sr.
Sveinn Valgeirsson.
Morgunblaðið/Ólafur Magnús Birgisson
Frá vígsluathöfninni í nýju kirkjunni sem var fjölsótt.
Tálknafjörður
Kaldárholti hækkaði þrýstingur
mikið þar sem jarðskorpan þjappað-
ist saman við skjálftana. Þar sem
jarðhitasvæðið í Kaldárholti hafði
verið tengt við Laugalandsveituna
hálfu ári áður var hægt að anna
vatnsþörf eftir skjálftana með dæl-
ingu frá Kaldárholti. Mikið tjón af
völdum skjálftanna varð á aðveitu-
lögninni, byggingum í Kaldárholti,
dreifikerfi á Hellu, undirstöðum bor-
holuhúsa og dælustöðin á Lauga-
landi var dæmd ónýt í kjölfarið. Var
þess vegna ákveðið að reisa nýja
dælu- og stjórnstöð á Laugalandi, en
hún var einmitt tekin formlega í
notkun fyrir stuttu. Stórbætta nýt-
HITAVEITA Rangæinga tók fyrir
stuttu í notkun tvö ný orkumann-
virki í Holta- og Landsveit, dælustöð
í Kaldárholti og dælu- og stjórnstöð
á Laugalandi. Hitaveitan var stofnuð
árið 1981, en fyrstu hús voru tengd
haustið 1982. Veitusvæðið nær yfir
Hellu, Hvolsvöll, Rauðalæk, Lauga-
landssvæðið og allmarga bæi á veitu-
leiðinni.
Fyrsta vinnsluhola hitaveitunnar
á Laugalandi gaf árlega dælingu að
jafnaði um 17 l/sek og dugði það
vatnsmagn til að sinna þörfum henn-
ar í fyrstu, m.a. með því að vatnið var
hitað og endurhitað í kyndistöð á
Hvolsvelli. Fljótlega varð ljóst að líta
þyrfti til frekari orkuöflunar þar sem
reksturinn stóð tæpt vegna tak-
markaðra afkasta og mikils niður-
dráttar vatnsborðs á Laugalandi.
Skipuleg jarðhitaleit fór fram á ár-
unum 1998-2000 í nágrenni Lauga-
lands, í Köldukinn og á Kaldárholts-
svæðinu, en þar voru boraðar 36
leitarholur, uns vinnsluhæf hola með
69° heitu vatni fannst. Árið 1999 var
byggt dæluhús og miðlunargeymir í
Kaldárholti og aðveita á Laugalandi
en í janúar 2000 var vatni hleypt á
lögnina. Með tilkomu hins nýja virkj-
unarsvæðis í Kaldárholti gerbreytist
rekstrarstaða veitunnar og hafa með
henni skapast tækifæri til aukinnar
vatnssölu og markaðssóknar. Heild-
arorkuvinnsla veitunnar er nú um 56
gígawattstundir á ári.
Mikið tjón en bætt nýting
í kjölfar jarðskjálftanna
Þegar jarðskjálftarnir í júní 2000
riðu yfir urðu meiri háttar breyting-
ar á jarðhitakerfum á Suðurlandi
sem ollu miklu tjóni og rekstrar-
stöðvunum hjá hitaveitum. Mikið
þrýstifall varð á Laugalandi en í
ingu heita vatnsins má rekja til sam-
nýtingar vinnslusvæðanna beggja,
lagningu nýrrar aðveitulagnar og er
geta veitunnar nú töluvert umfram
eftirspurn.
Hönnuðir mannvirkjanna í Kald-
árholti og á Laugalandi voru þeir
Wilhelm V. Steindórsson og Sigurð-
ur Þorleifsson. Um byggingu dælu-
stöðvar í Kaldárholti sá Byggðasel í
Hveragerði, lagningu aðveitu frá
Kaldárholti að Laugalandi Bílkran-
inn ehf. og byggingameistari dælu-
og stjórnstöðvar á Laugalandi var
Guðjón Sigurðsson, en rafverktaki
var Ljósá ehf. og jarðvinnsluverk-
taki Styrking.
Morgunblaðið/Aðalheiður
Glæsileg dælu- og stjórnstöð Hitaveitu Rangæinga á Laugalandi var
formlega tekin í notkun nú á vordögum. F.v.: Ingvar Baldursson, fram-
kvæmdastjóri HR, og Fannar Jónasson, formaður stjórnar veitunnar.
Ný veitumannvirki
tekin í notkun
Hella
KARLAKÓR Hreppamanna
minntist þess að fimm ár eru frá
stofnun kórsins með vel heppn-
uðum tónleikum í Félagsheimilinu
á Flúðum að kvöldi sumardagsins
fyrsta.
Í kórnum eru núna skráðir 43
félagar, flestir úr Hreppunum en
einnig úr Biskupstungum, Laug-
ardal og Flóa. Stjórnandi frá upp-
hafi hefur verið Edit Molnár og
undirleikari eiginmaður hennar,
Miklós Dalmay, en þau eru frá
Ungverjalandi. Kórinn hefur vaxið
og dafnað á þessum fimm árum
sem liðin eru frá stofnun hans.
Fengu áheyrendur, sem fylltu hús-
ið, að sjá upptöku frá fyrstu tón-
leikunum þar sem kórinn söng á
sönghátíð á Flúðum. Það voru
óstyrkir 25 menn og fór bros um
bekki áhorfenda. Þá stigu „gamlir“
kórfélagar einnig á svið og sungu
með honum eitt lag. Tveir kór-
félaga, Brynjar Sigurðsson og Eg-
ill Jónasson, brugðu á glens og
tóku tvo lög úr hinum vinsæla
söngleik Deleríum bú bónis sem
þeir léku í með Leikfélagi Bisk-
upstungna í vetur.
Lagaval var fjölbreytt að vanda
og má geta þess að einn kórfélaga,
Hreinn Þorkelsson, gerði texta við
níu erlend lög sem voru á meðal
laga á söngskránni.
Lög valin á geisladisk
Óhætt er að segja að Karlakór
Hreppamanna hafi bókstaflega
sprungið út á svo skömmu árabili
sem hann hefur starfað. Er nú
verið að safna saman lögum á
geisladisk sem vonandi kemur út
fyrr en síðar.
Söngstjóra og undirleikara sem
og kórfélögum var þakkað vel og
lengi með dynjandi lófataki í lok
þessarar góðu skemmtunar. For-
maður kórsins nú er Brynjar Sig-
urðsson.
Morgunblaðið/Sigurður Sigm.
Frá afmælistónleikum Karlakórs Hreppamanna, stjórnandi Edit Molnár.
Karlakór Hreppa-
manna fimm ára
Hrunamannahreppur
Fjölmennir afmælistónleikar