Morgunblaðið - 29.11.2002, Qupperneq 31

LISTIR
MORGUNBLAÐIÐ FÖSTUDAGUR 29. NÓVEMBER 2002 31
Inntökuskilyrði
• Háskólagráða eða tilsvarandi
starfsreynsla.
• A.m.k. þriggja ára starfsreynsla.
• GMAT-próf.
• 3 meðmælabréf.
• Viðtal.
MBA-nám
• Öll kennsla fer fram á ensku.
• 11 mánaða almennt MBA-nám með áherslu
á stefnumótun, stjórnun og fjármál.
• Nemendur alls staðar að,
hámark 40 þátttakendur.
• Meðalaldur 32 ár og 7 ára starfsreynsla.
• „Hands-on“ ráðgjafarverkefni.
ERTU AÐ SPÁ Í ALÞJÓÐLEGT
MBA-nám haustið 2003?
Ef þú óskar eftir að komast að í MBA-námið sem hefst í byrjun ágúst
vinsamlegast hafðu samband við
BI Norwegian School of Management,
P.O. Box 9386 Grønland, N-0135 Oslo, Noregi.
Sími +47 22 57 62 00, eða mba@bi.no
Vefsíða: http://www.bi.no/mba
fluttur var í Burgtheater í Vín 28.3. 1801.
Allegórían að baki grísku goðsagnarinnar um
Prómeþeif, er stal eldinum frá goðum og
færði mannkyni, hlýtur að hafa verið pólitískt
tundur í einvaldsríki eftir frönsku byltinguna,
en samt virðast yfirvöld í Vín ekki hafa lagt
honum stein í götu. Sinfóníuhljómsveitin lék
þennan fremur sjaldheyrða litla forleik af
svellandi fjöri þegar frá hnífsamtaka akkorðu-
höggum upphafsins. Skemmtilega drífandi
verk og eiginlega undarlegt að ekki skuli spil-
að oftar, þó að arfurinn frá Mozart (og Prag-
sinfóníunni) sé greinilega enn á næsta leiti.
4. Píanókonsertinn, sá ljóðrænasti af 5
konsertum Beethovens, var fluttur með
stjórnandann við hljómborðið. Að byrja píanó-
konsert á undirleikslausum inngangi slag-
hörpunnar eins og gert er í upphafi I. þáttar
mun hafa verið nánast einsdæmi 1806, og
margt fleira nýstárlegt gerist undir yfirborði
þessa meistaraverks. Djúpspakar samræður
píanós og hljómsveitar í miðþætti – þar sem
sérkennileg einradda „mars-resítatíf“
strengjanna koma sem drungalegar fullyrð-
ingar á móti íhugulum efasemdum píanósins –
voru göfuglynd ljúfmennskan uppmáluð hjá
Í HÁLFA aðra öld hefur nafn Ludwigs van
Beethoven, erkiímyndar hins rómantíska tón-
skálds, haft meira aðdráttarafl en trúlega
nokkurs annars hinna „gömlu meistara“. Það
sást einnig á fyrirtaks aðsókninni að sinfóníu-
tónleikunum í gær sem náði nærri fullu húsi.
Erfitt er að tengja alkunnu klissjumyndina af
Beethoven sem stirðbusalega félagsfælu við
dans, hvað þá ballett, þrátt fyrir að sögn tölu-
verða útgeislun hans sem virtúóst píanóljón
fyrstu árin í Vín, þegar hann lagði rækt við
útlit og framkomu og sótti m.a.s. kennslutíma
í samkvæmisdansi. En að frátöldum „Ridd-
araballettinum“ fyrir Waldstein greifa í Bonn
(1791) liggur aðeins eftir hann einn eiginlegur
ballett, Sköpunarverk Prómeþeifs, sem frum-
þeim Entremont sem gaf sér ríkulegan tíma,
og eterískt pianississimo niðurlag þáttarins
var varla af þessum heimi. Yfirhöfuð virtist
aðaláherzlan á lýrísku hliðina, en þó að und-
irritaður hefði kosið aðeins hvassari (og e.t.v.
hefðbundnari) kontrast með herskáa lokaron-
dóinu, var meðferðin engu að síður sannfær-
andi og píanókadenzan stórglæsileg.
Síðasta verk kvöldsins var álíka fáheyrt og
Prómeþeifur og lýsti lofsverðu víðsýni í verk-
efnavali. Það var Der Bürger als Edelmann
(1920), hljómsveitarsvíta Richards Strauss
(1865–1949) í 9 atriðum úr leikhústónlist hans
fyrir endurgerð Hugos von Hofmannstal á
gamanleik Molières frá 1670, Le Bourgeois
Gentilhomme sem mun heiti Strauss-verksins
í enskumælandi löndum. Tímavist gaman-
leiksins gaf upplagt tilefni til tónræns aft-
urhvarfs með ýmsum formrænum stílhermum
á músík frá miðbarokktíma, sem Strauss not-
færði sér af sinni nafntoguðu handverks-
kunnáttu í orkestrun, enda þótt tónmál og
hljómameðferð væru síðrómantísk. Þ.e.a.s.
með einni undantekningu, Innganga Cleonte
(7.) sem var rakin „pastissja“ á gömbusveit-
artónlistinni við hirð hins unga Loðvíks XIV;
undurfallega leikin á vart heyranlegum styrk í
byrjun og enda og með fjölskrúðugum milli-
köflum.
Ekki áttu hlustendur jafnlítilli hljómsveit
að venjast af höfundi Elektru og Alpasinfón-
íunnar. Áhöfnin var ekki miklu stærri en sin-
fóníetta, með t.d. aðeins 6 fiðlur, 2 víólur, 4
selló og 2 kontrabassa í strengjum þrátt fyrir
12 blásara, píanó, hörpu, þrímennt slagverk
og pákur. En orkestrun Strauss sá við öllum
jafnvægisvanda og undirstrikaði kammerblæ
þessa vellfjöruga gamanverks (í engu ófyndn-
ara en Till Eulenspiegel) með fjölda kankvísra
einleiksinnskota. Kómísku hámarki var náð í
lokaþættinum, Kvöldverðinum, sem kórónaði
bráðsmellnu frammistöðu Sinfóníuhljómsveit-
arinnar undir þaulmúsíkalskri forystu Phil-
ippes Entremonts þetta kvöld með hreint
óborganlegu dufli og daðri í litríkri tónsetn-
ingu mikils galdramanns.
Ljóðrænn Beethov-
en, léttur Strauss
Philippe Entremont: Þaulmúsíkölsk forysta.
TÓNLIST
Háskólabíó
Beethoven: Prómeþeifsforleikur Op. 43; Píanókons-
ert nr. 4 í G Op. 58. Richard Strauss: Der Bürger als
Edelmannn Op. 60. Philippe Entremont píanó/
stjórnandi; Sinfóníuhljómsveit Íslands. Fimmtudag-
inn 28. nóvember kl. 19:30.
SINFÓNÍUTÓNLEIKAR
Ríkarður Ö. Pálsson
„ÞAÐ er stórkostleg upplifun
að lesa Drauma á jörðu og
þolir reyndar samjöfnuð við
meistarann Laxness,“ segir
gagnrýnandi Sydsvenskan um
skáldsögu
Einars Más
Guðmunds-
sonar, sem
nýlega kom út
í Svíþjóð.
Dómar hafa
verið lofsam-
legir í þar-
lendum blöð-
um. Skáld-
sögur Einars
Más Guð-
mundssonar hafa síðustu árin
gengið vel á Norðurlöndunum,
ekki síst í Danmörku.
Håkon Boström segir í
Folket að Einar Már Guð-
mundsson hafi guðdómlegan
hæfileika til þess að snúa
króniku um fátækt, eymd og
veikindi yfir í stórfenglegan
óð til lífsins og bjartsýni á
framtíðina. Það takist með
eins konar blöndu af knöppum
og hráum stíl Íslendingasagna
og húmor sem líkist Halldórs
Laxness.
Bendir á styrk frá-
sagnaraðferðarinnar
Í lofsamlegum dómi í
Svenska Dagbladet bendir
Marie Louise Ramnefalk á
styrk frásagnaraðferðarinnar,
að með sögumanni sem tekur
sér stöðu utan við söguna en
er þó sínálægur, takist Einari
að gera frásögnina einstaklega
áhrifamikla og átakanlega.
Clemens Altgård lýkur svo
ritdómi sínum með þessum
orðum: „Einar Már Guð-
mundsson hefur fágæta hæfi-
leika til þess að gera persónur
lifandi og ljá þeim dýpt og við
bætist ljóðræna sem myndar
andstæðu við ill örlög margra
þeirra ...
Það er stórkostleg upplifun
að lesa Drauma á jörðu og
þolir reyndar samjöfnuð við
meistarann Laxness.“
Draumar á jörðu kom út hjá
Máli og menningu árið 2000.
Draumar á jörðu
eftir Einar
Má Guðmundsson
„Stór-
kostleg
upplifun“
Einar Már
Guðmundsson
BAROKKHÓPURINN flytur franska barokktónlist
frá 17. og 18. öld í áskriftaröð Salarins í Kópavogi,
Tíbrá, á morgun, laugardag, kl. 16. Tónleikarnir bera
yfirskriftina jólabarokk, en um 11 ára skeið hefur
skapast hefð fyrir tónleikum á aðventunni undir
þessu heiti. Jólabarokk hóf göngu sína í Laugarnes-
kirkju árið 1990 að tilstuðlan þeirra Guðrúnar S.
Birgisdóttur og Elínar Guðmundsdóttur. Þegar Kópa-
vogsbær hóf að skipuleggja tónleika í Gerðarsafni og
í Digraneskirkju árið 1994 fengu þessir tónleikar þar
inni og svo áfram í Salnum eftir opnun hans árið 1999.
Barokkhópurinn hefur starfað saman meira og
minna í yfir 10 ár og hann skipa þau Guðrún S. Birg-
isdóttir og Martial Nardeau sem leika á travers-
flautur (tré-þverflautur), Camilla Söderberg á blokk-
flautur, Peter Tompkins á barokkóbó, Elín Guð-
mundsdóttir á sembal, Snorri Örn Snorrason á teorbu
(bassalútu) og Ólöf Sesselja Óskarsdóttir á víóla da
gamba.
Tónleikarnir eru jafnframt útgáfutónleikar á
geisladiskinum Bon Appetit en þar flytur hópurinn
franska barokktónlist eftir Marin Marais, Joseph Bod-
in de Boismortier, Jean-Marie Leclair o.fl. Auk laga
af plötunni verða flutt önnur verk.
Morgunblaðið/Sverrir
Tónlistarhópurinn sem flytur jólabarokk í Salnum í Kópavogi á morgun.
Hið árlega jólabarokk í Salnum
VETRARHÁTÍÐ í Reykjavík verð-
ur haldin í annað sinn dagana 27.
febrúar til 2. mars nk. en ráðgert er
að gera hana að árvissum viðburði
sem lífgi upp á borgarlífið á vetr-
armánuðum á sama hátt og Menn-
ingarnótt gerir í sumarlok.
Stefnt er að því að allar helstu
menningar- og menntastofnanir á
höfuðborgarsvæðinu taki þátt í há-
tíðinni með einum eða öðrum hætti.
Fleiri verða hvattir til þátttöku, til
að mynda íþróttafélög, samtök lista-
manna, hverfasamtök, verslanir,
veitingastaðir og fjölmargir aðrir.
Leitast verður við að dagskráin
endurspegli fjölbreytt mannlíf borg-
arinnar er dag tekur að lengja.
Þegar er farin af stað hugmynda-
samkeppni um tillögur að dagskrár-
atriðum á Vetrarhátíð. Viðurkenn-
ingar verða veittar fyrir þrjár bestu
hugmyndirnar: 100.000, 75.000 og
50.000 kr. Hugmyndir skulu merkt-
ar Vetrarhátíð og berist til Höfuð-
borgarstofu, Ráðhúsi Reykjavíkur,
101 Reykjavík, fyrir 10. desember
2002.
Í verkefnisstjórn hátíðarinnar
sitja Signý Pálsdóttir, menningar-
málastjóri sem er formaður stjórn-
ar, Ómar Einarsson, ÍTR, Guðjón
Magnússon, Orkuveitu Reykjavík-
ur, Felix Bergsson, leikari, Soffía
Karsdóttir, Listasafni Reykjavíkur
og Eva María Jónsdóttir, dagskrár-
gerðarmaður.
Tillögur að
dagskrá á
Vetrarhátíð