Morgunblaðið - 11.08.2003, Blaðsíða 5

FRÉTTIR
MORGUNBLAÐIÐ MÁNUDAGUR 11. ÁGÚST 2003 5
K
O
R
T
E
R
HEYSKAP er víða lokið eða að
ljúka. Heyfengur er gríðarlega
mikill og muna elstu menn varla
aðra eins sprettu eins og verið
hefur í sumar. Karl Pálmason,
bóndi í Kerlingadal í Mýrdal, var
að ljúka heyskap hjá sér fyrir
helgi og segist hann sjaldan eða
aldrei hafa átt jafn mikinn hey-
feng og nú og sömu sögu segja
fleiri bændur í Mýrdal.Morgunblaðið/Jónas Erlendsson
Heyfengur
er víða með
mesta móti
Fagradal. Morgunblaðið.
FULLTRÚAR frá Byrginu fóru í
gær um Reykjavík og sóttu tíu
manns og komu þeim fyrir í aðstöðu
sem sett var upp í skyndi í Byrginu.
Guðmundur Jónsson, forstöðu-
maður Byrgisins, segir að lögreglan
hafi veitt leyfi til að óska eftir fylgd
með þessum einstaklingum ef þörf
krefði. Hann segir að ekki hafi komið
til þess að óskað hafi verið eftir slíkri
fylgd.
Guðmundur hefur haldið því fram
að hundrað til hundrað og þrjátíu
manns séu á vergangi í Reykjavík
um þessar mundir. Hann segir lítið
mál að komast að þeirri tölu. Hún sé
sjáanleg öllum þeim sem til þekki.
„Væntanlega sækjum við fleiri á
morgun. Svo framarlega sem við
verðum ekki stoppaðir af með það,“
segir Guðmundur. Aðspurður segir
hann að stjórnvöld væru líkleg til að
stöðva Byrgismenn í þeirri viðleitni
sinni að sækja útigangsmenn til
Reykjavíkur.
„Ég gat ekki lengur horft upp á
þetta siðleysi að sækja ekki lasið fólk
út á götur. Ef spítalarnir eru orðnir
of fínir fyrir þetta fólk þá veit ég ekki
hvað við erum að gera. Það er kallað
út björgunarlið eftir ferðamönnum
og sjómönnum ef þeir eru illa stadd-
ir, en þetta fólk er líka að deyja,“
segir Guðmundur.
Fulltrúar
Byrgisins
sóttu úti-
gangsmenn
SLÍK aðsókn var að tónleikum
hinnar færeysku Eivarar Páls-
dóttur á Listasumri á Súðavík á
föstudagskvöldið að þá varð að
halda í íþróttahúsi staðarins. Í til-
kynningu frá aðstandendum
Listasumarsins segir að fólk á
staðnum hafi talað um að „aldrei
fyrr hafi sést biðröð í líkingu við
þá sem myndaðist við miðasöluna
á tónleikana í manna minnum“.
Hljómsveitin „Þessir þrír“ var
Eivöru til aðstoðar en hana skipa
þeir Pétur Grétarsson á tromm-
ur, Eðvarð Lárusson á gítar og
Birgir Bragason á kontrabassa.
Listasumar á Súðavík var sett
hinn 6. ágúst sl. og lauk í gær.
Viðamikil dagskrá var á Súðavík
alla dagana. Fyrr að kvöldi föstu-
dagsins stýrði Valgeir Guð-
jónsson brekkusöng við Lynghól
á Langeyri. Fjöldi fólks tók und-
ir, jafnt Súðvíkingar og fólk frá
nágrannabyggðum sem aðrir
gestir Súðavíkur. Á vefnum
www.sudavik.is má finna frekari
upplýsingar um Listasumar á
Súðavík.
Eivör fyllti
íþróttahúsið
á Súðavík
Eivör Pálsdóttir sló í gegn á Lista-
sumri á Súðavík um helgina.
Ísafirði. Morgunblaðið.