Morgunblaðið - 01.09.2002, Blaðsíða 6

6 B SUNNUDAGUR 1. SEPTEMBER 2002 MORGUNBLAÐIÐ
Matur
H a n n a Fr i ð r i k s d ó t t i r
Sælkerar á sunnudegi
Steingrímur Sigurgeirsson Hanna Friðriksdóttir Áslaug Snorradóttir
Það hefur löngum verið hefð fyrir
því að borða sultu með ýmsu kjöti.
Þessi sulta er frábær með lambakjöti,
en hentar líka vel í hjónabandssæl-
una, ofan á pönnsur og vöfflur eða
brauð og kex, sem íssósa og er líka
frábær með grilluðum sætum kart-
öflum.
3 kg vel þroskaðir tómatar
1,5 kg sykur
1 kanilstöng
Dýfið tómötunum í sjóðandi vatn
og fjarlægið skinnið. Setjið allt í stór-
an pott og sjóðið við mjög lágan hita
þar til þeirri sultuþykkt er náð sem
óskað er eftir. Mikilvægt er að hafa
mjög lágan hita því annars er hætta á
að sultan brenni við. Hrærið reglu-
lega í með trésleif. Fjarlægið kan-
ilstöngina og hellið sultunni sjóðheitri
á hreinar glerkrukkur og lokið
krukkunum undir eins. Sultan geym-
ist í u.þ.b. ár á lokuðum krukkum.
TÓMATASULTA ÖNU
1 kg smákartöflur
50 ml ólífuolía
gróft sjávarsalt
Þvoið kartöflurnar (skrælið þær
alls ekki) og komið þeim fyrir í eld-
föstu móti. Baðið í ólífuolíu og dreifið
vel af sjávarsalti yfir. Grillið í 200°
heitum ofni í 35–40 mín. (eða þar til
þær eru mjúkar). Ef um algjört
kartöflusmælki er að ræða (t.d. úr
skólagörðunum) er einnig gott að
djúpsteikja þær upp úr Wesson-
grænmetisolíu þar til þær eru mjúk-
ar, þerra og strá grófu sjávarsalti yf-
ir.
BAKAÐAR SMÁKARTÖFLUR

Í gær var opnuð sýn-
ing í Listasafni ASÍ,
Freyjugötu 41 sem ber
nafnið REHUM PAP-
YRUS.
Á þessari sýningu not-
ar Kristveig Halldórs-
dóttir myndlistarkona
rabarbara á nýstárlegan
hátt. Úr rabarbaranum
hefur hún búið til papyr-
us, en til þess er notuð
ævaforn aðferð þar sem
plöntutrefjarnar eru meðhöndlaðar á sérstakan hátt.
Einnig eru á sýningunni ljósmyndir af börnum sem eru að bíta í rabarbara og
sýna þær ósjálfráð viðbrögð þeirra við súra bragðinu.
Rabarbari, sem húsmæður hafa löngum soðið niður eða sultað, fær nýtt hlut-
verk. Sýningin stendur til 22. september.
Sólon var opnað aftur…
…hinn 15. ágúst eftir talverðar breytingar í sínu gamla húsnæði á horni Banka-
strætis og Ingólfsstrætis. Matseðillinn er fjölbreytur og mikil áhersla er nú lögð á
ódýra smárétti á verðinu 350–890 kr. en auk þess eru klassískir réttir á seðl-
inum á afar hóflegu verði (sá dýrasti á 1890.-). Megintilgangurinn með tilkomu
smáréttanna er sá að auka fólkstreymi yfir daginn í húsinu. Öll léttvín eru seld í
glasavís og stefnt er að
því að bjóða upp á vín
og bjór dagsins sam-
hliða réttum dagsins (á
þar til gerðri töflu með
tilboðum dagsins).
Hvað innréttingar
varðar hefur staðurinn
nú yfir sér mun hlýlegri
blæ en áður. Búið er að
setja upp gardínur
(sem draga verulega úr
óþægilegum glymj-
anda), stór blóm eru á
vel völdum stöðum og
stór og mikill bar gefur
staðnum fallega heild-
armynd. Listsýningar eru stöðugt í gangi á Sólon eins og tíðkast hefur og skipt er
um listamann á 3–5 vikna fresti.
Rabarbaralist
Morgunblaðið/Áslaug Snorradóttir
Fyrir 4
4 lambafilet (með fitu), 1 á mann
(u.þ.b. 250 g)
80 g beikon
½–1 bolli ólífuolía
nokkrir ferskir rósmarínstönglar
2 hvítlauksgeirar
salt og pipar
Skerið beikonsneiðarnar og hvít-
laukinn í mjög fínlegar og mjóar
sneiðar og tínið rósmarínblöðin af
stönglinum. Þvoið og þerrið kjötið
og skerið með oddmjóum hníf
nokkra skurði í fituna (og örlítið ofan
í kjötið). Brúnið augnablik á pönnu í
olíu. Komið beikon- og hvítlauks-
ræmunum og rósmarínblöðunum
haganlega fyrir inni í skurðunum.
Kryddið með salti og pipar.
Komið kjötinu varlega fyrir (fitan
snýr upp) í háu, aflöngu eldföstu
móti, baðið það með ólífuolíunni og
bakið við 180° í 10–15 mín. (fer eftir
þykkt bitanna, þeir mjóstu þurfa
ekki nema u.þ.b. 10 mín.) eða þar til
kjötið hefur fengið á sig jafnan gyllt-
an lit og er mátulega eldað (fer dálít-
ið eftir smekk). Snúið kjötinu af og
til og ausið safanum yfir. Berið fram
með eftirfarandi meðlæti
BEIKONFYLLT LAMBAFILETN ú er sumarið flogið eftirfrekar stutt stopp ognorðangjólan tekin tilvið að afklæða tré ogkappklæða menn. Ekkier til neins að sýta það,
enda er haustið hinn dásamlegasti árstími
þó ögn gefi á bátinn og blási vindum
köldum. Þótt hinar björtu sumarnætur
séu dásamlegt fyrirbæri er óneitanlega
huggulegra að leggjast til hvílu í haust-
rökkrinu heldur en yfir blánótt sumarsins.
Tökum haustinu með húmor (menn
hætti að hlaupa eftir stuttpilsum sumars-
ins en taki hins vegar á rás eftir alvöru
lambakjöti) og rómantík eins og Tómas
Guðmundsson Reykjavíkurskáld gerði á
sínum tíma í Fögru veröld. Í niðurlagi
kvæðisins Haust í borginni segir:
En einmitt nú er náðartími skáldsins,
Því haustið kemur
Með fangið fullt af yrkisefnum.
Og ýmist eru það bliknuð blóm,
Sem minna á hverfulleik hamingjunnar,
Eða húmið
Sem minnir á dauðann.
Og skáldið klökknar af innvortis ánægju
Yfir öllum þessum hörmum,
Sem svo gott er að yrkja um.
Þegar kólna tekur í veðri krefst mann-
skepnan feitmetis. Þetta er vísindalega
margsannað, sbr. t.d. grein um breytilega
hitaeiningaþörf bandarískra hermanna
eftir löndum (Keflavík eða Víetnam). Hún
eykst eftir því sem kólnar í veðri og er það
því fullkomlega eðlilegt að á haustin grípi
okkur tryllingsleg kjötlöngun.
Yfir vetrartímann verður sunnudags-
steikin og tilheyrandi meðlæti okkur því
lífsnauðsynlegur orkugjafi, en ekki tyllida-
gaprjál; við erum aðeins að bregðast við
hinni dýrslegu eðlishvöt mannskepn-
unnar.
Sunnudagssteikin
Grænt blómkál Nýjung á markaðnum er grænt blómkál (romanesco, fæst í
verslunum Nóatúns). Þetta blómkál er afbrigði venjulegs blómkáls og blóm-
skipunarleggir þess eru mun bústnari en venjulegs blómkáls og afar auðugir
af sterkju. Gænt blómkál er gott eitt og sér, hrátt sem soðið, snöggsteikt í lít-
illi fitu, djúpsteikt, í gænmetisbúðing (mousse) eða frauð (soufflé), léttsteikt í
hvítlaukssmjöri með sveppum eða pasta. Prófið t.d. að gufusjóða það (mun-
ið að salta vatnið) í litlum vöndum og bera fram með lambakjötinu.
Beikonfyllt lambafilet með tómatsultu, bökuðum smákartöflum og grænu blómkáli.
Morgunblaðið/Áslaug Snorradóttir
Morgunblaðið/Áslaug Snorradóttir
matur@mbl.is
Lesendur eru hvattir til að senda sæl-
kerum hugmyndir, athugasemdir eða
ábendingar. Um getur verið að ræða
ábendingar um áhugavert efni, atburði
eða uppákomur, stuttar sögur tengdar
efninu eða þá óskir um að eitthvað sér-
stakt verði tekið fyrir. Ef efni er sent
með ósk um birtingu áskilur Morg-
unblaðið sér rétt til að velja og hafna,
stytta og breyta. Netfang sælkera-
síðunnar er matur@mbl.is.