Morgunblaðið - 12.11.2003, Qupperneq 18

AKUREYRI
18 MIÐVIKUDAGUR 12. NÓVEMBER 2003 MORGUNBLAÐIÐ
ÞORSTEINN Gunnarsson rektor Háskólans
á Akureyri, hefur verið endurráðinn til
næstu fimm ára. Skipunartími Þorsteins í
embætti rektors hefði átt
að renna út 5. maí 2004, en
menntamálaráðherra tók
ákvörðun um að auglýsa
starfið ekki laust til um-
sóknar og því framlengist
skipunartími sjálfkrafa um
fimm ár, til 6. maí 2009.
Þessi ákvörðun mennta-
málaráðherra var kynnt á
fundi Háskólaráðs þann 7. nóvember sl. Há-
skólaráð fagnar einróma þeirri ákvörðun
Þorsteins að halda áfram starfi rektors Há-
skólans á Akureyri og óskar honum velfarn-
aðar á komandi árum, segir í fréttatilkynn-
ingu. Þá hefur Þórarinn Sigurðsson,
deildarforseti heilbrigðisdeildar jafnframt
verið endurráðinn og mun hann gegna emb-
ættinu áfram næstu þrjú árin. Þrír umsækj-
endur voru um stöðuna.
Þorsteinn Gunnarsson
endurráðinn rektor
„VIÐ gefumst ekki upp, það eru fleiri flug-
félög, bæði hér heima og í útlöndum,“ sagði
Magnús Ásgeirsson, framkvæmdastjóri At-
vinnuþróunarfélags Eyfirðinga, um þá ákvörð-
un Grænlandsflugs að hætta að fljúga beint
milli Akureyrar og Kaupmannahafnar. Beina
fluginu milli áfangastaðanna var m.a. komið á
fyrir tilstuðlan félagsins og sagði Magnús
ákvörðunina hafa komið gríðarlega á óvart og
hún væri mikil vonbrigði. Hann sagði að þau
rök að heimamenn hefðu ekki nýtt sér flugið
ekki sterk. Um 4.400 manns hefðu flogið utan
með félaginu og ef menn skilgreindu heima-
markaðinn sem Akureyri hefðu um 30% bæj-
arbúa nýtt sér þessa flugleið og um 20% ef litið
væri til Eyjafjarðar alls. „Okkur þykir þetta
líka svolítið undarleg tímasetning, því hlutirnir
voru farnir að ganga vel. Þetta var skiljanlega
erfitt fyrst, en það tekur tíma að vinna markað
og okkur hefði þótt skynsamlegt að staldra við
næsta haust og sjá hvernig sumarið 2004 hefði
komið út,“ sagði Magnús. Hann sagði að til-
raun Grænlandsflugs hefði þó komið vel út og
margt jákvætt komið í ljós, svo sem eins og að
allt hefði gengið vel varðandi afgreiðslu vél-
anna, ferðaþjónustufólk hefði staðið saman og
umferð fólks væri að aukast.
Markaðsskrifstofa ferðamála á Norðurlandi
segir ákvörðun Grænlandsflugs mikil von-
brigði fyrir almenning á Norðurlandi. „Til-
raunin hefur engu að síður sannað mikilvægi
þess að haldið verði uppi reglubundnu flugi frá
Akureyri til áfangastaðar erlendis,“ segir í til-
kynningu frá skrifstofunni. Þar segir einnig að
meirihluti farþega félagsins hafi komið af
Norðurlandi og margt hafi verið jákvætt þó
svo að markaðsstarf erlendis hafi verið alltof
skammt á veg komið. „Í ljósi þessa er ákveðið
að leita allra leiða til að framhald verði á beinu
flugi milli Akureyrar og áfangastaðar í Evrópu
og mun Markaðsskrifstofa ferðamála á Norð-
urlandi í samstarfi við ferðaþjónustu og hags-
munaaðila á Norðurlandi ræða við önnur flug-
félög um möguleika á áframhaldandi beinu
flugi,“ segir í tilkynningunni.
„Við gefumst ekki upp“
Allra leiða leitað til að
halda áfram beinu
flugi frá Akureyri
Fyrirlestur | Níels Einarsson, forstöðumað-
ur Stofnunar Vilhjálms Stefánssonar, fjallar í
erindi á Félagsvísindatorgi Háskólans á Ak-
ureyri í dag um tengsl norðurslóðarannasókna
við félagsvísindi. Fyrirlesturinn hefst kl. 16.30
í Þingvallastræti 23, stofu 14. Níels Einarsson
er mannfræðingur að mennt og stundaði nám
við Háskóla Íslands, Uppsala og Oxford. Sér-
svið hans er málefni sjálfbærrar þróunar og
samfélög á Norðurslóðum, sérstaklega varð-
andi nýtingu og vernd sjávarspendýra.
Hraðskákmeistari | Rúnar Sigurpálsson
sigur úr býtum á Hraðskákmóti Norðlend-
inga sem fram fór að nú nýlega. Rúnar
hlaut 11 vinninga af 12 mögulegum, hárs-
breidd á undan Stefáni Bergssyni sem
hlaut 10 1/2 vinning. Þriðji varð svo Þór
Valtýsson með 8 1/2 vinning og 8 vinninga
hlutu svo þeir Smári Ólafsson og Sigurður
Eiríksson. Næsta mót félagsins er 10 mín-
útna
forgjafarmót á fimmtudag, 13. nóvember
kl. 20, en þá fá veikari skákmenn tíma-
forgjöf á þá sterkari.
Hrein og bein | Fundur verður haldinn hjá
hópi foreldra og aðstandenda
samkynhneigðra á Akureyri og Norðurlandi
á fimmtudagskvöld, 13. nóvember kl. 20 á
Sigurhæðum Horft verður á heimilda-
myndina Hrein og bein og rætt um efni
hennar.
Heimildamyndin Hrein og bein var til-
nefnd til Edduverðlaunanna síðustu, en hún
hefur þegar tvívegis hlotið fyrstu verðlaun í
sínum flokki heimildamynda á kvikmynda-
hátíðum í Bandaríkjunum. Myndin er eftir
Hrafnhildi Gunnarsdóttur kvikmyndagerð-
armann og Þorvald Kristinsson bókmennta-
fræðing. Hún byggist á viðtölum við unga
viðmælendur, homma og lesbíur, sem komið
hafa úr felum og fjallar um lífsbaráttu þeirra,
skrefið stóra, að koma út úr skápnum, og lífið
án fjötra á Íslandi í dag.
  
  
   „ÞAU hafa lært alveg heilmikið á þessu,“ seg-
ir Erla Ingólfsdóttir, samfélagsfræðikennari í
Lundarskóla, en um 170 nemendur í 8. til 10.
bekk unnu að verkefni sem kallaðist: Bærinn
okkar og sýndu svo afraksturinn á glæsilegri
sýningu.
Lundarskóli hefur það á stefnuskrá sinni að
auka útikennslu, þ.e. að færa fleiri kennslu-
stundir út fyrir veggi skólans og er stefnt að
því að sem flestir bekkir fari úr húsi einn til
tvo daga í mánuði að jafnaði. Þannig er
íþróttakennsla færð út undir bert loft á haust-
dögum og góðum vetrardögum, vettvangs-
ferðir af ýmsu tagi eru farnar og kynnisferðir
í fyrirtæki auk þess sem sérstakur göngudag-
ur er fastur liður í september. Þá er útistærð-
fræði þar sem glímt er við viðfangsefni á
skólalóðinni og stundum fer smíðakennarinn
með bekkinn sinn upp á klappir til að tálga.
Nú er nýlokið verkefninu Bærinn okkar
sem nemendur á unglingastigi glímdu við.
Fékk hver bekkur ákveðið viðfangsefni en þar
má nefna samgöngur, verslun, menningu og
stjórnsýslu svo eitthvað sé nefnt. „Krakkarnir
hafa unnið að þessu í frístundum sínum í þrjár
vikur, en svo tókum við þrjá daga, þemadaga
til að fullvinna verkefnin. Þá fóru unglingarnir
í vettvangsferðir, öfluðu upplýsinga og kynntu
sér þau málefni sem þeir unnu að og síðan var
unnið úr því og að lokum kynntu þeir afrakst-
urinn,“ segir Erla. Hún segir krakkana hafa
lært heilmikið og þeir hafi mjög gott af því að
fara út í samfélagið til að afla sér þekkingar.
Námið þurfi ekki alltaf fara fram inni í
skólastofunni, segir hún.
„Svo læra þau að skipuleggja sig, þau læra
samvinnu og ekki síst læra þau margt um sig
sjálf, því að ýmsu þarf að hyggja og upp getur
komið ágreiningur um lausn sem reynir á.
Þau hafa lagt gífurlega vinnu í þetta,“ segir
Erla.
Lærðu heilmargt og kynntu afraksturinn
Morgunblaðið/Kristján
Gaman: Krakkarnir skemmtu sér vel yfir myndbandi sem sýnt var í einni stofunni.
Fróðleikur: Nemendur skoða fiska í fiskabúri í stofunni
þar sem fram fór kynning á dýrum og dýralæknum.
Unglingar í Lundar-
skóla unnu að verk-
efninu Bærinn okkar
Fjölmiðlun: Nokkrir fjölmiðlar voru kynntir á þemadögunum, m.a. starfsemi Ríkisútvarpsins.
SJÚKRAHÚSSREKSTUR á Ak-
ureyri á 130 ára afmæli í ár. Rekst-
ur sjúkrahúss hófst árið 1873 í húsi
sem var gjöf Friðriks C.M. Gud-
manns og við það festist nafnið
Gudmanns Minde. Jafnframt eru
liðin 50 ár frá því að nafni sjúkra-
hússins var breytt og starfsemi
Fjórðungssjúkrahússins á Akureyri
hófst í elsta hluta núverandi hús-
næðis. Í tilefni af þessum tímamót-
um stendur FSA fyrir sýningu á
myndum og munum sem tengjast
sögu sjúkrahússins.
Sýningin var opnuð á Glerártorgi
sl. laugardag og verður opin á sama
tíma og verslunarmiðstöðin til
sunnudagsins 16. nóvember.
Morgunblaðið/Kristján
Gestir skoða muni í eigu FSA á sýningu sjúkrahússins sem nú stendur yfir.
Sýning á munum og
myndum FSA opnuð
Í húsnæði Endurvinnslunnar og
Sagaplast við Réttarhvamm er tekið
á móti flöskum og dósum með skila-
gjaldi, pappír, fernum, plasti, spilli-
efnum og hjólbörðum. Gunnar sagði
að þessi efni væru send víða um
heim og að í ár færu frá Akureyri á
annað þúsund tonn af efnum, eða
meira magn en nokkru sinni fyrr.
Hann sagði að flokkun pappírs hefði
MÓTTAKA á hjólbörðum er hafin á
Akureyri en fyrirtækið Sagaplast,
dótturfélag Endurvinnslunnar, hef-
ur gert þjónustusamning við Úr-
vinnslusjóð þar að lútandi. Um-
hverfisgjald hefur verið sett á
hjólbarða og í nýlegum tilskipunum
er urðun hjólbarða bönnuð, með
þeim undantekningum að kurlaða
hjólbarða má urða fram á mitt ár
2006. Árlega eru flutt inn 5.000-
7.000 tonn af hjólbörðum til landsins
en fram til þessa hefur þeim ekki
verið fargað með skipulögðum
hætti. Gunnar Garðarsson forstöðu-
maður Endurvinnslunnar á Akur-
eyri, sagði að einn gámur með hjól-
börðum hefði verið sendur frá
Akureyri til Furu í Hafnarfirði til
tætingar og tveir gámar frá Egils-
stöðum. Hann sagði að árlega féllu
til um 350-400 tonn af hjólbörðum í
Eyjafirði. Gunnar sagði stefnt að
því að þjónusta öll þau sveitarfélög
sem eftir því leituðu.
gengið vel á Akureyri en að flokkun
á fernum væri ekki eins góð. Gunn-
ar sagði að fernur væru komnar
með umhverfisgjald og að í skoðun
væri að setja slíkt gjald á landbún-
aðarplast og netaúrgang frá sjávar-
útveginum. Einnig hefði verið horft
til þess að setja umhverfisgjald á
bylgju- og umbúðapappír og jafnvel
dagblöð.
Morgunblaðið/Kristján
Urðun bönnuð: Gunnar Garðarsson, forstöðumaður Endurvinnslunnar á
Akureyri, við stafla af hjólbörðum, sem fyrirtækið tekur nú á móti.
Móttaka á
hjólbörð-
um hafin