Morgunblaðið - 05.02.2003, Side 19

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 5. FEBRÚAR 2003 19
ÚTSALA!!
Stórhöfða 21, við Gullinbrú

545 5500, netfang. flis@flis.is
15% Mosaic
20% Versace
30% og 40%
aðrar flísar
www.flis.is
FORVARNADEILD Slökkviliðs
höfuðborgarsvæðisins hefur í
hyggju að kanna eldvarnir í óleyfi-
legu íbúðarhúsnæði á höfuðborgar-
svæðinu. Til greina kemur að beita
húseigendur dagsektum eða rýma
og loka húsnæði þar sem aðbúnaður
er mjög slæmur.
Tveir starfsmenn forvarnadeild-
arinnar vörðu 4–5 vikum fyrir síð-
ustu jól til að kortleggja um 150
byggingar sem fyrirhugað er að
skoða fljótlega. Að sögn Bjarna
Kjartanssonar, framkvæmdastjóra
forvarnadeildar Slökkviliðs höfuð-
borgarsvæðisins, eru umræddar
byggingar af ýmsum toga, allt frá
því að vera ósamþykktar íbúðir yfir í
að vera fyrrum atvinnuhúsnæði þar
sem aðstæður eru skelfilegar og fólk
hefur jafnvel búið á millilofti fyrir
ofan verkstæði. Bjarni segir að í
slíkum tilvikum hafi útlendingar oft-
ast átt í hlut en sem betur fer sé
sjaldgæft að fólk búi í jafnslæmum
vistarverum.
„Þessir íbúðarhættir hafa verið að
aukast mjög á síðustu árum og við
teljum okkur ekki stætt á öðru en að
taka á þessu,“ segir Bjarni.
Við vinnu sína hafa starfsmenn
forvarnadeildar aflað sér upplýsinga
frá heilbrigðiseftirliti og byggingar-
fulltrúum sveitarfélaganna á höfuð-
borgarsvæðinu um ólöglegt íbúðar-
húsnæði.
„Síðan var bara keyrt um hverfi
og reynt að kortleggja hvar voru
blóm í glugga og gardínur,“ segir
hann. Hann segir að á þeim tíma
sem unnið hafi verið að því að kort-
leggja svæðið hafi nokkur hús bæst í
hópinn.
„Við erum búnir að afla okkur
ljósrita af öllum byggingarnefndar-
teikningum þessara húsa og afla
okkur gagna og undirbúa okkur
undir sjálfa vinnuna við að skoða
þetta allt saman með skýrslugerð og
bréfum, kröfugerðum o.fl.“
Hann segir það nýmæli af hálfu
slökkviliðsins að nú sé markvisst
farið í að skoða byggingar af þessu
tagi auk þess sem ráðgert sé að
grípa til aðgerða.
„Ef hús er með það sem við telj-
um vera umtalsverða ágalla á eld-
vörnum og óleyfilegt til íbúðar mun-
um við hiklaust beita eiganda
dagsektum með samþykki viðkom-
andi sveitarfélags. Ef við teljum að-
stæður mjög slæmar lokum við.“
Leigjendum send viðvörun
Bjarni segir að ef þeir telji að loka
beri húsi verði eiganda send viðvör-
un þar að lútandi og öllum leigj-
endum líka. Ákvörðun um lokun er
tekin af slökkviliðsstjóra en í þeim
tilvikum verður aðgerðum frestað í
þrjá mánuði meðan fólki er gefinn
kostur á að leita sér að öðru hús-
næði.
Bjarni segir ekki alveg ráðið hve-
nær hafist verður handa við skoð-
unina en það verði mjög fljótlega.
Verkefnið hefur verið kynnt stjórn
slökkviliðsins þar sem sæti eiga
borgarstjóri og bæjarstjórar við-
komandi sveitarfélaga. Skipa á sam-
ráðsnefnd í tengslum við verkefnið
þar sem að líkindum munu eiga sæti
byggingarfulltrúar sveitarfélaganna
og fulltrúar frá heilbrigðiseftirliti.
Bjarni segir að í þeim tilvikum
þar sem ekki verði gerð krafa um að
viðkomandi húsi sé lokað en samt
skorti á aðbúnað verði farin sú leið
að beita dagsektum. Þeim verði hins
vegar ekki beitt fyrr en eftir að eig-
anda hefur verið gefinn kostur á að
bæta úr sínum málum. Það gæti t.d.
þýtt að hann þyrfti að bæta við
flóttaleið, t.d. hringstiga utan á hús.
Bjarni bendir á að leyfi bygging-
arfulltrúa þurfi fyrir slíkum breyt-
ingum og mjög líklega leyfi skipulag
ekki slíkar breytingar á viðkomandi
húsnæði, einkum í iðnaðarhverfum.
„Við vissum eiginlega ekki hvað
við vorum að byrja að skoða þegar
við vorum að fara út í þetta og viss-
um ekki að við myndum óafvitandi
hrista tréð dálítið duglega án þess
að vita hvað myndi detta út úr því.“
Ekki farið í þetta með látum
Bjarni segir það sitt mat að marg-
ir búi á þennan hátt vegna efnaleys-
is. Í slíku húsnæði búi líka gjarnan
útlent farandverkafólk sem hafi ekki
efni á eða aðgang að leigumarkaðn-
um og ekki möguleika á lánum. Þá
sé innan um fólk sem einfaldlega
vilji búa í rúmgóðu atvinnuhúsnæði.
Hann bendir á að atvinnuhúsnæði
á höfuðborgarsvæðinu hafi um
nokkra hríð verið óseljanlegt og ill-
leigjanlegt í mörgum tilvikum sem
þá sé gjarnan leigt út sem íbúðar-
húsnæði í trássi við lög.
Bjarni undirstrikar að lagt sé upp
með að hægt verði að leysa farsæl-
lega flest þau mál sem upp kunna að
koma í skoðuninni og í samráði við
sveitarfélögin.
„Við ætlum alls ekki að fara í
þetta með neinum látum.“
Slökkvilið höfuðborgarsvæðisins ætlar að kanna eldvarnir
í óleyfilegu íbúðarhúsnæði í samtals 150 byggingum
Kemur til greina að
rýma vistarverur
  ! 
"

   #"!$
 

%   !
# 





    
 
 
 
  
&'
()
&
**
+
*

, -  #!!
!    $
-!  "  Höfuðborgarsvæðið
TÓMAS Ingi Olrich menntamálaráð-
herra segir það skjóta skökku við að
Ingibjörg Sólrún Gísladóttir, fyrrver-
andi borgarstjóri, hafi látið í það skína
í fjölmiðlum að borgaryfirvöld hafi
haft frumkvæði að hugmyndum um
byggingu nýs framhaldsskóla í Suð-
ur-Mjódd og stækkun og endurbætur
á öðrum skólum. Látið hafi verið að
því liggja í umfjölluninni að mennta-
málaráðuneytið hafi ekki sinnt mál-
efnum framhaldsskóla í Reykjavík
sem skyldi á undanförnum árum.
„Fyrst er til að nefna að á undan-
förnum árum hefur gengið mjög illa
að ná samkomulagi við Reykjavíkur-
borg um stefnumörkun vegna hús-
næðismála framhaldsskólanna í borg-
inni. Það má rekja það til tregðu
Reykjavíkurborgar að viðurkenna
lagaskilyrði um 40% framlag sveitar-
félaga til stofnframkvæmda,“ segir
hann.
Á síðastliðnu ári voru nokkrir fund-
ir haldnir með borgarstjóra að frum-
kvæði menntamálaráðuneytisins um
húsnæðismál framhaldsskólanna í
Reykjavík. Tómas Ingi segir að í
framhaldi af þessum fundum hafi
ráðuneytið lagt fram tillögu um miðj-
an desember síðastliðinn þar sem
settar voru fram hugmyndir um for-
gangsröðun framkvæmda í borginni.
Í þessum tillögum komi m.a. fram að
fjölgun nemenda í framhaldsskólum í
borginn þýði í raun að nú þegar þurfi
að leggja drög að byggingu nýs fram-
haldsskóla.
Þrír valkostir
Ráðherra segir að bent hafi verið á
þrjá möguleika varðandi staðsetn-
ingu, Suður-Mjódd, Hlíðarfót og við
Ánanaust. Athygli ráðuneytisins hafi
síðan beinst að Mjóddinni. Hann
nefnir að þótt sveitarfélögin hafi alla
jafnan sjálf átt frumkvæði að því að
leita samstarfs sín á milli um fram-
haldsskólana hafi ráðuneytið átt við-
ræður í janúar sl. við Kópavogsbæ um
hugsanlega þátttöku þeirra í nýjum
framhaldsskóla.
Í tillögum ráðuneytisins er enn
fremur bent á að auka þurfi kennslu-
rými og áhersla lögð á að ná sam-
komulagi um löngu tímabærar fram-
kvæmdir við framhaldsskóla í
Reykjavík. Ráðherra segir að það sé
ekki fyrr en á allra síðustu vikum sem
borgarstjóri hafi sýnt málinu áhuga
og sýnt jákvæð viðbrögð við tillögun-
um.
„Þessi breyting á afstöðu borgar-
innar til framhaldsskólanna er mjög
jákvæð og ég er mjög ánægður með
hana,“ segir hann.
Hann segist munu boða til fundar
með nýjum borgarstjóra á allra
næstu dögum um byggingu nýs fram-
haldsskóla í borginni. Þá þurfi borg-
aryfirvöld og ráðuneytið að ná sam-
komulagi um húsnæðismál fram-
haldsskólanna í borginni í víðara
samhengi, meðal annars um for-
gangsröðun verkefna.
Tillaga um húsnæðismál
afgreidd í borgarráði
Borgarráð Reykjavíkur samþykkti
í gær tillögu um húsnæðismál fram-
haldsskólanna í Reykjavík sem gerir
m.a. ráð fyrir að teknar verði upp við-
ræður við menntamálaráðuneytið og
Kópavogsbæ um byggingu nýs fram-
haldsskóla í Suður-Mjódd. Þá var
samþykkt að óska eftir því við
menntamálaráðuneytið að skipa
vinnuhóp fulltrúa ríkis og borgar um
húsnæðismál annarra framhaldsskóla
í borginni.
Menntamálaráðherra um ummæli fyrrverandi borgarstjóra um framhaldsskólana
Fundað með borgarstjóra að
frumkvæði ráðuneytisins
Reykjavík
NOKKUÐ er um það á hverju ári að
borgaryfirvöld bæti minniháttar tjón
á bílum sem hljótast af völdum þess
að ekki hefur nægjanlega vel verið
gengið frá götum þar sem fram-
kvæmdir hafa átt sér stað.
Í fyrra bárust um 110 tilkynningar
til tryggingafélags borgarinnar
vegna tjóna á bílum sem metin voru
af tryggingafélaginu, þar af fengu 40
greiddar bætur fyrir samtals 1,9
milljónir króna.
Sigurður Skarphéðinsson, gatna-
málastjóri, segir að bíleigendum beri
að snúa sér til lögreglu komi slík mál
upp. Lögreglan sendir skýrslu um
málið til Gatnamálastofu sem kemur
henni áfram ásamt skýringum til
tryggingafélags borgarinnar, sem
síðan tekur afstöðu um hvort tjónið
sé bótaskylt. Algengast er að tilkynnt
sé um hjólbarða sem hafa eyðilagst
eða felgur sem hafa beyglast.
Sigurður segir að borgin bæti tjón-
ið hafi þeim verið tilkynnt um fram-
kvæmdir á viðkomandi svæði eða ef
sannanlega hafi verið talin hætta á
slysum. Í vel flestum tilvikum grafa
borgarstarfsmenn eða fyrirtæki á
hennar vegum skurði í götur bæjar-
ins, að sögn Sigurðar. Í þeim tilvikum
þar sem annar aðili fær leyfi til fram-
kvæmda ber honum hins vegar að til-
kynna verklok til Gatnamálastofu.
Algengast er að sett sé möl í yf-
irborðið eða viðgerðarefni sem má
nota í frosti þar til hægt er að mal-
bika.
Í fyrra bárust um 110 tjónatilkynn-
ingar, þar af voru nokkrar vegna
tjóna af völdum öskubíla.
Að sögn Höskuldar Tryggvasonar,
tæknifræðings hjá Gatnamálastofu,
ræðst fjöldi tjóna oftast af því hvern-
ig viðrar til malbiksframkvæmda.
Þannig hafi árið í fyrra verið mun
skaplegra en árið 2001 þegar vetur
var kaldur og litlar malbiksfram-
kvæmdir að vetri. Í fyrra hafi hins
vegar verið malbikað allan desem-
bermánuð og hluta janúar á þessu
ári.
Morgunblaðið/Sverrir
Einhverjir kannast sjálfsagt við þessa misfellu við Suðurgötu 8. Viti menn
ekki af henni fær bíllinn á sig harðan hnykk þegar honum er ekið yfir hana.
110 tilkynningar bárust í fyrra vegna
minniháttar tjóna á ökutækjum
Ónýtir hjólbarðar
og beyglaðar felgur
Reykjavík