Morgunblaðið - 14.03.2003, Blaðsíða 24
HÖFUÐBORGARSVÆÐIÐ
24 FÖSTUDAGUR 14. MARS 2003 MORGUNBLAÐIÐ
FJÖLMENNINGARLEGT sam-
félag annars vegar og fjölskrúðug
tímabil hins vegar hafa átt allan
hug krakkanna í Varmárskóla í
Mosfellsbæ að undanförnu en í dag
er lokadagur þemadaga í skól-
anum. Líkan af Eiffelturninum,
vináttuteppi og japönsk Tangram-
þraut er meðal afraksturs daganna
auk þess sem einn og einn hippi
hefur verið þar á vappi.
Að sögn Guðrúnar Mark-
úsdóttur, deildarstjóra miðstigs
Varmárskóla, hefur yngri skóla-
deildin, 1.–6. bekkur, einbeitt sér
að fjölmenningunni á meðan ung-
lingarnir í skólanum hafa verið
uppteknir af mismunandi tímabil-
um tengdum sjötta, sjöunda, átt-
unda og níunda áratugnum.
„Við erum komin með dálítinn
hóp af nýbúum í skólann og fjöl-
menningarlega þemað í yngri
deildinni þróaðist út frá því,“ segir
Guðrún. „Þetta er svolítið vítt
þema sem hentar vel þar sem börn
allt niður í fyrsta bekk taka þátt í
verkefnavinnunni. Kennurunum
gekk þó ótrúlega vel að einangra
sig niður á ákveðin verkefni.“
Hún segir að hugtök eins og sam-
vinna og vinátta hafi verið ofarlega
á borði í vinnunni. „Við blönduðum
t.d. saman 1. og 5. bekk en þau eru
að vinna verkefni sem kemur mjög
vel út.“ Þarna er Guðrún að vísa til
vináttuteppsins svokallaða sem
hefur orðið til þess að hörðustu
spilamenn í eldri bekknum verða
ljúfir sem lömb þótt þeir tapi í spil-
um fyrir sér miklu yngri börnum.
Að sögn Guðrúnar eru börnin
mest að velta fyrir sér kynþátt-
unum og trúarbrögðunum þó slíkt
sé fjarri því að vera framandi fyrir
þeim. „Þau sjá þetta auðvitað en
þeim finnst þetta alls ekki fram-
andi því þau eru blönduð í bekkj-
unum og þekkja hvort annað mjög
vel.“
Hippar og brilljantín
Sem fyrr segir er unglingadeild
skólans þó upptekin af öðrum hlut-
um á þemadögunum. „Hún tók fyr-
ir sjötta, sjöunda, áttunda og ní-
unda áratuginn þar sem
krakkarnir eru að skoða tísku-
strauma, bíla og annað þess hátt-
ar,“ segir Guðrún og bætir því við
að ekki vanti stemninguna. „Þar
eru allir uppdressaðir í sér-
kennilega hippatísku eða eru búnir
að horfa á Grease og setja sig inn í
tíðarandann. Og þau trúa því varla
að fólk hafi verið svona klætt í þá
daga. Þó finna þau ótrúlegustu
hluti heima eins og sérkennilega
eyrnalokka, gamla leðurjakka og
brilljantín.“
Í gærkvöld var síðan ball hjá
unglingadeildinni og í dag mun hún
sýna afrakstur þemavinnunnar í
skólanum. Yngri deildin ætlar þó
að eiga sýningu á sínum verkefnum
til góða þar til í vor en þá verða
verkefni þemadaganna dregin
fram og stillt upp til sýningar.
Menning á
marga vegu
Morgunblaðið/Golli
Krakkar í fimmta og sjötta bekk Varmárskóla voru uppteknir við að
baka brauð frá öllum heimsins hornum í gær.
Vel lukkaðir þemadagar í Varmárskóla
Mosfellsbær
ÞAÐ var ekki annað að sjá en að
storkurinn knái hann Styrmir
kynni vel að meta ný húsakynni
sín sem hann flutti í í Hús-
dýragarðinum í gær enda getur
hann flögrað þar um, tyllt sér á
steina, veitt sér til matar, vaðið í
tjörn og leitað skjóls í litlum kofa
þegar veður eru óblíð.
Um er að ræða búr sem er 180
fermetrar að grunnfleti og 4,60
metrar á hæð og verður að telj-
ast stærsta fuglabúr landsins að
því er segir í frétt frá Hús-
dýragarðinum. Búrið mun svo
nýtast öðrum flækingsfuglum í
framtíðinni. Morgunblaðið/Golli
Storkastökk
í stærsta
búri landsins
Laugardalur
HÁVAÐAMENGUN vegna umferð-
ar um Hafnarfjarðarveg frá Arnar-
neshæð suður í Engidal er yfir við-
miðunarmörkum við átta íbúðarhús,
sem standa þar í grennd, auk 17
óbyggðra íbúðalóða í Arnarneslandi.
Samþykkt var á fundi bæjarráðs
Garðabæjar á þriðjudag að gera
framkvæmda- og kostnaðaráætlun
vegna hljóðvarna svo að minnka
mætti hávaðamengunina við veginn.
Í skýrslu, sem verkfræðistofa Sig-
urðar Thoroddsen (VST) gerði um
hávaðamengunina, kemur fram að
samkvæmt reglugerð eru viðmiðun-
armörk vegna hávaða í eldri hverfum
65 desibel en 55 desibel í nýskipu-
lögðum hverfum. Umferðarhávaðinn
reyndist hins vegar vera meiri en 65
desibel við átta hús, sem standa við
Laufás, Njarðargrund, Ásgarð, Fax-
atún og Aratún. Þá eru 17 lóðir, lang-
flestar við Löngufit, utan við 65 desi-
bela mörkin.
Hávaðinn eins og
við Miklubraut
Segir í bréfi íbúa við Aratún að
umferðarhávaðinn sé þvílíkur að
ekki sé verandi úti við vegna hans og
hjá mörgum í hverfinu ekki inni við
heldur. Hávaðamengunin, sem
mælst hafi 67 desibel, sé jafnmikil og
við Laugaveg, Hverfisgötu og Miklu-
braut í Reykjavík og er í því sam-
bandi vísað til hávaðakorts af
Reykjavík sem borgin hefur gefið út.
Segir í skýrslu VST að grípa þurfi
til mótvægisaðgerða til að bæta
ástandið og þá sérstaklega varðandi
Akrahverfi – Arnarnesland, enda
séu kröfurnar í nýskipulögðum
hverfum meiri en í þeim sem eldri
eru. Þannig þurfi að reisa varnir,
breyta eða laga þær sem fyrir eru, á
samtals sex stöðum þar sem 65 desi-
bela markið þarf að vera uppfyllt. Þá
þurfi að reisa tvær manir í hinu nýja
hverfi sem yrðu blanda af hljóð-
veggjum og jarðvegsmönum.
Kostnaður á bilinu
90–144 milljónir
Leggur verkfræðistofan til tvær
útfærslur á hljóðvörnunum og mun-
ar talsverðu á áætluðum kostnaði
vegna þeirra eða rúmlega 54 millj-
ónum króna. Sé rými sparað eins og
unnt er með því að hafa varnirnar að
mestu fólgnar í hljóðveggjum yrði
kostnaðurinn rúmar 144 milljónir
króna. Sé hins vegar gerðar fleiri
jarðvegsmanir, sem þýðir að meira
rými þarf undir þær, yrði kostnaður-
inn rúmar 90 milljónir.
„Við erum að skoða hljóðvarnir við
Hafnarfjarðarveginn heildstætt,“
segir Ásdís Halla Bragadóttir bæj-
arstjóri. „Það eru vandamál annars
vegar í Túnunum og við Löngufitina
og hins vegar við elsta hluta Ása-
hverfisins. Bæjarráð fór yfir tillög-
urnar frá VST og metur það sem svo
að það sé algerlega óhjákvæmilegt
að grípa til aðgerða til að tryggja
hljóðvist meðfram Hafnarfjarðar-
veginum. Það er meginatriðið.“
Hún segir bæjarverkfræðing vera
að skoða hvaða leiðir séu æskilegast-
ar í þeim efnum og hver tilkostnað-
urinn yrði. Í þeirri skoðun sé stuðst
við niðurstöður úr skýrslu VST. Þá
sé einnig verið að skoða hvenær
heppilegur framkvæmdatími væri.
„Við erum m.a. að skoða hvenær við
getum fengið heppilegt efni til að
setja í jarðvegsmanir og það sjón-
armið kom fram að æskilegast væri
að fara í jarðvegsmanirnar á meðan
frost væri í jörðu til að vernda um-
hverfið sem mest. Þannig að bæjar-
ráð vildi skoða hvort ekki væri rétt
að bíða með framkvæmdir þar til
gott frost er í jörðu.“
Hávaði frá Hafnarfjarðarveginum yfir viðmiðunarmörkum
Gripið til aðgerða
vegna hljóðmengunar
Garðabær
HUGMYNDIR um byggingu fjöl-
býlishúss fyrir eldri borgara á lóð
austan við svæði Skógræktarinnar í
Fossvogsdal fá ekki hljómgrunn
íbúa í grennd við lóðina. Af þeim
sökum mælir skipulagsfulltrúi ekki
með að af áformunum verði.
Umrædd lóð afmarkast af landi
Skógræktarfélagsins til vesturs,
Árlandi og Ánalandi til austurs,
Fossvogsvegi til norðurs og Kópa-
vogi til suðurs. Á síðustu árum hafa
þrír aðilar sent erindi inn til borg-
arinnar og óskað eftir því að fá lóð-
inni úthlutað undir byggingu en
samkvæmt Aðalskipulagi Reykja-
víkur 1996–2016 er það skilgreint
sem útivistarsvæði til sérstakra
nota. Var fyrri umsóknum svarað í
samræmi við það en eftir að fallið
var frá því að flytja Ræktunarstöð
Reykjavíkur í dalinn var ákveðið að
skipulagsyfirvöld myndu skoða lóð-
ina með uppbyggingarmöguleika í
huga.
Sú umsókn sem nú var til um-
fjöllunar gekk út á að reisa á lóð-
inni þriggja hæða fjölbýlishús með
allt að 49 íbúðum fyrir eldri borg-
ara. Í nóvember síðastliðnum voru
hagsmunaaðilum í nágrenninu
kynntar þessar hugmyndir. Mættu
hugmyndirnar talsverðri andstöðu
þeirra og meðal annars bárust und-
irskriftalistar frá 49 íbúum með at-
hugasemdum þar sem mælst var til
að reiturinn yrðu áfram skilgreind-
ur sem grænt svæði. „Fram kom sú
hugmynd að svæðið yrði gert að
útivistarsvæði fyrir fjölfötluð börn
og ábendingar um skort á bílastæð-
um í tengslum við útivistarsvæði
bárust munnlega,“ segir í umsögn
embættis skipulagsfulltrúa.
Er það niðurstaða embættisins
að mæla ekki með uppbyggingu á
lóðinni að svo komnu, heldur sé
ákjósanlegra að skoða frekari upp-
byggingu á svæðinu í samhengi við
lóð Landspítala – háskólasjúkra-
húss í Fossvogi og framtíðaráform
þar.
Ekki mælt með
fjölbýlishúsi
Fossvogsdalur
ÁSDÍS Skúladóttir kennari hefur
verið valin „Eldhugi Kópavogs“ af
Rótaryklúbbi bæjarins. Það var
Kristófer Þorleifsson, forseti Rótary-
klúbbsins, sem afhenti henni viður-
kenningu vegna þessa á þriðjudag.
Segir í umsögn valnefndar að Ásdís
hafi hafið störf hjá Kópavogsbæ árið
1978 og aðallega starfað að málefnum
aldraðra. M.a. hafi hún stofnað leik-
listarhópa skipaða eldri borgurum í
Kópavogi sem hafa fengið margvís-
legar.
Ásdís hafi ritað mikið um öldrunar-
mál, haldið fyrirlestra og unnið að
sjónvarpsþætti um aldraða sem ný-
lega var sýndur í finnska sjónvarpinu.
„Hún hefur gert eldra fólkið að
meiru en hlustendum, hún hefur gert
það að gerendum þeirra verka sem
unnin eru,“ segir í umsögninni um Ás-
dísi. Þannig hafi störf hennar verið
vel unnin og orðið bæjarfélaginu til
ánægjuauka.
Morgunblaðið/Golli
Ásdís Skúladóttir
valin eldhugi bæjarins
Kópavogur