Morgunblaðið - 05.06.2002, Qupperneq 13

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 5. JÚNÍ 2002 13
BYRJAÐ er að selja íbúðir í
hinu nýja Skuggahverfi,
sem markast af Skúlagötu,
Frakkastíg, Lindargötu og
Klapparstíg. Ráðgert er að
fyrstu íbúðirnar verði af-
hentar snemma árs 2004.
Einar Ingi Halldórsson,
framkvæmdastjóri fyrirtæk-
isins 101 Skuggahverfi hf.,
sem stendur að fram-
kvæmdunum, segir að íbúð-
irnar komi til með að kosta
á bilinu 11,3-40 milljónir
króna. „Verðið er afar mis-
jafnt eftir stærð og stað-
setningu. Úrvalið er það
mikið; íbúðirnar eru frá 54
til rúmlega 200 fermetra.
Grunníbúðargerðirnar eru
12 talsins, en ef til vill má
telja allt að 40 gerðir,“ segir
hann. „Til að mynda má
nefna að þær eru misdýrar
eftir því hversu hátt þær
eru í turnunum, þannig að
nokkrum milljónum getur
munað á sambærilegum
íbúðum eftir hæð,“ segir
Einar Ingi. Hann segist
telja verðið vera sanngjarnt,
miðað við að verið sé að
þétta byggð í miðbænum
með tilheyrandi uppkaupum
á landi og húsum. „Þá eru
gæði íbúðanna mikil og mik-
ið hefur verið lagt í hönnun
þeirra,“ segir hann.
Alls verða byggðar 250
íbúðir í 18 íbúðabyggingum.
Lögð er áhersla á að útsýni
verði sem best og flestar
íbúðir hafa glugga í þrjár
áttir. Einar segir að fyrir-
tækið hafi orðið vart við
áhuga fólks á íbúðunum allt
frá því að verkefnið byrjaði.
„Það er mikið að gera, þótt
salan sé nú rétt að hefjast.“
Þegar er búið að taka frá
íbúðir.
Sýning opnuð
í Kringlunni
Byggingarnar verða
þriggja til 16 hæða, allar
með aðgangi að lyftu. Al-
mennt eru tvær íbúðir á
hæð í hverjum stigagangi og
lofthæð í íbúðum verður 2,7
metrar. Sérstaklega er hug-
að að því við hönnun
húsanna að íbúðir verði
bjartar og opnar, þannig að
útsýni fái notið sín eins og
fyrr segir. Geymslur verða í
kjallara í tengslum við
stigahús og bílageymslu, en
hverri íbúð fylgir eitt stæði í
bílageymslu auk þess sem
bílastæði verða ofanjarðar á
lóð.
Á fimmtudaginn hefst í
Kringlunni sýning á líkönum
og teikningum af hinu nýja
hverfi.
Íbúðarverð á bilinu 11
til 40 milljóna króna
Morgunblaðið/Arnaldur
Fyrstu íbúðirnar verða afhentar snemma árs 2004 en alls verða byggðar 250 íbúðir í 18 byggingum.
Skuggahverfi
ÁHÁ-BYGGINGAR
hafa stefnt Seltjarnar-
nesbæ og gert kröfu um
585 milljóna króna
skaðabætur vegna
meintra ólögmætra
vinnubragða við útboð á
Hrólfsskálamel. Að sögn
lögmanns stefnanda var
málið þingfest í síðustu
viku.
Eins og Morgunblaðið
hefur greint frá hafnaði
bærinn kröfunni í apríl
síðastliðnum. Að sögn
Jóns Steinars Gunn-
laugssonar hæstaréttar-
lögmanns, sem rekur er-
indi ÁHÁ-bygginga, er
aðalkrafan um svokall-
aðar efndarbætur en
þær miðast við það að
umbjóðandi hans hefði
fengið samning um verk-
ið og notið þess hagnað-
ar sem af honum leiddi.
Inn í þetta komi einnig
sjónarmið um það að
bærinn kynni að hafa
notað hugmynd umbjóð-
anda síns um uppbygg-
ingu á Hrólfsskálamel.
Málið var sem fyrr
segir þingfest í síðustu
viku og fær bærinn frest
fram á haust til að skila
greinargerð um málið.
Bænum
stefnt
vegna
útboðs
Seltjarnarnes
LEIKSKÓLABÖRN í Garða-
bæ voru í hátíðarskapi síð-
astliðinn föstudag þegar
sumarhátíð leikskólanna fór
fram. Þá hittust krakkar á
öllum leikskólum bæjarins
við hjúkrunarheimilið Holts-
búð og marséruðu í glæsi-
legri skrúðgöngu að Hofs-
staðaskóla. Ekki spillti fyrir
að hljóðfæraleikarar frá
Tónlistarskóla Garðabæjar
fóru fyrir skrúðgöngunni.
Mikið var sungið á hátíð-
inni og átti hver leikskóli
sitt innlegg þar sem sungið
var fyrir hin börnin. Þá
skemmti Brúðubíllinn með
nýju leikriti í nýjum bíl og
hafa litlu krílin eflaust
kunnað vel að meta þá
uppákomu.
Morgunblaðið/Golli
Leikskóla-
börn í há-
tíðarskapi
Garðabær
ÞAU voru að springa úr
stolti litlu krílin á Aust-
urborg sem útskrifuðust það-
an í síðustu viku. Eðli máls-
ins samkvæmt eru þau því
eiginlega ekki lengur lítil
heldur orðin stór enda komin
með vottað skjal í hendurnar
um að fyrsta útskrift ævinn-
ar sé um garð gengin.
Af þessu tilefni buðu
krakkarnir foreldrum sínum
til útskriftarhátíðar í skól-
anum þar sem boðið var upp
á þaulæfð skemmtiatriði og
allir nutu góðrar sam-
verustundar. Á myndina
vantar reyndar fjóra úr
hópnum en þeir munu hins-
vegar hefja skólagöngu
næsta haust líkt og félagar
þeirra á myndinni.
Morgunblaðið/Þorkell
Fyrsta
útskriftin
á ævinni
Háaleitishverfi
REYKJAVÍKURBORG og
Knattspyrnufélagið Fram
hafa gengið frá samningi
sem felur í sér bætur vegna
skerðingar á íþróttasvæði
Fram undanfarin ár. Veru-
legar endurbætur verða
gerðar á svæði félagsins.
Íþróttasvæði Fram liggur
að Miklubraut og vegna
breytinga á skipulagi um-
ferðarmannvirkja þar í
grennd hafa borgaryfirvöld
talið nauðsynlegt að skerða
svæði félagsins að því er
segir í frétt frá Fram. Meðal
annars verður í sumar lokið
við göngubrú yfir brautina
og hefur verið gert sam-
komulag um að göngustígur
verði lagður inn á áður af-
markað svæði félagsins. „Af
þeirri ástæðu hefur Reykja-
víkurborg komið til móts við
félagið um frekari uppbygg-
ingu og lagfæringar á
íþróttasvæði félagsins,“ seg-
ir í fréttinni.
Kemur fram að í stað mal-
arvallar verði gerður upphit-
aður gervigrasvöllur ásamt
flóðljósum auk sparkvallar.
Er gert ráð fyrir að hann
verði tekinn í notkun í sept-
ember árið 2003 og er áætl-
aður kostnaður við hann um
100 milljónir króna.
Þá hefur orðið samkomu-
lag um að reist verði við-
bygging við íþróttahús fé-
lagsins sem muni rúma fjóra
búningsklefa, geymslur, lík-
amsræktaraðstöðu auk fé-
lagsaðstöðu. Er stefnt að því
að taka viðbygginguna í
notkun í tveimur áföngum, á
árunum 2003 og 2004. Áætl-
aður kostnaður við þessa
byggingu er einnig um 100
milljónir króna.
Samningur vegna Tóna-
bæjar framlengdur
Nýtt deiliskipulag verður
gert af svæðinu að því er
segir í fréttinni og lóðar-
mörk færð þannig að mal-
arvöllur tilheyri nú íþrótta-
svæði félagsins en áður hafði
félagið einungis afnotarétt af
því svæði. Bílastæði verða
gerð milli íþróttahúsa Álfta-
mýrarskóla og íþróttahúss
Fram, auk bílastæða við
Safamýri. Þá verða girðing-
ar lagfærðar og runnar og
tré gróðursett í því skyni að
fegra svæðið og gera það
skjólsælla.
Loks kemur fram að
samningur um leigu á gamla
félagsheimili Fram í Safa-
mýri 28 hafi verið fram-
lengdur til ársins 2016 en
þar hefur félagsmiðstöðin
Tónabær haft starfsemi sína.
Segir í fréttinni að lítið
æfingasvæði hafi háð starf-
semi félagsins. „Nú verður
bætt úr því og mun aðstaða
félagsins verða með því
besta sem á verður kosið.“
Nýr samningur Reykjavíkurborgar og Knattspyrnufélagsins Fram
Upphitaður gervigrasvöllur
og viðbygging við íþróttahús
Háaleitishverfi