Morgunblaðið - 30.08.2002, Síða 40

40 FÖSTUDAGUR 30. ÁGÚST 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Á KJALARNESI er vindasamt í
norðanátt en með uppgræðslu skóg-
ar má draga úr vindi og gera landið
byggilegra. Húshitunarkostnaður
verður lægri þar sem skjólsamt er og
einnig skapast meira umferðarör-
yggi þar eð trjágróður skýlir fyrir
sviptivindum . Árið 1956 var byrjað
að rækta skóg í landi Mógilsár, en
það voru nokkrir framsýnir bændur
á Kjalarnesi sem tóku sig saman og
stofnuðu Skógræktarfélag Kjalar-
ness. Þessi skógarreitur er í dag
mjög fallegur og sýnir vel að hægt er
að rækta upp skóg þótt vindar blási.
Rannsóknarstöðin á Mógilsá hefur
plantað mikið í Esjuhlíðar og í dag er
Skógurinn að Mógilsá orðin að eft-
irsóttu útvistarsvæði Reykvíkinga
með merktar gönguleiðir. Í dag, á
árinu 2002, er einkennilegt að það sé
látið viðgangast að sauðfé fái að valsa
um hlíðar Esju og gera að engu
margra áratuga vinnnu bæði áhuga-
manna og fræðimanna.
Undirrituð býr á Völlum, næstu
jörð við Mógilsá, og hér hefur verið
reynt að rækta upp skóg. Land Valla
nær upp á topp Esjunnar en höfuð-
borgargirðingin margumtalaða ligg-
ur neðarlega í hlíðinni og eiga borg-
aryfirvöld að halda henni við. Erfitt
hefur reynst að fá starfsmenn borg-
arinnar til að halda girðingunni fjár-
heldri. Síðustu 3 árin hefur verið sagt
að verið sé að girða af beitarhólf uppi
á Mosfellsheiði og þangað eigi allt fé
að fara og verið sé að samþykkja eða
leggja fyrir nýjan búfjársamning.
Þessu hefur verið trúað og fyrir 2 ár-
um var farið að planta fyrir utan höf-
uðborgargirðinguna vel að merkja
inni á eignarlandi Valla.
Ekki er ein planta lifandi sem við
gróðursettum fyrir ofan girðingu.
Vorið 2001 fengu bændur á Kjal-
arnesi sent bréf frá borgaryfirvöld-
um þar sem farið var fram á við
bændur að halda sauðfé innan heima-
girðingar þar sem hólfin væru að
verða tilbúin. Daginn eftir var féð
komið í Esjuhlíðar. Ekki er bara ver-
ið að tala um lausafjárgöngu á afrétt
því sauðfé valsar um á Esjumelum
þar sem er sýsluvegur. Sauðfé geng-
ur inn og útum hliðið á Völlum og ét-
ur upp og eyðileggur plöntur sem eru
innan girðingar.
Haft hefur verið samband við
bóndann sem á féð en þau svör feng-
ist að landeigendur geti sjálfir rekið
féð út. Reynst hefur erftitt að fá fjár-
gæslumann borgarinnar til að sinna
þessu. Skrifum og símtölum til borg-
aryfirvalda hefur verið svarað með
því að segja að búfjársamningur liggi
fyrir til samþykktar. Þessi búfjár-
samningur er búinn að vera til skoð-
unar núna í nokkuð mörg ár og á
meðan valsar sauðfé um eignarlönd
og skemmir gróður.
Hver skyldi vera ábyrgur fyrir
þeim skemmdum? Eiga skógar-
bændur að standa uppi með skað-
ann? Að rækta upp landið kostar
bæði penginga og vinnu.
Þegar Reykjavík yfirtók Kjalarnes
var sagt í samstarfssamningum að
Kjalarnes yrði áfram landbúnaðar-
hérað fyrir hefðbundinn landbúnað
og skógarbýli En þar var ekki minnst
á að réttur 2ja sauðfjárbænda ætti að
vera meiri en réttur annarra bænda.
Íbúaþing var haldið sl. vetur á
Kjalarnesi sem borgin stóð fyrir, þar
kom fram vilji íbúa Kjalarness um að
stuðla að ræktun græna trefilsins,
þar sem mikið skjól myndi skapast.
Ályktun var send til borgaryfirvalda
frá aðalfundi skógræktarfélags Kjal-
arness í apríl um að lausafjárganga
yrði bönnuð. Borgin hefur látið Skóg-
ræktarfélagi Kjalarness í té vinnu-
kraft fráVinnuskóla Reykjavíkur og
hafa þau ungmenni verið dugleg við
að planta út í Esjuhlíðum. Það hlýtur
að vera sárt fyrir þessi ungmenni að
sjá starf sitt eyðilagt með ágangi
sauðfjárins.
Skora ég á borgaryfirvöld að finna
varanlega lausn á þessum málum
þannig að hægt verði að halda áfram
að mynda græna trefilinn og skapa
vistvænna umhverfi.
LILJA GUÐMUNDSDÓTTIR,
ábúandi á Völlum og formaður
Skógræktarfélags Kjalarness.
Að reyna að rækta
skóg á Kjalarnesi
Frá Lilju Guðmundsdóttur:
UPP er komin umræða um gamlan
draug er ég benti á fyrir nokkrum
árum.
Ég skrifaði grein í Morgunblaðið
og sendi með til sönnunar máli mínu
bréf er Ásta Ragnheiður Jóhannes-
dóttir skrifaði og sendi út, hvatning-
arbréf á bréfsefni Alþingis en á
kostnað almennings. Eitt þessara
bréfa lenti af tilviljun hjá konu minni
en þetta var hvatning um að fjöl-
menna í ferð krata um Snæfellsnes.
Smáumræða varð um þetta mál þá
en var svo af einhverjum ástæðum
þögguð niður. Nú er komið upp
sama tilfelli frá sama alþingismanni
þar sem senda átti hundruð eða þús-
undir bréfa til hvatningar fólki um
að styðja alþingismanninn til fram-
boðs á Alþingi. Og aftur átti að nota
sömu aðferð; að senda þetta á kostn-
að almennings. Hvernig samræmist
það samvisku alþingismanna að vera
sífellt að gagnrýna ríkisstjórnina
fyrir bruðl og gera svo slíkt sjálfur?
Ásta Ragnheiður þarf ekkert að af-
saka sjálfa sig með því að hún hafi
ekki vitað þetta (vegna þess er ég
hef áður sagt frá) og er það bara í
lagi að borga eftir á tekið fé? Ef ég
notaði hundruð þúsunda af fé al-
mennings yrði mér umsvifalaust
stungið í steininn, eða að minnsta
kosti sektaður og kæmist þar með á
sakaskrá.
KARL ORMSSON,
fv. deildarfulltrúi.
Að sjá flísina í auga
bróður síns
Frá Karli Ormssyni: