Morgunblaðið - 13.01.2003, Blaðsíða 36
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 13. JANÚAR 2003 VERÐ Í LAUSASÖLU 190 KR. MEÐ VSK.
UNDANFARIÐ hefur selur haldið til í
höfninni á Vopnafirði og verið að betla
síld og loðnu af starfsmönnum Tanga
hf. Þetta mun vera hringanóri, að sögn
kunnugra, og er hann einstaklega gæf-
ur. Starfsmenn fyrirtækisins Bíla og
véla, sem hafa verið að vinna við tog-
ara í höfninni, hafa viljað kalla selinn
„Jón Pétur“ vegna þess að þeir segja
að hann minni dálítið á Jón Pétur,
starfsmann fyrirtækisins.
Morgunblaðið/Jón Sigurðarson
Vinalegur
hringanóri
POPPLANDSLIÐ Íslands hélt uppi fjörinu í Há-
skólabíói í gær þegar árlegir stórtónleikar til styrkt-
ar Styrktarfélagi krabbameinssjúkra barna voru
haldnir. Um tvær milljónir króna söfnuðust á tónleik-
unum og á fjórða hundrað þúsund í símasöfnun. Aldr-
ei hefur jafnmikið fé safnast á þessum styrktartón-
leikum en þeir voru nú haldnir í fimmta sinn.
Poppararnir sem fylltu stóra sal Háskólabíós kraft-
miklum tónum í gær voru Írafár, Bubbi Morthens,
Stuðmenn, Papar, Daysleeper, Sálin hans Jóns míns, Í
svörtum fötum, KK, Land og synir, Papar, Á móti sól,
Eyjólfur Kristjánsson og Páll Rósinkranz ásamt Jet
Black Joe. Allir gáfu vinnu sína.
Þeir sem ekki áttu tök á að mæta á tónleikana geta
enn lagt málefninu lið með því að hringja í styrktar-
símann, 908-2000. Metsöluhljómsveitin Írafár fékk
góðar viðtökur. Söngkona hljómsveitarinnar, Birg-
itta Haukdal, er hér í hópi ungra aðdáenda.
Á þriðju milljón safnaðist
Morgunblaðið/Árni Torfason
BAUGUR Ísland leggur æ meira upp
úr verslun í stóru verslunarmiðstöðv-
unum í Kringlunni og Smáralind og
má áfram gera ráð fyrir auknum til-
færslum í þá átt á kostnað verslana í
miðbæ Reykjavíkur og á smærri stöð-
um, að sögn Jóns Björnssonar, fram-
kvæmdastjóra hjá Baugi Ísland.
Jón Björnsson segir að verið sé að
skoða húsnæðiskostnað félagsins og
hvernig nýta megi fasteignirnar bet-
ur, en það leigi 72 fasteignir víðs veg-
ar um landið. Eins og fram hafi komið
í smásöluvísitölunni september til
nóvember hafi verið samdráttur þrjá
mánuði í röð og við því sé verið að
bregðast. Hann segir að reynt hafi
verið að svara kalli markaðarins um
fleiri verslanir með lægra vöruverð og
bendir á að búið sé að breyta 10–11-
verslunum á Egilsstöðum og í Borg-
arnesi í Bónusverslanir.
Eins og greint hefur verið frá hefur
verið ákveðið að loka tveimur óarð-
bærum verslunum, Hagkaupum í
Njarðvík og Top Shop við Lækjar-
götu í Reykjavík. Aðspurður hvort til
standi að opna Bónusverslun í Njarð-
vík segir Jón að ekkert hafi verið
ákveðið í því efni en það verði skoðað.
Samdráttur hafi orðið í verslun í
miðbæ Reykjavíkur og við því þurfi
að bregðast með því að nýta fasteign-
ir þar betur, annaðhvort með því að
hætta þar rekstri, skipta um starf-
semi eða framleigja húsnæðið.
Tap Baugs Ísland eftir skatta var
297 milljónir króna frá 1. mars til 30.
nóvember 2002 og segir Jón að fram-
legð rekstrarins sé óviðunandi.
Tilfærslur á kostnað mið-
bæjar og smáverslana
Baugur Ísland leggur meiri áherslu
á verslun í Smáralind og Kringlunni
FRAMKVÆMDIR við tvöföldun
Reykjanesbrautar hefjast af fullum
krafti síðar í vikunni og hafa verktak-
arnir sett sér það markmið að ljúka
fyrsta áfanganum á rúmu ári, en það er
skemmri tími en upphafleg verkáætlun
gerir ráð fyrir. Samtök áhugafólks um
öryggi á Reykjanesbraut hafa lagt
áherslu á að mögulegt sé að ljúka verk-
inu í tveimur áföngum í stað þriggja.
Sturla Böðvarsson samgönguráð-
herra tók fyrstu skóflustunguna að
fyrsta áfanga tvöföldunarinnar um
helgina en honum á að vera lokið 1. nóv-
ember 2004. Steinþór Jónsson, talsmað-
ur Samtaka áhugafólks um öryggi á
Reykjanesbraut, segir að yrði nokkrum
kílómetrum bætt við þá átta sem samið
hafi verið um yrði hægt að tvöfalda
Reykjanesbrautina í tveimur áföngum.
Hann mælir með að framkvæmdunum
verði flýtt þannig að brautinni verði lok-
ið áður en meginþungi framkvæmda við
Kárahnjúkavirkjun og álver í Reyðar-
firði ríður yfir. Vegagerðin sé reiðubúin
til að skoða málið.
Tvöföldun
Reykjanesbrautar
Klára 1.
áfanga á
rúmu ári
Verktakar/6
HÚSASORP jókst ekkert á höfuð-
borgarsvæðinu á síðasta ári, þrátt
fyrir nokkra fjölgun íbúa.
Heildarmagn sorps sem barst
Sorpu árið 2002 var 9.800 tonn, sam-
kvæmt upplýsingum fyrirtækisins.
Árið 2001 bárust um 8.800 tonn, en
þá ber að hafa í huga að nokkurt
magn sorps var flutt til urðunar fyrir
austan fjall það árið.
Ef aðeins er litið til húsasorps
benda bráðabirgðatölur Sorpu til að
magn þess sé nánast nákvæmlega
hið sama milli áranna. Íbúum höf-
uðborgarsvæðisins hefur þó fjölgað
nokkuð, eða úr 178.000 manns 1. des-
ember 2001 í 179.781 1. desember sl.
Miðað við sorpmagnið hefur
neysla því ekki aukist á höfuðborg-
arsvæðinu og í raun dregist lítillega
saman. Það er í samræmi við minni
innflutning vöru á nýliðnu ári en árið
á undan, en innflutningur neyslu-
varnings dróst saman um tæp 3% á
síðasta ári.
Sveitarfélögin, sem eiga byggða-
samlagið Sorpu, eru Reykjavík,
Garðabær, Kópavogur, Hafnarfjörð-
ur, Mosfellsbær, Seltjarnarnes og
Bessastaðahreppur.
Fleira fólk
en jafn-
mikið sorp
Í VIÐRÆÐUM við Evrópusambandið um bætur
fyrir missi frjáls markaðsaðgangs fyrir sjávaraf-
urðir í ríkjum Austur-Evrópu sem senn ganga í
ESB er mikilvægast að ná fram tollfríðindum
fyrir fersk og fryst síldarflök, að mati samtaka í
sjávarútvegi. Þar næst koma heilfryst síld, syk-
ur-, krydd- og ediksíld og svo heilfrystur fiskur.
Samtök atvinnulífsins, Landssamband ís-
lenzkra útvegsmanna og Samtök fiskvinnslu-
stöðva hafa sent utanríkisráðuneytinu svokall-
aðan forgangslista vegna viðræðna við
Evrópusambandið. Þar er forgangsraðað þeim
tollnúmerum, sem æskilegt er að fá bætur fyrir.
Fyrir liggur að við ESB-aðild tíu ríkja í Austur-
og Suðaustur-Evrópu falla niður fríverzlunar-
samningar þeirra við EFTA-ríkin en í staðinn
taka gildi ákvæði bókunar 9 við samninginn um
Evrópskt efnahagssvæði,
þar sem tollar eru á ýms-
um sjávarafurðum, allt að
15%. Hæstu tollarnir eru
á síldarafurðum, 10–15%.
Útflutningur Íslend-
inga til ríkjanna tíu, sem
um ræðir, nam um þrem-
ur milljörðum króna árið
2001 og var meginhlutinn
sjávarafurðir. Mest var
flutt út til Póllands, eða
fyrir um milljarð króna,
og voru 72% þess útflutnings fryst síld.
Fyrir sumar síldarafurðir er tollfrjáls innflutn-
ingskvóti í ESB, en samtökin telja hann ýmist of
lítinn eða hafa nýtzt illa.
Fersk eða fryst síldarsamflök (samföst flök
eða „fiðrildi“) bera 15% toll samkvæmt bókun 9
við EES. Sami tollur er á heilfrystri síld. Sykur-,
krydd- og ediksíld ber 10% toll og heilfrystur
fiskur, þ.e. karfi, loðna og gulllax, 2,2–4,5% toll.
Samtökin hafa jafnframt sent utanríkisráðu-
neytinu forgangslista vegna umleitana við ESB
um aukna fríverzlun með fisk yfirleitt, þ.e. burt-
séð frá missi tollfríðinda í umsóknarlöndunum.
Menn eru þó samkvæmt upplýsingum blaðsins
vondaufir um að slíkar kröfur náist fram.
Á þeim lista eru fersk karfa- og steinbítsflök
efst, en þau bera 5,4% toll. Næst koma áður-
nefndar síldarafurðir, sem bera 10–15% toll, þá
humar, sem ber 12% toll, heilfrystur fiskur með
2,2–4,5% tolli og saltaður, þurrkaður þorskur
sem ber 3,9% toll.
Reynt að semja um bætur fyrir missi tollfríðinda við stækkun ESB
Mikilvægast að fá 10–
15% toll á síld lækkaðan
*&0*!5/&-
&')&5?0 KM
2*,5/&-&') KMJ
/0#"N0/))"
1+*),0&') IM
2*,5/&-#
5,&0# JNJ"LNKM
L
8
9! #
:;
)<
♦ ♦ ♦
♦ ♦ ♦
JÓHANNA Pálmadóttir, bóndi á
Akri í Húnavatnssýslu, segir að fólki
finnist ólýðræðislegt að Adolfi
Berndsen skuli stillt upp í 5. sæti
lista Sjálfstæðisflokksins í Norðvest-
urkjördæmi. Jóhanna hafnaði í 6.
sæti í prókjörinu en Adolf Berndsen
tók ekki þátt í því. Kjörnefnd Sjálf-
stæðisflokksins ákvað á fundi sínum
á laugardag að gera tillögu um að
Adolf tæki 5. sætið, en Vilhjálmur
Egilsson lenti í því í prófkjörinu.
Jóhanna hlaut 52% atkvæða í 5.
sætið í prófkjörinu. Fimm karlmenn
skipa efstu sæti á lista flokksins í
kjördæminu. Jóhanna bendir jafn-
framt á að þeir séu allir frá sjávar-
þorpi, en hún er forystumaður í hópi
sauðfjárbænda.
NV-kjördæmi
Gagnrýni á
kjörnefnd
Adolf Berndsen/4