Morgunblaðið - 13.01.2003, Blaðsíða 15
LISTIR
MORGUNBLAÐIÐ MÁNUDAGUR 13. JANÚAR 2003 15
Skrifstofutækni
250 stundir!
Markmið námsins er að þjálfa nemendur til starfa á skrifstofum
og er áhersla lögð á tölvugreinar og bókfærslu. Námið er mjög
hagnýtt og byggist að verulegu leyti á verklegum æfingum.
Námið eykur samkeppnishæfni nemenda og býr þá undir krefj-
andi störf á vinnumarkaði.
Helstu námsgreinar eru:
Handfært bókhald
Tölvugrunnur
Ritvinnsla
Töflureiknir
Verslunarreikningur
Glærugerð
Mannleg samskipti
Tölvubókhald
Internet
STARFSMENNTUN
fjárfesting til framtíðar
Mig langaði að vera vel samkeppnisfær í
öllum almennum skrifstofustörfum og eftir
vandlega umhugsun valdi ég Tölvuskóla
Íslands. Þar bætti ég kunnáttuna í Word-
ritvinnslu og Excel-töflureikni og lærði
hand- og tölvufært bókhald, glærugerð,
verslunarreikning ásamt undirstöðuatriðum
í mannlegum samskiptum og Interneti.
Námið er vel skipulagt og kennsla frábær.
Nú finnst mér ég vera fær í flestan sjó!.
Steinunn Rósq, þjónustu-
fulltrúi,
Íslenska Útvarpsfélaginu
Öll námsgögn innifalin
Tölvuskóli Íslands
B í l d s h ö f ð a 1 8 , s í m i 5 6 7 1 4 6 6
Opið til kl. 22.00
AÐ flokka tónleika Andromedu-
hópsins undir „heimsmúsík“ er að-
eins neyðarúrræði, því jafnvel sá
breiði merkimiði hrekkur engan veg-
inn til að afmarka tónafurðir fjór-
menninganna. Þótt margt væri að
vísu þjóðlagakennt eða djassleitt og
sterklega mótað af snarstefjuðum
spuna, þá var tónlistin á hinn bóginn
iðulega það mikið skrifuð og skipu-
lögð að vestræn nóteruð listmúsík frá
fyrri hluta síðustu aldar kom upp í
hugann.
Fyrsta atriði hópsins – „New
Digs“ eftir Larrabee og „Hunky
Dory“ eftir Harlan – spannaði hressi-
lega blöndu af bandarískum fern-
ingsdansi, Balkanþjóðlögum og blús-
djassi. Næstu fjögur lögin voru eftir
Harlan. „October“ var hægsúrreal-
ískur kabarettvals í anda Ninos Rota.
„Slipstream/Barber Shop“, lengsta
númer kvöldsins, byrjaði á seiðandi
írskum gikki í 9/8 (3-3-3) er leiddi
fljótt í grísku niðurskiptinguna 3-2-
2-2 og teygði sig yfir heilar 17 mín-
útur með viðkomu í m.a. fimmskipt-
um búlgörskum kópenitsutakti og
nútíma djassgítareinleik. Hið dreym-
andi „Coach“ var hins vegar stutt en
ómótstæðilega heillandi keltnesk
ballaða í rólegri 6/8 gikkhrynjandi.
„Ratchenitsa for Robby“ (Larrabee)
leiftraði af fimri sjöskiptri búlgarskri
brúðkaupsveizlufótmennt. Hæglátt
„Memoir“ Harlans hófst á íhugulum
gítarinngangi við enduróm af ís-
lenzka þjóðlaginu Krummi svaf í
klettagjá, áður en hin hljóðfærin
tíndust smám saman inn hvert af
öðru undir hrynhætti sem mest af
öllu líktist angurværri milonga frá
Buenos Aires. Fyrri hluta lauk á
bráðskemmtilegu „Jigsaw“ eftir
sama höfund þar sem púslað var
saman einleiksinnsköflum í frjáls-
legu en vel útfærðu rondóformi inn á
milli dunandi hópriffa í 10/8 og 7/8;
allt knúð markvissri framvindu og
lýtalaust þéttum samleik.
Af fjórum atriðum eftir hlé var
huglægast en um leið hlutlausast hið
fyrsta, „Homage 1 & 2 – Rondea-
oughx“ [sic] e. Harlan, þar sem
kenndi áhrifa frá Bartók og Sjostak-
ovitsj. „Norwegian Slip“ (Larrabee)
brá hrynbúi úr gikkheimi yfir í lipran
djassvals og lenti allra númera
þokkafyllst í niðurlagi á ískurháu
plingi. „Waltz–Adagio–Tarantella“,
útsetning Harlans á hljómskálaverki
eftir hinn lýðsæla bandaríska John
Corigliano (f. 1938; að sumra vitund
arftaka Bernsteins), var ýmist grá-
glettin eða blæðandi melódísk og eins
og flest á undan afburðavel flutt.
Lokaatriði hópsins, Balkanskir dans-
ar, hófst á hæglátt kjökrandi smala-
fiðlu Ímu Þallar í þrakneskri morg-
unlokku, en brátt var allt komið á svo
fulla ferð að annað hefur ekki heyrzt
síðan Rammislagur Bósa sögu feykti
koppum og kirnum, nema kannski í
brúðkaupsveizlu Villa kokks og Dóm-
hildar. Það kallaði á aukalag, sem var
hylling nikkarans til Astors heitins
Piazzolla, blóðheitur tango nuevo.
Óhætt er að segja að gustað hafi af
þessari músíseringu. Ólíkt margri
evrópskri heimstónlist og nútíma-
djassi dróst hún sjaldan á langinn í
hlustun og sagði oft venjulegum tón-
leikagesti meira en gengur og gerist.
Ekki aðeins vegna óvenjumikillar
fjölbreytni, heldur einnig vel úthugs-
aðrar dispositionis, eins og barokk-
tónfræðingar myndu orða það –
markvissrar skipulagningar sem fór
skræpóttu stílblöndunum afskaplega
vel. Eftir aðeins tveggja ára feril hef-
ur Andromeda greinilega rambað á
frjóan óskastein sem ætti að bjóða
upp á ótal framhaldsmöguleika.
Rambað á óskastein
Morgunblaðið/Árni Sæberg
Heimstónlist í afburðagóðum flutningi, segir í umsögn um tónleika Andromedu.
TÓNLIST
Ýmir
Verk eftir Harlan, Larrabee og Corigliano;
balkönsk þjóðlagatónlist. Tónlistarhóp-
urinn Andromeda (Evan Harlan harm-
onikka, Íma Þöll Jónsdóttir fiðla, Adam
Larrabee gítar/mandólín & Andrew
Blickenderfer kontrabassi). Laugardag-
inn 11. janúar kl. 20.
HEIMSMÚSÍKTÓNLEIKAR
Ríkarður Ö. Pálsson