Morgunblaðið - 05.06.2002, Síða 23

LISTIR
MORGUNBLAÐIÐ MIÐVIKUDAGUR 5. JÚNÍ 2002 23
Traust menntun í framsæknum skóla
Hársnyrtibraut og fataiðnabraut eru meðal eftirsóttustu námsbrautum
Iðnskólans í Reykjavík.
Hársnyrtar starfa á hárgreiðslu- og rakarastofum. Þeir koma einnig við sögu
í tískuheiminum og margir fyrrum nemendur okkar hafa unnið til verðlauna
á sýningum innanlands og utan.
Í klæðaskurði og kjólasaum er mikil áhersla lögð á sniðagerð og tæknilega
hönnun karlmanna- og kvenfatnaðar. Námið er góður undirbúningur undir
framhaldsnám í fatahönnun eða skyldum greinum.
IÐNSKÓLINN Í REYKJAVÍK
Skólavörðuholti • 101 Reykjavík • Sími 522 6500
www.ir.is • ir@ir.is
Hönnunarsvið
Flott hár og
falleg föt
Hagfræðistofnun Háskóla Íslands og International Network
of Pension Regulators and Supervisors (INPRS)
kynna tvær ráðstefnur:
Framtíð lífeyrismála
Sölvhóli, Seðlabanka Íslands,
Reykjavík, 7. júní 2002
Aðalstyrktaraðili
Fjármálaráðuneytið Seðlabanki Íslands
Aðrir styrktaraðilar
Ráðstefnan um framtíð lífeyrismála er hálfs dags málþing og umræðu-
fundur um málefni sem eru líkleg til að hafa áhrif á framtíð lífeyrismála.
Ráðstefnan er öllum opin.
Dagskrá föstudagsins 7. júní:
Fundarstjóri: Tryggvi Þór Herbertsson, forstöðumaður
Hagfræðistofnunar HÍ
13:00-13:05 Geir H. Haarde, fjármálaráðherra. Opnunarávarp
13:05-14:05 Alicia Munnell, Boston College. Landslag lífeyrismála
14:05-15:00 Sarah Harper, Director of Oxford Institute of Ageing.
Snemmtaka lífeyris: félags- og hagfræðilegar
spurningar
15:00-15:30 Kaffihlé
15:30-16:30 Jeffrey Brown, Harvard University. Neysla og eftirlaun
16:30-17:30 Richard Disney, University of Nottingham and IFS.
Skattastefna og ákvarðanir lífeyrisþega
Rannsóknir
á lífeyrismálum
Sölvhóli, Seðlabanka Íslands,
Reykjavík, 8. júní 2002
Á ráðstefnunni sem tekur hálfan dag verður rætt um nauðsynlega þætti
sem gefa innsýn í hvernig ákvarðanatöku lífeyrisþega og launþega er
nálgast eftirlaunaaldur er háttað.
Dagskrá laugardagsins 8. júní:
Fundarstjóri: J. Michael Orszag, Watson Wyatt Plc.
09:00-09:40 James Banks, IFS. Enska eftirlaunakönnunin
09:40-10:20 Richard Hinz, US Department of Labor. Erum
við að nálgast? Rýnt í 5500 gögn um séreignar
lífeyrissparnað
10:20-11:00 Jean-Marc Salou, OECD. Tölfræði lífeyris
sjóða innan OECD: Yfirlit
11:00-12:00 Umræður
Skráning fer fram hjá Stefaníu Traustadóttur,
steftr@hi.is eða 525 4284
Nánari upplýsingar á heimasíðu Hagfræðistofnunar
www.ioes.hi.is - undir events
ÍSLENZKAR konur (og karlar)
hafa prjónað stíft í aldanna rás, ullin
jafnlengi haldið hita í mannfólkinu á
kalda landinu. Til umhugsunar hve
litla rækt skólakerfið hefur lagt við
þessa nytsömu rótgrónu og þjóðlegu
iðju á skipulegan hátt svo og hann-
yrðir aðrar sem tengjast ullinni. Á ég
ekki við almenna skólakerfið eða
hússtjórnarskóla heldur listaskóla
og það í fúlustu alvöru. Minnist þess,
að þegar ég kom fyrst til Helsingfors
fyrir réttum þrem áratugum, var
mér boðið að skoða bæði Listiðnað-
arskólann og Akademíuna hátt og
lágt. Einna minnisstæðust er mér
prjónadeildin á Listiðnaðarskólan-
um, sem var mjög fullkomin auk
þess að þar fór fram viðamikil rann-
sóknarstarfsemi á öllum þáttum
tengdum prjóni sem skapandi iðju í
samtímanum. Þetta eru vísindi í
núinu, hráefnið og þráðagerðin
grundvöllur að góðri prjónahönnun.
Finnar hafa allt frá 1930 þróað ull-
arband sérstaklega fyrir sinn listiðn-
að og fólk útskrifað úr listaskólum
hefur síðustu áratugi látið að sér
kveða varðandi þessi mál, sem hefur
stuðlað að fjöldaframleiðslu og út-
flutningi. Kom þessum skilaboðum á
framfæri bæði í MHÍ og í skrifum
mínum, en viðbrögðin lítil.
Raunalegt í ljósi þess, að allar lík-
ur benda til að á Norðurlöndum sé
prjónaferillinn lengstur á Íslandi,
einnig að enginn skortur hefur verið
á vel menntuðum og hæfileikaríkum
konum, sem voru hér meðvitaðar um
þörfina á að halda þessum arfi lifandi
svo og öðru er tengdist ullinni. Nefni
hér til sögunnar þær Huldu Jósefs-
dóttur og Steinunni Bergsteinsdótt-
ur, sem báðar voru og eru á heims-
mælikvarða á þessu afmarkaða sviði.
Prjón er ekki bara prjón og margar
tegundir prjóns, heldur líka einn
geiri sjónmennta sem skapandi
hönnun og mjög verðmæt vara er
best lætur og var á öldum áður veru-
legt búsílag fyrir íslenzku þjóðina.
Hér fylgjast þannig að arfur kyn-
slóðanna og ný sköpun eins og nótt
fylgir degi. En til að vel megi fara
þurfa mál að þróast eðlilega og menn
að vera með á nótunum um vægi list-
íða, þó umfram allt vitræna mark-
aðssetningu og langtímamarkmið. Á
sviði listíða þýðir lítið að ganga að
hlutunum með hugarfari veiði-
mannsins, en þeir fiska sem róa eins
og það heitir, einneginn þótt langsótt
sé á miðin og veiðin liggi djúpt.
Hulda Jósefsdóttir hefur verið
virkur prjónahönnuður um hálfrar
aldar skeið og víða komið við, þótt
minna hafi hún verið í sviðsljósinu en
æskilegt má telja, menntun og
starfskraftar fjarri því nýttir sem
skyldi. Kenndi um skeið handprjón
við MHÍ; en við ríkjandi aðstæður og
stöðnun í ullariðnaði strandaði allt á
því að ekki var mögulegt að tengja
kennsluna við íslenzkar rannsóknir á
ull, þráðagerð og iðnað sem hefði
möguleika á að þróast á eðlilegan
hátt og skapa atvinnu fyrir þá sem
hæfileika og þekkingu hafa.
Þjóðfélag sem hefur efni á að van-
rækja slíka hæfileika í jafn jarð-
bundinni iðju er fátækt, hvað sem
öllu stásslegu yfirborði og prjáli líð-
ur, ríkdómur er afstætt hugtak og
byggist síður á eftirsókn eftir vindi.
Prjál er svo ekki til í vinnubrögðum
listakonunnar, allt eins hreint og
tært og safarík grómögnin í móður-
moldinni. Hún hefur jafnframt rekið
listhúsið Stöðlakot við Bókhlöðustíg
frá 1988, og þótt þar sé hvorki hátt til
lofts né vítt til veggja minnist ég
margra eftirminnilegra sýninga á
staðnum. Litli gamli bærinn sem
Hulda lét gera upp, jafn vönduð og
þjóðleg smíð yst sem innst og prjón
hennar og ber metnaði og ást á ald-
anna geymd vitni. Og nú, eftir að list-
húsinu hefur verið lokað um skeið,
hefur hún loks og að ég held í fyrsta
skipti troðfyllt það af eigin verkum,
íðilfögrum flíkum sem hún byggir
mikið til á ferningsforminu. Þó er sá
agnúi á framkvæmdinni, að húsnæð-
ið býður ekki upp á að flíkurnar njóti
sín sem skyldi, hver og ein. Einkum
er þröng á þingi á neðri hæðinni,
þannig að erfitt er að rýna í þær á
raunhæfan hátt. En framkvæmdin í
heild segir gesti og gangandi að hér
fer listamaður sem íhugar sinn gang
og sitt verk, og fer sér hægt. Meg-
inveigurinn að allt sé hreint og ekta,
hvert frávik gróm.
Bragi Ásgeirsson
FRÁBÆRT
LIST OG HÖNNUN
Stöðlakot
Opið alla daga frá 15–18. Til
9. júní. Aðgangur ókeypis.
PRJÓN HULDA JÓSEFSDÓTTIR
Hulda Jósefsdóttir: Prjónaflík þar sem gengið er út frá ferningi.
ÚTGÁFUFYRIRTÆKIÐ Bjartur
hefur tryggt sér útgáfuréttinn á bók-
inni Molly Moon og Dáleiðslubókin
sem kom út í Englandi á dögunum en
búist er við að þarna sé komin bók
sem gæti fylgt Harry Potter eftir í
vinsældum. Hún kemur út í íslenskri
þýðingu í haust.
„Höfundurinn, hin 30 ára Georgia
Byng, fékk greidda summu með
ákaflega mörgum núllum þegar hún
skrifaði undir samning við breska út-
gáfurisann Macmillan. Þegar er búið
að selja útgáfurétt bókarinnar til 24
landa og kvikmyndarétturinn er
seldur til þeirra sem gerðu myndina
um Harry Potter,“ segir Snæbjörn
Arngrímsson hjá Bjarti. „Mikið var
um dýrðir á útgáfuhátíð bókarinnar
og voru dávaldar fengnir til að
skemmta gestum. Meðal skemmti-
atriða var fjöldadáleiðsla þar sem
gestir voru dáleiddir til að kaupa 40
eintök af bókinni og segja öllum vin-
um sínum að þetta væri besta bók
sem þeir hefðu á ævinni lesið. Ekki
fylgir sögunni hvort dáleiðslan
heppnaðist.“
Bjartur gefur út Molly Moon
OLGA Pálsdóttir mun gefa Samtök-
um gegn sjálfsvígum allan söluhagn-
að af grafíkverkum sínum sem eru á
myndlistarsýningu sem nú stendur
yfir í Rauðu stofu Gallerís Foldar á
Rauðarárstíg. Sýningin hefur yfir-
skriftina Reykjavík og var opnuð í til-
efni borgarstjórnarkosninga. Gallerí
Fold er opið daglega frá kl. 10–18,
laugardaga til kl. 17 og sunnudaga
frá 14–17. Sýningunum lýkur 9. júní.
Olga Pálsdóttir
gefur ágóða
verka sinna