Morgunblaðið - 06.04.2004, Qupperneq 8

FRÉTTIR
8 ÞRIÐJUDAGUR 6. APRÍL 2004 MORGUNBLAÐIÐ
Það var nú aldeilis kominn tími til að prinsarnir okkar færu að iðka konunglegar íþróttir.
Meistaranámið á Bifröst
Að mennta
stjórnendur
Viðskiptaháskólinn áBifröst hyggstefna til kynningar
á möguleikum til meist-
aranáms við skólann í dag
kl. 17.00 á Grand hóteli
Reykjavík, en skólinn hef-
ur boðið upp á slíkt nám
frá því í júlí á síðasta ári.
Á dögunum var kynnt
samstarf skólans og
ReykjavíkurAkademíunn-
ar um nýja námsleið í
menningar- og mennta-
stjórnun innan MA-náms í
hagnýtum hagvísindum.
Magnús Árni Magnússon,
aðstoðarrektor og deildar-
forseti viðskiptadeildar,
hefur haldið utan um upp-
byggingu meistaranáms
við viðskiptadeild skólans
og Morgunblaðið tók hann
af því tilefni tali. Fara svör hans
við nokkrum spurningum hér á
eftir.
– Hvers vegna er boðið upp á
meistaranám á Bifröst?
„Skólinn hefur allt frá stofnun
hans árið 1918 haft það að mark-
miði að mennta stjórnendur og
leiðtoga fyrir atvinnulíf og sam-
félag. Þar af leiðandi hefur hann
viljað staðsetja sig sem síðasta
viðkomustað í menntunarferli
einstaklings áður en út í atvinnu-
lífið er komið. Árið 1918 dugði að
fara á nokkurra vikna námskeið
til að komast í góðar stjórnunar-
stöður, en í dag er krafan til slíks
fólks í sífellt meira mæli orðin
meistarapróf. Til þess að halda
áfram að skila fólki beint út í
stjórnunarstöður í samfélaginu
var því talið nauðsynlegt að taka
þetta skref. Að auki er skólinn
með þessum hætti að styrkja
rannsóknarstarf sitt og stöðu sem
viðskiptaháskóli í fremstu röð.“
– Hvers konar meistaranám er
í boði á Bifröst? Er það eingöngu
tengt viðskiptum og stjórnun?
„Boðið er upp á tvenns konar
gráður á Bifröst, annars vegar
MS-gráðu í viðskiptafræði, sem
er hugsuð fyrir þá sem eru með
BS- eða BA-próf í viðskiptafræði,
rekstrarfræði eða tengdum
greinum, t.d. hagfræði, og vilja
styrkja stöðu sína á vinnumark-
aðnum og ná sér í hagnýta
menntun í viðskiptafræði. Hins
vegar er boðið upp á MA-gráðu í
hagnýtum hagvísindum, en hún
er þverfaglegri og sérstaklega
hugsuð fyrir þá sem hafa áhuga á
að dýpka fræðilegan skilning sinn
á samfélaginu og ná sér að auki í
hagnýta stjórnunarmenntun. Inn-
tökuskilyrði fyrir MA-námið er
BA, BS, B.Ed. eða sambærileg
gráða.
Innan beggja þessara leiða er
boðið upp á ákveðið val. Í MS-
leiðinni er boðið upp á sérhæf-
ingu í fjármálum, stjórnun og ný-
sköpunar- og frumkvöðlafræðum.
Hægt verður að blanda þessu
þrennu saman og jafnvel kúrsum
úr MA-náminu í svokölluðu opnu
vali. Þá velur fólk sér kúrsa og
sérhæfir sig í því sem það hefur
áhuga á með ritun rit-
gerðar.
Í MA-leiðinni er
boðið upp á enn fjöl-
breyttara val. Þar er
boðið upp á hagfræði-
val, Evrópufræðival,
stjórnsýslufræðival,
nýsköpunar- og frumkvöðlafræði-
val og í samvinnu við Landbún-
aðarháskólann á Hvanneyri er
boðið upp á umhverfis- og auð-
lindahagfræðival og svæðafræði-
val. Að auki er boðið upp á menn-
ingar- og menntastjórnunarval í
samvinnu við ReykjavíkurAka-
demíunna og er það nám hugsað
fyrir þá sem stjórna, eða hafa hug
á að stjórna skólum, menningar-
fyrirtækjum, söfnum og öðrum
stofnunum sem hafa með höndum
miðlun menningar og menntun-
ar.“
– Evrópufræði og menningar-
og menntastjórnun? Eru þetta
ekki gjörólíkir málaflokkar?
Hvernig getur slíkt val rúmast
innan sömu námsgráðunnar?
„Við byggjum MA-námið upp á
sameiginlegum kjarna, sem bygg-
ist á rannsóknaraðferðum og
kenningum hag- og félagsvísinda.
Viðskiptafræði og tengdar grein-
ar eru í eðli sínu mjög þverfagleg-
ar. Með valnámskeiðum og við
vinnslu lokaverkefnis er mögu-
legt að sérhæfa sig verulega á til-
teknu áhugasviði, án þess að
missa sjónar á hinum sameigin-
lega kjarna.“
– Þið auglýsið að meistaranám-
ið ykkar sé fyrir fólk sem stundar
vinnu. Hvað eigið þið við með því?
„Jú, reynslan af fyrsta vetrin-
um sýnir að námið hentar mjög
vel með vinnu. Nemendur byrja á
fimm vikna sumarönn á Bifröst,
sem hefst í ár hinn 11. júlí, þar
sem nemendum er boðið upp á
húsnæði fyrir sig og fjölskyldur
sínar á staðnum og halda svo
áfram í fjarnámi yfir veturinn.
Námskeiðum lýkur svo á annarri
sumarönn á Bifröst sumarið eftir.
Nemendur eru að taka námskeið
upp á 7,5 einingar á önn. Að nám-
skeiðunum loknum vinna nem-
endur annaðhvort 15
eða 30 eininga loka-
verkefni. Einnig er
vitaskuld hægt að vera
í fullu námi og vinna
lokaverkefnið samhliða
námskeiðunum. Mjög
góður rómur hefur ver-
ið gerður að þessu fyrirkomulagi,
enda fátt betra en að nema og
njóta lífsins í Borgarfirðinum í
júlí og ágúst.
Ég hvet þá sem áhuga hafa á
að koma og tala við okkur og nú-
verandi nemendur í meistara-
námi á Bifröst í dag kl. 17 á
Grand hóteli Reykjavík.
Magnús Árni Magnússon
 Magnús Árni Magnússon er
fæddur 14. mars 1968. Hann er
með BA-próf í heimspeki frá
Háskóla Íslands 1997, MA-próf
í hagfræði frá University of
San Francisco 1998 og M.Phil.-
próf í Evrópufræðum frá Cam-
bridge-háskóla í Englandi
2001. Hann hefur starfað sem
aðstoðarrektor Viðskiptahá-
skólans á Bifröst frá haustinu
2001 og deildarforseti við-
skiptadeildar frá 2003. Hann er
kvæntur Sigríði Björk Jóns-
dóttur, verkefnisstjóra í
Snorrastofu, Reykholti, og eiga
þau tvo syni.
…sem hafa
áhuga á að
dýpka fræði-
legan skilning
sinn
UM 45% landsmanna segjast vera
hlynnt því að flóðlýsa Gullfoss þeg-
ar dimma tekur að haust- og vetr-
arlagi en 43% er því andvíg. Þetta
kemur fram í viðhorfskönnun Þjóð-
arpúls Gallup.
Eldra fólk andvígara hugmynd-
inni en þeir sem yngri eru
12% svarenda í könnuninni taka
ekki afstöðu til flóðlýsingar Gull-
foss. Fram kemur í niðurstöðum
hennar að fylgni er á milli viðhorfa
til flóðlýsingar og aldurs svarenda.
Því yngra sem fólk er því hlynntara
er það flóðlýsingu og því eldra sem
fólk er því andvígara er það hug-
myndinni um að lýsa upp fossinn.
Morgunblaðið/RAX
45% eru hlynnt flóðlýsingu Gullfoss