Morgunblaðið - 16.02.2004, Blaðsíða 11

VIÐSKIPTI/ATHAFNALÍF
MORGUNBLAÐIÐ MÁNUDAGUR 16. FEBRÚAR 2004 11
Allt að 30% afsláttur til Flugkortshafa
Með Flugkortinu má greiða flugfarseðla með Flugfélagi
Íslands, bílaleigubíl, hótelgistingu og ýmsa aðra
þjónustu hjá völdum fyrirtækjum í samstarfi við
Flugkortið.
Notkun kortsins hefur einnig í för með sér ýmsa
sérþjónustu og fríðindi ásamt því hagræði sem fylgir
sundurliðuðu reikningsyfirliti sem Flugkortshafa er sent
mánaðarlega.
Flugferðir
Hótel
Bílaleiga
Fundaraðstaða
Fyri r tækjaþjónusta
Flugkortið er
greiðslu-
og viðskiptakort
ætlað fyrirtækjum í viðskiptum
við Flugfélag Íslands
ÍS
LE
N
SK
A
A
U
G
LÝ
SI
N
G
A
ST
O
FA
N
EH
F.
/S
IA
.I
S
-F
LU
22
49
3
10
/2
00
3
Upplýsingar hjá Fyrirtækjaþjónustu
Flugfélags Íslands sími 570 3606.
Netfang: flugkort@flugfelag.is
www.flugfelag.is
BJÖRGÓLFUR Guðmundsson, for-
maður bankaráðs Landsbanka Ís-
lands, sagði á aðalfundi bankans sem
haldinn var á laugardaginn, að
Landsbankinn muni áfram spila
sóknarbolta en muni reyna að spila
hann þannig að það sé í sátt við sam-
félagið.
Björgólfur rifjaði upp á fundinum
það sem fram hefði komið þegar Sam-
son-eignarhaldsfélag eignaðist um
45% hlut í Landsbanka Íslands fyrir
rúmu ári.
„Við sögðumst ætla að spila sókn-
arbolta. Að við ætluðum Landsbank-
anum forystuhlutverk á íslenskum
bankamarkaði. Bankinn ætlaði að
styðja íslensk fyrirtæki í útrás. Við
sum af stóru orðunum höfum við þeg-
ar staðið, aðeins ári síðar, en að öðr-
um unnið ötullega. Það er engum of-
sögum sagt að á þessu eina ári hafi
íslenskt fjármálalíf gengið í endurnýj-
un lífdaga. Ég tek ekki djúpt í árinni
þegar ég segi að þar hafi Landsbank-
inn lagt mikið af mörkum. Þjónusta
við einstaklinga og fyrirtæki bæði á
höfuðborgarsvæðinu og úti á landi
hefur batnað. Samkeppni hefur
harðnað og birst í lægri vöxtum. Og í
æ minni vaxtamun. Með fjárfesting-
arstarfsemi sinni hefur Landsbank-
inn komið af stað löngu tímabærri
endurnýjun á íslensku atvinnulífi.
Á sama tíma hafa þessar breyting-
ar styrkt Landsbankann verulega þar
sem verðmæti bankans hefur aukist
um 75%, eignir um 61% og hagnaður
um 46% á þessu eina ári. Þá hefur ís-
lenskur verðbréfamarkaður stóreflst
þrátt fyrir fækkun skráðra fyrirtækja
en viðskiptin á milli ára jukust um
72% og verðgildi hlutabréfa hefur
aukist um 56%,“ sagði Björgólfur.
Arðgreiðsla undir
settum markmiðum
Á aðalfundinum var samþykkt að
greiða 10% af nafnvirði hlutafjár í
arð. Af hagnaði ársins 2003 eftir
skatta, sem nam 2.955,8 milljónum
króna verða greiddar 750 milljónir
króna í arð. Arðgreiðsla þessi nemur
um 25,4% af hagnaði. Því sem eftir
stendur af hagnaði ársins, 2.205,8
milljónum króna, verður ráðstafað til
hækkunar á eigin fé Landsbanka Ís-
lands.
Að sögn Björgólfs er þessi arð-
greiðsla nokkuð undir settum arð-
semismarkmiðum um að arðgreiðsla
nemi á bilinu 30–50% af hagnaði
hvers árs. „Við þessa stefnu vill
bankaráðið almennt standa. Í ljósi
mikils vaxtar á nýliðnu ári, sem var
langt umfram björtustu vonir, þarf nú
að styrkja eigið fé til sóknar og vaxt-
ar. Af þessari ástæðu er nú vikið lít-
illega frá þessari stefnu. Ég treysti
því að hluthafar meti stefnuna á sama
hátt og bankaráð á þessum fundi. En
ég tel rétt að geta þess að frá því að
skrifað var undir einkavæðingu bank-
ans um áramótin 2002 og 2003 og til
þessa dags hafa hlutabréf í bankanum
hækkað um 100%, eða tvöfaldast,“
sagði Björgólfur.
Hann þakkaði starfsfólki Lands-
bankans fyrir vel unnin störf á liðnu
ári og kynnti þá ákvörðun bankaráðs
að greiða öllum starfsmönnum bank-
ans 125 þúsund krónur í kaupauka.
Mikill hagvöxtur fram undan
Halldór J. Kristjánsson, banka-
stjóri Landsbankans, sagði í sinni
ræðu á aðalfundinum að árið 2003 hafi
almennt verið mjög hagstætt fyrir ís-
lenskt atvinnulíf og þær miklu fram-
kvæmdir sem hófust þá geri það að
verkum að spáð er áframhaldandi
miklum hagvexti fram yfir mitt ár
2008. „Impregilo hefur hafið sínar
framkvæmdir við Kárahnjúkavirkjun
og Landsbankinn hefur átt þátt í að
styðja þá framkvæmd. Við reiknum
nú með að bæði Alcoa og Columbia
Ventures fjárfesti í nýjum álverum og
nýrri álframleiðslu og þetta eru að
sjálfsögðu langstærstu fjárfestingar
á Íslandi í seinni tíð. Við gerum ráð
fyrir því að heildarfjárfestingar út af
þessum tveimur verkefnum verði 250
milljarðar og gjaldeyrisinnstreymið
nemi 120 milljörðum á þessu tímabili.
Þrátt fyrir spár hefur stöðugleiki
haldist. Það hefur verið tryggt með
aðhaldi í ríkisfjármálum og peninga-
málum og er sátt um þau sjónarmið í
samfélaginu almennt. Fylgifiskur
þessara miklu framkvæmda og fjár-
festinga er það helst að gengi krón-
unnar hefur styrkst eilítið meira en
við höfum viljað sjá í bankanum. Hitt
er það að evran hefur styrkst á sama
tímabili og útflutningsiðnaðurinn hef-
ur náð að snúa útflutningi sínum inn á
evrusvæði og það hefur vegið upp á
móti þessari hækkun krónunnar. Að
öðru leyti eru efnahagsáhrifin minni
en við áttum von á. Verðbólga er því
innan hóflegra marka og öll markmið
þar að lútandi virðast geta náðst,“
sagði Halldór.
Útlit fyrir lækkun
langtímavaxta
Segir Halldór að Landsbankinn
telji að vegna góðra horfa í efnahags-
málum þjóðarinnar megi fresta
hækkun skammtímavaxta. „Sömu-
leiðis teljum við að efnahagsbatinn,
vöxturinn og góð lausafjárstaða í
bankakerfinu muni þýða að langtíma-
vextir geti farið lækkandi.“
Halldór segir að á liðnu ári hafi Sig-
urjón Þ. Árnason verið ráðinn banka-
stjóri við hlið hans á árinu ásamt því
að hópur reyndra stjórnenda var ráð-
inn til Landsbankans. Í kjölfarið hafi
verið gerðar ákveðnar skipulags-
breytingar. „Ég vil leggja áherslu á
það vegna umræðna um verðbréfa-
viðskipti í samfélaginu að skipulags-
breytingunni var ætlað í senn að að-
greina vel störf innan Landsbankans
og tryggja að starfsemin væri að fullu
í samræmi við ákvæði laga en jafn-
framt að auka skilvirkni og gera
starfsemina alla einbeittari.“
Halldór sagði að á liðnu ári hafi
Landsbankinn endurheimt að nokkru
frumkvæði sitt og leiðandi stöðu „en
brýnt er að hafa það í huga við mat á
stöðu Landsbankans að hann er
stærsti bankinn í íslensku umhverfi ef
litið er til markaðshlutdeildar í al-
mennri viðskiptabankastarfsemi.“
Um 400 milljarðar
í eignastýringu
Halldór segir að útibúanet Lands-
bankans verði eflt og fjárfestingar-
starfsemi verði einnig styrkt áfram. Á
síðasta ári hafi markaðshlutdeild
Landsbankans í Kauphöll Íslands
aukist úr 20 í 35%. Þrjú af fimm stór-
verkefnum sem hafa verið á árinu í
umbreytingarverkefnum hafi verið á
vegum Landsbankans.
Segir Halldór að 68% af félögum í
Kauphöllinni séu í verulegum við-
skiptum við Landsbankann. Eigna-
stýring hafi einnig verið styrkt og nú
séu um það bil 400 milljarðar í eigna-
stýringu hjá bankanum og er það tvö-
földun, að hans sögn, frá því sem áður
var.
Að sögn Halldórs fækkaði kostum
til hagræðingar á fjármálamarkaði
eftir samruna Kaupþings og Búnað-
arbankans í KB banka.
„En áfram eru möguleikar á ís-
lenskum fjármálamarkaði. Það er
hægt að halda áfram að skoða banka
og tryggingarfélög. Það er hægt að
ná fram aukinni samvinnu milli banka
og sparisjóða til að lækka kostnað. En
stærsta málið fyrir bankakerfið fram
undan er umbreyting á Íbúða-
lánasjóðnum. Það er brýnt til lengri
tíma að fella þessa starfsemi að starf-
semi bankanna. Veita þeim aðgang að
því sem er vel rúmlega helmingur af
allri fjármálaþjónustu til einstak-
linga.“
Halldór segir að Landsbankinn
muni halda áfram að leita alþjóðlegra
og innlendra fjárfestingartækifæra á
þessu og næsta ári. „Við vorum komin
með nokkur verkefni á lokastig und-
irbúnings í lok síðasta árs en þau náðu
ekki fram að ganga eða hafa ekki náð
fram að ganga enn vegna þess að eftir
því sem leið á síðasta ár fóru verð-
hugmyndir seljenda á breskum
markaði, verðhugmyndir seljenda
banka, miklu hærra heldur en við gát-
um réttlætt miðað við þær ströngu
arðsemiskröfu sem við setjum til
slíkra fjárfestinga. Við setjum þá
kröfu að kaup nýrra eininga verði til
þess að stækka samstæðuna en jafn-
framt þannig að arðsemiskrafan sem
er sett fyrir bankann, nú 15–17%,
haldist.“
Dregið úr framlögum
á afskriftareikning
Sigurjón Þ. Árnason, bankastjóri
Landsbankans, fór yfir reikninga
bankans á fundinum. Að hans sögn
voru markaðsaðstæður fjármálafyrir-
tækja mjög góðar á liðnu ári og gerir
bankinn ráð fyrir því að svo verði
áfram í ár. En búast megi við því að
gengisvísitala hlutabréfa í Kauphöll
Íslands hækki ekki jafn mikið í ár og á
liðnu ári. Segir hann að stærðarhag-
kvæmni Landsbankans hafi aukist
ásamt því að tekjugrunnur bankans
hafi styrkst. Landsbankinn hafi aukið
framlög í afskriftareikning útlána á
árinu 2003 en gerir ráð fyrir að úr
þeim muni draga á árinu 2004.
Sigurjón segir að Landsbankinn
geri ráð fyrir því að arðsemi eigin fjár
á árinu 2004 verði svipuð og á árinu
2003 en þá nam hún 17,6% eftir
skatta.
Á aðalfundinum var sjálfkjörið í
bankaráð og sitja sömu menn í banka-
ráði Landsbankans í ár og á síðasta
ári. Þeir eru: Björgólfur Guðmunds-
son, Andri Sveinsson, Einar Bene-
diktsson, Kjartan Gunnarsson og
Þorgeir Baldursson.
Björgólfur Guðmundsson, formaður bankaráðs Landsbanka Íslands
Sóknarbolti
spilaður í sátt
við samfélagið
Morgunblaðið/Golli
Kjartan Gunnarsson, varaformaður bankaráðs Landsbanka Íslands, og
Björgólfur Guðmundsson, formaður bankaráðs, á aðalfundi bankans.
● HALLDÓR J. Kristjánsson, banka-
stjóri Landsbankans, vék að um-
svifum bankanna og fyrirtækja í
ræðu sinni á aðalfundinum.
„Á liðnum misserum hefur verið
vikið töluvert að umsvifum bankanna
og fyrirtækja í íslensku samfélagi.
Því er óumflýjanlegt að gera hér
stutta grein fyrir því hver er þátttaka
Landsbankans á þessu sviði. Þess
er fyrst að geta að útlánastarfsemi
bankans er um 85–90% af heildar-
umsvifum Landsbankans. Ef við not-
um þetta sem mælikvarða á hluta
kjarnastarfsemi í heildarstarfsemi
þá er ljóst að þetta er mjög hátt hlut-
fall kjarnastarfsemi ef við horfum á
alþjóðlegan samanburð þar sem
þessi þáttur í starfsemi banka er
víða 60,70–75%. Stefna bankans er
hins vegar sú að hlutabréfastaða
okkar verði ekki meiri en sem svarar
4% af heildareignum. Þar af verði um
1–2% í almennri veltubók. Og þrátt
fyrir umræðuna um fyrirferð bank-
anna á íslenskum markaði þá eru
þær fimm stefnumarkandi fjárfest-
ingar sem bankinn er að vinna öt-
ullega að um þessar mundir ekki
nema um 2,5% af heildareignum
bankans. Þetta er í raun og veru
áþekk heildarstaða og hefur verið
um nokkurra árabil.
Það sem hefur breyst og það er til
batnaðar, er að bankinn hefur ein-
beitt sér að fáum og stórum verk-
efnum og hefur orðið, eins og dæmin
sýna, betur ágengt í því en áður.
Bankann hefur afmarkað mjög alla
aðra áhættustöðu sína þannig að
hluthafar geta verið rólegir hvað
þetta varðar.
Ég taldi brýnt að gera þetta hér að
umtalsefni vegna mjög ónákvæmnar
umræðu í samfélaginu um þennan
þátt í starfsemi bankanna,“ sagði
Halldór í ræðu sinni á aðalfundi
Landsbankans.
Umsvif banka
og fyrirtækja