Morgunblaðið - 08.04.2004, Side 23

AKUREYRI
MORGUNBLAÐIÐ FIMMTUDAGUR 8. APRÍL 2004 23
Ungmenni í atvinnuleit | Tólf
nemendur í 53,5 klst. starfstengdu
námi voru útskrifaðir fyrir skömmu.
Námið var sérstaklegt byggt upp
með það að markmiði að styrkja
stöðu ungmennanna í leit að atvinnu
og voru þar valdir þrír starfstengdir
þættir sem algengt er að ungu fólki
bjóðist störf við.
Þetta eru þættir tengdir verslun og
þjónustu, ræstingum og matvælum
og framreiðslu. Á lokadegi fram-
reiddu nemendur glæsilega þriggja
rétta máltíð sem borin var á borð fyr-
ir þá og gesti. Námið er hannað og
skipulagt af Símenntunarmiðstöð
Eyjafjarðar fyrir Svæðisvinnumiðlun
á Norðurlandi eystra.
Skíðaferð | Ferðafélag Akureyrar
ráðgerir að fara í gönguskíðaferð
laugardaginn 10. apríl nk. á Vind-
heimajökul og ganga á fjallið Strýtu.
Farið er upp með skíðalyftunum í
Hlíðarfjalli eins langt og komist
verður og þaðan gengið upp á brún
Hlíðarfjalls. Þaðan er síðan gengið
til SV vestan á Hlíðarfjalli, niður á
Vindheimajökul norðaustan við
Strýtu og svo upp norðausturhrygg
Strýtu á hátindinn.
Brottför frá skrifstofu FFA,
Strandgötu 23 kl. 9. Nánari upplýs-
ingar á skrifstofunni degi fyrir
brottför milli kl. 17.30–19.00.
Mór í Ketilhúsinu | Hljómsveitin
Mór leikur íslensk þjóðlög í nýjum
djassútsetningum á tónleikum í Ket-
ilhúsinu á laugardagskvöld, 10. apríl
kl. 21.30. Í hljómsveitinni Mór eru
þau Þórhildur Örvarsdóttir, söng-
kona, Kristján Edelstein gítarleik-
ari, Stefán Ingólfsson, bassaleikari
og Halli Gulli á trommur. Gilfélagið
efnir til tónleikanna.
BYGGING og rekstrarform nýs
leikskóla við Helgamagrastræti
29–41 var til umfjöllunar á síðasta
fundi skólanefndar. Nefndin hefur
óskað eftir því að umhverfisráð og
stjórn Fasteigna Akureyrarbæjar
hefji nú þegar undirbúning að
deiliskipulagi og hönnun á 4–6
deilda leikskólabyggingu við
Helgamagrastræti. Skólanefnd
óskar eftir því að framkvæmdum
verði hraðað þannig að hægt verði
að taka nýjan leikskóla í gagnið í
lok ágúst 2005.
Meirihluti skólanefndar sam-
þykkti að rekstur leikskólans verði
boðinn út og fól deildarstjóra
skóladeildar að vinna drög að út-
boðsgögnum sem verði lögð fyrir
fund skólanefndar 17. maí nk.
Hermann Jón Tómasson greiddi
atkvæði gegn því að reksturinn
verði boðinn út og lét m.a. bóka að
meirihluti skólanefndar hefði ekki
lagt fram nein haldbær rök fyrir
því að æskilegt sé að bjóða út
rekstur leikskólans. Þeir leik-
skólar sem séu reknir af sveitarfé-
laginu einkennist af faglegum
metnaði og sífellt meiri fjölbreyti-
leika, auk þess sem kostnaður við
rekstur þeirra sé sambærilegur
við það sem gerist í öðrum sveit-
arfélögum.
Deilt í nefnd um nýjan leikskóla við Helgamagrastræti
Rekstur skólans verði boðinn út
Foreldrar fjölmenntu á fund bæjar-
stjórnar á dögunum þar sem fjallað
var um málefni leikskóla.
Félagsvísindatorg | Elín Díanna
Gunnarsdóttir, verkefnastjóri fé-
lagsvísindaskorar við Félagsvísinda-
og lagadeild Háskólans á Akureyri,
heldur í dag fyrirlestur á félagsvís-
indatorgi skólans og kallar hann
Hlutverk sálfræð-
inga í líffæra-
ígræðsluteymi.
Fyrirlesturinn
verður í stofu 14
að Þingvallastræti
23 og hefst kl.
16.30.
Í erindi sínu ræðir Elín Díanna
„um hlutverk sálfræðinga í líffæra-
ígræðsluteymi og gerir grein fyrir
sálfræðilegu mati bæði á þeim sem
gefa og þiggja líffærin. Auk þess
fjallar hún um aðferðir sálfræðinnar
til stuðnings líffæraþegum,“ segir í
tilkynningu.
NÚ er allt orðið klárt fyrir páska-
dagskrána á Dalvík og í Ólafsfirði.
Starfsmenn skíðasvæðisins á Dal-
vík hafa lagt nótt við dag til að gera
svæðið klárt, færa til snjó og vinna
hann vel, hefðbundnar leiðir eru í
toppstandi og aðrar ótrúlega góðar
miðað við árstíma og tíðarfar und-
anfarið. Til dæmis er mun meiri snjór
núna en 2002 þegar Skíðamót Íslands
var haldið á Dalvík. Þá verður göng-
umót og opin göngubraut í Ólafsfirði.
Það verður líflegt á sviðinu sem
komið hefur verið fyrir á svölum
skíðaskálans á Dalvík, Hundur í
óskilum, Jóhanna Vala og nýja band-
ið, Ari í Árgerði, atriði úr Svarfdæla-
sögu Leikfélags Dalvíkur, uppistand
og fleira óvænt. Íslandsmeistarinn í
klakaskurði sýnir listir sínar á skíða-
svæðinu, Snjólistaverkasamkeppni,
séra Magnús G. Gunnarsson með
hugvekju, ævintýraferðir, sleðaferðir,
troðarferðir, páskaeggjamót, firma-
mót, þrautabraut og margt fleira í
boði alla páskadagana, segir í frétta-
tilkynningu.
Allir sem munu koma á skíði ein-
hverja páskadagana fá frítt á skíða-
svæðið á Dalvík annan í páskum.
Sundlaugin á Dalvík verður mun
lengur opin en venjulega og ýmsar
uppákomur, Kósýkvöld og fleira.
Laugardaginn 10. apríl á Dalvík-
urbyggð 30 ára kaupstaðarafmæli þá
er öllum gestum og gangandi boðið í
kaffiboð í Víkurröst á Dalvík.
Dalvík – Ólafsfjörður
Fjölbreytt dagskrá
um páskana
  
  
  
  
Málverkasýning | Lárus H. List
opnar í dag kl. 14.00 málverkasýn-
ingu í Deiglunni Listagili á Akureyri.
Þessi sýningu kallar listamaðurinn
Vor 2004. Lárus H. List hefur haldið
fjölmargar einkasýningar bæði hér
heima og erlendis og tekið þátt í fjöl-
mörgum samsýningum. Einnig hefur
hann skrifað skáldsögur og gefið út
ljóðabók. Slóðin á heimasíðu Lárusar
List er http://larushlist.com.
Á þessari páskasýningu sem er
sölusýning sýnir Lárus List 16 olíu-
málverk sem öll eru máluð með olíu á
striga. Sýninginn er opin kl. 14–18 og
lýkur sunnudaginn 18. apríl og eru
allir velkomnir á sýninguna.