Morgunblaðið - 05.05.2003, Blaðsíða 15

SAMKVÆMT skýrslu Vegagerð-
arinnar um mat á umhverfisáhrifum
er arðsemi ganga á milli Siglufjarðar
og Ólafsfjarðar um Héðinsfjörð
14,5%, sem er góð arðsemi. Til sam-
anburðar má nefna að í sambæri-
legri skýrslu fyrir Austfjarðagöngin
er arðsemin metin 4,3% miðað við að
farið sé í stóriðjuframkvæmdir. Arð-
semi Héðinsfjarðarganga er sam-
bærileg og vænta má af Sundabraut
skv. upplýsingum Vegagerðar. Í út-
reikningum fyrir Héðinsfjarðargöng
er gert ráð fyrir minni umferð en er
um Ólafsfjarðargöng í dag og ekki er
tekið tillit til annars sparnaðar sem
af framkvæmdinni hlýst hjá ríki,
sveitarfélögum, fyrirtækjum og íbú-
um svæðisins, landsmönnum öllum
til hagsbóta. Með jarðgöngum mun
leiðin á milli Siglufjarðar og Ólafs-
fjarðar styttast um 47 kílómetra
miðað við leiðina yfir Lágheiði, sem
er ófær að meðaltali um 160 daga á
ári. Þá daga er leiðin um 219 kíló-
metrum styttri og er þá miðað við að
fara þyrfti um Öxnadalsheiði.
Stækkun atvinnusvæðis er stórt
hagsmunamál fyrir allan atvinnu-
rekstur í Eyjafirði og skapar aukið
atvinnuöryggi fyrir íbúana. Með til-
komu ganganna verða yfir 4.700
manns á skilgreindu atvinnusvæði
Siglufjarðar. Göngin opna hring-
tengingu á Tröllaskaga sem gefur
aukin sóknarfæri í ferðaþjónustu á
öllu svæðinu frá Skagafirði til Eyja-
fjarðar, í stað þess að bæði Siglu-
fjörður og Ólafsfjörður séu enda-
stöðvar þar sem erfitt er að byggja
upp ferðaþjónustu. Áhugi er fyrir
sameiningu sveitarfélaga á svæðinu
bæði meðal almennings og sveitar-
stjórnarmanna og í október 1996 var
unnin skýrsla af Rekstri og ráðgjöf
ehf., þar kemur fram að spara má
verulegar upphæðir í rekstri sveit-
arfélaganna með sameiningu. Þar
var bent á að spara mætti 38 millj-
ónir á ári á núvirði, eingöngu með
sameiningu sveitarfélaga við utan-
verðan Eyjafjörð. Stærri sameining
á svæðinu ætti að geta þýtt enn
meiri sparnað og sóknarfæri alls
svæðisins með Akureyri sem þunga-
miðju. Rétt er að minna á eindreginn
stuðning sveitarstjórnarmanna á
Akureyri og við utanverðan Eyja-
fjörð við göngin eins og t.d. kom
fram á sameiginlegum fundi þeirra
nýlega þar sem útboði ganga var
fagnað. Styrking Eyjafjarðasvæðis-
ins er eitt besta sóknarfæri í
byggðamálum sem býðst í dag og
Héðinsfjarðargöng vega þungt í að
gera Eyjafjörð að enn blómlegri
byggð.
Fyrir þá sem vilja kynna sér málið
betur þá er matskýrsluna ásamt
fylgigögnum að finna á heimasíðu
Vegargerðarinnar undir vefslóðinni
http://www.vegagerdin.is/vefur2.nsf/
pages/fr_umhverfismat_trolla
skagi.html.
Eftir Unnar Má
Pétursson
„Stækkun
atvinnu-
svæðis er
stórt hags-
munamál
fyrir allan atvinnurekst-
ur í Eyjafirði og skapar
aukið atvinnuöryggi fyr-
ir íbúana.“
Höfundur er fjármálastjóri og
bæjarfulltrúi.
Arðsemi Héðinsfjarðar-
ganga sambærileg við
arðsemi Sundabrautar
UMRÆÐAN
MORGUNBLAÐIÐ MÁNUDAGUR 5. MAÍ 2003 15
Menn skipta ekki
um hest í miðri á
Kjartan Ólafsson
alþingismaður og búfræðingur í Ölfusi
Við Íslendingar höfum náð miklum árangri undanfarin ár: þrátt fyrir efnahagslægð í heiminum hefur okkur tekist að verja hagvöxt
umliðinna ára, kaupmáttur hefur aukist jafnt og þétt og umfram allt höfum við búið við stöðugleika, sem gerir okkur kleift að gera
raunhæfar áætlanir fram í tímann. Það á bæði við um atvinnulífið og einstaklingana, hvert okkar og eitt. Framundan blasir við enn
frekari efnahagsleg velsæld, en hún er ekki sjálfgefin og enn síður er sjálfgefið að hún verði nýtt landsmönnum öllum til hagsbóta.
Okkur hefur tekist vel upp undanfarin ár og skulum halda áfram á þeirri braut. Menn eiga ekki að skipta um hest í miðri á.
Í DAG 5. maí er haldinn hátíðlegur
alþjóðadagur ljósmæðra. Alþjóða-
samtök ljósmæðra ICM hafa sent
ljósmæðrum um heim allan hvatning-
arorð í tilefni dagsins.
Ljósmæður eru hvattar til að nota
hæfileika sína, þekkingu og reynslu
til að hafa áhrif á stefnu heilbrigðisyf-
irvalda í málefnum mæðra og barna
þeirra. Við tökum að sjálfsögðu
áskoruninni og hefjumst strax handa.
Á hvern hátt geta ljósmæður beitt
sér hér á landi ?
Í fyrsta lagi; geta þær lagt sig fram
um að sannfæra yfirvöld um mikil-
vægi þess að ljósmæður hafi áhrif á
stefnumótun í heilbrigðismálum.
Í öðru lagi geta þær aukið hlut ljós-
mæðra í heilbrigðisþjónustunni s.s. á
heilsugæslustöðvum þar sem sér-
fræðiþekking ljósmæðra er sums
staðar vannýtt.
Í þriðja lagi; geta þær staðið vörð
um hlutverk sitt og menntun með því
að vera stöðugt með þá þætti í endur-
skoðun.
Á stjórnarfundi ICM í Vínarborg í
apríl 2002 var fjallað um erfiðleika
ljósmæðra víða um heim til að öðlast
viðurkenningu yfirvalda á tilveru
sinni. Í yfir 50 löndum eu ljósmæður í
erfiðleikum með að fá viðurkenningu
á réttindum, stöðu sinni og menntun.
Við íslenskar ljósmæður teljum
okkur ekki búa við það sem ljósmæð-
ur áðurnefndra þjóða búa við en við
höfum samkennd með þeim. Það eru
ekki mörg ár síðan íslenskar ljós-
mæður voru í svipaðri stöðu vegna af-
stöðu yfirvalda og eimir raunar enn
eftir af henni sumsstaðar.
Í dag er ljósmóðurnám 60 eininga
háskólanám að loknu 120 eininga
grunnnámi í hjúkrunarfræði. Ljós-
móðurnámið er byggt upp af fræði-
legum og verklegum þáttum og er
náminu lokið með embættisprófi.
Við gerum kröfu um að þetta nám
og þau réttindi sem það veitir hljóti
þann sess og virðingu innan heilbrigð-
iskerfisins sem það á skilið.
Ljósmæður!
Til hamingju með daginn, höldum
hann hátíðlegan.
Þetta er okkar dagur.
Ljósmæður
til forystu!
Eftir Ólafíu Margréti
Guðmundsdóttur og
Ingibjörgu Th. Hreið-
arsdóttur
Ólafía er formaður LMFÍ,
Ingibjörg er varaformaður og
fjölmiðlafulltrúi LMFÍ.
„Við gerum kröfu um að
að þetta nám og þau
réttindi sem það veitir
hljóti þann sess og virð-
ingu innan heilbrigð-
iskerfisins sem það á
skilið.“
Ingibjörg Ólafía Margrét