Morgunblaðið - 11.08.2003, Blaðsíða 8
FRÉTTIR
8 MÁNUDAGUR 11. ÁGÚST 2003 MORGUNBLAÐIÐ
Norræn ráðstefna um viðskiptafræði
Um 600 fræð-
ingar funda
Ráðstefna Félags umviðskiptafræði áNorðurlöndum,
Nordisk Företagsekonom-
isk Förening (NFF), verð-
ur haldin hér á landi dag-
ana 14.–16. ágúst. Félagið
heldur ráðstefnu annað
hvert ár og er þetta í 17.
sinn, en í fyrsta skipti sem
hún er haldin hér á landi.
Dr. Runólfur Smári Stein-
þórsson, dósent við Há-
skóla Íslands, er formaður
ráðstefnunefndarinnar.
– Hverjir eiga aðild að
NFF?
„Aðild að félaginu er í
raun tvískipt. Annars veg-
ar eru það viðskiptaháskól-
ar eða viðskiptadeildir há-
skóla sem eiga aðild að
félaginu, en hins vegar
geta einstaklingar skráð sig í það.
Viðskipta- og hagfræðideild Há-
skóla Íslands hefur átt aðild að fé-
laginu um nokkurt skeið, en við
höfum alltaf átt gott samstarf við
fræðimenn á hinum Norðurlönd-
unum. Hingað til hefur ráðstefnan
verið haldin til skiptis í Dan-
mörku, Svíþjóð, Noregi og Finn-
landi, en nú bætist Ísland í hópinn.
Ráðstefnan er vettvangur fyrir
fræðimenn á Norðurlöndum, og í
raun um heim allan, til að hittast
og bera saman bækur sínar.“
– Hvert er efni ráðstefnunnar
að þessu sinni?
„Í aðdraganda ráðstefnunnar
eru ákveðin þau þemu, sem fjalla á
um. Það gerist fyrir atbeina þeirra
sem halda ráðstefnuna, sem í
þessu tilviki er Háskóli Íslands, en
að auki óskum við eftir hugmynd-
um annarra um efni. Niðurstaðan
er sú, að stór hópur mótar efni
ráðstefnunnar hverju sinni.“
– Hver eru þemu ráðstefnunnar
í Reykjavík?
„Þau eru alls 26 talsins og mjög
fjölbreytt. Eitt umfangsmesta
sviðið tekur fyrir ný sjónarhorn í
stefnumótun. Þá verður fjallað
töluvert um umbætur í opinberum
rekstri, fjallað um frumkvöðla og
frumkvöðlafræði í ýmsu samhengi
og um ábyrgð fyrirtækja í sam-
félaginu, sem komst sérstaklega í
hámæli eftir hrun fyrirtækisins
Enron í Bandaríkjunum. Þá má
nefna fyrirlestra um nýjar leiðir í
skipulagi fyrirtækja.
Við undirbúning ráðstefnunnar
lögðum við sérstaka áherslu á að
þemu hennar myndu endurspegla
viðskiptafræðina í heild sinni.
Þannig yrði ekki einblínt á ein-
staka greinar hennar, eins og
stjórnun og markaðsfræði, heldur
tekið á sem flestum undirgreinum
hennar.“
– Hverjir eru aðalfyrirlesarar
ráðstefnunnar?
„Þeir eru fjórir, Walter W.
Powell, Þráinn Eggertsson, Guje
Sevon og Helgi Þorláksson. Pow-
ell er prófessor við Stanford-há-
skóla í Bandaríkjunum og for-
stöðumaður rannsóknarseturs
norrænna háskóla við Stanford,
en viðskipta- og hagfræðideild er
formlegur aðili að því
setri. Þráinn Eggerts-
son er einn af okkar
virtustu fræðimönnum,
prófessor við HÍ og
sérfræðingur í stofn-
anahagfræði. Guje Sevon er pró-
fessor við viðskiptaháskólann í
Stokkhólmi og hún ætlar að fjalla
um rannsóknir á stjórnum og
skipulagsheildum á Norðurlönd-
um. Helgi Þorláksson er prófessor
í sagnfræði við HÍ og ætlar að
fjalla um áhættufælna víkinga.
Hann hefur því tekið að sér að
tengja viðskiptafræðina við for-
feður okkar Íslendinga, í tilefni
þess að ráðstefnan er haldin hér á
Sögueynni. Við höfum líka lagt á
það áherslu við kynningu á ráð-
stefnunni að við erum enn að
semja sögur. Með rannsóknum
sínum eru viðskiptafræðingar í
raun að búa til frásagnir af fyr-
irtækjum.“
– Hversu margir munu sækja
þessa ráðstefnu?
„Um 600 manns hafa skráð sig á
ráðstefnuna, langflestir útlend-
ingar, og hún hefur aldrei verið
fjölmennari. Ég get ekki sagt til
um hvort þessi mikla þátttaka sé
vegna þeirrar áherslu sem við
lögðum á að hafa efni hennar sem
fjölbreyttast, eða af því að hún er
nú í fyrsta skipti haldin hér á
landi. Þessi þátttaka er auðvitað
mikið ánægjuefni.“
– Hvers vegna var ákveðið að
halda ráðstefnuna hér á landi að
þessu sinni?
„Ég sótti fyrstu ráðstefnu NFF
árið 1995 og þá var rætt um að Ís-
lendingar ættu að slást í hóp
skipuleggjenda hennar. Við tók-
um þá ákvörðun að halda hana í ár
og ég lít á hana sem lið í aukinni
áherslu á rannsóknir í viðskipta-
fræði innan viðskipta- og hag-
fræðideildar. Auðvitað hafa verið
stundaðar miklar rannsóknir hér
áður, en nú hefur deildin eflst
verulega og við höfum sótt inn á
kennslu á meistara-
stigi. Sú kennsla kallar
á öflugri rannsóknir.
Meistaranemar eru nú
á þriðja hundraðið,
bæði til MS-, MA- og
MBA-gráðu.
Samhliða þessari ráðstefnu
höldum við doktorsráðstefnu dag-
ana 11.–13. ágúst, í samstarfi við
og í húsakynnum Viðskiptahá-
skólans á Bifröst. Þar verða 54
doktorsnemendur frá öllum Norð-
urlöndunum og 10 leiðbeinendur,
íslenskir og útlendir. Allmargir
þessara doktorsnema flytja svo
erindi á ráðstefnunni sjálfri.“
Dr. Runólfur S. Steinþórsson
Dr. Runólfur Smári Stein-
þórsson fæddist 17. apríl 1959 í
Hafnarfirði, en uppvaxtarárin
var hann á Hellu á Rangár-
völlum. Hann lauk stúdentsprófi
frá Menntaskólanum á Laug-
arvatni 1978 og cand. oecon-
prófi í viðskiptafræði frá Há-
skóla Íslands 1986. Lauk MSc-
prófi 1990 og Ph.D-prófi 1995 í
viðskiptafræði frá Viðskiptahá-
skólanum í Kaupmannahöfn.
Hann varð lektor í stjórnun og
stefnumótun í viðskipta- og hag-
fræðideild Háskóla Íslands 1993
og dósent 1996. Runólfur er for-
maður ráðstefnunefndar 17. nor-
rænu ráðstefnunnar um rann-
sóknir í viðskiptafræði.
Liður í aukinni
áherslu á
rannsóknir
Og hvað hefur þú nú verið að dunda þér við, meðan ég var hæstvirtur dómsmálaráðherra, elsku karlinn minn?