Morgunblaðið - 16.02.2004, Blaðsíða 13

MINNSTAÐUR | VESTURLAND
MORGUNBLAÐIÐ MÁNUDAGUR 16. FEBRÚAR 2004 13
Tilvalin fyrir verslun eða aðra starfsemi. Frábær staðsetning í nágrenni
við öflug fyrirtæki. Nr. 3a er ca 250 fm jarðhæð og 130 fm 2. hæð. Nr. 3b
er ca 250 fm jarðhæð og 130 fm 2. hæð. Hægt er að opna á milli.
Hæðirnar hafa sérinngang svo mögulegt er að leigja þær sér.
Upplýsingar í síma 897 3703 og ester@bakkar.is
TIL LEIGU - ATVINNUHÚSNÆÐI
SKEIFAN 3a og 3b
Akranes | Hluti af viðbyggingu
við leikskólann Vallarsel á Akra-
nesi var á dögunum tekinn í notk-
un við hátíðlega athöfn. Um er að
ræða glæsilega byggingu og vel
útbúna í alla staði. Þráinn E.
Gíslason, verktaki viðbygging-
arinnar, afhenti Sveini Krist-
inssyni, forseta bæjarstjórnar,
lyklana og Lilja Guðlaugsdóttir,
leikskólastjóri Vallarsels, tók svo
við lyklunum fyrir hönd Vall-
arsels. Tvær deildir leikskólans
eru nú fullbúnar en sú þriðja verð-
ur tilbúin síðar í vetur.
Leikskólinn Vallarsel tók fyrst
til starfa í maí 1979 og var þá
tveggja deilda leikskóli, hann var
síðan stækkaður verulega 1985.
Við þá stækkun var leikskólinn
orðinn þriggja deilda skóli, 431,0
m2 að stærð og þar gátu dvalist 66
börn. Eftir að ákveðið var að hefja
framkvæmdir við stækkun Vall-
arsels var börnum fjölgað í leik-
skólanum á síðasta ári sem nemur
einni deild.
Til þess að af því gæti orðið
fékkst aðstaða fyrir elstu börn
leikskólans í Grundaskóla og
dvöldust þau þar meðan á bygg-
ingaframkvæmdum stóð. Auk ný-
framkvæmda voru gerðar umtals-
verðar breytingar á eldra húsnæði
leikskólans.
Með þessari nýbyggingu verður
Vallarsel 6 deilda leikskóli 930,0
m2 að stærð þar sem 143 börn
geta dvalið samtímis. Stærð lóðar
er 5610.0 m2.
Þegar allar deildir leikskólans
hafa verið teknar í notkun verða
leikskólapláss á Akranesi fyrir 288
börn. Stöðugildi við leikskólann
eru í dag á vel á þriðja tuginn. Í
byggingarnefnd hinnar nýju bygg-
ingar voru þeir Pétur Óðinsson,
Guðni Tryggvason og Gunnar
Ólafsson. Voru þeim þökkuð frá-
bær störf, en áður höfðu þeir skip-
að byggingarnefndir vegna bæði
leikskólans Teigasels og einsetn-
ingu grunnskólanna.
Arkitektar að eldri byggingu
leikskólans voru Guðmundur Kr.
Guðmundsson og Ólafur Sigurðs-
son og hefur Guðmundur og arki-
tektastofan Arkþing séð um hönn-
un breytinga og nýbyggingar.
Framkvæmdir voru á hendi Tré-
smiðju Þráins E. Gíslasonar. Eins
og áður segir eru allar fram-
kvæmdir eins og best verður á
kosið og allir þeir sem komið hafa
að þeim eiga hrós og þakklæti
skilið.
Ný leikskólabygging
tekin í notkun
Morgunblaðið/Jón Á. Gunnlaugsson
Sveinn Kristinsson, forseti bæjarstjórnar á Akranesi, afhendir Lilju Guðlaugsdóttur leikskólastjóra lyklana að
hinni nýju byggingu leikskólans Vallarsels.
LÖGFRÆÐINGAR á Vesturlandi stofnuðu
nýlega með sér félag á veitingahúsinu Fimm
fiskum í Stykkishólmi. Undirbúningur stofn-
unar félagsins hefur staðið í fjögur ár og var
Daði Jóhannesson í Stykkishólmi formaður
undirbúningsnefndar.
Tilgangur félagsins er m.a. að fræða fé-
lagsmenn um það sem efst er á baugi á sviði
lögfræðinnar auk þess að skemmta fé-
lagsmönnum. Félagið hlaut nafnið Lögvestri
og var samþykkt að stjórn þess skuli ein-
göngu skipuð konum og er þannig tryggt að
félagið verður ekki fyrir aðkasti frá jafnrétt-
isyfirvöldum. Jafnframt var samþykkt að lög
félagsins skuli óskráð og sker elsti fé-
lagsmaður úr þeim deilum sem upp kunna að
koma. Er þannig tryggt að litlar frátafir
verða frá fræðistörfum og skemmtunum
vegna deilumála.
Á fundinn mættu 11 lögfræðingar víðs veg-
ar af Vesturlandi þrátt fyrir aftakaveður.
Stofnfélagar teljast engu síður 12 þar sem
Gísli Kjartansson sparisjóðsstjóri forfallaðist
á elleftu stundu en hann er einn hvatamanna
að stofnun félagsins og helsti velgjörð-
armaður þess ásamt Benedikt Guðbjartssyni
hdl. sem færði félaginu vandaða fundagerð-
arbók.
Í upphafi fundar gerði formaður undirbún-
ingsnefndar grein fyrir störfum nefnd-
arinnar og svaraði gagnrýni á störf hennar.
Á dagskrá fundarins var það markverðast að
Finnur Torfi Hjörleifsson, fv. dómstjóri Hér-
aðsdóms Vesturlands, hélt fróðlegt erindi
sem hann nefndi „Fýsnin til fróðleiks og
skrifta“ og Ingi Tryggvason hdl. fór með
gamanmál. Var gerður góður rómur að máli
þeirra. Loks var stutt spurningakeppni undir
stjórn formanns undirbúningsnefndar og
hlaut sigurvegarinn, Björg Ágústsdóttir, veg-
legan farandgrip til varðveislu.
Í stjórn félagsins voru sjálfkjörnar Björg
Ágústsdóttir, bæjarstjóri í Grundarfjarð-
arbæ, Anna Birna Ragnarsdóttir, sýslumaður
í Búðardal, og Hjördís Stefánsdóttir, stað-
gengill sýslumannsins í Borgarnesi.
Lögfræðingar víðs vegar af Vesturlandi voru á fundinum.
Lögfræðingar á Vesturlandi stofna félag
HREPPSNEFND Skorradalshrepps hefur
samþykkt að ganga til sameiningarviðræðna við
Borgarfjarðarsveit, Borgarbyggð og Hvítár-
síðuhrepp og hefur Davíð Pétursson, oddviti í
Skorradalshreppi, þegar óskað eftir fundi með
forsvarsmönnum umræddra sveitarfélaga. Í
bókun hreppsnefndarinnar er þó mælt með að
reynt verði að koma böndum á umfang nefnd-
arstarfa og aðkeypta þjónustu sérfræðinga og
nýta þau gögn sem til eru frá fyrri sameining-
arviðræðum.
Meirihluti með viðræðunum
Ákvörðunin um að óska eftir sameiningarvið-
ræðum kemur í kjölfar skoðanakönnunar á
meðal íbúa í Skorradalshreppi þar sem þeir
voru beðnir að velja á milli þriggja kosta og
nefna þann besta, næstbesta og lakasta.
Þrjátíu og fimm svör bárust, þar af voru tveir
auðir seðlar en 55 íbúar munu búa í hreppnum.
Af þeim sem tóku afstöðu í könnuninni töldu
nítján eða um 57% það vera besta kostinn að
óskað væri eftir sameiningarviðræðum með
Borgarbyggð, Borgarfjarðarsveit og Hvítár-
síðuhreppi en um 40% töldu það aftur á móti
vera versta kostinn. Rúmlega 36% töldu best að
Skorradalshreppur héldi að sér höndum og leit-
ast væri við að sveitarfélagið yrði áfram sjálf-
stætt en aðeins 6% töldu best að óska eftir sam-
einingarviðræðum með Hvalfjarðarstrandar-
hreppi, Skilmannahreppi, Innri-Akraneshreppi
og Leirár- og Melahreppi. Liðlega 63% töldu
það þó vera næstbesta kostinn.
Davíð Pétursson, oddviti Skorradalshrepps,
segir ljóst að meirihluti sé fyrir sameiningarvið-
ræðum en tekur jafnframt fram að ekki hafi
mörg „atkvæði“ þurft að sveiflast til í könn-
uninni til þess að breyta niðurstöðunum. „Þann-
ig að það verður að vera greinilegt að menn sjái
einhvern hag í þessu svo menn geti átt von á því
að slíkt myndi ná fram að ganga í kosningum,“
segir Davíð.
Páll S. Brynjarsson, bæjarstjóri í Borgar-
byggð, segist fagna þessari ákvörðun hrepps-
nefndar Skorradalshrepps enda hafi menn í
Borgarbyggð verið þess fúsir um nokkra hríð
að fara í slíkar viðræður. „Við teljum það mjög
jákvætt að öll sveitarfélög á þessu svæði verði
eitt sveitarfélag.“
Páll segir samningafund enn ekki hafa verið
boðaðan en hann reikni með að það verði hald-
inn fundur í næstu viku þar sem aðild Skorra-
dalshrepps að viðræðunum verði rædd og geng-
ið frá henni.
Sveinbjörn Eyjólfsson, oddviti í Borgarfjarð-
arsveit, segir sér lítast mjög vel á það að
Skorradalshreppur komi að sameiningarvið-
ræðum. „Við höfum leynt og ljóst hinkrað að-
eins í okkar starfi á meðan þeir voru að fara yfir
sín mál því okkur fannst það vera eðlilegt að
þessir ágætu nágrannar væru með,“ segir
Sveinbjörn.
Skorradalshreppur
reiðubúinn í sam-
einingarviðræður