Morgunblaðið - 14.03.2003, Blaðsíða 8
FRÉTTIR
8 FÖSTUDAGUR 14. MARS 2003 MORGUNBLAÐIÐ
Þjónn, það er víst svín í súpunni minni.
Leikjadansleikur í Gullsmára
Arfleifð til
yngra fólksins
Leikjadansleikurverður í félags-heimilinu Gull-
smára, Gullsmára 13, nk.
laugardag, 15. mars og
hefst klukkan átta um
kvöldið. Samkoman er á
vegum félagsheimilanna
Gullsmára og Gjábakka
og er opin fólki á öllum
aldri. Í forsvari ásamt
öðrum er Erna B. Ein-
arsdóttir og svaraði hún
nokkrum spurningum
sem fyrir hana voru lagð-
ar.
– Segðu okkur fyrst,
hvað er leikjadansleikur?
„Leikjadansleikur er
dansleikur þar sem fólk
fer í samkvæmisleiki
jafnframt því að dansa.“
– Hverjir eru þessir
leikir og dansar og hvenær voru
þeir við lýði og vinsælir?
„Til eru margskonar leikir
sem iðkaðir voru hér áður fyrr
þegar fólk kom saman til að
skemmta sér. Í þessu sambandi
má nefna Ásadans, Nafnakall,
ýmsa marsa, Bomsadeisí og
fleira. Þessir dansar voru við
lýði og vinsælir á fyrri hluta
tuttugustu aldar og víða í sveit-
um voru þeir iðkaðir allt fram til
1970. Þeir eru einfaldir og allir
ættu að geta haft gaman af.“
– Hver er tilurð og markmið
þessarar uppákomu?
„Tilurð þessarar uppákomu
má rekja til þess að valinn hóp-
ur var að skipuleggja þorrablót
sem haldið var í Gullsmára 8.
febrúar síðastliðinn. Þá var rætt
um að gaman væri að endur-
vekja slíkan leikjadansleik eins
og verður í Gullsmára á morgun.
Í Gullsmára hefur verið verkefni
í gangi sem nefnist Ljós í
glugga Gullsmára. Markmiðið
með þessu verkefni er að auka
starfsemi í félagsstarfinu í Gull-
smára utan opnunartíma og að
verði ljós í gluggum þar á kvöld-
in og um helgar. Þetta verkefni
er framlag áhugasamra eldri
einstaklinga og vonandi verður
framhald á því. Nú þegar er ljós
í glugga í Gullsmára nokkur
kvöld og þangað eru allir vel-
komnir óháð aldri.“
– Á hvers vegum er leikja-
dansleikurinn og hver heldur ut-
an um dagskrána?
„Leikjadansleikurinn er eins
og margt fleira í dagskrá fé-
lagsstarfs aldraðra í Kópavogi
sprottinn upp úr vinnu áhuga-
samra eldri borgara. Í Kópavogi
fá eldri borgarar aðstöðu fyrir
sín áhugamál í félagsheimilunum
sem myndast hefur vegna gagn-
kvæms trausts stjórnenda og
eldri borgara. Forstöðumaður
félagsstarfsins heldur utan um
þessa samkomu sem og starf-
semina. Á leikjadansleiknum
sjálfum verður það Helga Þór-
arinsdóttir, margþekktur þjóð-
dansari með meiru, sem stjórnar
og kynnir upprifjun á gömlum
selskapsleikjum og dönsum.
Magnús Randrup þen-
ur nikkuna eins og
gert var hér áður
fyrr.“
– Er þetta bara fyr-
ir eldri borgara, eða á
að reyna að brúa kynslóðabilið?
„Það er ósk þeirra sem standa
að þessari samkomu að sjá sem
flesta aldurshópa, enda er það
eitt af markmiðunum að flytja
þessa menningararfleifð til
yngra fólksins. Forða henni frá
gleymsku og er því yngra fólkið
sérstaklega hvatt til að mæta og
nema. Vissulega er þetta einn
liðurinn í að brúa kynslóðabilið.“
– Hafið þið bryddað upp á
svona löguðu áður?
„Ýmsar uppákomur hafa verið
í félagsheimilunum svo sem
tískusýningar, grænmetis- og
ávaxtadagar, þorra fagnað með
bóndakaffi og góu með konu-
kaffi, en svona leikjadansleikur
hefur ekki verið haldinn fyrr.“
– Sjáið þið fram á að halda
svona skemmtikvöld reglulega,
t.d. mánaðarlega eða árlega?
„Ef fólk sýnir þessu áhuga og
vel tekst til munum við reyna að
hafa svona uppákomu minnst
tvisvar á ári.“
– Reiknið þið með góðri þátt-
töku?
„Þetta er alger frumraun og
því vitum við ekkert um þátttök-
una en okkur þætti skemmtilegt
að fá sem flesta til að skemmta
sér með okkur.“
Við þetta má bæta, að á næst-
unni, nánar tiltekið fimmtudag-
inn 27. mars, verður endurtekin
dagskrá frá sama tíma á síðasta
ári sem bar þá yfirskriftina Ein-
mánaðarfagnaður – Kynslóðir
mætast á sköpunar- og
skemmtidagskrá. Að sögn Sig-
urbjargar Björgvinsdóttur for-
stöðumanns Gullsmára verður
dagskráin í ár með svipuðu sniði
og í fyrra en slíkar dagskrár
væru ein af mörgum tilraunum
sem gerðar hafa verið til að
opna félagsstarf aldraðra í
Kópavogi fyrir fólki á öllum
aldri og brúa þannig margum-
rætt kynslóðabil, eins og hún
komst að orði.
Einmánaðarfagnaðurinn í
fyrra var samstarfs-
verkefni Gjábakka,
Leikskólans Mar-
bakka og Digranes-
skóla og meðal ann-
arra viðburða var
skákkeppni milli Gjábakka og
Digranesskóla, myndlistarhorn
Gjábakka og Marbakka, listvefn-
aðarkennsla fyrir alla aldurs-
hópa, ljóðalestur, söngskemmt-
anir og handverksmarkaður svo
eitthvað sé nefnt. Segir Sigur-
björg að fagnaðurinn hafi mælst
vel fyrir, þátttaka hafi verið ein-
staklega góð, enda sé hann end-
urtekinn nú.
Erna B. Einarsdóttir
Erna B. Einarsdóttir er fædd
11. apríl 1935 í Reykjavík. Erna
starfaði við verslunarstörf mest-
an hluta starfsævinnar, en lauk
launavinnu á hæfinga- og end-
urhæfingadeild Landspítalans í
Kópavogi. Erna hefur verið bú-
sett í Kópavogi í síðast liðin 36
ár. Eiginmaður hennar var
Gunnar Oddsteinsson en hann
lést árið 1979. Þau eignuðust
fimm börn sem öll eru búsett í
Kópavogi í dag. Barnabörnin eru
tíu talsins.
…ýmsir mars-
ar, bomsa-
deisí og fleira
FRAMTAK fjárfestingarbanki hf.
fer fyrir hópi einstaklinga sem hefur
áhuga á að kaupa Sementsverksmiðj-
una hf. sem er að öllu leyti í eigu
ríkisins. Verksmiðjan hefur verið
auglýst til sölu og segir að í auglýs-
ingunni að hún verði seld í einu lagi
til eins aðila eða eins hóps fjárfesta.
Leitað er að fjárfesti sem hefur
áhuga á að viðhalda rekstri fyrirtæk-
isins, efla það og stuðla að virkri sam-
keppni á íslenskum byggingamark-
aði.
Sveinn Hannesson, framkvæmda-
stjóri Samtaka iðnaðarins, segir að
aðilar sem tengjast Sementsverk-
smiðjunni, eins og birgjar og við-
skiptavinir, hafi hug á að kaupa verk-
smiðjuna í þeim tilgangi að halda
starfseminni áfram. Framtak fjár-
festingarbanki, sem áður hét Þróun-
arfélag Íslands, sér um að leiða þess-
ar viðræður, afla gagna hjá umsjón-
araðila sölunnar og kynna þá mögu-
leika sem fyrir hendi eru.
Sveinn segir ekki tímabært að
nafngreina þessa aðila því enn eigi
margir eftir að kynna sér málið betur
og fá frekari upplýsingar um stöðu og
framtíðarhorfur verksmiðjunnar.
Gísli Gíslason, bæjarstjóri á Akra-
nesi, segir rekstur Sementsverk-
smiðjunnar vera mikið hagsmunamál
bæjarins vegna atvinnutækifæra
sem hún veitir. Fulltrúar bæjarins
hittu iðnaðarnefnd Alþingis fyrir síð-
ustu helgi og komu á framfæri þeirri
skoðun að heppilegra hefði verið að
selja verksmiðjuna við betri aðstæð-
ur.
„Við gerum hins vegar ekki at-
hugasemd við að ríkið velji þessa leið
til að styrkja verksmiðjuna. Við telj-
um afar þýðingarmikið, og það er
okkar megininnlegg í umræðuna, að
væntanlegir kaupendur haldi áfram
framleiðslunni. Eins og kemur fram í
auglýsingunni er verið að leita að
slíkum kaupanda og við erum sátt við
það,“ segir Gísli.
Vill leigja lóðina
en ekki selja
Jafnframt segir hann að Akranes-
kaupstaður hafi upphaflega afhent
lóð undir reksturinn endurgjalds-
laust með því skilyrði að þar yrði rek-
in þessi framleiðsla. „Okkur finnst
eðlilegt á þessum tímamótum, ef rík-
ið selur verksmiðjuna, að lóðirnar
verði afhentar Akraneskaupstað aft-
ur og lóðaleigusamningur verði gerð-
ur í framhaldinu við nýja rekstrar-
aðila um það svæði sem starfsemin
fer fram á,“ segir Gísli og bendir á að
fyrirtækið standi í hjarta bæjarins og
það skipti miklu máli að umhverfið
verði þannig að sómi sé að.
„Við höfum farið þess á leit að lóð-
irnar verði ekki eignarlóðir heldur
leigulóðir,“ segir Gísli og bíður nú
formlegs svars þar um frá iðnaðar-
ráðuneytinu. Hann segir að óform-
legt samkomulag hafi náðst um þetta
á sínum tíma við þáverandi iðnaðar-
ráðherra, Finn Ingólfsson, þegar til
stóð að selja Sementsverksmiðjuna,
og hann treystir að það muni ganga
eftir nú.
„Allar hugmyndir um að leggja
niður rekstur Sementsverksmiðj-
unnar í bænum eru algjörlega á skjön
við þá stefnu bæjarstjórnar að rekst-
urinn haldi áfram. Við teljum að þær
hugmyndir komi ekki til greina á
þessum tímapunkti,“ segir Gísli
Gíslason, bæjarstjóri á Akranesi.
Akraneskaupstaður vill fá lóð Sementsverksmiðjunnar afhenta
Birgjar sýna Sements-
verksmiðjunni áhuga
PÁLL Pétursson félagsmálaráð-
herra hefur gengið til samninga við
Akureyrarkaupstað vegna móttöku
24 flóttamanna frá fyrrum Júgóslav-
íu. Um er að ræða sex fjölskyldur
sem koma til landsins 24. mars. Einn-
ig hefur verið gerður samningur milli
ráðuneytisins og Rauða kross Ís-
lands, sem mun sjá um framkvæmd
verkefnisins í umboði félagsmála-
ráðuneytis líkt og undanfarin ár.
Samningur félagsmálaráðuneyt-
isins og Akureyrarbæjar um mót-
töku flóttamannanna var formlega
undirritaður síðasliðinn miðvikudag.
Skv. upplýsingum félagsmálaráðu-
neytisins er meginmarkmið að gera
flóttamönnunum kleift að hefja nýtt
líf hér á landi og veita þeim sérstakan
stuðning í eitt ár frá komu þeirra til
landsins. Fá þeir kennslu í íslensku
og samfélagsfræði og boðið verður
upp á vorskóla, sumarskóla og sér-
staklega hugað að börnunum í því
sambandi. Stuðningsfjölskyldur
Rauða krossins gegna jafnframt lyk-
ilhlutverki við félagslega aðlögun
flóttamanna í viðkomandi sveitarfé-
lagi. Samkvæmt samningnum munu
flóttamennirnir njóta aðstoðar fyrsta
árið varðandi húsnæði, heilbrigðis-
þjónustu, framfærslu, menntun og
fleira. Ráðinn hefur verið sérstakur
verkefnisstjóri og túlkur fyrir verk-
efnið hjá Akureyrarkaupstað og er
undirbúningur kominn vel á veg hjá
sveitarfélaginu. Félagsmálaráðu-
neytið skuldbindur sig til að greiða
Akureyrarkaupstað í samræmi við
kostnaðaráætlun sem fylgir samn-
ingnum og hljóðar hún upp á 36,3
milljónir króna.
Akureyrarkaupstaður gerir samning um móttöku 24 flóttamanna
Sex fjölskyldur væntanlegar
frá fyrrum Júgóslavíu