Morgunblaðið - 29.02.2004, Síða 72

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 29. FEBRÚAR 2004 VERÐ Í LAUSASÖLU 300 KR. MEÐ VSK.
ENSKA tónskáldið John Taverner samdi
verk fyrir Björk Guðmundsdóttur sem hún
hljóðritaði með Brodsky-kvartettinum.
Verkið hefur aldrei heyrst opinberlega en
kemur nú út á geisladiski í fyrsta sinn.
Plötufyrirtækið Naxos, stærsta útgáfa á
sígildri tónlist í heimi, gefur diskinn út.
Taverner samdi verkið eftir að hafa hitt
Björk fyrir nokkrum árum, en hann segist
hafa hrifist af rödd hennar fyrir frum-
stæða orkuna sem búi í henni. „Það besta
við röddina fannst mér og finnst enn að
hún er ekki mótuð af vestrænni hefð,
óbeisluð og hrífandi,“ segir Taverner og
bætir við að hann þekki vel til tónlistar
Bjarkar, til að mynda sé lagið An Echo A
Stain af Vespertine svo þrungið tilfinn-
ingum að jafnist á við Schubert. /22
Líkir Björk
við Schubert
Morgunblaðið/Árni Sæberg
LÖGREGLAN í Reykjavík var
kölluð að húsi í vesturbænum í
Reykjavík um miðnætti á föstu-
dagskvöldið en þar hafði fólki verið
ógnað með skotvopni.
Samkvæmt upplýsingum lög-
reglu virðist aðdragandi málsins
vera sá að 18 ára karlmanni hafi
ekki líkað hávaði frá gleðskap sem
var í nágrannahúsi. Þegar ekki var
tekið undir kvörtun mannsins sótti
hann skotvopn og ógnaði gestum
og hafði í hótunum við þá. Ók hann
síðan í burtu í bifreið.
Skömmu síðar stöðvaði lögregl-
an bifreiðina á Vatnsmýrarvegi og
voru fimm einstaklingar handtekn-
ir og fluttir á lögreglustöð. Einum
þeirra var sleppt að loknu viðtali
en hinir bíða nú yfirheyrslu lög-
reglu. Við leit lögreglu fannst af-
söguð haglabyssa og skotfæri.
Ógnaði ná-
grönnum
með byssu
DÝRIN í Þórukoti í Víðidal eru mörg og mis-
jöfn að stærð og látum. Í fjósinu lúra kus-
urnar ljúfar og rólegar og virða forvitnar
fyrir sér gestkomandi á bænum, þó með þann
fálætislega svip sem gefur í skyn að hér sé
nú ekki um neitt nývirki að ræða.
Fjörkálfurinn atarna er hins vegar ekki
eins veraldarvanur og vildi óður og upp-
vægur heilsa upp á gestinn með gleði og kát-
ínu þeirri sem einkennir ungdóminn. Brönd-
ótti fjósakötturinn hefur greinilega tileinkað
sér fyrirsætustörf í gegnum tíðina og er
þaulvanur gapandi linsu ljósmyndarans.
Hann heldur stellingunni með þokka og
reynslu atvinnukattarins en virðist þó hugsa
fjörkálfinum þegjandi þörfina fyrir að
skemma fyrir sér augnablikið með ærslum og
kálfslátum.
Morgunblaðið/Eggert
Fjörkálfur og fjósaköttur
Á FÖSTUDAGINN var undirritaður við-
aukasamningur milli Vöku-Helgafells, eins
forlaga Eddu útgáfu, og fjölskyldu Halldórs
Laxness um útgáfu og kynningu á öllum
verkum hans bæði hér-
lendis og erlendis.
Samningurinn gildir til
ársins 2008.
Þessi samningur felur
í sér að á vegum forlags-
ins verði starfrækt
Skrifstofa Halldórs Lax-
ness. Samkvæmt þess-
um samningi mun Skrif-
stofa Halldórs Laxness
hafa það að meginmarkmiði að stuðla að
sem víðtækastri útbreiðslu á verkum
skáldsins og halda nafni Halldórs Laxness
hátt á lofti. Hún mun hafa allsherjarumsjón
og yfirsýn með upplýsingagjöf um verk
Halldórs Laxness ásamt allri samningagerð
um notkun á verkum hans í hvaða formi sem
kann að vera.
Að sögn Páls Braga Kristjónssonar, for-
stjóra Eddu, styrkir þessi viðauki útgáfu-
samninginn um verk Halldórs Laxness til
muna. „Laxness er því ekki á leiðinni frá
Eddu,“ segir Páll Bragi.
Höfundar eru heldur ekki á leiðinni frá
Máli og menningu, að sögn Páls Valssonar,
útgáfustjóra forlagsins, þó að Halldór Guð-
mundsson, fyrrverandi útgáfustjóri Máls og
menningar til margra ára, hafi gengið til
liðs við JPV-útgáfu í liðinni viku. „Ég veit
ekki til þess að neinn sérstakur óróleiki sé
hjá mínum höfundum,“ segir Páll.
Opnar Skrif-
stofu Hall-
dórs Laxness
 Hræringar/32
Útgáfusamningur
Vöku-Helgafells um
verk Laxness til 2008
Halldór Laxness
STJÖRNUSPEKIÞJÓNUSTA í
farsímakerfum, viðskipta-
hugmynd, sem Gunnlaugur Guð-
mundsson stjörnuspekingur
hrinti í framkvæmd hér á landi
með stofnun fyrirtækisins Tel-
enstar árið 2001, hefur verið
markaðssett víða um heim.
Þessa dagana er verið að ganga
frá samningum við bandaríska
símafyrirtækið Verizon Wireless
með 35 milljónir notenda, og
Vodafone í Þýskalandi með 25
milljónir not-
enda, og hafin
er vinna við
þýðingu yfir á
þýsku. Enn-
fremur er að
fara af stað
þýðing á
spænsku fyrir
stærsta símafyrirtæki Spánar.
„Auk íslensku símafyrirtækj-
anna, Símans og Og Vodafone,
eru öll helstu símafyrirtæki
Bretlands, O2, Vodafone, Or-
ange og T Mobile, að bjóða not-
endum sínum vöru frá okkur,“
segir Gunnlaugur í viðtali í
Tímariti Morgunblaðsins í dag.
Í Bretlandi er stjörnuspeki-
þjónustan markaðssett sem
TimeOut Stars, í samvinnu við
TimeOut-fjölmiðlafyrirtækið.
„Við erum einnig á Indlandi,
Singapúr, Rúmeníu, Danmörku,
Portúgal, Litháen, Ástralíu og
Nýja-Sjálandi,“ segir Gunn-
laugur, en tekur skýrt fram að
þótt allt líti ágætlega út í dag
geti brugðið til beggja vona því
allt sé í heiminum hverfult. „Það
má ekki ætlast til þess að
stjörnuspekingar geti ráðið
göngu himintunglanna. Veð-
urfræðingar geta ekki ráðið
veðrinu þótt þeir spái í það. Og
þeir þurfa að fara út úr húsi þótt
rigni eða snjói.“
Íslensk stjörnuspeki til tólf landa
 Tímarit Morgunblaðsins
Gunnlaugur
Guðmundsson
STARFSMENN í öldrunarþjón-
ustu eru undir miklu líkamlegu og
andlegu álagi. Þetta kemur fram í
rannsókn sem Vinnueftirlit ríkis-
ins gerði en greinar upp úr henni
hafa verið að birtast að undan-
förnu í erlendum fagtímaritum.
Meðal þess sem rannsóknin
leiddi í ljós var að 74% svarenda
sögðu starfið líkamlega erfitt.
Sýndu niðurstöðurnar sterk tengsl
á milli tiltekinna vinnuskipulags-
þátta og þess að vera andlega úr-
vinda í lok vinnudags, þess að finn-
ast starfið andlega erfitt og lítillar
starfsánægju. Meira en helmingur
starfsmanna sagðist oft eða stund-
um vera líkamlega eða andlega úr-
vinda eftir vinnuvaktirnar. Sjúkra-
liðar og ófaglærðir í umönnun eru
þeir hópar sem töldu starfið einna
erfiðast og voru helst úrvinda eftir
vinnu.
Um 12% starfsfólks höfðu orðið
fyrir áreitni, ofbeldi eða hótunum í
vinnunni og könnunin leiddi einnig
í ljós að um 5% sögðust misnota
áfengi, annaðhvort að eigin mati
eða annarra. Þegar áfengisnotkun-
in var skoðuð nánar kom í ljós að
yfirmenn á öldrunarstofnunum
neyttu oftar áfengis en undirmenn
þeirra.
Könnunin fór þannig fram að
spurningalisti var lagður fyrir
1.886 starfsmenn á 62 öldrunar-
stofnunum eða öldrunardeildum
sjúkrahúsa um allt land. Alls feng-
ust 1.515 svör eða frá um 80% úr-
taksins. Þar af voru konur um 96%
og karlar 4%.
Slítandi og þögult starf
Kristinn Tómasson, yfirlæknir á
rannsókna- og heilbrigðisdeild
Vinnueftirlitsins, segir að rann-
sóknin hafi verið áhugaverð þar
sem álagið sé mikið á starfsfólki í
öldrunarþjónustu.
„Það má segja að þetta sé slít-
andi og þögult starf, sem ekki er
mikið fjallað um.“ segir Kristinn.
Rannsókn meðal starfsmanna í öldrunarþjónustu
Starfsfólkið úrvinda
í lok hvers vinnudags
 Undir miklu/12
♦♦♦