Morgunblaðið - 26.11.2002, Page 8

FRÉTTIR
8 ÞRIÐJUDAGUR 26. NÓVEMBER 2002 MORGUNBLAÐIÐ
Nú get ég...
Kennsludiskur í matreiðslu
Skemmtileg og
gefandi vinna
NÝLEGA kom útgeisladiskur meðkennsluefni í mat-
reiðslu sem er nokkur ný-
lunda. Það er Ragnar Ósk-
arsson matreiðslumeistari
sem er höfundur efnis og
hann reyndist meira en fús
að svara nokkrum spurn-
ingum Morgunblaðsins.
–Hver er tilurð þessarar
útgáfu og hver er útgef-
andi?
„Hugmyndin að
kennsludiskinum Mat-
reiðslukennarinn, Einfalt
og gott, kviknaði fyrst á
sýningunni Matur 2002 þar
sem ég var að keppa og
Fjarkennsla ehf. var að
kynna sig, en Fjarkennsla
ehf. gefur diskinn út. Ólaf-
ur Kristjánsson, fram-
kvæmdastjóri Fjarkennslu ehf.,
fékk hugmyndina og fékk mig,
kvikmyndagerðarmanninn Jón
Axel Egilsson og Jónas Pál
Björnsson viðskiptafræðing og
framkvæmdastjóra Matur 2002 til
að gera hugmyndina að veruleika.
Hugmyndin var að gera kennslu-
disk í matreiðslu sem gæti brúað
bilið á milli þess veislumatar sem
við kokkarnir gerum bæði í
vinnunni og keppni og þess matar
sem einfalt er að gera heima hjá
sér þannig að út kæmi bæði ein-
faldur og góður matur. Svona disk-
ur hefur aldrei verið gerður áður á
Íslandi og því er þetta skemmtileg
nýjung því bæði er hægt að horfa á
hvernig réttirnir eru gerðir og
einnig er hægt að prenta upp-
skriftirnar út. Þannig þarf ekki að
hafa áhyggjur af því þótt það
hellist niður á uppskriftina því
hægt er að prenta hana bara aftur
út. Einnig er einfalt að skoða aftur
hvernig rétturinn er gerður ef
maður gleymir einhverju og tölvu-
umhverfið hentar mjög vel í það.“
–Á hvað er helst lögð áhersla á
disknum, veislumat, hversdags-
mat, kjöt, fisk?
„Helst er lögð áhersla á að
breikka hugmyndaflug fólks í eld-
húsinu, t.d. sýni ég nokkrar að-
ferðir af sósum, kartöflum svo eitt-
hvað sé nefnt, og einnig eftirrétti
og létta rétti. Einnig eru þarna
helstu eldunaraðferðir á fiski og
kjöti, síðan fullt af ferskum salat-
réttum. Einnig fylgja með nokkur
einföld og góð ráð fyrir jólamatinn.
Þannig að segja má að bæði sé um
að ræða hversdagsmat og veislu-
mat, en stundum reynt að eyða
þeim mörkum sem þarna eru á
milli því auðvitað eigum við alltaf
að borða fyrst og fremst góðan
mat og þá skiptir ekki öllu máli
hvað hann er kallaður. Á diskinum
reyndum við að fara yfir alla flór-
una þó að það sé endalaust hægt að
bæta við.“
–Eru þetta flóknir réttir, eða
einfaldir…og með hvað í huga eru
þeir valdir?
„Haft var í huga við val á rétt-
unum að um einstaklega góðan
mat væri að ræða sem hægt er að
gera á mjög einfaldan
hátt.
Við reyndum líka að
hafa diskinn fjölbreytt-
an þannig að allir gætu
fundið marga rétti við
sitt hæfi.“
–Var þetta skemmtileg vinna?
„Já, mjög skemmtileg og gef-
andi vinna. Ég er búinn að vinna í
þessu fagi frá unga aldri, hef gefið
mig allan í þetta og það er gaman
að miðla þeirri reynslu til annarra.
Ef matarástin á heimilum lands-
manna eykst við kaup á þessum
disk þá er ég ánægður og tel mark-
miðin með útgáfunni hafi náðst.“
–Hver heldurðu að markhópur
þinn sé?
„Það geta allir nýtt sér þennan
disk. Ég tel að hann eigi heima inni
á öllum heimilum. Bæði þeir sem
elda daglega og einnig þeir sem
ekki hafa verið mjög virkir í eld-
húsinu, en vilja bæta sig. Ég held
að þetta sé t.d. tilvalin jólagjöf fyr-
ir alla þá sem hafa áhuga á mat-
argerð. Sumar konur kvarta líka
yfir því að karlarnir þeirra geri
ekkert nema í tölvunni og því er
þetta tilvalin jólagjöf fyrir þá. Á
disknum eru einnig gefin ráð fyrir
jólamatinn eins og t.d. hvernig
Waldorfsalat er búið til og hvernig
einfaldur heimalagaður ís er gerð-
ur og alltaf fyrir jólin fáum við
hringingar upp á Hótel Holt þar
sem við kokkarnir erum spurðir út
í ýmis atriði og því kemur þessi
diskur vel öllum sem vilja kunna
þessi sígildu jólatrikk.“
–Má búast við fleiri diskum af
þessum toga og hvað verður þá
tekið fyrir næst?
„Þessi diskur er sá fyrsti í röð-
inni og það má búast við fleiri disk-
um í sömu seríu en menn verða að
bíða og sjá með innihald þeirra en
ég er viss um að þeir eiga eftir að
vekja athygli þegar þeir koma á
markað.“
–Hvað finnst þér sjálfum
skemmtilegast við matreiðsluna?
„Skemmtilegast er að taka þátt í
verkefnum og keppni
eins og með landsliðinu,
einstaklingskeppni eins
og á Matur 2002 og
vinnan við þennan disk
er eitt af því skemmti-
legasta sem ég hef gert. Auk þess
er alltaf mjög gaman þegar menn
eru ánægðir með matseldina og
það er það sem gefur starfinu gildi.
Erfitt er að gera upp á milli
skemmtilegustu réttanna en ef ég
á að nefna einhver atriði þá finnst
mér mjög gaman að gera góðar
sósur og lambaskankar eru í
nokkru uppáhaldi en þetta má allt
finna á disknum.“
Ragnar Ómarsson.
 Ragnar Ómarsson er fæddur
5. júlí 1971 í Keflavík. Lærði á
veitingahúsinu Glóðinni í Kefla-
vík 1989–93 og útskrifaðist úr
Hótel- og veitingaskóla Íslands
1994. Hefur starfað í Frakklandi,
Bandaríkjunum og Noregi. Á Ís-
landi starfað á Perlunni og á
Hótel Holti þar sem hann hefir
verið yfirkokkur síðustu þrjú ár.
Kjörinn Matreiðslumaður ársins
1999 og 2002 og hefur verið í
kokkalandsliðinu í ýmiss konar
keppni og mótum síðustu ár og
gert þar góða hluti. Er trúlof-
aður Erlu Snorradóttur og eiga
þau dótturina María Lív Ragn-
arsdóttur.
Má búast
við fleiri
diskum
LÉLEGUR brandari á kaffistofunni
hjá ABX-auglýsingastofunni varð
til þess að starfsmennirnir lögðust á
eitt og bjuggu til „íslenska fyndni“,
sem hengd var upp á einn af veggj-
um stofunnar með myndskreyt-
ingum Ágústu Ragnarsdóttur, graf-
ísks hönnuðar á ABX.
„Ég sagði brandara á kaffistof-
unni, sem þótti venju fremur léleg-
ur,“ segir Hlynur Guðjónsson við-
skiptastjóri. „Þá rifjuðust upp fyrir
okkur sögurnar úr bókunum um ís-
lenska fyndni, sem við heyrðum í
barnæsku í tíma og ótíma. Íslend-
ingar eru hættir að skopast á þenn-
an hátt og við ákváðum að end-
urvekja þennan sið.“
Þessari tilraun um íslenska
fyndni lauk með því að það bárust
sex frumsamdar gamansögur frá
starfsmönnum sem voru fagurlega
myndskreyttar. „Þetta eru kímni-
sögur án lokahnykks; það vantar í
þær botninn,“ segir Sævar Sig-
urgeirsson textasmiður, sem samdi
eina af sögunum.
„Þetta eru dæmigerðar sögur,
sem eru aðeins fyndnar ef þú varst
á staðnum eða eins og einhver ann-
ar sagði þær,“ segir Ágústa. „Það
var athyglisvert að við þurftum
ekkert að hafa fyrir þessu. Það er
eins og lélegur húmor sé í íslensku
genunum.“
„Og vel við hæfi að þetta væri
samið af íslenskri auglýsingastofu,“
bætir Hlynur við og kímir.
Gripið er inn í eina söguna,
Blettatígur frá Skanka, þar sem
Hallfreður Jónasson frá Skanka í
Langadal spyr Guðmund Björnsson
á Horfelli hvort hann hafi séð kött-
inn sinn, sem sé „svona fjegur fet
upp á herðakambinn.“ Hann hafi
fengið hann gefins lófastóran frá
Jóni Arnfinnssyni Afríkufara og
síðan hafi hann alist upp í þennan
óhræsis blettatígur.
„Guðmundur varð heldur fámáll,
tautaði aðeins „jassohh!“ – og hélt
þungbúinn heim að Horfelli.
Sagan segir að hann hafi haldið
fé sínu inni við allan þann vetur og
gerðu sveitungar að honum skens
mikið fyrir að láta Hallfreð ljúga
sig svo fullan.“
Íslensk fyndni lifir enn
Morgunblaðið/Halldór Kolbeins
Ágústa Ragnarsdóttir, Hlynur Guðjónsson og íslensk fyndni.